Chapter 27 - prāyaścittam

ācāryasyartvijāṃ caiva pūjakasya viśeṣataḥ |
yathoktavaraṇe hīne śāntiṃ kuryādyathāvidhi || 1 ||
[Analyze grammar]

abjāgnau tu mahāśāntiṃ daśavāraṃ hunettataḥ |
yathoktaṃ varaṇaṃ kṛtvā paścātkarma samācaret || 2 ||
[Analyze grammar]

aṅkurārpaṇakāle tu brahmādīnāmathār'cane |
havirnivedane vāpi hīne śāntiṃ samācaret || 3 ||
[Analyze grammar]

taddaivatyaṃ vaiṣṇavaṃ ca hutvābhyarcya nivedayet |
aṅkurārpaṇahīne tu vaiṣṇavaṃ viṣṇusūktakam || 4 ||
[Analyze grammar]

puruṣasūktaṃ ca brāhmaṃ ca vyāhṛtīśca hunettathā |
punarapyaṅkurān kṛtvā paścātkāryaṃ samācaret || 5 ||
[Analyze grammar]

kṛtvāṃkurārpaṇaṃ paścānnācaretkarma cettataḥ |
rājarāṣṭravināśassyānmahāśāntiṃ samācaret || 6 ||
[Analyze grammar]

kṣama'sveti praṇamyaiva punaraṅkuṃmācaret |
akṣyunmeṣāttu pūrvaṃ cetpīṭhasaṃghātakarmaṇi || 7 ||
[Analyze grammar]

alābhe caiva ratnānāṃ vaiṣṇavaṃ viṣṇusūktakam |
sūktaṃ tu pauruṣaṃ brāhmaṃ saumyaṃ caiva tu vyāhṛtiḥ || 8 ||
[Analyze grammar]

hutvā suvarṇaṃ bahuśa stattatthsāne vinikṣipet |
akṣyunmeṣaṇakāle tu gavādīnāmasaṃbhave || 9 ||
[Analyze grammar]

darśanadravyarūpāṇāṃ yathālābhaṃ pragṛhya ca |
tattaddravyādhidaivatyaṃ vaiṣṇavaṃ juhuyātkramāt || 10 ||
[Analyze grammar]

tattaddravyaṃ ca saṃpādya vidhivaddarśayetpunaḥ |
akṣyunmeṣaṇahīne vā rāhusaurodaye'tha vā || 11 ||
[Analyze grammar]

andhakecaiva nakṣatre kṛte caivākṣimocane |
sarvanāśo bhavettasmādvaiṣṇavaṃ viṣṇusūktakam || 12 ||
[Analyze grammar]

navagrahādimantrāśca hutvākṣyunmīlanaṃ caret |
pañcagavyādiṣu dravyeṣvadhivāse vivarjite || 13 ||
[Analyze grammar]

hutvā vaiṣṇavamārṣañca viṣṇusūktaṃ tathaiva ca |
jalādhivāsaṃ triyahamekāhaṃ vāpi kālayet || 14 ||
[Analyze grammar]

yajñālaye mahāvedyāṃ kṛtāyāmapramāṇataḥ |
anyadeśakṛtāyāṃ vā vihīnāyāṃ ca śobhanaiḥ || 15 ||
[Analyze grammar]

tattaddeśādhidaivatyaṃ vaiṣṇavaṃ viṣṇusūktakam |
śrībhūdaivatyaṃ ca hutvaiva yathoktaṃ punarācaret || 16 ||
[Analyze grammar]

dhruvaberākṣimokṣānte yadi beraṃ na śodhayet |
viparīte'pi vā hutvā vaiṣṇavaṃ viṣṇusūktakam || 17 ||
[Analyze grammar]

puruṣasūktaṃ raudramārṣaṃ vāruṇaṃ ca punaścaret |
agnikuṇḍānyavidhinā kṛtānyālakṣya satvaram || 18 ||
[Analyze grammar]

brāhmaṃ saumyamathāgneyaṃ vidhinā kārayettataḥ |
apramāṇeṣu kūrcādiṣvājyapātra sruvādiṣu || 19 ||
[Analyze grammar]

mindāhutī ca sāvitraṃ vyāhṛtīśca hunedbadhaḥ |
pañcāgniṣu yathāsthānaṃ prokṣaṇollekhane kṛte || 20 ||
[Analyze grammar]

mathitāgnāvalābhe tu prāpya cācāryamandiram |
atha vā śrotriyāgārādāhṛtyāgniṃ samācaret || 21 ||
[Analyze grammar]

nidhāya gārhapatyegnimāghāraṃ juhuyādbudhaḥ |
vaiṣṇavaṃ bhūmidaivatyamāgneyaṃ ca hunetkramāt || 22 ||
[Analyze grammar]

tamagniṃ vardhayitvātu dakṣiṇāgnau praṇīya ca |
tata āhavanīyāgnāvāvasadhye tataḥ param || 23 ||
[Analyze grammar]

sabhye padmānale caivaṃ kramātpraṇayanaṃ caret |
viparīte praṇayane tattanmantravivarjite || 24 ||
[Analyze grammar]

vaiṣṇavaṃ pāvakaṃ brāhmaṃsaumyaṃ hutvā punaścaret |
tattadagniṣu cāghārātpūrvaṃ teṣāmathāntarā || 25 ||
[Analyze grammar]

nagacchedyadi gacchettu tattaddikpāladaivatam |
vaiṣṇavaṃ pāvakaṃ ceti prāyaścittaṃ hunaitkramāt || 26 ||
[Analyze grammar]

utpanne mathitāgnau tu śānte tatra pramādataḥ |
ādau praṇayanādarvāgathavāgniṣu sarvaśaḥ śāntiṃ yathoditāṃ kuryādagni sūktaṃ sahasraśaḥ |
taṇḍulairekajātīyairdviprasthaiḥ pācayeccaruṃ gavyaṃ ca navanītaṃ ca laukikānalasaṃskṛtam || 27 ||
[Analyze grammar]

saṃskārakāle saṃskuryāttadagniṃ mantravattadā |
ājyasthālyāmatha carau makṣikādiḥ patedyadi || 28 ||
[Analyze grammar]

tadvyapohyānyadādāya prājāpatyaṃ ca pāvakam |
vaiṣṇavaṃ ca hunedājye tvalabdhe nūtane pūnaḥ || 29 ||
[Analyze grammar]

vyapohya doṣaṃ taṃ darbhairuddīpyotpūya cācaret |
āghārite'gnau naṣṭe tu ayaṃ te yoni'muccaran || 30 ||
[Analyze grammar]

āropayecca samidhaṃ tadbhasmani yathārhataḥ |
udbuddhya'sveti nikṣipya vidhinā laukike'nale || 31 ||
[Analyze grammar]

vicchinnaṃ mindāhutī ca vaiṣṇavaṃ vyāhṛtipūrvakam |
paristarādidravyāṇāṃ dāhe bhede'tha nāśane || 32 ||
[Analyze grammar]

punastattacca saṃyojya mahāvyāhṛtipūrvakam |
āgneyaṃ mindāhutī ca vaiṣṇavaṃ ca hunedbudhaḥ || 33 ||
[Analyze grammar]

pātre'nukte sruvaṃ pātraṃ gṛhṇīyāddhomakarmaṇi |
havirviśeṣe'nu ktetu ghṛtaṃ vā saghṛtaṃ caru || 34 ||
[Analyze grammar]

dravye pramāṇahīne tu kāpilena ghṛtena vai |
vaiṣṇavaṃ viṃśatirhutvā paścātkāryaṃ samācaret || 35 ||
[Analyze grammar]

prāyaścittānale'nukte chullyāṃ nityānale'pi vā |
kriyāhīne viparyāse mantrāṇāṃ saṃkare'pi vā || 36 ||
[Analyze grammar]

vaiṣṇavaṃ vyāhṛtīścaiva vyāhṛtyantaṃ hunetkramāt |
puṇyāhahīne puṇyāhamantrāndvādaśaśo japet || 37 ||
[Analyze grammar]

vāstuhomavihīne tu tanmantrāndaśaśo hunet |
prāyaścittaviśeṣe yadyanukte vaiṣṇavaṃ tataḥ || 38 ||
[Analyze grammar]

viṣṇusūktaṃ pauruṣaṃ ca sūktaṃ hutvā samācaret |
ratnapratinidhī rukmaṃ dhātūnāṃ pāradaṃ tathā || 39 ||
[Analyze grammar]

bījānāṃ ca yavāḥ proktāḥ pūrvālābhe parassmataḥ |
ratnānāṃ praṇidhiṃ gṛhya vaiṣṇavaṃ viṣṇusūktakam || 40 ||
[Analyze grammar]

digdaivatyaṃ vaiṣṇavaṃ ca dhātūnāmatha tatparam |
bījānāṃ praṇidhiṃ gṛhya vāyavyaṃ vaiṣṇavaṃ tathā || 41 ||
[Analyze grammar]

hune dviṃśativāraṃ tu pratyekaṃ doṣaśāntaye |
vastrelakṣaṇahīne vā yukte chedādinā tataḥ || 42 ||
[Analyze grammar]

tattyaktvānyaṃ samāhṛtya śrīdaivatyaṃ ca vaiṣṇavam |
aṇḍajādidvalabdheṣu vastraṃ pratyekamāharet || 43 ||
[Analyze grammar]

vaiṣṇavaṃ śrībhūdaivatyaṃ hutvā kāryaṃ samācaret |
pramāṇahīneṣu punastoraṇādiṣu cātvaraḥ || 44 ||
[Analyze grammar]

pṛthagdvārādhidaivatyaṃ juhuyādviṃśatiṃ budhaḥ |
darbharajjvāṃ vihīnāyāṃ hunaidārṣaṃ ca vaiṣṇavam, || 45 ||
[Analyze grammar]

kuṃbhe pramāṇahīne vā doṣayukte'pi vā tathā |
vastrābhyāṃ varṇacihnaiśca hīne nātravaseddhariḥ || 46 ||
[Analyze grammar]

yatnena tāni nikṣipya vaiṣṇavaṃ viṣṇusūktakam |
puruṣasūktaṃ brāhmaṃ ca munimantrāṃśca pāvakam || 47 ||
[Analyze grammar]

juhuyāddaśakṛtvantu viprāṇāṃ bhojanaṃ caret |
ācāryadakṣiṇāndadyātsaphalaṃ bhavati dhruvam || 48 ||
[Analyze grammar]

bhinne tu sādhite kuṃbhe vaiṣṇapaṃ viṣṇusūktakam |
puruṣasūktaṃ brāhmamaindramāgneyaṃ cārṣameva ca || 49 ||
[Analyze grammar]

hutvā viṃśatikṛtvantu dadyādācāryadakṣiṇām |
brāhmaṇānbhojayitvaiva saṃpūjyaiva ca vaiṣmavān || 50 ||
[Analyze grammar]

anyatkuṃbhaṃ samāhṛtya pūrvavatsādhayedbudhaḥ |
spṛṣṭe tu sāthite kuṃbhe patitaiḥ kukkuṭādibhiḥ || 51 ||
[Analyze grammar]

tadvyapohyāryadādāya pūrvavatsādhayettathā |
vaiṣṇavaṃ viṣṇusūktaṃ ca puruṣasūktaṃ tathaiva ca || 52 ||
[Analyze grammar]

brāhmaṃ sauramathāgneyamaṣṭādhikaśataṃ yajet |
ācāryadakṣiṇāṃ dadyādvaiṣṇavānpūjayedvidhiḥ || 53 ||
[Analyze grammar]

sparśaduṣṭe tathā bere snapanaṃ śāstrataścaret |
pūrvoktāṃ niṣkṛtiṃ kṛtvā paścātkāryaṃ samācaret || 54 ||
[Analyze grammar]

nruvādīnāmalābhetu sruveṇaiva huneddhaviḥ |
śvakukkuṭādyaissaṃspṛṣṭe kuṇḍe taṃ taṃ vyapohya ca || 55 ||
[Analyze grammar]

kuṇḍaṃ tu pūrvavatkṛtvā kṛtvāghāraṃ yathāvidhi |
āgneyaṃ vaiṣṇavaṃ pañcavāruṇaṃ mūlahomakam || 56 ||
[Analyze grammar]

śataśo juhuyātkuryādbrāhmaṇānāṃ ca bhojanam |
alābhe samidhāṃ kṛhya pālāśīrvaṭasaṃbhavāḥ || 57 ||
[Analyze grammar]

āgneyaṃ vaiṣṇavaṃ brāhmaṃ hutvākāryaṃ samācaret |
darbhān kuśānvā samidho māsātītānpragṛhya ca || 58 ||
[Analyze grammar]

vāruṇaṃ vaiṣṇavaṃ brāhmaṃ saumyamāgneyameva ca |
ādityaṃ juhuyāccaiva doṣa śāntirbhavettathā || 59 ||
[Analyze grammar]

dadhi kṣīraṃ gṛhītaṃ cedājaṃ māhiṣameva vā |
vaiṣṇavaṃ brāhmamāgneyaṃ sauraṃ ca vyāhṛtīrhunet || 60 ||
[Analyze grammar]

anuktadeśādānītā mṛdo vā vālukāstathā |
agnikuṇḍārthamāhṛtya vāruṇaṃ vaiṣṇave hunet || 61 ||
[Analyze grammar]

ārdraṃ sadhūmaṃ durgandhaṃ lepayuktaṃ sakaṇṭakam |
jantuyuktaṃ kṣipedvahnāvindhanaṃ tatparityajet || 62 ||
[Analyze grammar]

anyatprakṣipya cāgneyaṃ vaiṣṇavaṃ vyāhṛtīrhunet |
vastrādidravye darbheṣu prapāyāṃ kūṭa eva vā || 63 ||
[Analyze grammar]

dagdhāyāmagninā brāhmaṃ vaiṣṇavaṃ saurameva ca |
āgneyaṃ vaiṣṇavamiti pratyekaṃ daśaśo hunet || 64 ||
[Analyze grammar]

kalaśanyāsaracanāviparyāne tu vaiṣṇavam |
paṅktīśadaivatyaṃ ca hunettataśśāstravadācaret || 65 ||
[Analyze grammar]

snapane tu viparyāne berasya juhuyādbudhaḥ |
pañcavāruṇamantrāṃśca vaiṣṇavaṃ ca yathāvidhi || 66 ||
[Analyze grammar]

śayane cedviparyāso vaiṣṇavaṃ śrīmahīmanūn |
kalaśasnānaśayane pratyekaṃ daśaśo hunet || 67 ||
[Analyze grammar]

hīne vā viparīte vā tatra hautrapraśaṃsane |
brāhmaṃ munīndramantrāṃścahunetpāriṣadāmapi || 68 ||
[Analyze grammar]

avāhanādāvarcāyāṃ viparīte vivarjite |
vaiṣṇavaṃ viṣṇusūktaṃ ca brāhmaṃ raundraṃ huneddaśa || 69 ||
[Analyze grammar]

sarveṣāmuktahomānāṃ viparīte vivarjite |
padmāgnau vaiṣṇavaṃ viṣṇusūktaṃ sūktaṃ ca pauruṣam || 70 ||
[Analyze grammar]

śayānamuddhareddevamakāle cāpyamantrakam |
hutvā śrībhūmidaivatyaṃ catuṣkṛtvantu śāyayet || 71 ||
[Analyze grammar]

hīne cādhyayane sārasvatamaṣṭādhikaṃ śatam |
prāyaścittaṃ ca hutvaiva yathāśāstraṃ samācaret || 72 ||
[Analyze grammar]

yathālābhaṃ ca gṛhṇīyādalābhe ṣoḍaśartvijām |
tantreṇa kārayetsarvameṣa śāstravidhissmṛtaḥ || 73 ||
[Analyze grammar]

pratiṣṭhāyāmutsavevā tathānyacchubhakarmaṇi |
kurvatāṃ tu puraścaryāmācāryasya rtvijāṃ tathā || 74 ||
[Analyze grammar]

āsnānāddīkṣitānāṃ tu nāśaucaḥparikīrtitaḥ |
mohādanuṣṭhitāśaucāḥpatantinarake'śucau || 75 ||
[Analyze grammar]

gṛhṇīyā tsaṃskṛtāṃstānvā punaranyānathāpi vā |
ācārya sthsāpakādīṃstu bhartsanādikamācaran || 76 ||
[Analyze grammar]

vaiṣṇavaṃ viṣṇusūktaṃ ca sūktaṃ pauruṣameva ca |
brāhmaṃ sārasvataṃ hutvā tānanujñāpya cācaret || 77 ||
[Analyze grammar]

ācāryadakṣiṇākāle'tīte hutvā tu vaiṣṇavam |
munimantrañca juhuyātpṛthagaṣṭottaraṃ śatam || 78 ||
[Analyze grammar]

yathoktadakṣiṇāṃ dadyādarthalobhaṃ na kārayet |
brāhmaṇānāmannadāne vihīne śāntimācaret || 79 ||
[Analyze grammar]

triyahaṃ tu mahāśānti staddoṣavinivāriṇī |
hantyalpadakṣiṇo yāgaḥ phalaṃ dadyātsadakṣiṇaḥ || 80 ||
[Analyze grammar]

yajñasya dakṣiṇā jīvastasmādyatnena pālayet |
iyaṃ tātkālikījñeyā bhūmimagre pradāpayet || 81 ||
[Analyze grammar]

arcakasyārcanārdhaṃ ca kuṭuṃbārthaṃ viśeṣataḥ |
bhūmibhogamakalpyaiva mahāśāntiṃ samācaret || 82 ||
[Analyze grammar]

asaṃkalpitavṛttistu devāvāso na vardhate |
arcakaḥ praṇidhiryasmādrājño rāṣṭrasya kalpate || 83 ||
[Analyze grammar]

tasmātsamāhitaḥ kuryādyathā pūjā na lupyate |
āpadyapi ca kaṣṭāyāṃ pūjāmetāṃ na lopayet || 84 ||
[Analyze grammar]

yadaiva lupyate pūjā yena kenāpi hetunā |
agrer'cakamiyāddoṣa ārdrameṣo'parādhyati || 85 ||
[Analyze grammar]

tasmāddāyena bhūmyādi sthiradānena sādaram |
rūḍhādhikāra evāgre pravartetār'caner'cakaḥ || 86 ||
[Analyze grammar]

yasmādarcanahīne tu rājarāṣṭrādisaṃkṣayaḥ |
tadgrāmavāsinastasmādrājā rāṣṭragatā api || 87 ||
[Analyze grammar]

bhagavatpūjanāheto rupakuryuḥ prayatnataḥ |
ārdrāparādho bhavati yasmāddoṣeṣu pūjakaḥ || 88 ||
[Analyze grammar]

taṃ vṛttikarśitaṃ dṛṣyvā rājā ca grāmavāsinaḥ |
sukhitaṃ taṃ tathā kuryuryathā devastathārcakaḥ || 89 ||
[Analyze grammar]

datvṛttimadhikāṃ cāpina śaṅkeyurasūyavaḥ |
yathārhamupayuñjīran svaśaktiṃ tatsukhāya vai || 90 ||
[Analyze grammar]

pratiṣṭhānte tu vidhivadarcake tvaprakalpite |
āsurī sā bhavedarcā kartā naivāpnu yātphalam || 91 ||
[Analyze grammar]

devena sārthamuddiṣṭaṃ yatkulaṃ pūjakasya tu |
tadatikramya pūjāṃ tu kārayeditareṇa cet || 92 ||
[Analyze grammar]

rauravaṃ narakaṃ yāti kartā kārayitā ca yaḥ |
tasmā tsarvaprayatnena śāstroktaṃ paripālayet || 93 ||
[Analyze grammar]

śvaḥ kāryamadya kurvīta pūrvāhṇe cāparāhṇikam |
na hi pratīkṣate mṛtyuḥ kartavyo dharmasaṃgrahaḥ || 94 ||
[Analyze grammar]

na tya ktavibhavo jātu bhavecca vibhave sati |
yathāśakti prakurvīta vibhavāṃśca na lobhayet || 95 ||
[Analyze grammar]

alābhe kautukādīnāṃ suvarṇaṃ nyasya vaiṣmavam |
viṣṇusūktaṃ nṛsuktaṃ ca vāyavyaṃ digadhīśvaram || 96 ||
[Analyze grammar]

sabhye'ntahomahīne tu vaiṣṇavaṃ pāvakaṃ tathā |
vyāhṛtīśca hunedvidvāndaśakṛtvassamāhitaḥ || 97 ||
[Analyze grammar]

agnigrahaṇahīne tu hutvā pūrvoktaniṣkṛtim |
śrotriyāvasathādagnimāhṛtyāghāravūrvakam || 98 ||
[Analyze grammar]

nityahomaṃ ca juhuyāttataḥ prabhṛti cācaret |
dhruvādāvāhayedyasmātkautukādi caturṣvapi || 99 ||
[Analyze grammar]

pramādātkuṃbhatīrthena teṣāmāvāhane kṛte |
iṣetve'tyādinā snāpya śīghraṃ śuddhena vāriṇā || 100 ||
[Analyze grammar]

anumānya ca deveśaṃ vaiṣṇavaṃ viṣṇusūktakam |
juhuyātpauruṣaṃsūktaṃ dhruvādāvāhayetpunaḥ || 101 ||
[Analyze grammar]

athanityārcanāyāntu prāyaścittaṃ pravakṣyate |
sūryodayācca madhyāhnātpūrva mastamayādapi || 102 ||
[Analyze grammar]

kavāṭodghāṭane hīne nityāgnau vā mahānane |
vaiṣṇavaṃ dhātrādidaivatyaṃ hutvā dauvārikaṃ tathā || 103 ||
[Analyze grammar]

śīghramudghāṭayeddvāraṃ devadevaṃ praṇamya ca |
amantrakamathānyairvā kavāṭodghāṭane kṛte || 104 ||
[Analyze grammar]

pūrvoktaṃ juhuyācchāntiṃ japeddvādaśasūktakam |
mārjanādiṣu hīneṣu nirmālyecāpyaśodhite || 105 ||
[Analyze grammar]

vaiṣṇavaṃ vāruṇaṃ hutvā vāyavyaṃ śāntameva ca |
yathāvatkārayetsarvaṃ mantreṇaiva punarguruḥ || 106 ||
[Analyze grammar]

dravyapratinidhistoyamalābhe tena cācaret |
devasya snapane hīne vaiṣṇave vāruṇaṃ hunet || 107 ||
[Analyze grammar]

apo hi'ṣṭhādibhirmantraissnāvayenniṣkṛtirbhavet |
paśnānnityaṃ prakurvīta snānaṃ nityārcanoditam || 108 ||
[Analyze grammar]

aśaktausnāpane prokṣyaṃ mantreṇa kuśavāribhiḥ |
vastrādīṃśca vyapohyaiva dhautavastraṃ samarpayet || 109 ||
[Analyze grammar]

nityaṃ snānamaśakyaṃ cedviṣṇupañcadineṣu vai |
snāpayeddevadeveśamiti kecidvadantihi || 110 ||
[Analyze grammar]

dhruvapīṭhetu nirmālyaṃ saṃśodhya punareva ca |
puṣpanyāsaṃ prakurvīta dhruve nityārcanaṃ bhavet || 111 ||
[Analyze grammar]

puṣpanyāsaṃ vinākuryātkautukasyārcanaṃ yadi |
vaiṣṇavaṃ viṣṇusūktaṃ ca puruṣasūktaṃ tadhaiva ca || 112 ||
[Analyze grammar]

hutvā ca viṣṇugāyatrīṃ puṣbanyāsaṃ kramāccaret |
saṃbandhakūrcahīnetu vaiṣṇavaṃ munimantrakam || 113 ||
[Analyze grammar]

hutvāsannyasya kūrcaṃ tu paścātkāryaṃ samācaret |
dhātrādyarcanahīne tu taddaivatyaṃ savaiṣṇavam || 114 ||
[Analyze grammar]

hutvārcayeddhātṛmukhāntathā pariṣadaḥ kramāt |
upacāraviparyāse kṣama'nveti praṇamya ca || 115 ||
[Analyze grammar]

anumānyārcayeddevaṃ hīne caiva tu vigrahe |
taddevatāmanuṃ japtvā vaiṣṇavaṃ ca viśeṣataḥ || 116 ||
[Analyze grammar]

punastadupacārādi pūjaye tsarvavigrahaiḥ |
uktadravye ṣvalabdheṣu puṣpaṃ toyamathākṣatam || 117 ||
[Analyze grammar]

gṛhītvā caiva tatsarvaṃ dhyātvā devaṃ samarcayet |
arcākāle'nyakālaṃ vā smaye vā mūṣikādibhiḥ || 118 ||
[Analyze grammar]

marutā vāpi vicchinnamajasraṃ dīpamādarāt |
dviguṇaṃ tu samuddīpya sauraṃ raudraṃ ca pāvakam || 119 ||
[Analyze grammar]

vaiṣṇavaṃ ca tathāhutvā punararcanamācaret |
tatkāle sarvadīpānāṃ nāśe doṣo mahattaraḥ || 120 ||
[Analyze grammar]

devaṃ śuddhodakaissnāpya kuśodairabhiṣicya ca |
pūrvoktāṃ niṣkṛtiṃ hutvā dviguṇaṃ tu nidevayet || 121 ||
[Analyze grammar]

bahudīpeṣucaikasminnaṣṭe tenana duṣyati |
mantrāṇāṃ skhalane mūrtyāpraṇavena sahācaret || 122 ||
[Analyze grammar]

arcākāle yavanikāhīne caiva prajāpatim |
vaiṣṇapaṃ caiva hutvā tu paṭaṃ kṛtvār'cayetpunaḥ || 123 ||
[Analyze grammar]

vedadūṣaka pāṣaṇḍa pāparogānvitairjanaiḥ |
pratilomādibhirlmecchairantyajātibhireva ca || 124 ||
[Analyze grammar]

tatkāle darśane hutvā vaiṣṇavaṃ brāhmameva ca |
raudraṃ ca pāvakaṃ hutvā vyāhṛtīśca tator'cayet || 125 ||
[Analyze grammar]

yadi cāvaraṇādbāhye pañcāśaddaṇḍakāntare |
manuṣyāṇāṃ mṛtissyāttaduddhṛtyaivārcayeddharim || 126 ||
[Analyze grammar]

naivārcanaṃ havirdānaṃ tataḥ pūrvaṃ samācaret |
dhruvakautukayoḥ kuryātpuṣpanyāsāvasānakam || 127 ||
[Analyze grammar]

paścātkālātyaye śāntiṃ hutvā dviguṇamarcayet |
ekakālārcane hīne dvitīye dviguṇaṃ caret || 128 ||
[Analyze grammar]

tṛtīye triguṇaṃ kuryādekāher'cāvivarjite |
vaiṣṇavaṃ viṣṇusūktaṃ ca puruṣa sūktaṃ tathaiva ca || 129 ||
[Analyze grammar]

hunecchrībhūmidaivatyaṃ dvyahe tu dviguṇaṃ bhavet |
tṣahe triguṇamevantu dvādaśāhāntamācaret || 130 ||
[Analyze grammar]

atīte dvādaśāhetu saṃdhāyaupāsanānale |
vaiṣṇavaṃ viṣṇusūktaṃ ca puruṣasūktaṃ tathaiva ca || 131 ||
[Analyze grammar]

ālaye pariṣaddeva mantrān hutvā ca śaktitaḥ |
kalaśaissnāpya deveśamabhyarcya havirarpayet || 132 ||
[Analyze grammar]

māsaṃ hīner'cane kuryādālayābhimukhe guruḥ |
sabhyāgnau vaiṣṇavaṃ viṣṇusūktaṃ sūktaṃ ca pauruṣam || 133 ||
[Analyze grammar]

hutvā śrībhūmidaivatyaṃ sarvadaivatyameva ca |
kalaśairaṣṭabhiśca tvāriṃśadbhissnāpayeddharim || 134 ||
[Analyze grammar]

viśeṣeṇa havirdadyāddvitīyedviguṇaṃ tathā |
tṛtīye triguṇaṃ caivaṃ vatsarānantu vardhayet || 135 ||
[Analyze grammar]

atīte vatsare caivaṃ padmāgnau saptavāsaram |
mahāśāntiṃ tu hutvaiva kṛtvā vaiṣṇavapūjanam || 136 ||
[Analyze grammar]

brāhmaṇānbhojayitvaiva śatāṣṭakalaśaiḥ punaḥ |
saṃsnāpya devadeveśaṃ punasthsāpana mācaret || 137 ||
[Analyze grammar]

akṣyunneṣādhivāsau tu punasthsāpanakarmaṇi |
hitvānyatsakalaṃ karma pūrvavattu samācaret || 138 ||
[Analyze grammar]

havirhīne janāssarvetadgrāmasthāssamīpagāḥ |
pīḍitāḥ kṣutpipāsādyairbhaveyurvyādhitā api || 139 ||
[Analyze grammar]

tasmādatiprayatnena havissamya ṅnivedayet |
hīne haviṣyeka kāle dvitīye dviguṇaṃ bhavet || 140 ||
[Analyze grammar]

tṛtīye triguṇaṃ kuryādekasmindivase gate |
vaiṣṇavaṃ śrīmahīmantrānmūrti homaṃ tathā hunet || 141 ||
[Analyze grammar]

devaṃ śuddhodakaissnāpya prabhūtaṃ tu nivedayet |
sopadaṃśamapakvaṃ ca śītaṃ paryuṣitaṃ tathā || 142 ||
[Analyze grammar]

pātrāntareṣvanikṣiptaṃ sāvaśeṣaṃ ca laṅghitam |
vivṛtaṃ srāvitaṃ caiva vikṛtaṃ dṛṣṭi dūṣitam || 143 ||
[Analyze grammar]

aprokṣitamathāspṛṣṭa magṛhītamamudritam |
havirnivedayeccettu vaiṣṇavaṃ śrīmahīmanūn || 144 ||
[Analyze grammar]

āgneyaṃ vāruṇaṃ caiva vāyavyaṃ daśaśo hunet |
dviguṇaṃ tu punaḥkṛtvā prabhūtaṃ tu nivedayet || 145 ||
[Analyze grammar]

nivedya cāśumispṛṣṭaṃ devaṃ saṃsnāpya mantrataḥ |
vaiṣṇavaṃ viṣṇugāyatrīṃ trayastriṃśatkramāddhunet || 146 ||
[Analyze grammar]

juhuyādvidhināśāntiṃ prokṣaṇairapi prokṣayet |
puṇyāhaṃ vācayitvaiva dviguṇaṃ cārcanaṃ haviḥ || 147 ||
[Analyze grammar]

vrīhyaṅgāratuṣairyukteśarkarādivimiśrite |
nivedite tu haviṣi mantreṇāṣṭākṣareṇa tu || 148 ||
[Analyze grammar]

vaiṣṇapyā caiva gāyatṣā mantraissaṃstūya vaiṣṇavaiḥ |
kṣama'svetyanumānyaiva praṇamayaiva ca yācayet || 149 ||
[Analyze grammar]

makṣikādyairjantubhiśca keśādyairapi dūṣite |
nivedite tu haviṣi śuddhodaissnāvyavai harim || 150 ||
[Analyze grammar]

vaiṣṇavaṃ viṣṇusūktaṃ ca śrībhūdaivatyameva ca |
aṣṭottaraśataṃ hutvā dviguṇaṃ tu nivedayet || 151 ||
[Analyze grammar]

mahāhaviṣi caitaintu saṃyukte tatra dūṣitam |
puruṣāśanamātraṃ tu vyapohya tadanantaram || 152 ||
[Analyze grammar]

bhasmāṃbhasākuśai rāpo hiraṇya pavamāna'kaiḥ |
prokṣya devaṃ susaṃprārdhya tadgṛhītvā nivedayet || 153 ||
[Analyze grammar]

pūrvamarkodayātpakva mupadaṃśamatho haviḥ |
koṣṇaṃ cedarpayetprātararcanāntena doṣabhāk || 154 ||
[Analyze grammar]

pūrva mastamayātpakvaṃ tathā sāyaṃ nivedayet |
asaṃskṛtaṃ tu tāṃbūlaṃ lepakeśānvitaṃ tathā || 155 ||
[Analyze grammar]

jantuspṛṣṭaṃ nivedyaiva vaiṣṇavaṃśrīmahīmanun |
hutvā saṃskṛtya tāṃbūlaṃ punaranyannivedayet || 156 ||
[Analyze grammar]

arcanāṃgeṣu cānyeṣu padārtheṣvevameva hi |
dūṣiteṣvadha hīneṣu tasya tasyādhidaivatam || 157 ||
[Analyze grammar]

mantraṃ sa vaiṣṇavaṃ hutvā punaranyaissamarcayet |
alābhe caiva sarveṣāṃ puṣpaṃ toyaṃ pragṛhyaca || 158 ||
[Analyze grammar]

saṃkalpyaiva pratinidhiṃ tattatsmṛtvā samarcayet |
nityahome vihīnetu vaiṣṇavaṃ daśaśo hunet || 159 ||
[Analyze grammar]

yathoktahomaṃ dviguṇamācarettadanantaram |
agnisaṃrakṣaṇe'śaktā vayante yo'nimuccaran || 160 ||
[Analyze grammar]

samidhyāropayetkuṇḍātpaścātsaṃsthāpya laukike |
nyasya copāvaro'hetipratyahaṃ juhuyātkramāt || 161 ||
[Analyze grammar]

surarṣimanujānāṃ tu balaṃ yasmātpṛvardhate |
tasmādbalissamākhyātastadarthaṃ pratyahaṃ harim || 162 ||
[Analyze grammar]

uktadravyeṣu cāvāhya triṣu kāleṣu deśikaḥ |
abhyarcya bhrāmayedevamaśaktaḥ kartumuttamam || 163 ||
[Analyze grammar]

yathoktapātre nikṣipya balidkavyantu kevalam |
tasyopari yathoktaṃ tu baliberaṃ ca vinyaset || 164 ||
[Analyze grammar]

śirasā dhārayanpātraṃ trirdvirvā sakṛdeva vā |
dene tataḥ parīyācca devāgāraṃ pradakṣiṇam || 165 ||
[Analyze grammar]

atha hitvā balidravyaṃ śibikādau gaje'thavā |
aropya yāne vidhivatkārayecca pradakṣiṇam || 166 ||
[Analyze grammar]

prātarbhramaṇahīne tu vaiṣmavaṃ saurasaumyakam |
prājāpatyaṃ ca juhuyāddhīne coktapradakṣiṇe || 167 ||
[Analyze grammar]

vaiṣṇavaṃ gāruḍaṃ hutvā balibhramaṇamācaret |
hīne prātarbalau kuryānmadhyāhne dviguṇaṃ balim || 168 ||
[Analyze grammar]

tathā hīne ca madhyāhne rātrau triguṇamācaret |
ekāhe tu balau hīne nityāgnau vā mahānane || 169 ||
[Analyze grammar]

vaiṣṇavaṃ viṣṇusūktaṃ ca puruṣasūktaṃ tathaiva ca |
digdaivatyaṃ ca hutvā tu pradakṣiṇanuthācaret || 170 ||
[Analyze grammar]

devālaṅkārahīne tu śrīdaivatyaṃ yajedbudhaḥ |
chatrapiñchādyalābhe tu vāruṇaṃ juhuyāttathā || 171 ||
[Analyze grammar]

alābhe cāmarādīnāṃ vāyavyaṃ caiva hūyate |
dīpālābhe pāvakaṃ ca vyāhṛtyantaṃ yajettrayam || 172 ||
[Analyze grammar]

dvyahe tu dviguṇaṃ kurvāttṣahe triguṇameva ca |
dvādaśāhāntamevaṃ syāddvādaśāhe gate tataḥ || 173 ||
[Analyze grammar]

aupāsanāgnimādhāya vaiṣṇavaṃ viṣṇusūktakam |
puruṣasūktaṃ ca śrībhūmidaivatyaṃ brāhma meva ca || 174 ||
[Analyze grammar]

raudraṃ digdevatāmantraṃ hutvaiva bhramaṇaṃ caret |
māne'tīte tu padmāgnau vaiṣṇavaṃ viṣṇusūktam || 175 ||
[Analyze grammar]

nṛsūktaṃ pāramātmīkamīṅkārādīṃ stadālaye |
pariṣaddevamantrāṃśca hutvā bhramaṇamācaret || 176 ||
[Analyze grammar]

dvimāse dviguṇaṃ kuryāttrimāse triguṇaṃ caret |
vardhaye dvatsarāntaṃ cāpyatīte vatsare punaḥ || 177 ||
[Analyze grammar]

sabhyaṃ saṃsādhya devābhimukhe vā dakṣiṇe nalam |
vaiṣṇavaṃ viṣṇusūktaṃ ca sūktaṃ pauruṣameva ca || 178 ||
[Analyze grammar]

śrībhūmyoścaiva daivatyaṃ sarvadaivatyameva ca |
hutvā cāryaṃ ca saṃpūjya balyuddharaṇamācaret || 179 ||
[Analyze grammar]

patite'nnabalau bhūmyāṃ bhinne jīrṇe ca pūrvavat |
balimāpādya hutvā ca vaiṣṇavaṃ gāruḍaṃ tathā || 180 ||
[Analyze grammar]

prājāpatyaṃ tu vidhinā tataḥ kuryātpradakṣiṇam |
balyuddharaṇakāle tu vighnaścedāpatettadā || 181 ||
[Analyze grammar]

sauraṃ saumyaṃ vaiṣṇavaṃ ca hutvā punarathācaret |
pātrālābhe haviḥpātraṃ hunaidādāya vaiṣṇavam || 182 ||
[Analyze grammar]

pramāṇahīne'nnabalau vaiṣṇavaṃ ca prajāpatim |
juhuyāddoṣaduṣṭe tu havirniṣkṛtimācaret || 183 ||
[Analyze grammar]

āvāhanaṃ vinā cānnabalau tu bhramaṇekṛte |
vaiṣṇavaṃ viṣṇusūktaṃ ca puruṣasūktaṃ tathaiva ca || 184 ||
[Analyze grammar]

hutvā śrībhūmidaivatyaṃ vidhinā bhramaṇaṃ caret |
balyagrakhaṇḍe vidhinā śāntāya tvanivedite || 185 ||
[Analyze grammar]

vaiṣṇavaṃ mūrtimantraṃ ca hutvaiva daśaśaḥ kramāt |
nivedya viṣvakcenāya pradāya mukhavāsanam || 186 ||
[Analyze grammar]

punaśca balyuddharaṇaṃ vidhinā kārayettataḥ |
akṛte balidāne tu prāśya pādodakaṃ hareḥ || 187 ||
[Analyze grammar]

prasādaṃ cāpi saṃprāśya punardviguṇamarcayet |
pravṛttāyāṃ tu pūjāyāṃ havirdānāntameva ca || 188 ||
[Analyze grammar]

tīrthaprasādadānaṃ vā pādukāgrahaṇaṃ tathā |
naśastamanyathā kṛtvā śāntihomaṃ samācaret || 189 ||
[Analyze grammar]

pūjānte pūjakātpūrvamanyastīrthādikaṃ pibet |
prasādaṃ vāpi gṛhṇīyāttatpūjā niṣphalā bhavet || 190 ||
[Analyze grammar]

mahāśāntiṃ tathā hutvā punaḥpūjāṃ samācaret |
tīrthaṃ puṣpaṃ tataḥ kṣīraṃ gandhaṃ ca tadanantaram || 191 ||
[Analyze grammar]

sarvāṇvapi havīṃṣyatra nāgavallīdalānyapi |
yadyanniveditaṃ deve dadyādagrer'cakāya ca || 192 ||
[Analyze grammar]

arcakastu harissākṣāccararūpo yatassmṛtaḥ |
nitye karmaṇi sarvatra pūjakaṃ pūrvamarcayet || 193 ||
[Analyze grammar]

ācārya marcakaṃ vātha tathā naimittiker'cayet |
yadyavaikhānaso vipraḥ kadāpi harimandire || 194 ||
[Analyze grammar]

samicchedagrasanmānaṃ taddevasya vimānanam |
yajamāno vipannassyādrājarāṣṭraṃ vinaśyati || 195 ||
[Analyze grammar]

ajñānādatha vā mohādācale danyathāyadi |
dviguṇaṃ tu samabhyarcya cānyaddviguṇa mācaret || 196 ||
[Analyze grammar]

aśucirvāpyanācāraḥ sadāvaikhānasa śśuciḥ |
pitā mṛṣyati putrāṇāṃ viśaṅkaṃ doṣasaṃcayam || 197 ||
[Analyze grammar]

pitā hi bhagavānviṣṇuputrāssyuḥ pūjakā hareḥ |
tasmātteṣu na kupyeta dīrghamāyurjijīviṣuḥ || 198 ||
[Analyze grammar]

ataḥparaṃ pravakṣyāmi niṣkṛtiṃ snapanāśritām |
nityaṃ naimittikaṃ kāmyaṃ trividhaṃ snapanaṃ bhavet || 199 ||
[Analyze grammar]

viṣuve cāyanadvandve snapanaṃ nityamucyate |
candra sūryoparoge yannaimittikamiti smṛtam || 200 ||
[Analyze grammar]

śeṣeṣu snapanaṃ yattatkāmyaṃ tu parikīrtitam |
nityasnāpanahīne tu vaiṣṇavaṃ viṣṇusūktakam || 201 ||
[Analyze grammar]

puruṣasūktaṃ vāruṇaṃ ca daśakṛtvo hunetpunaḥ |
snapanaṃ vidhivatkuryānni tyasnapana niṣkṛtiḥ || 202 ||
[Analyze grammar]

grahaṇe snapane hīne pūrvavanniṣkṛtiṃ caret |
kāmye ca pūrvavatkṛtvā śuddhodairabhiṣecayet || 203 ||
[Analyze grammar]

anyathā cenmahādoṣo yajamāno vinaśyati |
ālayātpurataścaiva uttare vā manorame || 204 ||
[Analyze grammar]

uttamaṃ snapanāgāramaiśānyāṃ madhyamaṃ bhavet |
paścime dakṣiṇe caivamadhamaṃ saṃprakīrtitam || 205 ||
[Analyze grammar]

āgneyyādiṣu koṇeṣu snapane vaiṣṇavaṃ tathā |
viṣṇusūktaṃ nṛsūktaṃ ca digīśānāṃ manuṃ hunet || 206 ||
[Analyze grammar]

snapanaṃ kārayetpaścādeṣā vyatyaya niṣkṛtiḥ |
saṃdhyākāletu saṃprāpte nimittasnapane tathā || 207 ||
[Analyze grammar]

naimittikaṃ samāpyaiva nityapūjaṃ samācaret |
anyathā vaiṣṇavaṃ mantraṃ śatavāraṃ japetsudhīḥ || 208 ||
[Analyze grammar]

pūrvarātrau pratisare hīne ca śayane tathā |
vaiṣṇavaṃ śrīmahīmantrān hutvā saudarśanaṃ tathā || 209 ||
[Analyze grammar]

śayyādhivāsanaṃ hitvā bandhayetkautukaṃ punaḥ |
emabere kautuke tu kartavye śayanaṃ vinā || 210 ||
[Analyze grammar]

baddhvā pratisaraṃ sadyassnapanaṃ samyagācaret |
kṛte'ṃkurārpaṇe hīne snapane vaiṣṇapaṃ tathā || 211 ||
[Analyze grammar]

saumyaṃ śrībhūmidaivatyaṃ vaighnaṃ hutvābhiṣecayet |
vināṃkurārpaṇaṃ cātha snāpayediti kecana || 212 ||
[Analyze grammar]

pramāṇahīne'dhike vā paṅktau snānāvaṭe'pi ca |
vaiṣṇavaṃ bhūmidaivatyaṃ paṅktīśasya manuṃ yajet || 213 ||
[Analyze grammar]

hīne śāntādyarcane ca vaiṣṇavaṃ śāntameva ca |
paṅktīśasyārcane hīne tanmantraṃ ca jayādīkān || 214 ||
[Analyze grammar]

indrādyarcanahīne tu tanmantraṃ vaiṣṇavaṃ hunet |
kalaśeṣvapramāṇeṣu vaiṣṇavaṃ vāyudaivatam || 215 ||
[Analyze grammar]

āgneyaṃ juhuyānmṛtsu hīnāsvatra ca vaiṣṇavam |
bhūdaivatyaṃ ca juhuyānmṛtsu sarvāsvayaṃ vidhiḥ || 216 ||
[Analyze grammar]

parvateṣyapramāṇeṣu vaiṣṇavaṃ pāvakaṃ hunet |
dhānyeṣu vaiṣṇavaṃ caiva vāyavyaṃ ca hunedbudhaḥ || 217 ||
[Analyze grammar]

aṅkureṣu vihīneṣu vaiṣṇavaṃ gāruḍaṃ tathā |
juhuyādvyāhṛtīścaiva yathārhaṃ saṃbharetpunaḥ || 218 ||
[Analyze grammar]

varṇahīneṣvamāneṣu maṅgaleṣu tu vaiṣṇavam |
aindraṃ ca juhuyātkuryādyathārhaṃ saṃbharedapi || 219 ||
[Analyze grammar]

pañcagavye mantrahīne vihīne yogakarmaṇi |
juhuyādvaiṣṇavaṃ raudraṃ mantreṇaiva suyojayet || 220 ||
[Analyze grammar]

uktapramāṇahīneṣu pañcagavyādiṣu kramāt |
pradhāneṣu jalaiḥpūrva dravyādhipamanuṃ tathā || 221 ||
[Analyze grammar]

vaiṣṇavenaiva mantreṇa saha hutvā samācaret |
prāśanaṃ prokṣaṃ vāpi śāstre'sminyatra codyate || 222 ||
[Analyze grammar]

ayameva vidhirjñeyaḥ pañcagavyasya sarvataḥ |
sādhite kalaśebhinne tvanyamādāya pūrvavat || 223 ||
[Analyze grammar]

āpūryābhyarcya daśaśo vaiṣṇavaṃ juhuyāttataḥ |
kalaśānāṃ viparyāme taddhṛtenaiva cāplute || 224 ||
[Analyze grammar]

vaiṣṇavaṃ dravyadaivatyaṃ hutvā saṃśodhya tatpunaḥ |
śuddhodaissnāpayeccaiva yathāvacca punarnyaset || 225 ||
[Analyze grammar]

kṛte tu kalaśanyāse śvakākādibhireva vā |
aspṛśyairvāpi saṃsparśe saṃsādhyānyattu pūrvavat || 226 ||
[Analyze grammar]

śāntiṃ vaiṣṇavamantrāṃśca hutvā kāryaṃ samācaret |
kṛmikīṭādipatane tattaddravyaṃ parityajet || 227 ||
[Analyze grammar]

anyadādāya juhuyādvaiṣṇavaṃ dravyadaivatam |
ratnālābhe vaiṣṇavaṃ tu hutvā svarṇaṃ tu nikṣipet || 228 ||
[Analyze grammar]

vastrālābhe vaiṣṇavaṃ ca śrīdaivatyaṃ ca hāvayet |
yathoktasnapane hīne kathaṃ citsnapanaṃ caret || 229 ||
[Analyze grammar]

atha vā kārayecchuddhasnapanaṃ vā vidhānataḥ |
ata ūrdhvaṃ pravakṣyāmi prāyaścittamathotsave || 230 ||
[Analyze grammar]

kālādibhedanteṣāṃ ca lakṣaṇaṃ ca puroditam |
puraskṛtya tithiṃ kecitkecinnakṣatrapūrvakam || 231 ||
[Analyze grammar]

saṃkalpayantyavabhṛthaṃ varamṛkṣāpavargakam |
akṛte niyate kālaṃ kṛte vāniyate tathā || 232 ||
[Analyze grammar]

kālotsave mahāndoṣastatra kuryāttuniṣkṛtim |
utsavātpūrvamuddisya mahāśāntiṃ tṣahaṃ caret || 233 ||
[Analyze grammar]

vijñāpya devadeveśaṃ tataḥ kālotsavaṃ caret |
anyathā tu kṛtaṃ kāryamakṛtaṃ syādasaṃśayam || 234 ||
[Analyze grammar]

anyasminvāpi māse tu na kuryādyadi cotsavam |
eṣa eva vidhiḥ proktaḥ parasminvatsare kṛte || 235 ||
[Analyze grammar]

evaṃ trivatsarebhyassyādata ūrdhvaṃ viśeṣataḥ |
saptāhantu mahāśāntiṃ kṛtvā tūtsava mācaret || 236 ||
[Analyze grammar]

eve dvādaśavarṣāntaṃ tataścasthāpanaṃ punaḥ |
tatra devo na ramate yo'sāvutsava daivatam || 237 ||
[Analyze grammar]

yatra devālaye viṣṇusthsāpyate prathamaṃ tataḥ |
tenaiva kārayetsarvamācāryeṇār'cakena ca || 238 ||
[Analyze grammar]

tadabhāve tu tatputraiḥpautraistadvaṃśajaistathā |
tanniyuktaistadīyairvāpūrvābhāve paraiścaret || 239 ||
[Analyze grammar]

anyathā kriyate cettu yajamāno vinaśyati |
utsavāhassu hīneṣu prāyaścittaṃ samācaret || 240 ||
[Analyze grammar]

vardhayedvaiṣṇavaṃ kāryaṃ hrāsayenna kadā cana |
pramādādvāpyaśaktau vā kṛtvā saṃprārthayeddharim || 241 ||
[Analyze grammar]

mahāśāntiṃ tu hutvaiva śeṣaṃ kuryātprayatnataḥ |
eṣa eva vidhirvṛddhau sa tu śreyo'bhivṛddhidaḥ || 242 ||
[Analyze grammar]

yadā tvavabhṛthedaivātkṛte vinimayena tu |
asaṃkalpitavatkuryāttatra pūrvokta niṣkṛtiḥ || 243 ||
[Analyze grammar]

pramādādbuddhipūrvaṃ vā tattadvelotsavādiṣu |
akṛteṣu yathāśāstraṃ kṛtvā tantreṇa vaipunaḥ || 244 ||
[Analyze grammar]

mantreṇa vā punassūkṣmaṃ kāle'vabhṛthamācaret |
yajñasyāpabhṛtho'ntassyānnotsavastadanantaram || 245 ||
[Analyze grammar]

akṛtotsavakāryāṇi yathoktaṃ pūrvamācaret |
nityotsavaṃ hareḥ kuryānnityaśrī rnityamaṅgalaḥ || 246 ||
[Analyze grammar]

harirnārāyaṇo devo nālaṃ devā stamarcitum |
ācārye yajamāne vā pūjake'nyapadārthini || 247 ||
[Analyze grammar]

naṣṭe sadyastadānyantu varayitvā samācaret |
na daivaṃ pratibadhnāti kāryaṃ yatkarma mānuṣam || 248 ||
[Analyze grammar]

deveśamanumānyātha mahāśāntiṃ tu padmake |
samṛto brahmamedhār'haḥ pūtaṃ tadgātramucyate || 249 ||
[Analyze grammar]

sarve padārthinaḥ proktā gurupūrvāḥpadārthinaḥ |
grāmāntaraṃ prayāte tu dīkṣāmadhye padārthini || 250 ||
[Analyze grammar]

aspṛśyasparśadoṣeṇa surāpānādinā tathā |
anuktadoṣairvā duṣṭe rogācchaucādyasaṃbhave || 251 ||
[Analyze grammar]

śāvādyāśausayogye vā śavānugamane tathā |
vāhane dāhane caiva pretānnaśrāddhabhoktari || 252 ||
[Analyze grammar]

śrāddhasya yājake śrāddhaśiṣṭabhoktaribhoktari |
doṣassyādvidhinā tatra mahāśāntimathācaret || 253 ||
[Analyze grammar]

śrāddhakartiri no doṣa statra dātā bhavetsahi |
parānnena mukhaṃ dagdhaṃ hastau dagdhau pratigrahāt || 254 ||
[Analyze grammar]

parastrībhirmanodagdhaṃ brahmaśāpaḥ kutaḥ kalau |
dīkṣāmadhye nānyadīkṣāṃ garbhadīkṣāṃ vinā caret || 255 ||
[Analyze grammar]

vidhure yajamāne tu dīkṣitaḥ puruṣo bhavet |
sadāro vā pyadārovā dīkṣitassyātkalatravān || 256 ||
[Analyze grammar]

daṃpatī yajamāno cedayamabhyudayo bhavet |
anagnimatyadāre vā gurau taṃ tu na dīkṣayet || 257 ||
[Analyze grammar]

anyasminpadabhājī syādyathāsaṃbhavamādaraḥ |
vaidhuryasaṃbhave tveṣāṃ madhye duṣyanti naiva te || 258 ||
[Analyze grammar]

vatsarāśaucamitaraccāśaucaṃ na pravartate |
mātāpitrormṛtau yattu proktamabhyudaye punaḥ || 259 ||
[Analyze grammar]

dhvajārohaṇahīne tu kṛte niṣphala utsavaḥ |
kṛtvaivārohaṇaṃ tasmāddhvajasyotsavamācaret || 260 ||
[Analyze grammar]

dhvajasyārohaṇaṃ kṛtvā nācaredyadi cotsavam |
ajñānādarthalobhādvāmāse'nyasmintsamācaret || 261 ||
[Analyze grammar]

nakuryācceddvitīye tu māse kartā vinaśyati |
tasmānniṣkṛtimabjāgnau hutvā tūtsavamācaret || 262 ||
[Analyze grammar]

vaiṣṇavaṃ viṣṇusūktaṃ ca nṛsūktaṃ caiva gāruḍam |
dhvājaṃ śāntaṃ ca cakraṃ ca tathaivotsavadaivatam || 263 ||
[Analyze grammar]

vyāhṛtyantaṃ ca hutvā tu vaiṣṇavānpūjya cācaret |
dhvajasya lakṣaṇaṃ vakṣye yena mānena kārayet || 264 ||
[Analyze grammar]

vimānena samaṃ vātha pādenār'dhena vādhikam |
pādenārdhena hīsaṃ vā pañcadhāpi prakalpayet || 265 ||
[Analyze grammar]

jayaśrīkīrtivijayamaṅgalākhyāḥ prakīrtitāḥ |
ardhahīnaṃ na kurvīta tadevāgatikaṃ bhavet || 266 ||
[Analyze grammar]

tasmāccahīnaṃ naiva syādadhikaṃ syāttu śaktitaḥ |
avakramṛjumanyenāsaṃbaddhaṃ kīlitādibhiḥ || 267 ||
[Analyze grammar]

ślakṣṇaṃ manoharaṃ dāru gṛhītvākhaṇḍamuttamam |
taṃ caturdaśadhā kuryāmmālāgre tena kārayet || 268 ||
[Analyze grammar]

bhāgamekaṃ vihāyāgre tatra kuryāttrimekhalāḥ |
mekhalānāmathāyāmastadbhāgena samo bhavet, || 269 ||
[Analyze grammar]

tritālavistṛtaṃ kuryāddaṇḍavistṛtameva vā |
antaraṃ ca samaṃ teṣāṃ tisraḥ kuryāttu yaṣṭikāḥ || 270 ||
[Analyze grammar]

yaṣṭī dve purataḥ kuryātpaścādekā vidhīyate |
sarvatra kiṅkiṇīnāṃ tu kuryācchatama śeṣataḥ || 271 ||
[Analyze grammar]

paścāccheṣaṃ tridhā kuryāccaturdhā vā dhvajaṃ budhaḥ |
aṣṭāśraṃ ca ṣaḍaśraṃ ca caturaśraṃ ca vṛttakam || 272 ||
[Analyze grammar]

mūlādārabhya kurvīta caturdhā vihitaṃ dhvajam |
tridhā kṛte na kuryāttu ṣaḍaśraṃ śeṣamācaret || 273 ||
[Analyze grammar]

ādyaṃ bhāgaṃ tridhā kṛtvā kecidevaṃ prakurvate |
śikharaṃ śira ityāhurardhena śikharaṃ bhavet || 274 ||
[Analyze grammar]

pramādātpatitaṃ gṛhya śikharaṃ sthāpayedvidhiḥ |
spuṭitevātha bhinne vā biṃbasyoktavadācaret || 275 ||
[Analyze grammar]

adhiṣṭite tu śikhare dvijairgṛdhrādibhissakṛt |
viṣṭhādikaraṇe vāpi uṣite vā nirantaram || 276 ||
[Analyze grammar]

vāstuhomaṃ ca hutvaiva paryagnikaraṇaṃ caret |
eṣa eva vidhiḥ prokto vimānaśikharādiṣu || 277 ||
[Analyze grammar]

adhiṣṭhānena pādena prastareṇa ca saṃyutam |
dhvajamūle tviṣṭakābhirvediṃ kuryānmanoharām || 278 ||
[Analyze grammar]

na tāmapyadhitiṣṭheta naro dīrghaṃ jijīviṣuḥ |
kiṃ punastatra vaktavyamālayādyavarohaṇe || 279 ||
[Analyze grammar]

vimānaṃ viṣṇurūpaṃ syānna tatpādādivā kramet |
dhāmapradakṣiṇe pūrvaṃ kuryāttatra namastriyāḥ || 280 ||
[Analyze grammar]

na laṅghayeddhvajachāyāṃ pradakṣiṇavidhiṃ vinā |
gopurasya vimānasya prākārasyālayasya ca || 281 ||
[Analyze grammar]

pramādādatilaṅghyaiva prāṇāyāmaśataṃ caret |
śivadṛṣṭiṃ viṣṇuvṛṣṭhaṃ durgāyāḥ pārśvato dṛśam || 282 ||
[Analyze grammar]

vighneśasyordhvadṛṣṭiṃ ca tīkṣṇamāhurmanīṣiṇaḥ |
yāvacchāvatarecchāyā tāvatī doṣabhūmikā || 283 ||
[Analyze grammar]

doṣabhūmiṃ parityajya nivāsaṃ parikalpayet |
tyāge saṃpatsamṛddhissyādanyathā viparītakṛt || 284 ||
[Analyze grammar]

radhyādibhiryathā bhūyādantaraṃ tanna doṣakṛt |
atha vā śatadaṇḍāntaṃ tyaktvānve vasatiṃ jaguḥ || 285 ||
[Analyze grammar]

yāvaddhāmāyataṃ dāvatpṛṣṭhaṃ vā mughameva vā |
tatodhikaṃ tacca tacca kecidāhurmanīṣiṇaḥ || 286 ||
[Analyze grammar]

dhvajaṃ nityamuśantyeke yatraiko hyanavāyiṣu |
tatrārohaṇakarmādi necchanti paramarṣayaḥ || 287 ||
[Analyze grammar]

autsavaṃ dhvajamāsthāpya tatra kāryaṃ prakurvate |
dhvajamekaṃ tu sarvatra kecidāhurmanīṣiṇaḥ || 288 ||
[Analyze grammar]

ataḥ paraṃ pravakṣyāmi dhvajadaṇḍe tu niṣkṛtim |
pramādātpatite bhūmyāṃ dhvaje vātādinā dṛḍhe || 289 ||
[Analyze grammar]

abhagne vātha bhagne vā dhvajaṃ tatra pūnaḥ kṣipet |
abhagne taṃ dhvajaṃ gṛhya kṛtvā mantreṇa takṣaṇam || 290 ||
[Analyze grammar]

adhivāsādikaṃ kṛtvā tatthsāne sthāpayedbudhaḥ |
bhagne dhvaje na sagrāhyastamapsu vidhinā tyajet || 291 ||
[Analyze grammar]

tato'nyaṃ dhvajamādāya sthāpayedavilaṃbitam |
corādyairbuddhipūrvaṃ vā pātite pūrvavadvidhiḥ || 292 ||
[Analyze grammar]

tatrādhikaṃ prakurvīta śilpibhistakṣaṇaṃ punaḥ |
abhagnadhvajavatkuryādanyatpūrvavadatvaraḥ || 293 ||
[Analyze grammar]

bhāgenānupayuktasya dhvajasya tyājyataiva hi |
duṣṭabhāgasya dānena na kadācitparigrahaḥ || 294 ||
[Analyze grammar]

atha vā sudṛḍaṃ gṛhya pratiṣṭhāṃ mahatīṃ caret |
duṣṭaṃ bhāgaṃ vyapohyaiva pramāṇaṃ lakṣayetpunaḥ || 295 ||
[Analyze grammar]

pramāṇamapramāṇaṃ vā dhvajaṃ nānyena dāruṇā |
saṃyutāṃ vardhitāṃ kuryādeṣa sārvatriko vidhiḥ || 296 ||
[Analyze grammar]

yantu tāmrādinā kuryāllohena kavacādikam |
bālālayaṃ prakalpyaiva tatrakāryaṃ samācaret || 297 ||
[Analyze grammar]

sthitameva dhvajaṃ kuryānna tu taṃ cālayetkvacit |
dagdhaṃ dhvajaṃ parityajya punaranyaṃ samāharet || 298 ||
[Analyze grammar]

dhvaje'ntyajātibhisspṛṣṭe mahāśāntimathācaret |
taissamīpamupetaintu sahasrāhutimācaret || 299 ||
[Analyze grammar]

patite vātyayā caivaṃ dhvajasya śikhare tathā |
mekhalāsu ca tatsarvaṃ navīkṛtya yathāvidhi || 300 ||
[Analyze grammar]

dhvajadaṇḍe tu saṃyojya pratiṣṭhāṃ punarācaret |
dhvajasya calane cāpi pramādādvraścane tathā || 301 ||
[Analyze grammar]

bhagnābhagna dhvajasyoktaniṣkṛtiṃ tu samācaret |
eṣa eva vidhiḥ prokto daṇḍeṣvanveṣu sarvataḥ || 302 ||
[Analyze grammar]

aśanyādinipātena dhāmanyantarite yadi |
deve naṣṭe dhvaje susthe dhvajasyārādhanaṃ bhavet || 303 ||
[Analyze grammar]

ālayaṃ ca punaḥkṛtvā tamevārādhayeddhvajam |
nirīkṣyatrīṇi varṣāṇi devāgāre tvanirmite || 304 ||
[Analyze grammar]

tatra devo na ramate taddhvajaṃ tu tyajetsudhīḥ |
atha vā yatra kutrāpi pratiṣṭhāpya samarcayet || 305 ||
[Analyze grammar]

atha vakṣye dhvajasthānaṃ yathāśāstraviniścitam |
piṭhagopurayormadhye pañcabhāgaṃ prakalpya ca || 306 ||
[Analyze grammar]

pīṭhāttyaktyā caturbhāgaṃ pañcame dhvajasaṃsthitiḥ |
tatsaṃdhau tu praśastaṃ syādyathā saṃphavamācaret || 307 ||
[Analyze grammar]

yadi prākārabāhye syāddhvajaśśāstravadācaret |
anuktasthānanihitaṃ taṃ ca śāstravadācaret || 308 ||
[Analyze grammar]

aśaktau punaranyaṃ ca prākāraṃ kārayetkramāt |
devadṛgviṣayaṃ kuryāddhvajaṃ laivāparokṣayet || 309 ||
[Analyze grammar]

yadā cānyālayairvāpi gopurādibhireva vā |
abhyantaraṃ bhaveccettu chidraṃ kuryāttu dṛkpathe || 310 ||
[Analyze grammar]

vṛkṣādyaiḥpatitairnaṣṭe cālite'vanate'pi ca |
taddhyajaṃ pūrvavatkuryāttrimāsābhyantare'tvaraḥ || 311 ||
[Analyze grammar]

kṛmyādibhirvihaṅgairvākoṭarādau kṛte dhvaje |
kṛtvā bālālayaṃ paścātsamīkṛtyārcayetpunaḥ || 312 ||
[Analyze grammar]

rajjubandhādikaraṇe dhvajasyārohaṇe kṛte |
bālālayaṃ na tatra syādvāstuśuddhiṃ samācaret || 313 ||
[Analyze grammar]

prākṣayetpañcagavyaistu dhvajamantreṇa hūyate |
ata ūrdhvaṃ pravakṣyāmi niṣkṛtāvarcanakramam || 314 ||
[Analyze grammar]

uktena vidhinā yatra naṣṭe duṣṭe'pi vā dhvaje |
punasthsāpanaparyantaṃ kuryādveṇudhvajaṃ śubham || 315 ||
[Analyze grammar]

atha vā kārayedvidvān suvarṇarajatādibhiḥ |
dhvajaṃ tālonnataṃ sthāpya garbhagehe tu pūjayet || 316 ||
[Analyze grammar]

adhivāsādi tatsarvaṃ pratiṣṭhoktavadācaret |
acalo veṇudaṇḍaḥ syādgarbhagehe bhaveccalaḥ || 317 ||
[Analyze grammar]

utsavādau tu sarvatra veṇudaṇḍaṃ samācaret |
caladaṇḍo veṇudaṇḍa iti syādutsavedvayam || 318 ||
[Analyze grammar]

utsavādau pravṛtte tu uktadoṣe tvayaṃ vidhiḥ |
dhvajasthaṃ garuḍaṃ tasmādavamucya samāhitaḥ || 319 ||
[Analyze grammar]

nītvātu yāgaśālāyāṃ saṃsthāpya tu samarcayet |
veṇudaṇḍaṃ pratiṣṭhāpya sadyastasminprayojayet || 320 ||
[Analyze grammar]

mahāśāntiṃ tathā kuryātsahasrāhutimeva ca |
vaiṣṇavaṃ viṣṇudaivatyaṃ gāruḍaṃ dhvājameva ca || 321 ||
[Analyze grammar]

saudarśanaṃ ca kūśmāṇḍān śatamaṣṭādhikaṃ yajet |
tathaiva dīpadaṇḍasya bhavetsarvatra cakramaḥ || 322 ||
[Analyze grammar]

dhvaje nāropayeddīpaṃ dīpadaṇḍaḥ pṛthagbhavet |
tatra dīpaṃ samāropya na labhetphalamavyayam || 323 ||
[Analyze grammar]

dhvaje dīpaṃ samāropya vaiṣṇavaṃ śataśo yajet |
āpatkalpaṃ pravakṣyanti dhvaje dīpāvarohaṇam || 324 ||
[Analyze grammar]

dīpayukte dhvaje naṣṭe pūrvavanniṣkṛtiṃ caret |
vīśapratiṣṭhāhīne tu dhvajasyārohaṇe kṛte || 325 ||
[Analyze grammar]

vaiṣṇavaṃ viṣṇusūktaṃ ca nṛsūktaṃ dhvājameva ca |
gāruḍaṃ daśaśo hutvā pratiṣṭhāṃ punarācaret || 326 ||
[Analyze grammar]

dhvajadevasya cakrasya śāntanandīśayostathā |
hīner'cane vaiṣṇavaṃ ca taddaivatyasamanvitam || 327 ||
[Analyze grammar]

hutvaiva punarabhyarcya paścātkāryaṃ samācaret |
bherītāḍanahīne ca raudraṃ ca vyāhṛtīstathā || 328 ||
[Analyze grammar]

hutvā mahāvyāhṛtīśca bherītāḍanamācaret |
arcanādiṣu sarvatra yatra ghaṇṭāninādanam || 329 ||
[Analyze grammar]

eṣa eva vidhiḥ proktaḥ prāyaścittaṃ samācaret |
āropite tu garuḍe hīne caiva nivedane || 330 ||
[Analyze grammar]

vaiṣṇavaṃ dhvaṃmetrau ca hutvā gāruḍameva ca |
nivedayettudviguṇaṃ kṣama'svetyanumānayet || 331 ||
[Analyze grammar]

mudgānne tu tathā hīne vaiṣṇavaṃ vāyudaivatam |
āgneyamīṅkārādīṃśca gāruḍaṃ dhvājameva ca || 332 ||
[Analyze grammar]

hutvā yatnena bahuśo maudgikaṃ ca nivedayet |
varṣavātātapaissamyagupaghātādisaṃbhave || 333 ||
[Analyze grammar]

viṣṭhādyupahate caiva pakṣiṇāmasakṛtsakṛt |
rajjvāditruṭane caiva pramādātpatane'pi ca || 334 ||
[Analyze grammar]

pātite buddhipūrvaṃ vā akāle'pyavaropite |
śūdrādyairanulomairvā spṛṣṭe dhvajagate paṭe || 335 ||
[Analyze grammar]

aśuciṃ śodhayitvānyatsamīkṛtyāsamīkṛtam |
utsavādhipadaivatyaṃ ṣaḍvāraṃ juhuyādguruḥ || 336 ||
[Analyze grammar]

gāruḍaṃ dhvajamantraṃ ca sahastaṃ caiva hūyatām |
tataśśeṣaṃ samāpyeta viparītaṃ na kārayet || 337 ||
[Analyze grammar]

pramādādbuddhipūrvaṃ vā paṭe dagdhe'nyamāharet |
śāntiṃ pūrvoditāṃ kṛtvā pratiṣṭhāṃ punarācaret || 338 ||
[Analyze grammar]

avarohaṇamudvāsantaṃ ca mantreṇa kārayet |
avarohaṇahīne tu mantreṇodvāsanaṃ bhavet || 339 ||
[Analyze grammar]

tataśśeṣaṃ prakūrvīta aśaktāvavarohaṇe |
apramāṇaṃ paṭaṃ gṛhya mahāśāntiṃ samācaret || 340 ||
[Analyze grammar]

punaranyaṃ samādāya karmaśeṣaṃ samācaret |
hīne tu cotsavāraṃbhasnapane vaiṣṇavaṃ tathā || 341 ||
[Analyze grammar]

viṣṇusūktaṃ nṛsūktaṃ ca vāruṇaṃ caiva hūyate |
śuddhodadairabhiṣākassyātprāyaścittavidhissmṛtaḥ || 342 ||
[Analyze grammar]

hīne kautukabandhe tu vaiṣṇavaṃ śāntameva ca |
saudarśanaṃ ca hutvā tu kautukaṃ bandhayetpunaḥ || 343 ||
[Analyze grammar]

yajñāgāre kuṃbhavedyāhīne vāpyadhike'pi vā |
vaiṣṇavaṃ pāvakaṃ bhūmidaivatyaṃ ca hunedbudhaḥ || 344 ||
[Analyze grammar]

toraṇānāmalābhe tu huneddauvārikānmanūn |
hīnāyāṃ darbhamālāyāmārṣaṃ hutvetarāṅkriyāt || 345 ||
[Analyze grammar]

alaṅkāravihīne tu śrīdaivatyaṃ tadhā hunet |
prātarbaliṃ tu nirvāpya hīne nityotsave tathā || 346 ||
[Analyze grammar]

vaiṣṇavaṃ śāntavīśau ca hutvā cotsavadaivatam |
sāyaṃ kuryādutsavaṃ tu dviguṇaṃ kārayetkramāt || 347 ||
[Analyze grammar]

sāyaṃ hīnaṃ tu dviguṇaṃ prātarutsavamācaret |
ekakālotsavaścettu kṛtvā kāladvayaṃ balim || 348 ||
[Analyze grammar]

sāyāhne cotsavaṃ kuryātkālātīte'pyayaṃ vidhiḥ |
digdevatāssamāvāhya prathame'hani pūjayet || 349 ||
[Analyze grammar]

prācyādi balidānaṃ syādīśānāntaṃ pradakṣiṇam |
devāhvāne vyatyayassyādvyatīhāro'tha vā bhavet || 350 ||
[Analyze grammar]

pūrvoktāṃ niṣkṛtiṃ kṛtvā dviguṇaṃ tu baliṃ dadet |
brahmaṇaśca digīśānāṃ balidānaṃ tu naityikam || 351 ||
[Analyze grammar]

adāne niṣkṛtiṃ kṛtvā pūrvoktaṃ ṣaḍguṇaṃ baliḥ |
catuṣpathādhidevānāṃ vṛkṣādīnāmathecchayā || 352 ||
[Analyze grammar]

prathamāvāhanādarvāgvyatyaye pūrvaniṣkṛtiḥ |
prathamaṃ vāstuśuddhissyādya vai dīyate baliḥ || 353 ||
[Analyze grammar]

antaṃ śuddhyanti rathyāstāśśurdhyanti samaye punaḥ |
akṛtāyāṃ vāstuśuddhau dadyādrathyāsu cedbalim || 354 ||
[Analyze grammar]

śāntiṃ kṛtvātu pūrvoktāṃ vāstuśuddhiṃ panarbaliḥ |
antaśśace vāstuni tu na balibhramaṇaṃ caret || 355 ||
[Analyze grammar]

śavamuddhṛtya paścāttu paryagni karaṇaṃ bhavet |
akāle balidānaṃ syādasuraprītivardhanam || 356 ||
[Analyze grammar]

akāle tu baliṃ datvā kāle tu triguṇaṃ baliḥ |
balibhramaṇadeśassyāddevasya bhramaṇāya hi || 357 ||
[Analyze grammar]

nānyatra caryā devasya laghuprokṣaṇa manyathā |
na hi śraddhotsave doṣamuśantyenaṃ sa hītaraḥ || 358 ||
[Analyze grammar]

vāstuvṛddhau tathā hrāse grāmasīmānavīkṛtau |
anumānya ca deveśaṃ śatāṣṭakalaśāplavaḥ || 359 ||
[Analyze grammar]

kṛtvā sīmāṃ viniścitya tataḥ kāryaṃ samācaret |
astarā cotsavaṃ kuryātsahasrakalaśāplavaḥ || 360 ||
[Analyze grammar]

devatāvāhanaṃ kṛtvā tathaivotsava mācaret |
devādīnāṃ balaṃ yasmādvardhate sa balissmṛtaḥ || 361 ||
[Analyze grammar]

śvasūkarādibhirduṣṭairnabhakṣyo balirucyate |
balibhugvāyasaḥ prokto gomukhyā medhyajantavaḥ || 362 ||
[Analyze grammar]

viparīte mahāndoṣastanmantrairhāvayecchatam |
baliśeṣaṃ na śūdro'dyādarcako baliśeṣabhāk || 363 ||
[Analyze grammar]

balāvamantrakaṃ kṣipte saṃkṣipte vidhivarjite |
bhakṣite cānulomādyaiḥpūrvoktāṃ niṣkṛtiṃ caret || 364 ||
[Analyze grammar]

balau paryuṣite'tyuṣṇe tathā caivānivedite |
nivedanātprāgarvāgvādṛṣṭe śūdrādibhirbalau || 365 ||
[Analyze grammar]

pūrvoktāṃ niṣkṛtiṃ kṛtvā sarvatra dviguṇaṃ baliḥ |
devatāvāhanaṃ yatra deśeprākkriyate tataḥ || 366 ||
[Analyze grammar]

tatraiva balidānaṃ syādyāvadudvāsanaṃ bhavet |
maṇḍalaṃ ca jalaṃ kūrcamāhvānādhāra ucyate || 367 ||
[Analyze grammar]

rathyāsu balidānāya pīṭhaṃ śailādibhirbhavet |
balidānaṃ tu guptaṃ syānna tatbaśyantyavaidikāḥ || 368 ||
[Analyze grammar]

tatthsāvaṃ tu tiraskuryātkāle yavanikādibhiḥ |
balipradānahīne tu vaiṣṇavaṃ balirakṣakam || 369 ||
[Analyze grammar]

hutvā tu niṣkṛtiṃ kuryādbalidānaṃ punastadā |
balidravye'tha vā pātre patite bhūtale tathā || 370 ||
[Analyze grammar]

bhinne naṣṭe ca pūrvoktaṃ hutvānyaṃ balimāharet |
balidānaṃ tu kṛtvaiva bhutapīṭhe kṣipettataḥ || 371 ||
[Analyze grammar]

baliśeṣamanukte tu sthāne buddhyā tu nirvapet |
vaiṣṇavaṃ cākṣahamanuṃ vaiṣvakcenaṃ ca gāruḍam || 372 ||
[Analyze grammar]

saudarśanaṃ ca hutvaiva bhūtapīṭhe bali kṣipet |
havirnivedane hīnehīne ca dviguṇārcane || 373 ||
[Analyze grammar]

śāntiṃ ca vaiṣṇavaṃ hutvā tathābhyarcya nivedayet |
yathoktahome hīne tu vaiṣṇavaṃ viṣṇusūktakam || 374 ||
[Analyze grammar]

nṛsūktaṃ ca trayastriṃśatkṛtvo hutvā hunetpunaḥ |
cakravīśāmitānāṃ ca kuṃbhasthānāmathāpivā || 375 ||
[Analyze grammar]

devānāmarcane hīne vaiṣṇavaṃ viṣṇusūktakam |
nṛsūktaṃ sāntamantrau ca gāruḍaṃ cākrameva ca || 376 ||
[Analyze grammar]

hutvā punassamabhyarcya viśeṣeṇa nivedayet |
devālaṅkaraṇe hīne śrīdaivatyaṃ ca vaiṣṇavam || 377 ||
[Analyze grammar]

hudvālaṅkāramāsādya vidhīnā bhūṣayedguruḥ |
alaṅkāreṣu dravyeṣu niryāsaṃ candanaṃ sumam || 378 ||
[Analyze grammar]

taddhitvānyatsamādāya dravyaṃ prakṣālyamantrataḥ |
pañcagavyaissamabhyukṣya tenālaṅkāra ucyate || 379 ||
[Analyze grammar]

nṛtte geye'tha vā hīne vaiṣṇavaṃ rudradaivatam |
stotrahīne tathā brāhmaṃ hutvā sārasvataṃ tataḥ || 380 ||
[Analyze grammar]

bhaktabṛndaiḥ parivṛtau hīnāyāṃ vāruṇaṃ tathā |
vaiṣṇavaṃ śāntadaivatyaṃ hīne picchādike tathā || 381 ||
[Analyze grammar]

vaiṣṇavaṃ juhuyāttadvaddhavirakṣamanuṃ tataḥ |
yānātkāle yāgaśālāṃ deve na pratigacchati || 382 ||
[Analyze grammar]

bhavennityārcanaṃ tatra yatradevo'dhivāsitaḥ |
dhruvārcanaṃ yathā pūrvaṃ na tatrāsti vyatikramaḥ || 383 ||
[Analyze grammar]

devaṃ pratyāgataṃ dṛṣṭyā punaranyotsavaṃ caret |
dinavyapāye kuryācca tatkālaniyatotsavam || 384 ||
[Analyze grammar]

atītamutsavaṃ cāpi tantreṇātra samācaret |
taddinepyapramādāccedbhūyātkālasya yāpanam || 385 ||
[Analyze grammar]

na jahyā devakuryācca tatkālocitamutsavam |
atra pramādetu bhavetpūrvoktaiva hi niṣkṛtiḥ || 386 ||
[Analyze grammar]

dīkṣito vastramālyādyaiḥ pañcāgārpitabhūṣaṇaiḥ |
carennityaṃ viśuddhātmā viparīte tu doṣakṛt || 387 ||
[Analyze grammar]

dīkṣāṅgasya tu vastrasya tathā pratisarasya vā |
nāśe tatra mahāndoṣastadānyatpunarāharet || 388 ||
[Analyze grammar]

sahasraṃ viṣṇugāyatrīṃ hutvā śāntimathācaret |
yāvaddīkṣābhavettāvaddīkṣāṅgasya parigrahaḥ || 389 ||
[Analyze grammar]

antetu tadgatāśaktissvayamevāvahīyate |
atha vā mocanaṃ kuryādite ke cidvadantihi || 390 ||
[Analyze grammar]

tatra pūrṇāhutiṃ kālaṃ pravadanti vipaścitaḥ |
pratiṣṭhānte tu sā dīkṣā bhavedutsavasaṃgatā || 391 ||
[Analyze grammar]

na tatra dīkṣāsāṃkaryaṃ dvayamekatra cedyadi |
anyonyaṃ kalahāyante yadyācāryādayaḥkratau || 392 ||
[Analyze grammar]

mahānanarthastatra syātpratibhūrgururatra hi |
guruvākyaṃ ca rājājñāṃ samamāhurmaharṣayaḥ || 393 ||
[Analyze grammar]

dīkṣite vartamāne tu nānyaṃ tatra praveśayet |
nahyekasminbhavetkārya ācāryadvaya saṃgatiḥ || 394 ||
[Analyze grammar]

pramādādbuddhipūrvaṃ vā kalahe kṣatajasrutiḥ |
kṣatāni vā bhaveyustaṃ visṛjyānyena kārayet || 395 ||
[Analyze grammar]

na tasya tu bhaveddīkṣā mahāśāntiṃ tu kārayet |
sa dīkṣito bhavedeva pūrvasya pkaṇidhissa hi || 396 ||
[Analyze grammar]

yāvadāśaucasaṃkrānti rāśaucetvaśucirbhavet |
punaranyaṃ samādāya śeṣaṃ pūrvavadāyaret || 397 ||
[Analyze grammar]

ādau madhye tadhānte ca hīne brāhmaṇabhojane |
trivākaṃ tu mahāśāntiṃ hutvā brāhmaṇabhojanam, || 398 ||
[Analyze grammar]

dviguṇaṃ kārayeccaiva vaiṣṇavānāṃ tu pūjanam |
punāti pūjitassadyaḥ pāpmabhyo vaiṣṇapassakṛt || 399 ||
[Analyze grammar]

avaiṣṇavaiśca pāṣaṇḍairūḍhe deve dvanarthakṛt |
taddoṣaśāntaye kuryātsahasrakalaśāplavam || 400 ||
[Analyze grammar]

avaiṣṇavakṛtāpūjā hanti puṇyaṃ purātanam |
yānāttu patite deve śīghramuddhṛtya sādaram || 401 ||
[Analyze grammar]

kṣama'svetyanumānyaiva śuddhodairabhiṣicyaca |
vaiṣṇavaṃ viṣṇusūktaṃ ca nṛsūktaṃ sahitaṃ kramāt || 402 ||
[Analyze grammar]

dinādhipasya daivatyaṃ hutvā cotsavamācaret |
cakravīśākhamitādīnāṃ biṃbābhāve pṛthakpṛthak || 403 ||
[Analyze grammar]

taṇḍuloparipātreṣu kūrceṣvāvāhya mantrataḥ |
tattadrūpaṃ tu saṃsmṛtya samabhyarcya vidhānataḥ || 404 ||
[Analyze grammar]

hutvā ca tattaddaivatyaṃ paścādutsavamācaret |
patane tu tathaiteṣāmuddhṛtyaiva ca pūrvavat || 405 ||
[Analyze grammar]

snāpayitvā hunettattaddaivatyaṃ vaiṣṇavaṃ tathā |
yānāttu patite biṃbe hīnāṅge doṣagaurave || 406 ||
[Analyze grammar]

padmānale mahāśāntiṃ hutvā taddoṣaśāntaye |
dhruvabere samāropya taccaktiṃ vidhinā tataḥ || 407 ||
[Analyze grammar]

kautukaṃ snāpanaṃ vātha baliberamathāpi vā |
yathārhaṃ samalaṅkṛtya samāvāhya yathāvidhi || 408 ||
[Analyze grammar]

samabhyarcyotsavaṃ kuryānna tatrasyādvyatikramaḥ |
berāntarasyālābhe tu ratnaṃ vā kāñcanaṃ tathā || 409 ||
[Analyze grammar]

nyasya pātre samāvāhya samabhyarcya dine dine |
mahāśāntiṃ ca hutvaiva punarutsavamācaret || 410 ||
[Analyze grammar]

hīnāṅgaṃ ca punarberaṃ saṃdhānavidhinā punaḥ |
saṃdhāya cātvareṇaiva pratiṣṭhāṃ punarācaret || 411 ||
[Analyze grammar]

patane gāyagādīnāṃ śrīdaivatyaṃ ca vaiṣṇavam |
vādakānāṃ tu patanai brāhmaṃ raudraṃ tathaiva ca || 412 ||
[Analyze grammar]

ācāryādīnāṃ tu patane saṃkṣobhe ca tathākṛte |
ārṣabhaṃ vaiṣṇavaṃ tadvaddhvajādīnāṃ ca pātane || 413 ||
[Analyze grammar]

dhvājaṃ ca vāruṇaṃ caiva vāyavyaṃ ca hunedvidhiḥ |
varṣadhārāsu vātyāyāṃ vidyudvrajasamāhatau || 414 ||
[Analyze grammar]

kāle na cotsavaṃ kuryātkuryāccedvaiṣṇavaṃ tathā |
viṣṇusūktaṃ nṛsūktaṃ ca śrībhūdaivatyameva ca || 415 ||
[Analyze grammar]

hutvotsavaṃ prakurvīta viparīte tu doṣakṛt |
vīthyantare varṣadhārāpraveśe'śanigarjite || 416 ||
[Analyze grammar]

tṛṇapāṃsu samāyuktavātasparśe viśeṣataḥ |
kalahadhvanisaṃyukte devaṃ saṃsnāpya mantravit || 417 ||
[Analyze grammar]

vaiṣṇavaṃ digdaivatyaṃ ca vāruṇaṃ vāyudaivatam |
yaddevādīṃśca hutvaiva punarutsavamācaret || 418 ||
[Analyze grammar]

kalahe rudhirasrāve dāhe cāpyutsave tataḥ |
vaiṣṇapaṃ cāgnidaivatyaṃ brāhmaṃ raudraṃ tathaiva ca || 419 ||
[Analyze grammar]

taddinādhipadaivatyaṃ juhuyātprārthayeddharim |
ālayābhyantare caiva śastrādyairmaraṇe sati || 420 ||
[Analyze grammar]

tacchīghramapahāyaiva padmāgnau juhuyāttathā |
mahāśāntiṃ taddinādhidaivatyaṃ ca viśeṣataḥ || 421 ||
[Analyze grammar]

vīthyāṃ cenmarahaṇādautu tacchīghraṃ tu vyapohya ca |
śāntihomaṃ ca hutvaiva punarutsavamācaret || 422 ||
[Analyze grammar]

nāḍikāyā athāryākcetpunarutsavamācaret |
ālayasyāśītidaṇḍābhyantare tu śave sati || 423 ||
[Analyze grammar]

tatrotsavaṃ na kuryāttu kuryāccetsa vinaśyati |
tacchīghramapahāyeva prāyaścittaṃ yathoditam || 424 ||
[Analyze grammar]

mahāśāntiṃ pārṣadaṃ ca cahutvā cotsavamācaret |
lagare vidhireṣassyādgrāmenaiṣa vikalpyate || 425 ||
[Analyze grammar]

antaśsavenaiva kuryādutsavaṃ grāmavṛddhaye |
dhvajasvārohaṇādurdhvaṃ yāvattīrthadinaṃ bhavet || 426 ||
[Analyze grammar]

anyātsavaṃ śubhaṃ karma kuryāccedābhicārikam |
taddoṣaśamanāyaiva vaiṣṇavaṃ viṣṇusūktakam || 427 ||
[Analyze grammar]

nṛsūktaṃ pārṣadaṃ caiva hutvā viprāṃstu bhojayet |
tīrthāhātpūrvarātrau tu hīne kautuka bandhane || 428 ||
[Analyze grammar]

śayane vā vaiṣṇavaṃ ca śrībhūdaivatyameva ca |
saudarśanaṃ ca hutvānte yathoktaṃ tu samācaret || 429 ||
[Analyze grammar]

tīrthasnāne tu kālasyātīte hīne ca vaiṣmavam |
vāruṇaṃ skandadaivatyaṃ hutvā cauktaṃ samācaret || 430 ||
[Analyze grammar]

dhvajāvarohaṇe hīne tadrātrau dhvājameva ca |
gāruḍaṃ vaiṣṇavaṃ hutvā deveśaṃ prārthayedguruḥ || 431 ||
[Analyze grammar]

avarohaṇakāre tu balau hīne viśeṣataḥ |
dhvajadevaṃ susaṃpūjya vaiṣṇavaṃ viṣṇusūktakam || 432 ||
[Analyze grammar]

tadālayasthadevānāṃ mantrāṃścaiva viśeṣataḥ |
hutvā deveśamabhyarchya dhvajaṃ samavarohayet || 433 ||
[Analyze grammar]

utsavāntāplavehīne vaiṣṇavaṃ viṣṇusūktakam |
puruṣasūktaṃ jayādīnaśca mūrtimantrāśca hāvayet || 434 ||
[Analyze grammar]

atrānukteṣu doṣeṣu prāyaścittaṃ bhavedidam |
vaiṣṇavaṃ viṣṇusūktaṃ ca nṛsūktaṃ ca tathaiva ca || 435 ||
[Analyze grammar]

hūyate viṣṇugāyatrī sarvapāpaprāṇāśini |
evamaṣṭāviṃśatirvā śaktāvaṣṭottaraṃ śatam || 436 ||
[Analyze grammar]