Chapter 28 - prāyaścittam

athāspṛśyasparśanetuprāyaścittaṃ pravakṣyate |
sarpamūṣakamaṇḍūkamārjāranakulādiṣu || 1 ||
[Analyze grammar]

garbhāgāraṃ praviṣṭeṣu viṇmūtrādivisarjane |
vyapohya tatpañcagavyaistathābliṅgābhireva ca || 2 ||
[Analyze grammar]

vaiṣṇavaṃ viṣṇugāyatrīṃ śatamaṣṭottaraṃ japet |
dhruvaṃ cai vādhitiṣṭhatsu viṇmūtrādivisarjane || 3 ||
[Analyze grammar]

kṣipraṃ vastreṇa saṃśodya mārjayitvā kuśena ca |
āpo hiraṇyavarṇā'bhiḥ pāpamānī'bhireva ca || 4 ||
[Analyze grammar]

saṃsrokṣya cārcayeddevamanyatā viparītakṛt |
sparśetaireva biṃbānāṃ śuddhodaissnāpayedvidhiḥ || 5 ||
[Analyze grammar]

udakyayā sūtikayā rajakenāntyajātibhiḥ |
prathamāvaraṇe viṣṭe cārcāsthāne ca parṣadām || 6 ||
[Analyze grammar]

praviṣṭe cātha saṃspṛṣṭe dārbheṇoddīpya vahninā |
hutvā ca vāstu yajñeva pañcagavyaissamukṣya ca || 7 ||
[Analyze grammar]

kṛtvā puṇyāhamante tu nityāgnau juhuyāttataḥ |
dauvārikamanuṃ caiva dvārapālaṃ ca vaiṣṇavam || 8 ||
[Analyze grammar]

bāṅyāvaraṇapakṣe tu mārjanenopalepanaiḥ |
prokṣaṇairvāstuyajñeva śuddhirbhavati sarvataḥ || 9 ||
[Analyze grammar]

arcākāne tu dṛṣṭeṣu caiteṣu vidhinā harim |
saṃsnāpya pañcagavyaintu śuddhodaissnāpya cātvaraḥ || 10 ||
[Analyze grammar]

prokṣaṇaiḥ prokṣya hutvā tu pūrvavacchārcayettataḥ |
eteṣu saṃpraviṣṭeṣu cālayābhyantare tathā || 11 ||
[Analyze grammar]

tatspṛṣṭahaviṣāṃ caiva pramādāttu nivedane |
śodhayitvātha taddravyaṃ yathāvidhi viśeṣataḥ || 12 ||
[Analyze grammar]

vāstuhomaṃ ca hutvātha paryagnikaraṇaṃ caret |
pañcagavyaissamabhyukṣya puṇyāhamapi vācayet || 13 ||
[Analyze grammar]

saṃsnāpya kalaśairdevaṃ hutvā nityānale tataḥ |
vaiṣṇavaṃ viṣṇusūktaṃ ca nṛsūktaṃ raudrameva ca || 14 ||
[Analyze grammar]

brāhmaṃ ca śrīmahīsūkte brāhmaṇānbhojayettataḥ |
spṛṣṭetu caitairbiṃbeṣu dhruvādiṣu viśeṣataḥ || 15 ||
[Analyze grammar]

kṛtvātu pūrvavacchuddhiṃ vāstuhomaṃ ca kārayet |
paryagnipañcagavyābhyāṃ śodhayitvā tataḥparam || 16 ||
[Analyze grammar]

saṃsnāpya kalaśairdevamabjāgnau vidhivattadā |
mahāśāntiṃ ca hutvaiva pratiṣṭhāṃ punarācaret || 17 ||
[Analyze grammar]

śūdrādyairanulomaiśca spṛṣṭaṃ datvā havistataḥ |
pañca gavyaiśca śuddhodairdevaṃ saṃsnāpya cādarāt || 18 ||
[Analyze grammar]

puṇyāhaṃ kārayetpaśchāddviguṇaṃ tu nivedayet |
mahāpātakibhiścaiva caṇḍālai pulkasādibhiḥ || 19 ||
[Analyze grammar]

ālaye saṃpraviṣṭe tu tatspṛṣṭhe vinivedite |
saptāhaṃ mahatīṃ śāntiṃ hutvābjāgnau vidhānataḥ || 20 ||
[Analyze grammar]

saṃsnāpya kalaśairdevaṃ pratiṣṭhāṃ punarācaret |
punaścadhruvabere vā biṃbeṣyanyeṣu mandire || 21 ||
[Analyze grammar]

spṛṣṭeṣu pūrvavacchuddhiṃ kṛtvā dviguṇameva ca |
hutvā tu mahatīṃ śāntiṃ saṃsnāpya kalaśairvibhum || 22 ||
[Analyze grammar]

pratiṣṭhoktakrameṇaiva pratiṣṭhāṃ punarācaret |
patite caiva pāṣaṇḍe cānyatantreṇa dīkṣite || 23 ||
[Analyze grammar]

praviṣṭe garbhagehe tu vāstuśuddhiṃ vidhāya ca |
hutvā tu mahatīṃ śāntiṃ pratiṣṭhāṃ punarācaret || 24 ||
[Analyze grammar]

ukteṣveteṣu satataṃ prathamāvaraṇe tathā |
dvitīye vā saṃcaratsu māse'tīte viśeṣataḥ || 25 ||
[Analyze grammar]

māsamekaṃ mahāśāntiṃ hutvā kṛtvā vidhānataḥ |
karṣaṇādi punaḥkṛtvā pratiṣṭhāṃ punarācaret || 26 ||
[Analyze grammar]

tathā saṃvatsare'tīte tyaktvā cāvāhanādikam |
kautukādīntsusaṃrakṣya garbhāgārādi sarvataḥ || 27 ||
[Analyze grammar]

vāsayedgā viśeṣeṇa māse'tīte viśeṣataḥ |
sarvatra śuddhiṃ kṛtvātu hutvā māsatrayaṃ tataḥ || 28 ||
[Analyze grammar]

mahāśāntiṃ tathā kṛtvā karṣaṇādi punaḥkriyāḥ |
bālālayaṃ ca saṃkalpya biṃbaśuddhimāthācaret || 29 ||
[Analyze grammar]

jalādhivāsanādyaiśca tathā vittānusārataḥ |
aśītyadhikasāhasraissaṃsnāpya kalaśairharivim || 30 ||
[Analyze grammar]

brāhmaṇānbhojayitvaiva saṃpūjyāpi ca vaiṣṇavān |
bālālaye pratiṣṭhāpya deveśaṃ vidhivattataḥ || 31 ||
[Analyze grammar]

ālayaṃ caiva sarvatra navīkṛtya viśeṣataḥ |
mahāpratiṣṭhāṃ kṛtvaiva devadevaṃ samarcayet || 32 ||
[Analyze grammar]

etaissaṃsargiṇāṃ sparśe sūtikāktaiva niṣkṛtiḥ |
sparśe tatsaṃsargiṇāṃ ca śuddhissyātsnapanādinā || 33 ||
[Analyze grammar]

tatassaṃsargiṇāṃ caiva na doṣaḥ parikathyate |
aśaumavaddvijaspṛṣṭahaviṣāṃ ca nivedane || 34 ||
[Analyze grammar]

ekāhaṃ tu mahāśāntiṃ hutvā saṃsnāpya caudakaiḥ |
puṇyāhaṃ vācayitvaiva pūrvavacca samarcayet || 35 ||
[Analyze grammar]

spṛṣṭeṣu cātha biṃbeṣu kautukādiṣu vā dhruve |
pūrvavanmahatīṃ śāntiṃ hutvā saṃsthāpayetpunaḥ || 36 ||
[Analyze grammar]

praviṣṭe cālayādbāṅye sarvatra ca yathārhakam |
gauravaṃ lāghavaṃ jñātvā sarvamūhyaiva kārayet || 37 ||
[Analyze grammar]

khadyaitapakṣijātādipraveśe cālayāntare |
sparśane caiva biṃbānāṃ kṛtvā paryagni pūrvavat || 38 ||
[Analyze grammar]

saṃśodya pañcagavyaistu śuddhodairabhiṣicya ca |
prokṣaṇaiḥ prokṣyanityāgnau chullyāṃ vā vaiṣṇavaṃ hunet || 39 ||
[Analyze grammar]

biṃbādīntatsamīpasthān saṃśodhyaiva ca pūrvavat |
śuddhodaissnāpya puṇyāhaṃ kṛtvoktaṃ homamācaret || 40 ||
[Analyze grammar]

pūrvamukteṣu deśeṣu śvādīnāṃ vā nṛṇāmapi |
chedane tāḍane caiva raktasrāve mṛtau tathā || 41 ||
[Analyze grammar]

tadvyapauhya ca taddeśaśuddhiṃ kṛtvā vidhānataḥ |
vāstuhomaṃ ca hutvaiva kalaśaissnāpya saptabhiḥ || 42 ||
[Analyze grammar]

taddoṣaśamanārthaṃ ca mahāśāntiṃ hunettataḥ |
abhyarcya pūrvavaddevaṃ havissamyaṅni vedayet || 43 ||
[Analyze grammar]

saṃbhūte tvālayādbāhye kṛtvā paryagni pūrvavat |
devaṃ śuddhodakaissnāpya śāntiṃ hutvā vidhānataḥ || 44 ||
[Analyze grammar]

saṃpūjya vaiṣṇavāṃścaiva pūrvavatsamyagarcayet |
deveśasya śave dṛṣṭe saṃsnāpya kalaśairharim || 45 ||
[Analyze grammar]

vaiṣṇavaṃ viṣṇusūktaṃ ca pauruṣaṃ juhuyāttataḥ |
gajāśvapaśumukheṣu prathamāvaraṇe punaḥ, || 46 ||
[Analyze grammar]

mṛteṣu tadvyapohyaiva khanitvā tādṛśaṃ sthalam |
vāstuhomaṃ ca hutvā tu śaddhodairabhiṣicya ca || 47 ||
[Analyze grammar]

vaiṣṇapaṃ viṣṇusūktaṃ ca pauruṣaṃ juhuyādvidhiḥ |
prasvede rudhirasrāve rodane jalpane tathā || 48 ||
[Analyze grammar]

hāse dṛṣṭe mahābere satsu dhūmādiṣu svataḥ |
ālayābhimukhe'bjāgniṃ sādhayitvātha vaiṣṇavam || 49 ||
[Analyze grammar]

viṣṇusūktaṃ nṛsūktaṃ cariṅkārānpāramātmikam |
hutvā saṃsnāpya deveśaṃ kalaśaissaptabhiḥ kramāt || 50 ||
[Analyze grammar]

samabhyarcya havirdatvā brāhmaṇānbhojya sādaram |
vaiṣṇavāṃśca susaṃpūjya dadyādāyāryadakṣiṇām || 51 ||
[Analyze grammar]

tṛṇavalmīkakīṭādāvutpanne tatra pūrvavat |
śāntiṃ pūrvoditāṃ hutvābhojayitvāpi brāhmaṇān || 52 ||
[Analyze grammar]

devaṃ bālālaye sthāpya navīkaraṇamācaret |
vimāne tu haṭhādbhinne patite vā vidhānataḥ || 53 ||
[Analyze grammar]

śāntiṃ māsatrayaṃ hutvā karṣaṇādi vidhāya ca |
bālālayaṃ ca saṃkalpya kṛtvā cāpsvadhivāsanam || 54 ||
[Analyze grammar]

biṃbaśuddhiṃ tu kṛtvaiva saṃsnāpya kalaśairharim |
aśītyadhikasrāhasrairyathāvibhavavistaram || 55 ||
[Analyze grammar]

brāhmaṇānbhojayitvaiva saṃpūjyaiva tu vaiṣṇavān |
devaṃ bālālaye sthāpya navīkṛtyālayādikam || 56 ||
[Analyze grammar]

sarvatra cāviśeṣeṇa pratiṣṭhāṃ punarācaret |
tatrāśanihate caiva makṣikādiphirāvṛte || 57 ||
[Analyze grammar]

saṃsnāpya kalaśairdevaṃ pūjāṃ kṛtvā viśeṣataḥ |
prabhūtaṃ tu nivedyaiva hutvā śāntiṃ vidhānataḥ || 58 ||
[Analyze grammar]

brāhmaṇānbhaujayitvaiva punassaṃdhānamācaret |
sthūpikīle vinaṣṭe tu vimānopari saṃsthite || 59 ||
[Analyze grammar]

vimānakalpavatkṛtvā punassaṃdhānamācaret |
akāśe pratisūryasya darśane vaiṣṇavaṃ tathā || 60 ||
[Analyze grammar]

sauraṃ ca daśakṛtvantu hutvābhyarcya viśeṣataḥ |
digdāhe vaiṣṇavaṃ digdaivatyamāgneyameva ca || 61 ||
[Analyze grammar]

śilāvarṣe vāruṇaṃ ca vaiṣṇavaṃ triścatriṃśatā |
akāle śaśinaḥ pūrtaukṣaye vā pratidarśane || 62 ||
[Analyze grammar]

mahotpāte ca mahatīṃ hutvā śāntiṃ vidhānataḥ |
devaṃ viśeṣato'bhyarca brāhmaṇānbhojayettataḥ || 63 ||
[Analyze grammar]

ālayābhyantare bāhyaprākāre vā viśeṣataḥ |
raktastrīdarśanecaivaṃ taṃ deśaṃ pariśodhya ca || 64 ||
[Analyze grammar]

devaṃ viśeṣato'bhyarcya havissamyaṅnivedayet |
dhruvabere kautukādau spṛṣṭe caiva dhruvoditām || 65 ||
[Analyze grammar]

śuddhiṃ jalādhivāsaṃ ca kṛtvā saṃsthāpayetpunaḥ |
garbhālaye tu sarpādidarśane tadvyapohya ca || 66 ||
[Analyze grammar]

gomayenopalipyaiva gavyairabhyukṣya pañcabhiḥ |
aupāsanāgnimādhāya vaiṣṇavaṃ śāntimācaret || 67 ||
[Analyze grammar]

puṇyāhaṃ vācayitvaiva brāhmaṇānbhojayettataḥ |
sarpādau tu mṛte tatra tadvyapauhyopalipya ca || 68 ||
[Analyze grammar]

pañcagavyaintu saṃprokṣya vāstuśuddhiṃ vidhāya ca |
saṃsnāpya kalaśairdevaṃ caturviṃśatibhistadā || 69 ||
[Analyze grammar]

ekāhaṃ paiṇḍarīkāgnau mahāśāntiṃ vidhāya ca |
dhruvādiṣu tu biṃbeṣu muhusspṛṣṭeṣu taistathā || 70 ||
[Analyze grammar]

devaṃ śuddhodakaissnāpya mahāśāntiṃ vidhāya ca |
puṇyāhaṃ vācayitvaiva viśeṣārcanamācaret || 71 ||
[Analyze grammar]

mṛte prāsādabāhye tu tadvyapohya ca pūrvavat |
prokṣaṇaiḥ prokṣya ca huneddigdaivatyaṃ ca vaiṣṇadam || 72 ||
[Analyze grammar]

pākasthāne gopurādau mṛte sarpe vyapohya ca |
upalipya ca nityāgnau vaiṣṇavaṃ ca viśeṣataḥ || 73 ||
[Analyze grammar]

tatthsānādhipadaivatyaṃ daśaśo juhuyādvidhiḥ |
ālayābhyantare caiva sarpatrāvaraṇe'pi vā || 74 ||
[Analyze grammar]

mahāvāte'vivṛṣṭau vā śatrucorādyupaplave |
saṃsmāpya kalaśairdevaṃ vāstuhomaṃ vidhāya ca || 75 ||
[Analyze grammar]

paryagni pañcagavyābhyāṃ śodhayitvā vidhānataḥ |
puṇyāhaṃ vācayitvaiva vaiṣṇavaṃ viṣṇusūktakam || 76 ||
[Analyze grammar]

nṛsūktaṃ śrīmahīmantrānbrāhmaṃ raudraṃ viśeṣataḥ |
prājāpatyaṃ ca hutvaiva brāhmaṇānbhojayedvidhiḥ || 77 ||
[Analyze grammar]

atha vakṣye viśeṣeṇa bhayarakṣārthaniṣkṛtim |
corairamitrairatha vā paracakreṇa saṃkule || 78 ||
[Analyze grammar]

lohajapratimānāṃ ca tirodhānaṃ prakalpayet |
śucau deśe sugupte tu khanitvā cāvaṭaṃ ghanam || 79 ||
[Analyze grammar]

sikatābhiḥ prapūryaiva kuśānāstīrya copari |
avaṭe'bhyarcya bhūdevī mapo hi'ṣṭheti prokṣya ca || 80 ||
[Analyze grammar]

devāgāraṃ praviśyaiva yajamānayuto guruḥ |
devadevaṃ praṇamyaiva samabhyarcyānumānya ca || 81 ||
[Analyze grammar]

yāvatkālaṃ bhayaṃ bhūyāttāvadīśa janārdana |
hariśyā sahita statra śayīdhā'iti sanmanum || 82 ||
[Analyze grammar]

vījñāpya śaktiṃ biṃbasthāṃ dhruvabere'varopayet |
berābhāve tu hṛdaye samāropya vidhānataḥ || 83 ||
[Analyze grammar]

paraṃ raṃha'iti procya pīṭhādādāya cātvaraḥ |
pratadviṣṇu stavata'ityavaṭe nyasya rakṣitam || 84 ||
[Analyze grammar]

yadvaiṣṇava'miti procya prākchiraśśāyayettataḥ |
avaṭaṃ sikatābhirvā mṛdā vā pūrva yatnataḥ || 85 ||
[Analyze grammar]

acchidraṃ sudṛḍhaṃ kuryādavaṭaṃ parirakṣitam |
paścādabhyantaraṃ gatvā devadevaṃ praṇamya ca || 86 ||
[Analyze grammar]

grathitaṃ pañcadaśabhirdarbhaiḥ kūrcaṃ pragahya ca |
dvādaśāṃguladīrghantu jīvasthāne nidhāya ca || 87 ||
[Analyze grammar]

dhruvaberātsamādāya tatkūrcer'canamācaret |
bālālayaṃ bhavecchettu arcāpīṭhe viśeṣataḥ || 88 ||
[Analyze grammar]

kūrcaṃ sannyasya hṛdayātpraṇidhyāṃ viniveśyaca |
kūrcaṃ tu biṃbavatsmṛtvā manasaivākṣarāṇi tu || 89 ||
[Analyze grammar]

tattatthsāne tu saṃskṛtya sannyasyāvāhya cārcayet |
snapanādau tu saṃprāpte kuryādabhyukṣaṇaṃ budhaḥ || 90 ||
[Analyze grammar]

māsādūrdhvaṃ tu tatkūrcaṃ vyapohyānyaṃ nidhāpayet |
kāle tu biṃbamuddhṛtya saṃśodhyāmlādibhistadā || 91 ||
[Analyze grammar]

puṇyāhāntekṛte'spṛśya sparśane tvavilaṃbitam |
kṛtvā jalādhivāsādīnaṅkurārpaṇapūrvakam || 92 ||
[Analyze grammar]

ālayābhimukhe vāpi dakṣiṇe vā manorame |
prapāyāṃ maṇḍapekūṭe yatvābjāgniṃ vidhāyaca || 93 ||
[Analyze grammar]

taduttare vāstahomaṃ hutvābiṃbasamīpataḥ |
paryagnikaraṇaṃ kṛtvā gavyaissaṃśodhya pañcabhiḥ || 94 ||
[Analyze grammar]

abjāgnau paścime bhāge biṃbārdhādhikavistṛtām |
bhāgonnatāṃ yathālobhonna tāṃ dhānyairvidhāya ca || 95 ||
[Analyze grammar]

vediṃ manoharāṃ caiva vāsāṃsyāstīrya pañca ca |
saṃsnāpya kalaśairdivyaiścaturdaśabhireva ca || 96 ||
[Analyze grammar]

puṇyāhānte pratisaraṃ baddhvā kautukapūrvakam |
berāṇi devīsahitaṃ śāyayecchayane śubhe || 97 ||
[Analyze grammar]

avatārāṇāṃ tu śayanaṃ pṛthageva vidhīyate |
pariṣicya ca padmāgnau hautraśaṃsanamācaret || 98 ||
[Analyze grammar]

deveśasya ca devyāśca avatāragaṇasya ca |
dakṣiṇapraṇidhau caiva pārṣadānāmathottare || 99 ||
[Analyze grammar]

āvāhya kṛtvā nirvāpaṃ hunedājyāhutīḥkramāt |
vaiṣṇavaṃ viṣṇusūktaṃ ca puruṣasūktaṃ tathaiva ca || 100 ||
[Analyze grammar]

gāyatrī vaiṣṇavī caiva dvādaśākṣarameva ca |
prājāpatyaṃ mindāhutī vicchinnaṃ juhuyādayam || 101 ||
[Analyze grammar]

śāntihoma iti proktā mahāśāntiṃ jaguḥpare |
ṣaṇmāne samatīte tu hutvā śāntiṃ viśeṣataḥ || 102 ||
[Analyze grammar]

saktulājatilāpūpairājyamiśraistu vaiṣṇavam |
viṣṇusūktaṃ ca pratyekaṃ śataśo juhuyādvidhiḥ || 103 ||
[Analyze grammar]

śvetaṃ raktaṃ sarojātamalābhe bilvakacchadam |
ghṛtāplutaṃ tu vaiṣṇavyā gāyatṣājuhuyāttathā || 104 ||
[Analyze grammar]

sarvadaivatyamante ca juhuyātpāramātmikam |
enameke mahāśāntihomamācakṣate budhāḥ || 105 ||
[Analyze grammar]

paścādapyavatārāṇāṃ tattanmantraṃ viśeṣataḥ |
pṛthagaṣṭottaraśataṃ hutvā rātriṃ nayettataḥ || 106 ||
[Analyze grammar]

snātvā prabhāte deveśaṃ praṇamya praṇavena tu |
bodhayitvābhivandyaiva karuṇābdhe kṣamasya me || 107 ||
[Analyze grammar]

śataṃ sahasramayutamasaṃkhyeyaṃ muhurmuhuḥ |
kṛtānāmaparādhānā'miti saṃprārthya bhaktitaḥ || 108 ||
[Analyze grammar]

prācīna vastramālyādīndyapohyanyairvibhūṣya ca |
sarvavādya samāyuktaṃ śākunaṃ sūktamuccaran || 109 ||
[Analyze grammar]

toyadhārāṃ puraskṛtya gacchettu purato guruḥ |
sthāpakā devamuddhṛta kṛtvā dhāmapradakṣiṇam || 110 ||
[Analyze grammar]

abhyantaraṃ praviśyaiva sthāpayeyuśca pūrvavat |
devapādau gurusspaṣṭvā vaiṣṇavaṃ viṣṇusūktakam || 111 ||
[Analyze grammar]

pauruṣaṃ cātmasūktaṃ ca japtvā dhyātvā vidhānataḥ |
dhruvādvā hṛdayācchaktiṃ praṇidhyāṃ tu niveśya ca || 112 ||
[Analyze grammar]

kṛtvākṣarāṇāṃ vinyāsamāvāhanamathācaret |
tadālayagatāṃścaiva devānanyāṃ tsamāhvayet || 113 ||
[Analyze grammar]

puṇyāhaṃ vācayetpaścādyathoktaṃ pūrvamācaret |
yajamānopi śuddhātmā dadyādācāryadakṣiṇām || 114 ||
[Analyze grammar]

paścādagniṃ paristīrya śāntihomaṃ samācaret |
yathāvibhavavistāramutsavaṃ snapanaṃ caret || 115 ||
[Analyze grammar]

aśaktassnapanaṃ kuryādanyatsarvaṃ ca pūrvavat |
kūrcādāvarcane hīne tanniṣkṛtimathācaret || 116 ||
[Analyze grammar]

evaṃ caidvatsa re'tīte punasthsāpanamācaret |
avatāraviśeṣasya pṛthakkuryāditītare || 117 ||
[Analyze grammar]

teṣāṃ punaḥpratiṣṭhā cettattaddhomaṃ tu ke cana |
idthaṃ syādbhayarakṣārthaniṣkṛtissarvasiddhitā || 118 ||
[Analyze grammar]

atha vakṣye viśeṣeṇa punarbālālayaṃ budhāḥ |
mahābere vimāne ca patite jarite tathā || 119 ||
[Analyze grammar]

bhinneṃgahīne nihate vātyayāśaninātha vā |
varṇakṣaye sthalabhraṃśe garbhagehasya cānyathā || 120 ||
[Analyze grammar]

pīṭhagarbhādināśe vā aspṛśyairvā praveśane |
unnatasthāpanecchāyāṃ kuryādbālālayaṃ hareḥ || 121 ||
[Analyze grammar]

bālālaye'bhyarcyamāne saṃbhūte sthānasaṃkaṭe |
caṇḍālādhiṣṭhite caiva sthānanāśe hradādibhiḥ || 122 ||
[Analyze grammar]

anyatra tūcite deśe kṛtvā pūrvoktamārgataḥ |
karṣaṇādikriyāssarvā biṃbamānīya cādarāt || 123 ||
[Analyze grammar]

pratiṣṭhāpya tu tatraiva kuryānmūlālayaṃ tataḥ |
bāhye caiva vimānasya cāṅgopāṅgakṣatau tathā || 124 ||
[Analyze grammar]

makṣikātṛṇavalmīkapādapādyairvibhedane |
vinā bālālayasthānaṃ śaktiṃ gṛhya vimānagām || 125 ||
[Analyze grammar]

tadaṅgadevatānāṃ ca samāropya dhruve punaḥ |
navīkṛtya vimānoktapratiṣṭhāṃ punarācaret || 126 ||
[Analyze grammar]

akṛtvā devatāropaṃ mahābere viśeṣataḥ |
vimānaṃ nādhitiṣṭheta sarvatrāyaṃ vidhissmṛtaḥ || 127 ||
[Analyze grammar]

vimānadhruvayornāśe yugapattatraniṣkṛtiḥ |
kautukādīnpratiṣṭhāpya vihāya prārthanāmanum || 128 ||
[Analyze grammar]

bālālayaṃ prakalpyaiva vidhinā tatra cārcayet |
tasya kāle'pyatīte tu tadā tatra na doṣakṛt || 129 ||
[Analyze grammar]

yasyāṅgasya bhaveddhānistatra bālālayaṃ bhavet |
kṛtvā tasya tu saṃskāraṃ yathoktaṃ tatpunaścaret || 130 ||
[Analyze grammar]

kautukādivināśe ca doṣayukte dhruve tathā |
vimāne ca tathā duṣṭe kṛtvā bālālayaṃ punaḥ || 131 ||
[Analyze grammar]

yathālābhena mānena biṃbamāhṛtya dāravam |
pratiṣṭhāpyādyataruṇālayoktavidhinā tataḥ || 132 ||
[Analyze grammar]

kautukādīṃśca saṃkalpya pratiṣṭhāpyārcayetkramāt |
alābhe kautukādīnāṃ doṣayukte tu dārave || 133 ||
[Analyze grammar]

biṃbamasyaṃ samāhṛtya pratiṣṭhāpyaiva dāravam |
tadberaṃ vidhivattyaktvā kṛtvā mūlālaye punaḥ || 134 ||
[Analyze grammar]

vidhinā mūlaberaṃ tu pratiṣṭhāpya samarcayet |
bālālayasya saṃsthānaṃ vakṣye mūlālayasya tu || 135 ||
[Analyze grammar]

madhyasūtrāddakṣiṇe ca prathamāvaraṇe tathā |
dvitīyāvaraṇe vātha maṇṭapādau manorame || 136 ||
[Analyze grammar]

yatrāvakāśastatraivaṃ bālāgāraṃ prakalpayet |
dvitīyāvaraṇādūrdhvaṃ na bālāgārakalpanam || 137 ||
[Analyze grammar]

ekādi tu trihastāntaṃ vistāraṃ tu vidhīyate |
adhyardhaṃ caiva pādonamutsedhaṃ dviguṇaṃ tu vā || 138 ||
[Analyze grammar]

utsedhaṃ pañcadhā kṛtvādhiṣṭhānaṃ caikamaṃśakam |
bhittyuccaṃ dvyaṃśamatha ca dvyaṃśaṃ tu śikharaṃ matam || 139 ||
[Analyze grammar]

lupopare tṛṇācchannaṃ mṛṇmayaṃ kārayetsudhīḥ |
bhittiviṣkaṃbhamānaṃ syānmūlālayasamaṃ tathā || 140 ||
[Analyze grammar]

dviguṇaṃ caturguṇaṃ kṛtvā yacchiṣṭaṃ vidhinā kṛtam |
nālīgṛhaṃ bhavedvindyāttameva taruṇālayam || 141 ||
[Analyze grammar]

maṇḍapādiṣu cedbhittyā saha tasya yathārhakam |
nālīgṛhaṃ maṇḍapena pramukhe rahitaṃ tu vā || 142 ||
[Analyze grammar]

sahite tu samaṃ kuryāttripādaṃ cārdhameva vā |
pūrvāparayutaṃ vātha dakṣiṇottaramāyatam || 143 ||
[Analyze grammar]

samaṃ vā taruṇāgāraṃ śilpaśāstroktavaccaret |
pañcaviṃśatibhāgaṃ tu kṛtvā garbhālayaṃ tataḥ || 144 ||
[Analyze grammar]

madhye brāhmaṃ padaṃ caikaṃ parito'ṣṭau tu daivikam |
mānuṣaṃ tasya paritaḥ padānyanyāni ṣoḍaśa || 145 ||
[Analyze grammar]

kautukaṃ brahmaṇasthsāne sthāpayeduttamaṃ bhavet |
daivike mānuṣe sthāpya madhyamaṃ cādhamaṃ bhavet || 146 ||
[Analyze grammar]

trīṇi tu snapanādīni berāṇi sthāpayetsadā |
antyayoreva nānyatra sthānabhedaḥ praśasyate || 147 ||
[Analyze grammar]

prāṇasthānetu pīṭhaṃ syādramyamekatrimekhalam |
yathālābhāyataṃ tadvadvistāro tsedhasaṃyutam || 148 ||
[Analyze grammar]

ratnanyāsavihīnaṃ vā kṛtvā vibhavavistarāt |
ālayāgre'tha vā bālāgārāgre pūrvavadbudhaḥ || 149 ||
[Analyze grammar]

yāgaśālāṃ tu kṛtvaiva toraṇādīnvidhāya ca |
subhṛtyaiva ca saṃbhārānṛtvijovarayetkramāt || 150 ||
[Analyze grammar]

śālāmadhye prakalpyaiva śayyāvediṃ manoharam |
caturaśrāṃ pādahīnāmardhahīnāṃ viśeṣataḥ || 151 ||
[Analyze grammar]

tadbhittyātu samāṃ tatturīyāṃśotsedhasammittām |
pañcatrīnathavai kāgniṃ saṃkalpyaiva ca pūrvavat || 152 ||
[Analyze grammar]

paryagni pañcagavyābhyāṃ saṃśodhya vidhinā tataḥ |
bālāgāraṃ yajñaśālāṃ puṇyāhamapi vācayet || 153 ||
[Analyze grammar]

hutvāgnikuṇḍeṣvāghāraṃ pradhānāgniṃ samindhya ca |
gāyatrīṃ vaiṣṇavīṃ caiva vaiṣṇavaṃ viṣṇusūktakam || 154 ||
[Analyze grammar]

pauruṣaṃ caikākṣarādi śrībhūsūktaṃ ca vāruṇam |
pañcamantrān jayānabhyātānān rāṣṭrabhṛtastathā || 155 ||
[Analyze grammar]

midāhutī ca vicchinnamṛddhiṃ vaiṣṇavasaṃyutam |
pratyekaṃ pratimantraṃ ca hutvāṃ ca samanantaram || 156 ||
[Analyze grammar]

śvetābjaṃ viṣṇugāyatṣāghṛtāktaṃ bilvapatrakam |
hunedaṣṭottaraśataṃ sarvadoṣavināśanam || 157 ||
[Analyze grammar]

rātripūjāvasāne tu devamabhyarcya yatnataḥ |
havirnivedya tāṃ śaktiṃ kautukādiṣu saṃgatām || 158 ||
[Analyze grammar]

mahābere samāropya kuṃbhamāhṛtya pūrvavat |
tantunā pariveṣṭyaiva śucī vo havya'mantrataḥ || 159 ||
[Analyze grammar]

prakṣālyotpavanaṃ kṛtvā dhārāsvi'ti ca mantrataḥ |
adbhirāpūryābhimṛśya idamāpaśśivā'iti || 160 ||
[Analyze grammar]

vastrayugmena cāveṣṭya navaratnādi vinyaset |
uccāryaviṣṇugāyatrīṃ tatra kāryaṃ samācaret || 161 ||
[Analyze grammar]

tato'bhyantaramāviśya devāgre dhānyamaṇḍale |
sannyasya kuṃbhamāsitvā devāgre tūttarāmukhaḥ || 162 ||
[Analyze grammar]

samāhito hariṃ dhyāyanprārthayenmantramuccaran |
anarhametattvadgehaṃ jīrṇaṃ tūrṇaṃ vyapohya ca || 163 ||
[Analyze grammar]

kiñcitkālaṃ ca deveśa tvayātra sthīyatāṃ vibho |
yāvadvayaṃ navaṃ kṛtvā pratiṣṭhāṃ kārayāmahe || 164 ||
[Analyze grammar]

prasādaṃ kuru tāvattvamasmin gehe jagatpate'|
ityuktvābdamatha dvautrīn saṃkalpyāvadhimādarāt || 165 ||
[Analyze grammar]

devyādisahitaṃ devamāvāhyāṃbhasi kuṃbhake |
ācāryaśśirasā kuṃbhaṃ dhārayannagratastviyāt || 166 ||
[Analyze grammar]

tadanu sthāpakābiṃbanyādāya snapanāvaṭe |
yajñālaye pratiṣṭhāpya caturdaśabhireva ca || 167 ||
[Analyze grammar]

kalaśaissnāpya vastrādyairalaṅkṛtya samarcyaca |
śayyāvedyāṃ dhānyapīṭhe śayanāni tu pañcavai || 168 ||
[Analyze grammar]

āstīrya cātha vāsāṃsi baddhvā pratisaraṃ tataḥ |
tathaiva śāyayetkuryāduttarācchādanaṃ punaḥ || 169 ||
[Analyze grammar]

pariṣicya pradhānāgniṃ hautraśaṃsanamācaret |
kṛtvā cāvāhanādīni hunedagniṣu pūrvavat || 170 ||
[Analyze grammar]

pradhānāgnau sruveṇājyamādāyaiva tu vaiṣṇavam |
gāyatrīṃ vaiṣṇapaṃ viṣṇusūktaṃ pauruṣameva ca || 171 ||
[Analyze grammar]

ekākṣarādisūktaṃ ca śrībhūdaivatyameva ca |
trirhutvā sarvadaivatyaparṣadāṃ mantrameva ca || 172 ||
[Analyze grammar]

hutvā vyapohya vidhinā rātriśeṣaṃ samāhitaḥ |
snātvā prabhāte deveśaṃ praṇamya pramavena tu || 173 ||
[Analyze grammar]

vibodhya dakṣiṇāṃ dadyādyajamāno mudānvitaḥ |
tato'gniṃ sādhayitvā tu gurussviṣṭakṛtaṃ tathā || 174 ||
[Analyze grammar]

pūrṇāhutiṃ ca hutvaiva visṛjyāgniṃ vidhānataḥ |
dhārayan śirasā kuṃbhaṃ śākunaṃ sūktamuccaran || 175 ||
[Analyze grammar]

ācāryaḥ purategacchetthsāpakāstadanastaram |
hastābhyāṃ devamādāya sarvavādyasamāyutam || 176 ||
[Analyze grammar]

sarvālaṅkārasaṃyuktaṃ to yadhārāpurassaram |
ālayaṃ parito gatvā praviśyābhyantaraṃ punaḥ || 177 ||
[Analyze grammar]

vihāya sthirarāśiṃ tu sumuhūrteviśeṣataḥ |
pratadviṣṇu'riti procya prāṇapīṭhe hariṃsmaran || 178 ||
[Analyze grammar]

pratiṣṭhāpya tu deveśaṃ tasya dakṣiṇavāmayoḥ |
śriyaṃ bhuvaṃ ca mantrābhyāṃ tayossaṃsthāpayetkramāt || 179 ||
[Analyze grammar]

devapādau spṛśanpaścādviṣṇusūktaṃ japan guruḥ |
kṛtvākṣarāṇāṃ nyāsādī nidaṃ viṣṇuṃ'ti bruvan || 180 ||
[Analyze grammar]

kūrcenādāya kuṃbhasthāṃ śaktimāyātu'mantrataḥ |
viṣṇumāvāhayā'mīti kautukasya tu mūrdhavi || 181 ||
[Analyze grammar]

śriyaṃca hariṇīṃ'ceti devyau dakṣiṇavāmayoḥ |
saṃsrāvyāvāhayeddevāṃstataḥ pāriṣadānapi || 182 ||
[Analyze grammar]

kautukāddakṣiṇe vāme snapanādīni kautukāt |
saṃsthāpya tu samāvāhya tāvatkālaṃ samarcayet || 183 ||
[Analyze grammar]

sthāpakaissaha puṇyāhaṃ kṛtvābhyarcyāsanādibhiḥ |
havirnivedya deveśaṃ hutvā homaṃ ca naityikam || 184 ||
[Analyze grammar]

baliṃ nirvāpya kurvīta balibhramaṇameva ca |
snapanaṃ cotsavādīni pūrvavatkārayetkramāt || 185 ||
[Analyze grammar]

bālālayārcane kuryādarcanaṃ tu dhruvārcayoḥ |
āvāhanaṃ visargaṃ ca hitvā sarvaṃ samācaret || 186 ||
[Analyze grammar]

mahānasādinirmāṇaṃ bālālayavidhau punaḥ |
sūlālayoktavatkuryādviparītaṃ na kārayet || 187 ||
[Analyze grammar]

ajñānādarthalobhādvā kālasyātikrame sati |
devaṃ viśeṣato'bhyarcyaśāntiṃ vaiṣṇavasaṃyutam || 188 ||
[Analyze grammar]

hutvā saṃpūjya pūjyāṃśca yajamāno gurustathā |
saṃprārthya devaṃ kālasya cāvadhiṃ jñāpayetpunaḥ || 189 ||
[Analyze grammar]

bhaktinamra stataḥkutyācchīghraṅkarmedamādarāt |
evaṃ dvādaśavarṣāntaṃ kārayeccha tataḥ param || 190 ||
[Analyze grammar]

na ra meta haristatra tasmā duktaṃ samācaret |
aśaktaścettathā kartuṃ bālāgālāntaraṃ punaḥ || 191 ||
[Analyze grammar]

saṃkalpyasthāpayettatra viparītakṛdanyathā |
dehāddehāntaraprāptau yathā saṃskriyate naraḥ || 192 ||
[Analyze grammar]

tathā sthānāntanaprāptau pratiṣṭhāṃ kārayeddhareḥ |
prathame'tha dvitīye nā naṣṭe bālālaye'rcite || 193 ||
[Analyze grammar]

duṣṭe vā yena kenāpi maṇḍapādau manoramam |
deśaṃ tu samalaṅkṛtya saṃśodhya vidhivatpunaḥ || 194 ||
[Analyze grammar]

saṃsthāpya kautukādīṃśca samabhyarcyedvidhānataḥ |
bālālayaṃ navīkṛtya tadeva tvaritaṃ yathā || 195 ||
[Analyze grammar]

vāstuśuddhiṃ ca puṇyāhaṃ kṛtvā saṃsthāpya cārcayet |
ayuktetu tatastasminnidhāyānyatra mandiram || 196 ||
[Analyze grammar]

punaḥ pratiṣṭhāmārgeṇa pratiṣṭhāpya samarcayet || 197 ||
[Analyze grammar]