Chapter 29 - prāyaścittam

athavakṣye viśeṣeṇa dhruvaberasya niṣkṛtim |
tāmrajaṃ śailajaṃ caiva mūrtikaṃ dāravaṃ tviti || 1 ||
[Analyze grammar]

cāturvidhyaṃ dhruvasyātra pūrvameva mayoditam |
ṣaṇmānasahitaṃ kṛtvāsanālaṃ pādapadmakam || 2 ||
[Analyze grammar]

kṛtvā tu tāmrajaṃ biṃbaṃ kautukasyoktavartmanā |
kṛtvākṣyunmocanaṃ cādhivāsān saṃsthāpya cācalam || 3 ||
[Analyze grammar]

sthāpayetsaha devyauca śuddhyarthaṃ pratiparvatu |
śuddhodairabhiṣicyaiva bhūṣaṇaiśca vibhūṣyaca || 4 ||
[Analyze grammar]

puṣpanyāsaṃ ca kṛtvaiva sarvānpariṣadaḥ kramāt |
śailāneva prakurvīta yathā śātātapo'bravīt || 5 ||
[Analyze grammar]

śailaṃ dhruvaṃ tathā citraṃ citrārdhaṃ vā vidhāya ca |
pūrvoktena vidhānena paraṃ saṃskṛtya tatkramāt || 6 ||
[Analyze grammar]

devyāvanyāṃśca devāṃśca tadālayagatānapi |
taddravyeṇa prakurvīta dhruvaṃ ṣaṇmānasaṃyutam || 7 ||
[Analyze grammar]

kṛtvākṣṇośca bhruvostadvadoṣṭhayorubhayorapi |
karapādatale caiva nakheṣu mukuṭe'pi ca || 8 ||
[Analyze grammar]

bhūṣaṇeṣu vidhānena tattadvarṇena lepayet |
mṛṇmayaṃ dāravaṃ vā cettaddravyeṇaiva devatāḥ || 9 ||
[Analyze grammar]

tadālayagatāḥ kuryādanyathā viparītakṛt |
atha vā varṇahīnaṃ tu śailaṃ sarvatra kārayet || 10 ||
[Analyze grammar]

ardhacitrasya śailasya hīneṣvaṃ geṣu caiva hi |
pratyaṅgeṣu tathopāṅgeṣvaniṣṭaṃ tadbhavediha || 11 ||
[Analyze grammar]

bālāgāre'tha tacchaktiṃ nītvā biṃbaṃ samāharet |
bhūmau pidhāya tasyordhve padmāgniṃ parikalpya ca || 12 ||
[Analyze grammar]

hutvā ca mahatīṃ śāntiṃ śilāgrahaṇavattathā |
tattadaṅgasamutpattiṃ yuktyā takṣṇā tu kārayet || 13 ||
[Analyze grammar]

hīne mahāṅge tadberamayuktaṃ cetsamīkṛtau |
tyaktvā tadvidhinā beraṃ punaranyatsamāharet || 14 ||
[Analyze grammar]

beraṃ saṃdhānayogyaṃ yastyajetpāpī bhavetsa hi |
vinaṣṭaṃ ca bhavetsarvaṃsaṃdhānaṃ śaktitaścaret || 15 ||
[Analyze grammar]

dhruvaberamathār'cāṃ ca kartuṃ pūrvamivadvayam |
aśaktaśceddhruvārcāntu kṛtvā caikaṃ svaśaktitaḥ || 16 ||
[Analyze grammar]

pratiṣṭhāpyārcayetsamyagiti ke cinmanīṣiṇaḥ |
ekaberapratiṣṭhāyāmeṣa eva vidhissmṛtaḥ || 17 ||
[Analyze grammar]

aśaktaśceddhruvaṃ beramarcāberamathāpi vā |
sahitaṃ rahitaṃ vātha devībhyāṃsthāpya cārcayet || 18 ||
[Analyze grammar]

mṛdālaye brahmasthāne dhruvārcāberamāharet |
taṃ devīsahitaṃ kṛtvā vimānaṃ ca viśeṣataḥ || 19 ||
[Analyze grammar]

śailaṃ tu kartumicchecceddevo daivikamāśrayet |
yathā tathā prakalpyaiva vimānaṃ kautukaṃ punaḥ || 20 ||
[Analyze grammar]

lohajaṃ jaṅgamaṃ kṛtvā braṅmasthāne samācaret |
kautukaṃ śailajaṃ cettu sthāvaraṃ tveva sthāpayet || 21 ||
[Analyze grammar]

laghuberaṃ pratiṣṭhāpya vimāne mṛṇmaye'rcite |
kartumiccheddhruvaṃ beraṃ vimānaṃ caiva śailajam || 22 ||
[Analyze grammar]

vimānaṃ parikalpyaiva vidhinā hastamānataḥ |
devībhyāṃ sahitaṃ devaṃ daivikāṃśe vidhāya ca || 23 ||
[Analyze grammar]

pūrvārcitāṃ gṛhītvaiva beraṃ kautukakarmaṇi |
tasyottare cautsavādīnpratiṣṭhāpya samarcayet || 24 ||
[Analyze grammar]

pūrvaṃ dhruvārcāberetu arcyamāne mṛdālaye |
śilābhiriṣṭakābhirvā vimānaṃ kartumicchayā || 25 ||
[Analyze grammar]

rakṣārthaṃ tasya berasya śilpisparśanivṛttaye |
kāṣṭhena pañjaraṃ kṛtvā bālāgāraṃ dṛḍhaṃ tataḥ || 26 ||
[Analyze grammar]

saṃśodhya śalyaṃ cādhastādyuktyā paramāyā punaḥ |
vimānaṃ yugmahastena tadberasya vaśādapi || 27 ||
[Analyze grammar]

yathāvibhavavistāraṃ saudhaṃ kṛtvā surakṣayet |
tadberasamamadhyardhaṃ dviguṇaṃ caturaśrakam || 28 ||
[Analyze grammar]

adhamaṃ madhyamaṃ tadvaduttamaṃ trividhoditam |
kṛtvā tasya caturbhāgaṃ tribhāgaṃ cārdhamevavā || 29 ||
[Analyze grammar]

garbhāgāraṃ bhaveccheṣaṃ bhittiviṣkaṃbhameva ca |
samaṇṭapaṃ vimānaṃ tu pūrvavatkārayedvidhiḥ || 30 ||
[Analyze grammar]

śileṣṭakāvimāne tu vargasyānte parasya vā |
kārayenmiśramatha cedaśaktaḥ kartumīdṛśam || 31 ||
[Analyze grammar]

adhiṣṭhānasya cordhvaṃ hi yatheṣṭasthānake punaḥ |
miśradravyeṇa kuryāttu śaktilobhaṃ na kārayet || 32 ||
[Analyze grammar]

varṇakṣayedhruve doṣasaṃphade sphuṭitādibhiḥ |
alpadoṣe'pi vāśaktiṃ dhruvaberasthitāṃ tadā || 33 ||
[Analyze grammar]

kuṃbhe'ṃbhasi samāvāhya tatkuṃbhaṃ kautukādi ca |
samādāya vidhānena mālikāyāṃ tu maṇḍape || 34 ||
[Analyze grammar]

sannyasya kautukādau tu samāvāhya samarcayet |
kāle kuṃbhe samāropya kriyāssarvāssamācaret || 35 ||
[Analyze grammar]

atīte dvidine kuṃbhamanyadādāyacātvaraḥ |
kuṃbhācchaktiṃ samādāya kuṃbhe'nyasminvidhālataḥ || 36 ||
[Analyze grammar]

arcayettridine caivaṃ kuṃbhasaṃśodhanaṃ caret |
paścācca varṇalepādīn kṛtvā saṃśodya caivahi || 37 ||
[Analyze grammar]

vāstuhomaṃ ca puṇyāhaṃ dhruvaśuddhiṃ ca kārayet |
kuṃbhaṃ biṃbaṃ samādāya praviśyābhyantaraṃ tataḥ || 38 ||
[Analyze grammar]

kautukādīn susaṃsthāpya nyāsādīṃśca vidhāya ca |
kuṃbhasthāṃ śaktimādāya dhruvabere'varopayet || 39 ||
[Analyze grammar]

dhruvātpunaḥ kautukādiṣvāvāṅya tu samarcayet |
doṣāṇāṃ goravānmāsādūrdhvaṃ kāletvapekṣite || 40 ||
[Analyze grammar]

devaṃ bālālaye sthāpya śodhayenmṛṇmayaṃ punaḥ |
yāvacchūlaṃ punaśśailaṃ śilāntaṃ śodhayetkramāt || 41 ||
[Analyze grammar]

navaṣaṭpañcamūrtīnāṃ vimāne doṣasaṃyutam |
yattalaṃ tattalaṃ gṛhya bālasthānaṃ prakalpya ca || 42 ||
[Analyze grammar]

kautukādīn susaṃsthāpya vidhinā samyagarcayet |
paścāttale tu nirduṣṭe kautukādīnpragṛhya ca || 43 ||
[Analyze grammar]

sthāpayitvā punaścaiva vidhināpi samarcayet |
atha vakṣye jīrṇaberaparityāgavidhiṃ kramāt || 44 ||
[Analyze grammar]

dhruvasyāṅgavihīne tu tyajettatsadya eva hi |
kartrārādhakayorgrāhyamanyathā syānmahadbhayam || 45 ||
[Analyze grammar]

tasmātsarvaprayatnena jīrṇaṃ saṃśodhya sarvataḥ |
navavastraissamācchādya baddhvā ca kuśarajjubhiḥ || 46 ||
[Analyze grammar]

brāhmaṇairvāhayitvaiva nadīṃ sphārāṃ samudragām |
aśoṣyaṃ vā jalādhāramanyannītvātha tattaṭe || 47 ||
[Analyze grammar]

prapāṃ kṛtvāgnimādhāya caupāsanamatandritaḥ |
āghārānte tu juhuyādvaiṣṇavaṃ śataśastataḥ || 48 ||
[Analyze grammar]

dadbhyassvā'hetyaṅgahomaṃ vyāhṛtyantaṃ hunedbhudhaḥ |
vastrabandhaṃ vimocyaiva prāṅmukhodaṅmukho guruḥ || 49 ||
[Analyze grammar]

vāruṇaṃ vaiṣṇavaṃ caiva prakṣipyaiva ca tajjale |
snāyātsaṃsmṛtya deveśaṃ dārave tu viśeṣataḥ || 50 ||
[Analyze grammar]

dagdhvāgninātha tadbhasma nikṣipettādṛśe jale |
devyādīnāṃ parṣadāṃ ca tattanmantraṃ savaiṣṇavam || 51 ||
[Analyze grammar]

hunejjalekṣipetpaścāddadyādācārya dakṣiṇām |
atha cetkautukādīnā maṅgahānistaducyate || 52 ||
[Analyze grammar]

mahāṅgāni śiraḥ kukṣi vakṣaḥ kaṇṭhānpracakṣate |
pādauhastau bāhavaścetyaṅgāni pravadantihi || 53 ||
[Analyze grammar]

aṅgulyaḥ karṇanāsādyāḥ pratyaṅgāni vidurbudhāḥ |
śiraścakraṃ ca pīṭhaṃ ca prabhāmaṇḍalameva ca || 54 ||
[Analyze grammar]

upāṅgānyūcire bhūṣaṇāyudhāṃbarapūrvakān |
tatropāṅgasya hīne tu kuṃbhaṃ saṃsādhya pūrvavat || 55 ||
[Analyze grammar]

āvāhya kuṃbhe tacchaktiṃ biṃbaṃ saṃdhāya pūrvavat |
kṛtvā jalādhivāsādīnvāstuhomaṃ vidhāya ca || 56 ||
[Analyze grammar]

saṃśodya pañcagavyaiśca kuśodaiśca viśeṣataḥ |
saptabhiḥ kalaśaisthsāpya kuṃbhasthāṃ śaktimādarāt || 57 ||
[Analyze grammar]

samāvāhya punarbiṃbe vidhinā samyagarcayet |
pratyaṅgahīne tacchaktiṃ mahābere'varopya ca || 58 ||
[Analyze grammar]

udhrutya biṃbaṃ saṃprokṣya pañcagavyaiḥ kuśodakaiḥ |
tulyalohena saṃdhāya cādhivāsya kuśādiṣu || 59 ||
[Analyze grammar]

punaḥ pratiṣṭhāmārgeṇa pratiṣṭhāṃ punarācaret |
aṅgahīnetu saṃdhānayogyaṃ saṃdhāya pūrvavat || 60 ||
[Analyze grammar]

arcayedanyathā yuktehīne vāpi mahāṅgake |
bhūmau pidhāya tadberaṃ tadūrdhve juhuyātkramāt || 61 ||
[Analyze grammar]

aṅgahomaṃ mahāśāntimapohyaiva ca taddinam |
uddhṛtya biṃbaṃ prakṣālya pañcagavyaiḥ kuśodakaiḥ || 62 ||
[Analyze grammar]

triragnau saṃparikṣipya śodhayedāmlavāriṇā |
rājataṃ dvissakṛdraukmaṃ dahedagnāviti kramaḥ || 63 ||
[Analyze grammar]

kṛtvātenaiva dravyeṇa biṃbaṃ pūrvavaduttamam |
punaḥpratiṣṭhāṃ kṛtvaiva kārayedarcanaṃ kramāt || 64 ||
[Analyze grammar]

paṭe kuḍye'tha vā likhya bere vidhivadarcite |
jīrṇamālokya tacchaktimāropyaivārkamaṇḍale || 65 ||
[Analyze grammar]

navīkṛtya punastasminpratiṣṭhāpya samarcayet |
ācāryeṇa ca yenādau karṣaṇādyāḥ kṛtāḥ kriyāḥ || 66 ||
[Analyze grammar]

pratiṣṭhā vā kṛtā viṣṇostenaivānyāṃśca kārayet |
nityārcanotsavādīṃśca prāyaścittādikānapi || 67 ||
[Analyze grammar]

tadabhāve ca tatputraṃ pautraṃ naptārameva ca |
tadvaṃśajaṃ vā tacchiṣyaṃ tanniyuktamathāntataḥ || 68 ||
[Analyze grammar]

ācāryasannidhau nānyamācāryaṃ varayetkvacit |
varayedyadi rāṣṭrasya rājñaścāpi mahadbhayam || 69 ||
[Analyze grammar]

bhavecca niṣphalā pūjā sarvaṃ kāryaṃ vinaśyati |
tasmātsarvaprayatnena na kuryādgurusaṃkaram || 70 ||
[Analyze grammar]

ajñānādarthalobhādvā kṛte tvācāryasaṃkare |
abjānale mahāśāntiṃ hutvā saṃprārthyavai gurum || 71 ||
[Analyze grammar]

yācayitvā kṣama'sveti pūjayitvā viśeṣataḥ |
panastenaiva tatkarma kārayediti śāsanam || 72 ||
[Analyze grammar]

ācāryadīnāmalābhe tu tadrūpaṃ lekhayetpaṭe |
tatsannidhau yuktamanyamācāryaṃ varayettathā || 73 ||
[Analyze grammar]

ekasminnālaye syāccetsannipātastu karmaṇām |
ācāryaṃ saṃpraṇamyaiva tatputrādyairvidhānataḥ || 74 ||
[Analyze grammar]

kārayettadalābhetu kārayettantrato guruḥ |
pūrvaṃ tu yogamārgeṇa pratiṣṭhāpyārcite punaḥ || 75 ||
[Analyze grammar]

devībhyāṃ saha paścāttu kārayetsthāpanaṃ yadi |
ābhicārikameva syādrājarāṣṭravināśakṛt || 76 ||
[Analyze grammar]

dhruvakautuka saṃyukte pūjyamāne purā tataḥ |
vimānadhruvayornāśe brahmasthāne dhruvārcanam, || 77 ||
[Analyze grammar]

kautukaṃ cotsavasthāne sthāpayediti ke cana |
sthānake cāsanaṃ kuryācchayanaṃ vāpi cecchayā || 78 ||
[Analyze grammar]

asaneśayanaṃ kuryātthsānakaṃ na tu kārayet |
śayane nāsanaṃ caiva sthānakaṃ kārayedvidhiḥ || 79 ||
[Analyze grammar]

kautukaṃ sthitamāsīna mautsavaṃ kārayettathā |
asīnaṃ kautukaṃ kuryātthsitamautsavameva vā || 80 ||
[Analyze grammar]

snapanaṃ baliberaṃ ca sthitaṃ sarvatra kārayet |
avatāragaṇasyaiva mūrtīnāṃ pañcakasya ca || 81 ||
[Analyze grammar]

anyonyasaṃkareṇaiva sthāpane kautukasya ca |
mahattaro bhaveddo, staddoṣaśamavāya vai || 82 ||
[Analyze grammar]

hutvā tu mahatīṃ śāntiṃ yathāsthāne tu sthāpayet |
atha vakṣye viśeṣeṇa śāntipañcakakalpanam || 83 ||
[Analyze grammar]

narāṇāṃ pāpabāhulyādaparādhaviśeṣataḥ |
devāssṛjantyadbhutāni teṣu dṛṣṭeṣu satvaram || 84 ||
[Analyze grammar]

kuryācchāntiṃ yathoktāntu viparīte tvanarthakṛt |
kartrārādhakayoścaiva rājño rāṣṭrasya vāstuvaḥ || 85 ||
[Analyze grammar]

saṃkṣobho jāyate sadyo vināśo bhavati dhruvam |
dvādaśāhāntare tasmācchāntiṃ kuryādvidhānataḥ || 86 ||
[Analyze grammar]

atīte dvādaśāhetu mahāśāntipurassaram |
saṃpūjya vaiṣṇavān śaktyādatvā vai bhūridakṣiṇām || 87 ||
[Analyze grammar]

ārabheduttaraṃ karma māse'tīte viśeṣataḥ |
saptāhaṃ tu mahāśāntiṃ hutvā vipraśataṃ tathā || 88 ||
[Analyze grammar]

bhojayitvā ca deveśamanumānya tu kārayet |
ṣaṇmāse samatīte tu ramate tatra nohariḥ || 89 ||
[Analyze grammar]

tasmātsarvaprayatnena kuryācchāntiṃ yathoditām |
bhaumāntarikṣadivyākhyabhedāttrividhamadbhutam || 90 ||
[Analyze grammar]

grahayuddhaśca bhedaśca vikāro grahamaṇḍale |
sarvagrāsoparāgaśca durbhikṣaścākṣabhedanam || 91 ||
[Analyze grammar]

evamādīni divyāni tvadbhutāni pracakṣate |
āntarikṣāṇi cārkendvoḥ pariveṣo nirantaraḥ || 92 ||
[Analyze grammar]

varṇāntareṇa bāhulyātpariveṣastathāvidhaḥ |
rātrāvindradhamardevasadma cākāśamaṇḍale || 93 ||
[Analyze grammar]

aśanyulkādipātaśca rāhupucchādidarśanam |
nakṣatrapatanaṃ ketordhūmasyendrasya darśanam || 94 ||
[Analyze grammar]

gandharvanagarasyāpi darśanaṃ patanaṃ tu vā |
pratisūryābjanakṣatradarśanaṃ saṃpracakṣate || 95 ||
[Analyze grammar]

bhaumānyanekathoktāni carasthiravibhedataḥ |
deśakālasvabhāvādiviruddhaṃ prasavādikam || 96 ||
[Analyze grammar]

pṛṣadaṃśakasarpāśvayonijānāṃ viśeṣataḥ |
gonāgamahiṣādyeṣu tiryakṣu jananaṃ tathā || 97 ||
[Analyze grammar]

kṛmikīṭapataṅgeṣu viṣkireṣvaṇḍajādiṣu |
vivarṇākāravāsādirāśrayādistathālaye || 98 ||
[Analyze grammar]

raktastrīdarśanādīni cādbhutāni careṣu tu |
divyāni cāntarikṣāṇi teṣāmatrottamottamam || 99 ||
[Analyze grammar]

nārāṇi cottamāni syurmāhiṣādyāni madhyamam |
sarīsṛpādiṣu bhavānyathamāni vadantihi || 100 ||
[Analyze grammar]

rodanaṃ hasanaṃ jalpo jvalanaṃ parivartanam |
svedaśca rudhirasrāvaḥ kṛmikīnādisaṃbhavaḥ || 101 ||
[Analyze grammar]

akālasphoṭanaṃ dhūmaścāṅgakaṃpanameva ca |
svāpanāsvādanecaiva tṛṇavalmīka saṃbhavaḥ || 102 ||
[Analyze grammar]

pratimāyāṃ bhaveccettu raktastrīdarśanaṃ tathā |
pāṣaṇḍapratilomāntyajātibhiḥ patitaisthathā || 103 ||
[Analyze grammar]

sṛgālādibhiraspṛśyaissparśane ca praveśane |
sthūṇāvirohaṇe caiva calane parivartane || 104 ||
[Analyze grammar]

tathāpasarpaṇe caiva kavāṭaśayanāsane |
bhittyāyudhāṃbare tadvadagnihotrādyupaskare || 105 ||
[Analyze grammar]

vimāne ca vikāraśca makṣikāvṛkṣapātane |
pravartane copasarpe parṇapuṣpaphaleṣu ca || 106 ||
[Analyze grammar]

śākhādau viparītasya darśanaṃ ca viśeṣataḥ |
raktasrāvo jalasrāvaścādbhutāni sthireṣu tu || 107 ||
[Analyze grammar]

teṣu garbhakṛhe caiva pīṭhe caiva bhavāni tu |
rājñorāṣṭrasya viprāṇāṃ nāśakāni viśeṣataḥ || 108 ||
[Analyze grammar]

kartrārādhakayornāśa iti śātātapo'bravīt |
prāsādajāni rājñāṃ syuḥ prāsāde'pi viśeṣataḥ || 109 ||
[Analyze grammar]

adhiṣṭhāne ca pāde ca prastare ca gale'pi ca |
śikhare ca bhavāni syuḥkṣatriyāṇāṃ krameṇa tu || 110 ||
[Analyze grammar]

abhiṣekasya yogyasya yuvarājasya caiva hi |
abhiṣiktasya samrājaścātyāhitakarāṇi tu || 111 ||
[Analyze grammar]

prathamāvaraṇe vaiśyajātīnāṃ mantriṇāṃ tathā |
purohitasya tanmaṇḍalādhipānāṃ mahadbhayam || 112 ||
[Analyze grammar]

śūdrajātivipaddhetdvitīyāvaraṇādiṣu |
sasyanāśo gajāśvādipaśunāśasca jāyate || 113 ||
[Analyze grammar]

purodhasaścāgnikuṇḍe brahmasthāne dvijanmanām |
rudrālaye tu sarveṣāṃ nṛpasya tu guhālaye || 114 ||
[Analyze grammar]

seneśānāṃ vipattiḥ syādvakratuṇḍālaye tathā |
śṣālaye rājapatnīnāṃ durgāsthāne'nyayoṣitām || 115 ||
[Analyze grammar]

mātṛsthāne'ntyajātīnāmoṣadhīnāṃ kuberake |
nṛpavāhanaśastropajīvināṃ bhāskarālaye || 116 ||
[Analyze grammar]

anyadevālaye tattadbhoktānāmapi lakṣayet |
āsthānamaṇḍapasaṅgamaṇḍabaprāṅgaṇeṣu ca || 117 ||
[Analyze grammar]

mahānase nṛpāvāse krīḍāsthāne viśeṣataḥ |
ācāryayajamānādipadārthinilayeṣu ca || 118 ||
[Analyze grammar]

caityavṛkṣādiṣūdbhūtā raktastrīdarśanādayaḥ |
valmīkādyāśca phaladāstattaddiśyuktamārgataḥ || 119 ||
[Analyze grammar]

bhaumeṣu devaberārcāpīṭhagarbhagṛhārte |
jātādoṣāntu saṃproktā uttamottamasaṃjñitāḥ || 120 ||
[Analyze grammar]

uttamāstupunarjātāḥ prākāremukhamaṇḍape |
madhyamāḥ prathamāvaraṇe śeṣeṣūktāstathādhamāḥ || 121 ||
[Analyze grammar]

tathā rājāṅgaṇe cottamottamāḥ paritastataḥ |
aṅkaṇeṣūttamā antarvāstuke madhyamāssmṛtāḥ || 122 ||
[Analyze grammar]

adhamā vāstuno bāhye tāratamyamiti smṛtam |
divyāntarikṣayornāsti cikitsā śāntiriṣyate || 123 ||
[Analyze grammar]

bhaumeṣu tu careṣvatra nimittaṃ ca nimittinam |
deśāntare vāsayitvā śāntintatra samācaret || 124 ||
[Analyze grammar]

sthireṣu pratimānāṃ tu rodane hasane tathā |
jvalane ca tathā devaṃ saṃsthāpya taruṇālaye || 125 ||
[Analyze grammar]

tadberasthāṃ samāropya śaktiṃ tatra vidhānataḥ |
śāntiṃ kṛtvā punaḥ kuryātthsāpanaṃ cārcanaṃ kramāt || 126 ||
[Analyze grammar]

parivṛttau punasthsāpya kuryācchāntyādi pūrvavat |
svede ca rudhirasrāve sarvaṃ rodanavaccaret || 127 ||
[Analyze grammar]

kṛmikīṭapataṅgānāṃ kṛṇādīnāmathodbhave |
āropya pūrvavacchaktiṃ punassaṃdhāya yuktitaḥ || 128 ||
[Analyze grammar]

śāntyādīnācaredevamakālasphoṭanādike |
berārcāpīṭhake tadvadālayābhyantarepe ca || 129 ||
[Analyze grammar]

valmīkādyudbhave devaṃ saṃsthāpya taruṇālaye |
yāvaddoṣaṃ khanitvaiva gavyairabhyukṣya pañcabhiḥ || 130 ||
[Analyze grammar]

saṃśodhya sarvaṃ saṃdhāya punasthsāpana mācaret |
prāsādabāhye cotpanne vivare viśadīkṛte || 131 ||
[Analyze grammar]

peṣayitvā marīcyādijalenāpūrya cāśmanā |
ālipya śarkarāṃ kuryācchāntiṃ divyapracoditām || 132 ||
[Analyze grammar]

punarapyudite kuryādevameva tuyuktitaḥ |
makṣikādarśane tattyadvyapohyatvavilaṃbitam || 133 ||
[Analyze grammar]

śodhayitvā tataśśāntimārabheta vicakṣaṇaḥ |
aspṛśyaspakśane tadvatkṛtvā śāntiṃ samācaret || 134 ||
[Analyze grammar]

sthūṇāvirohaṇādau ca punassaṃdhāya cācaret |
haṭhādvṛkṣādhipatine śānti stattyāgapūrvikā || 135 ||
[Analyze grammar]

rājāṅgaṇe samutpanne rājānaṃ sabalaṃ punaḥ |
veśmāntaraṃ vāsayitvā śāntiṃ kṛtvā yathocitām || 136 ||
[Analyze grammar]

abhiṣicya punaryuktedine rāṣṭraṃ praveśayet |
athottamottamasyottamasya syānmadhyamasya ca || 137 ||
[Analyze grammar]

adhamasyāpi cāspṛśyasparśanasya yathākramam |
krameṇādbhutaśāntistu prabhūtā mahatī tathā || 138 ||
[Analyze grammar]

śāntiśśuddhiriti prājñaiḥ pañcadhā śāntirucyate |
ālayābhimukhe tadvadaiśānyāṃ cottare'tha vā || 139 ||
[Analyze grammar]

parvatāgre taṭākasya tīre vā maṇḍapaṃ prapām |
kūṭaṃ vā ṣoḍaśastaṃbhasaṃyuktāṃ sumanoharam || 140 ||
[Analyze grammar]

caturhastapramāṇāntastsaṃbhāntarasamāyutām |
tānonnatācalāyuktāṃ kṛtvā madhye vidhānataḥ || 141 ||
[Analyze grammar]

kuṇḍaṃ śrāmaṇakoktaṃ tu kṛtvādho dvādaśāṅgulam |
khanitvaiva catprācyāṃ dvihastāyata vistṛtam || 142 ||
[Analyze grammar]

hastamātrasamutsedhaṃ kṛtvā sthaṇḍilamuttamam |
prāgādiṣu caturdhikṣu krameṇāhavanīyakam || 143 ||
[Analyze grammar]

anvāhāryaṃ cāvasathyaṃ gārhapatyaṃ ca kārayet |
agneyādiṣu koṇeṣu kuṇḍānyaupāsanāni ca || 144 ||
[Analyze grammar]

kṛtvādvāreṣu vidhinā toraṇādi prakalpayet |
pūrmakaṃbhairaṅkuraiśca kadalībhirdhvajairapi || 145 ||
[Analyze grammar]

staṃbha veṣṭanakādyaiśca darbhamālābhireva ca |
alaṅkṛtya vitānādyairyathāvibhavastaram || 146 ||
[Analyze grammar]

sthaṇḍile dhānyarāśiṃ tu kṛtvā tasya ca madhyame |
padmamaṣṭadalaṃ kṛtvā taṇḍulaistasya madhyame || 147 ||
[Analyze grammar]

sauvarṇaṃ rājataṃ tāmraṃ kṛṇmayaṃ vā svaśaktitaḥ |
dvātriṃśatprasthasaṃpūrṇaṃ kaṃbhamādāya śāstravat || 148 ||
[Analyze grammar]

tantunā pariṣṭyaiva yavāntaramanantam |
vastrayugmena saṃveṣṭya bhūṣaṇaiśca vibhūṣya ca || 149 ||
[Analyze grammar]

sauvarṇa maṅgalānyaṣṭau tathā pañcāyudhāni ca |
varṇacihnāni tādṛṃśi cāhīnānyaṅgulādapi || 150 ||
[Analyze grammar]

ratnāni hema rajataṃ tāmraṃ kāṃsyaṃ tathā trapu |
sīsāyastīkṣṇukāntāni graharūpāṇi caiva hi || 151 ||
[Analyze grammar]

nikṣipyāpūrya toyeva śuddhena tu vidhānataḥ |
karpūracandanośīralavaṅgailādikānapi || 152 ||
[Analyze grammar]

gandhadravyāṇi cānyāni nyasya cūtādipallavān |
tanmukhaṃ tu pidhāneva pidadhyātsadṛśenavai || 153 ||
[Analyze grammar]

ācāryamṛtvijaścāpi vṛtvā śāstravidhānataḥ |
navavastrottarīyādyaiḥ pañcāṅgārpitabhūṣaṇaiḥ || 154 ||
[Analyze grammar]

alaṅkṛtyāgnikuṇḍeṣu hutvāghāraṃ yathoditam |
madhye sūryaṃ tathendrādi bhārgavāṅgārakau tathā || 155 ||
[Analyze grammar]

mandaṃ guruṃ pāvakādi candrarāhudhvajānbudham |
pradakṣiṇavaśenaiva dhyātvāvāṅyār'cayettataḥ || 156 ||
[Analyze grammar]

aṣṭākṣareṇāyutaṃ vā sahasraṃ cāṣṭasaṃyutam |
abhimṛśya vidhānena grahayajñoditena vai || 157 ||
[Analyze grammar]

hunecca tattaddaivatyaṃ samiccarughṛtaiḥ kramāt |
hutvāṣṭottarasāhasraṃ tato vaikhānasānale || 158 ||
[Analyze grammar]

ghṛtāplutairbilvadalairaṣṭottara sahasrakam |
hunedaṣṭākṣaraṃ nityaṃ tathā bilvasamidghetaiḥ || 159 ||
[Analyze grammar]

dūrvāpūpavrīhitilacarulājābjasaktubhiḥ |
vaiṣṇavyācaiva gāyatṣā pūrvavajjuhuyādguruḥ || 160 ||
[Analyze grammar]

ghṛtenāṣṭākṣareṇaiva sahasraṃ cāṣṭasaṃyutam |
hutvānte tu ghṛtenaiva vaiṣṇavaṃ viṣṇusūktakam || 161 ||
[Analyze grammar]

juhuyātpauruṣaṃ sūktaṃ nṛttairgeyaiśca ghoṣayet |
yathādiśaṃ caturvedānnityamadhyāpayetkramāt || 162 ||
[Analyze grammar]

kalpasūtramathaukheyaṃ praṇītaṃ guruṇā purā |
svādhyāyo yatra yatroktastatrādhyeyaṃ vidhānataḥ || 163 ||
[Analyze grammar]

ṛtvigbhyo dakṣiṇāṃ dadyādevaṃ saptāhamācaret |
yadi devālaye doṣaḥ kuṃbhapārśvetha sthaṇḍile || 164 ||
[Analyze grammar]

devaṃ taṃ sthāpya cābhyarchya nivedya ca mahāhaviḥ |
devasyābhimukhe hutvā homamante yathāvidhi || 165 ||
[Analyze grammar]

navāhaṃ vātha stāhamutsavaṃ kārayedvidhiḥ |
divyāntarikṣayoḥ kuṃbhajalenā plāvayennṛpam || 166 ||
[Analyze grammar]

bhaumeṣu tatthsalaṃ prākṣya śiṣṭatoyena vai nṛpam |
tatpatnīṃ cābhiṣiñcecca guruṃ saṃpūjya pārthivaḥ || 167 ||
[Analyze grammar]

suvarṇapaśubhūmyādīndadyādṛtvigbhya eva ca |
dakṣiṇāṃ bahulāṃ dadyājjīvo yajñasya dakṣiṇā || 168 ||
[Analyze grammar]

yadi rājagṛhe doṣaḥ kṛtvā maṇḍapamantike |
pūrvavadgrahayajñaṃ ca homaṃ śrāmaṇake'nale || 169 ||
[Analyze grammar]

kuṃbhasya sādhanaṃ kṛtvā saptāhānte prabhuṃ tathā |
snāpayetkuṃbhatoyena pratiṣṭhāntakrameṇa vai || 170 ||
[Analyze grammar]

dakṣiṇāṃ gurupūrvebhyo datvā kṛtvāṃkurār'paṇam |
śubhe'nukūle nakṣatre kṛtvā caivābhiṣecanam || 171 ||
[Analyze grammar]

praviśetpūrvagehaṃ tu dharmasiddhyaigurūditaḥ |
eṣa eva vidhiḥ prokto gṛhiṇāmapi sammataḥ || 172 ||
[Analyze grammar]

rājñāṃ parārthavṛttitvātso'tra tu prakṛtīkṛtaḥ |
sarvagrāsoparāgādidivyādbhutaśamāyavai || 173 ||
[Analyze grammar]

yathāśakti brāhmaṇebhyassvarṇaṃ bhūmiṃ paśūnapi |
dadyāttathā viśeṣeṇa dakṣiṇāṃ bhūrisammitām || 174 ||
[Analyze grammar]

anāvṛṣṭinivṛttyarthaṃ kuṃbhaṃ saṃgṛhya pūrvavat |
sarvatīrthaṃ samāvāhya samabhyarcyāgrato hareḥ || 175 ||
[Analyze grammar]

dhyānyapīṭhe tu sauvarṇaṃ padmamaṣṭadalairyutam |
hemapātre tu sannyasya devamāvāhya tatra ca || 176 ||
[Analyze grammar]

abhyarcya tasya cordhvetu pīṭhe kuṃbhaṃ nidhāya ca |
kuṃbhamūle tu suṣiraṃ sūcīmātraṃ vidhāya ca || 177 ||
[Analyze grammar]

taddhārayā tvavicchinnarūpayā secayeddharim |
samidbhirvaitasībhistu pālāśībhirathāpi vā || 178 ||
[Analyze grammar]

aṣṭhottarasahastraṃ tu juhuyātpañjavāruṇam |
agnau śrāmaṇake paścāddiśāhomeṣu pūrvavat || 179 ||
[Analyze grammar]

aṣṭāttarasahasraṃ tu pratyekaṃ pañcavāruṇam |
samidbhirjuhuyādvidvānvaitasībhiryadhāvithi || 180 ||
[Analyze grammar]

samidbhiḥ punarājyena vaitasībhiḥ pṛthagghunet |
aṣṭādhikasahasraṃ tu indraṃ praṇayanta'mityapi || 181 ||
[Analyze grammar]

śrāmaṇāgniṃ vidhāyaikaṃ dakṣiṇe tasya vajriṇam |
āvāhya tu samabhyarcya śacīsahā'yeti homayet || 182 ||
[Analyze grammar]

devaṃ viśeṣato'bhyarcya kārayetsnapanādikam |
evaṃ jñātvā vidhānena tattatkarmasu gauravam || 183 ||
[Analyze grammar]

tṣahādi triṃśadghasrāntaṃ śrāmaṇāgnau yathāvithi |
dine dine pūrayitvā kuṃbhaṃ tenaiva secayet || 184 ||
[Analyze grammar]

sarvānte devamāsnāpya samabhyarcya havirdadet |
karmānte syānmahāvṛṣṭistasmādyatnena kārayet || 185 ||
[Analyze grammar]

atha vā varṣa kāmī vā mokṣārthī paśukāmanaḥ |
sarvopadravaśāntyarthī vijayārthī viśeṣataḥ || 186 ||
[Analyze grammar]

snapanālayamāsādya alaṅkṛtya ca pūrvavat |
karmagauravamājñāya saṃbhṛtya bahudhā payaḥ || 187 ||
[Analyze grammar]

pūjayetprathamaṃ yatnādācāryaṃ sahi dhārakaḥ |
ācāryassuprasannātmā śvabhrātprācyāṃ tu taṇḍulaiḥ || 188 ||
[Analyze grammar]

kṛtvā paṅktiṃ dakṣiṇottarāyatāṃ vipulāntarām |
śvabhrāddakṣiṇataḥ kṛtvā kuṇḍaṃ śrāmaṇakasya tu || 189 ||
[Analyze grammar]

agnimādhāya kuṃbhāṃ stu nava saṃveṣṭya tantunā |
adbhiḥ prakṣālya cotpūya kuśakūrcena cātvaraḥ || 190 ||
[Analyze grammar]

kṣīreṇa pūrayitvaiva cotbūtena krameṇa vai |
paṅktiṃ nidhāyāpidhānairapidhāyopari kramāt || 191 ||
[Analyze grammar]

vastreṇācchādayecchvabhraṃpūjāntebhyarcya vai harim |
svastisūktena cānamya saṃsthāpya śvabhramadhyame || 192 ||
[Analyze grammar]

arcanoktavidhānena sarvaṃ pūrvanadāyaret |
tantunā veṣṭite kṣīraṃ kṛhītvākarake pūnaḥ || 193 ||
[Analyze grammar]

viṣṇusūktena ceṣe'tvetyādyairmantraiḥ kramādguruḥ |
tayā saṃsnāpayeddenamuktayo kṣīradhārayā || 194 ||
[Analyze grammar]

tathaiva pariṣicyāgniṃ mantrairviṣṇornu'kādibhiḥ |
atodevādi'bhistadvadaṣṭārṇa manunā tathā || 195 ||
[Analyze grammar]

juhuyādviṣṇugāyatṣā aṣṭādhikasahasrakam |
atha vā snapanaṃ yāvattāvadudvartya mantrataḥ || 196 ||
[Analyze grammar]

hāridrena tu cūrṇena saṃśodhyāmlādibhistataḥ |
gandhodena susaṃsnāpya plotena vimṛjettataḥ || 197 ||
[Analyze grammar]

vastrādibhiralaṅkṛtya samabhyarcya vidhānataḥ |
pāyasādi havirdadyāddapyādācāryadakṣiṇām || 198 ||
[Analyze grammar]

anena sarvān kāmāṃśca labhetāviśayaṃ naraḥ |
dhruvaberārcane cettu saṃsnāpya pramukhe ghaṭam || 199 ||
[Analyze grammar]

tasmādānīya tatraiva snāpayeduktagauravāt |
saptapañcatṣahānyatra kṣīrasnānaṃ prakalpayet || 200 ||
[Analyze grammar]

evaṃ ghṛtābhiṣekaṃ ca kārayetsadṛśaṃ phalam |
imāmadbhutāśāntintu kāśyapādyāḥ pracakṣate || 201 ||
[Analyze grammar]

atha prabhūtaśāntiṃ tu pravakṣyāmi tapodhanāḥ |
pūrvavanmaṇṭapādīni kārayitvā yathāvidhi || 202 ||
[Analyze grammar]

viśāhomaṃ cakṛtvaiva śrāmaṇāgnau yathoditam |
kuṃbhaṃ saṃsādhya ca prāgvatsaptāhānte viśeṣataḥ || 203 ||
[Analyze grammar]

aṣṭottaraśataṃ vāṣṭacatvāriṃśadathātha vā |
saṃgṛhya kalaśānāntu samabhyarcya'bhiṣecya ca || 204 ||
[Analyze grammar]

devaṃ viśeṣato'bhyarcya havirdadyādayaṃ vidhiḥ |
mahāśāntikramaṃ vakṣye vinā kuṃbhasya sādhanam || 205 ||
[Analyze grammar]

agnau śrāmaṇake bilvapatrairājyāplutaiḥkramāt |
aṣṭādhikasahasraṃ vai hunedaṣṭākṣareṇa tu || 206 ||
[Analyze grammar]

ājyena vaiṣṇavaṃ viṣṇusūktaṃ pauruṣameva ca |
hutvā tṣahānte saṃsnāpya śuddhasnapanavartmanā || 207 ||
[Analyze grammar]

samabhyarcya havirdadyānmahāśāntiriyaṃ bhavet |
aupāsanāgnāvekāhaṃ hutvā śāntiṃ vidhānataḥ || 208 ||
[Analyze grammar]

brāhmaṇānbhojayitvaiva dadyādācāryadakṣiṇām |
atha śuddhividhiṃ vakṣye vāstuhomaṃ hunettataḥ || 209 ||
[Analyze grammar]

bilvapatrādibhirhutvā pṛthagaṣṭottaraṃ śatam |
puṇyāhānte guruṃ pūjya bhojayedbrāhmaṇānapi || 210 ||
[Analyze grammar]

sarvatratu vikalpena ghaṭasaṃskāramācaret |
athātassarvaśāntissyādapamṛtyubhaye tathā || 211 ||
[Analyze grammar]

grahakope mahāvyādhau paracakrabhaye tathā |
arthabandhuvināśe ca durbhikṣe ca parājaye || 212 ||
[Analyze grammar]

abhicārabhaye caiva tāpatrayanipīḍane |
viruddhe'cātmanaḥ prāpte sarvaśāntiṃ samācaret || 213 ||
[Analyze grammar]

saptāhaṃ vā navāhaṃ vā dvādaśārṇena vai pṛthak |
aṣṭottara sahasraṃ tu juhuyādvidhinā kramāt || 214 ||
[Analyze grammar]