Chapter 21 - viśeṣārcanam

athātassaṃpravakṣyāmi viṣṇupañcadināni ca |
śravaṇaṃ dvādaśī śukle kṛṣṇe cārdhe ca dvādaśī || 1 ||
[Analyze grammar]

pūrṇimā cāpyamāvāsyā pañcaitāni dināni vai |
pūrvoktena vidhānena aṅkurānarbayetkramāt || 2 ||
[Analyze grammar]

baddhvā pratisaraṃ tatra pūrvarātrautu śāyayet |
prātassandhyārcanāntetu snāpanoktakrameṇavai || 3 ||
[Analyze grammar]

samabhyarcya nivedyaiva pūrvasthāne niveśayet |
mārgaśīrṣākhyamāse tu pūrvapakṣe viśeṣataḥ || 4 ||
[Analyze grammar]

prātassandhyāvasānetu pūrvamāsthānamaṇḍape |
saṃsthāpya caturo vedān krameṇādhyāpayetsadā || 5 ||
[Analyze grammar]

pūjayeddevadeveśaṃ saptaviṃśativigrahaiḥ |
ekādaśīmupopyaiva mahāpātakanāśinīm || 6 ||
[Analyze grammar]

tataḥprabhāte dvādaśyāṃ snātvāsnānavidhānataḥ |
mṛṇmayāni tu bhāṇḍāni purāṇāni parityajet || 7 ||
[Analyze grammar]

mṛṣṭasiktopalepādyaiśśodhayitvā yathārhakam |
snāpanoktakrameṇaiva snāpayitvā yathāvidhi || 8 ||
[Analyze grammar]

āsanādibhirabhyarcya pāyasaṃ ca nivedayet |
pānīyācamanaṃ datvā mukhavāsaṃ tataḥparam || 9 ||
[Analyze grammar]

puruṣasūktena saṃstūya gkāmaṃ caiva pradakṣiṇam |
dhāmapradakṣiṇaṃ kṛtvā jīvasthāne niveśayet || 10 ||
[Analyze grammar]

saṃvatsarer'cane hīne nityanaimittikādiṣu |
tatsarvaṃ pūrṇamityāhurdvāśīpūjane kṛte || 11 ||
[Analyze grammar]

pauṣe tu pūrṇimāyāṃ vai viṣṇupañcadinoktavat |
arcayitvātu deveśaṃ gavyaṃ kṣīraṃ nivedayet || 12 ||
[Analyze grammar]

so'pi saṃvatsaraphalaṃ labhate nātra saṃśayaḥ |
māghamāse punarvasvo rāghavo'jāyata svayam, || 13 ||
[Analyze grammar]

tattastasyāmapoṣyaiva rāmaṃ vā viṣṇumeva vā |
grāmaṃ pradakṣiṇaṃ kṛtvā snāpayitvā nivedayet || 14 ||
[Analyze grammar]

tilapadmavidhiṃ vakṣye śruṇudhvaṃ munipuṅgavāḥ |
māghamāse tu pañcamyāṃ pūrvapakṣe viśeṣataḥ || 15 ||
[Analyze grammar]

pūrvarātrai tu deveśamarcayitvā yathāvidhi |
havīṃṣyapi nivedyaiva baddhvā pratisaraṃ punaḥ || 16 ||
[Analyze grammar]

pūrvavacchāyayitvaiva rātriśeṣaṃ nayetkramāt |
prabhāte devamuddhāpya kalaśaissnāpayetpunaḥ || 17 ||
[Analyze grammar]

maṇḍapaṃ vātha kūṭaṃ vā prapāṃ vātha yathocitam |
gomayenopalipyaiva pañcavarṇairalaṅkṛtam || 18 ||
[Analyze grammar]

tasmin saṃsthāpya deveśaṃ praṇamyaivānumāsya ca |
pramukhe dhānyarāśau tu dvihastāyatavistṛte || 19 ||
[Analyze grammar]

kṛṣṇājinaṃ samāstīrya navavastressamāstaret |
tadūrdhvetu vikīryaivaṣaḍdroṇaṃ tilameva hi || 20 ||
[Analyze grammar]

droṇatrayaṃ dvaye vāpi maṇḍalākālavattathā |
aṣṭabhiścadalairyuktaṃ tilapadmaṃ samālikhet || 21 ||
[Analyze grammar]

triṇiṣkena tadardhena niṣkamātreṇa vā punaḥ |
svarṇapadmaṃ ca kṛtvātu tilapadme tu vinyaset || 22 ||
[Analyze grammar]

āḍhakaiśśālidhānyaiśca pūrṇapātrāṇi ṣoḍaśa |
indrādīśānaparyantaṃ śālirāśyupari nyaset || 23 ||
[Analyze grammar]

aḍhakaṃ tailamāhṛtya tadardhañca ghṛtaṃ tathā |
paścime dadhimannyasya devadevaṃ praṇamya ca || 24 ||
[Analyze grammar]

ātmasūktaṃ ca japtvātu pūjayedaṣṭavigrahaiḥ |
praṇamya devadevāya padmamadhyetu pūrvavat || 25 ||
[Analyze grammar]

prācyādi puruṣādīṃśca caturmūrtibhirāhvayet |
ekādaśopacāraiśca pūjayitvā yathārhakam || 26 ||
[Analyze grammar]

indrādyaiśāntamāvāhya degdevānarcayettata |
atodevā'disaṃyuktaṃ viṣṇusūktaṃ japetpunaḥ || 27 ||
[Analyze grammar]

biṃbe devaṃ samāropya cānyānudvāsayetkramāt |
yajamāno'tha tatkāle dadyādācāryadakṣiṇām || 28 ||
[Analyze grammar]

viṣṇubhaktiyutaṃ śāstaṃ dayādyātmaguṇairyutam |
vedapārāyaṇaparaṃ sarvāvayavasaṃyutam || 29 ||
[Analyze grammar]

vipramāhūya tatkāle devasya niyato'grataḥ |
dhyātvā deveśamācāryo devadevasya sannidhau || 30 ||
[Analyze grammar]

tilapadmaṃ dadettasmai sarvalokahitāya vai |
stotrairgeyaiśca vādaiśca stutvā devaṃ samarcayet || 31 ||
[Analyze grammar]

devaṃ yāne samāropya sarvālaṅkārasaṃyutam |
devālayaṃ parītyaiva jīvasthāne niveśayet || 32 ||
[Analyze grammar]

eve yaḥkurute bhaktyā viṣṇave paramātmane |
sarvān kāmānavāpnoti vaiṣṇavaṃ lokamaśnute || 33 ||
[Analyze grammar]

phālgune māsi phalgunyāṃ śriyā sārthaṃ janārdanam |
snāpayitvotsavaṃ kṛtvā samabhyarchya nivedayet || 34 ||
[Analyze grammar]

caitremāsi tathā caitṣāṃ kuryāddamanakotsavam |
pūrvasminneva divase rātripūjāvasānake || 35 ||
[Analyze grammar]

bhaddhvā pratisaraṃ tatra deveśāya nivedayet |
vasastaṃ kāmamabhyarcya pāyasānnaṃ nivedayet || 36 ||
[Analyze grammar]

desasya dakṣiṇe pārśve mālāṃ damanakīṃnyaset |
prabhāte devamuddhāpya snāpayitvār'cayettathā || 37 ||
[Analyze grammar]

devasya puṣpamantrābhyāṃ dadyādbhakti samanvitam |
sarveṣāṃ parivārāṇāṃ dadyāttanmantramūrtibhiḥ || 38 ||
[Analyze grammar]

grāmaṃ pradakṣiṇaṃ kṛtvā saṃsthāpyāsthānamaṇḍape |
samabhyarcya nivedyaiva mukhavāsaṃ dadettataḥ || 39 ||
[Analyze grammar]

vaiśākhyāṃ paurṇamāsyāṃ vai snāpayitvā samarcayet |
jyeṣṭhe tu snāpayeddevaṃ navavastraṃ pradāpayet || 40 ||
[Analyze grammar]

so'pi saṃvatsaraphalaṃ prāpnuyādeva mānavaḥ |
arghyadānaṃ praśastaṃ syāddevasyāṣāḍhamāsake || 41 ||
[Analyze grammar]

śrāvaṇe māsi sakṣatre śravaṇe tu viśeṣataḥ |
utsavasnapanādīni pūrvavatkārayedbudhaḥ || 42 ||
[Analyze grammar]

ataḥparaṃ pravakṣyāmi jayantyutsavalakṣaṇam |
jayantī śrāvaṇe māsi kṛṣṇapakṣe'ṣṭamī śubhā || 43 ||
[Analyze grammar]

rohiṇīsahitā jñeyā sarvapāpaharā tithiḥ |
tasyāṃ jāto jacagannātho jagatpālana kāṅkṣayā || 44 ||
[Analyze grammar]

candrasyodayakāletu madhyarātre svalīlayā |
tasminvai divase kṛṣṇamarcayitvā prayatnataḥ || 45 ||
[Analyze grammar]

utsavaṃ kārayedyastu viṣṇossālokyatāṃ vrajet |
aṣṭamī rohiṇīyuktā rahitāvā vicakṣaṇaiḥ || 46 ||
[Analyze grammar]

aviddhaiva sadā grāhyāsaptamyā sarvadā tidhiḥ |
ādityodayavelāyāṃ kalāmātrāṣṭamī yadi || 47 ||
[Analyze grammar]

sātithissakalā jñeyā niśīthavyāpinī bhavet |
nāgaviddhā yathā nandā varjitā śravaṇānvitā || 48 ||
[Analyze grammar]

tathāṣṭamīṃ pūrvaviddhāṃ sarkṣāṃ vāpi parityajet |
aviddhaivāṣṭamī grāhyā tāṃ supuṇyāmupāvaset || 49 ||
[Analyze grammar]

rohiṇīsahitā kṛṣṇā māsi bhādrapade'ṣṭamī |
ardharātrādadhaścordhvaṃ galayā vāpi pūrvavat || 50 ||
[Analyze grammar]

jayantī nāma sā proktā sarvapāpapraṇāśinī |
tasmāttu divasātpūrvaṃ navame vātha saptame || 51 ||
[Analyze grammar]

pañcame vā tṣahe'vāpi vidhivā cāṅkurārpaṇam |
pūrvedyureva śarvaryāṃ rātripūjāvasānake || 52 ||
[Analyze grammar]

baddhvā pratisaraṃ tatra śayane śāyayeddharim |
tasyāṃ tithāvardharātre kṛṣṇamevaṃ viśeṣataḥ || 53 ||
[Analyze grammar]

puṣpāñjaliṃ tataḥ kuryācchriyā yukto janārdanaḥ |
bhūmibhārāpahārāya lokejāto jagatpatiḥ || 54 ||
[Analyze grammar]

iti saṃcintayeddevaṃ vaiṣmavaṃ mantramuccaran |
sarvālaṅkārasaṃyuktaṃ maṇḍapaṃ ca pradakṣiṇam || 55 ||
[Analyze grammar]

purastānmadhyame vāpi cāsthāne vāpyalaṅkṛte |
tanmadhye viṣṭare sthāpya devadevaṃ praṇamya ca || 56 ||
[Analyze grammar]

tailaṃ haridracūrṇaṃ ca kalaśān saṃprapūrya ca |
sthaṇḍile vinyasettatra devadevaṃ samarcayet || 57 ||
[Analyze grammar]

tailenābhyañjanaṃ kṛtvā cūrṇenodyartanaṃ caret |
nādeyaṃ gandhatoyaṃ ca puṣpodaṃ cākṣatodakam || 58 ||
[Analyze grammar]

kuśodakaṃ tu saṃbhṛtya kalaśānpañca vinyaset |
ato devā'dibhirmantraissnāpayetpuruṣottamam || 59 ||
[Analyze grammar]

pādyādyarṅyāntamabhyarcya devadevaṃ praṇamya ca |
hiraṇyagarbha'ityuktvāgavāṃ kṣīraṃ nivedayet || 60 ||
[Analyze grammar]

mukhavāsaṃ ca datvaiva praṇāmaṃ ca tataścaret |
niveditaṃ tu tatkṣīraṃ vandhyāputrapradaṃ bhavet || 61 ||
[Analyze grammar]

pītvāprasūte putraṃ ca āyuṣmantaṃ balānvitam |
nītvā ghṛtaṃ ca tailaṃ ca mukhavāsayutaṃ tathā || 62 ||
[Analyze grammar]

devasya darśayitvā tu brāhmaṇebhyaḥ pradīyatām |
devadevamalaṅkṛtya bhaktānāmāttacetasām || 63 ||
[Analyze grammar]

yathā vai yajamānasya tathā priyakaraṃ bhudhaiḥ |
sarvavādyasamāyuktaṃ sarvālaṅkārasaṃyutam || 64 ||
[Analyze grammar]

grāmaṃ vāpyālayaṃ vāpi pradakṣiṇamathācaret |
ālayaṃ saṃpraviśyaiva kalaśaissnāvayedbudhaḥ || 65 ||
[Analyze grammar]

ācāryadakṣiṇāṃ datvā sodakaṃ devasannidhau |
prabhūtaṃ tu nivedyaiva mukhavāsaṃ dadetpunaḥ, || 66 ||
[Analyze grammar]

evamevaṃ tathā kuryādutsavaṃ prativatsaram |
bhuktimuktipradamidamṛṣibhiḥ parīkīrtitam || 67 ||
[Analyze grammar]

apare'tha dine vāpi kārayedutsavaṃ bhudhaḥ |
yadyanmantrakriyālopo vaiṣṇavairhūyate tathā || 68 ||
[Analyze grammar]

ekasminvatsare hīne devadevaṃ praṇamya ca |
snapanaṃ pañcaviṃśadbhiḥ kalaśaiśśuddhamānasaiḥ || 69 ||
[Analyze grammar]

śāntihomaṃ ca hutvātu puṇyāhamapi vācayet |
utsavaṃ dviguṇaṃ kuryāddakṣiṇāṃ ca svaśaktitaḥ || 70 ||
[Analyze grammar]

śrāvaṇe dvādaśīyoge māpi bhādrapade tathā |
saṃvatsarārcādoṣasya śāntyarthaṃ keśavasya tu || 71 ||
[Analyze grammar]

asminmāse viśeṣeṇa pavitrāropaṇaṃ hareḥ |
sarvadoṣopaśamanaṃ sarvakāmābhivṛddhidam, || 72 ||
[Analyze grammar]

māse'smīnnārabhetaiva śravaṇavratamuttamam |
tribhirvarṣaistribhirmāsairupoṣya ca mahatpalam || 73 ||
[Analyze grammar]

āśvayujamāse cāśvyarkṣe deveśaṃ snāpayettataḥ |
arghyadānaṃ praśastaṃ syāddevadevasya śārjiṇaḥ || 74 ||
[Analyze grammar]

athātaḥ kṛttikādīpadānalakṣaṇamucyate |
kārtikyāṃ pūrṇimāyāntu yadṛkṣantu pravartate || 75 ||
[Analyze grammar]

tadṛkṣaṃ dīpaṛkṣaṃ syātkālāpekṣā na vidyate ravyastamayavelāyāṃ |
dīpāropaṇamācaret || 76 ||
[Analyze grammar]

devasya sannidhau staṃbhe devālayasamocchraye |
adhike vā mahādīpaṃ mahāsnehaṃ prakalpayet || 77 ||
[Analyze grammar]

tripādaṃ vā tadhardhaṃ vā dīpadaṇḍaṃ samāharet |
veṇuṃ vā kramukaṃ vāpi tālaṃ vā nālikerakam || 78 ||
[Analyze grammar]

madhūkaṃ tintriṇīkaṃ cetyanyaissāradrumaistathā |
śatāṣṭadīpasaṃyuktaṃmuttamottamamucyate || 79 ||
[Analyze grammar]

utme madhyamaṃ dīpaṃ |
śatasaṃkhyākramaṃ viduḥ |
uttamādhamadīpaṃ syānnavatirdvyadhikā tathā || 80 ||
[Analyze grammar]

madhyamottamamuktaṃ syādaśītiścaturastathā |
madhyame madhyamaṃ caiva ṣaṭsaptatirathocyate || 81 ||
[Analyze grammar]

madhyamādhamadīpantu aṣṭaṣaṣṭiriti smṛtam |
adhamottamadīpantu ṣaṣṭisaṃkhyāṃ vadantihi || 82 ||
[Analyze grammar]

dvipañcāśatpradīpāṃśca kuryādadhamamadhyame |
adhamādhamamevedaṃ catvāriṃśatpradīpakam || 83 ||
[Analyze grammar]

aśaktānāṃ yathāśakti dīpaṃ tatraiva yojayet |
daṇḍetu suṣire yojyaṃ caturdikṣu krameṇa vai || 84 ||
[Analyze grammar]

bhūtapīṭhasya pūrvetu dīpasthānaṃ vidhīyate |
padmakośapratīkāśa'iti śrutyāmudāhṛtam || 85 ||
[Analyze grammar]

tasmātsarvaprayatnena padmaṃ kuryātsalakṣaṇam |
vistārāyāmatulyaṃ syāccatustālapramāṇataḥ || 86 ||
[Analyze grammar]

golakāṅgulamutsedhaṃ caturaśraṃ prakalpayet |
tatraiva śālibhi stiryakpadmamaṣṭadalānvitam || 87 ||
[Analyze grammar]

tanmadhye tālamātreṇa samavṛttaṃ sakarṇikam |
ekāṅgulasamutsedhaṃ tatraivopari taṇḍulaiḥ || 88 ||
[Analyze grammar]

sati padmaṃ samutphullaṃ navavastraṃ samāstaret |
puṣpaṃ tasyopari nyasya kalbayetpadmamaṇḍalam || 89 ||
[Analyze grammar]

daleṣvabhyarcya ca vasūnmadhye dharmaṃ samarcayet |
ālayābhimukhe kuryātprapāṃ caivātisundaram || 90 ||
[Analyze grammar]

āsthānamaṇḍape vāpi kalpayetpadmamaṇḍalam |
sauvarṇaṃ rājataṃ tāmraṃ mṛṇmayaṃ vāsvaśaktitaḥ || 91 ||
[Analyze grammar]

śarāvaṃ prasthasaṃpūrṇaṃ samāhṛtya vicakṣaṇaḥ |
kiñcitkarpūrasaṃyuktaṃ picuvartisamanvitam || 92 ||
[Analyze grammar]

gavyaṃ ghṛtaṃ samādāya sthāpayetpadmamadhyame |
ācāryassuprasannātmā navavastrottarīyakaḥ || 93 ||
[Analyze grammar]

śriyaijā'teti mantreṇa dīpasyoddīpanaṃ caret |
pratīcyāṃ padmamadhyetu śriyaṃ dhyātvā samāhvayet || 94 ||
[Analyze grammar]

ekādaśopacāraiśca pūjayitvā samāhitaḥ |
śrīdevīṃ manasā dhyātvā śrīsūktaṃ ca samuccaran || 95 ||
[Analyze grammar]

dīpamādāya hastābhyāmapsarobhirviśeṣataḥ |
dīpānanyāntsamādāya to yadhārāsamanvitam || 96 ||
[Analyze grammar]

geyadhvanisamāyuktaṃ nṛttavādyasamanvitam |
pradakṣiṇaṃ tataḥ kṛtvā garbhāgāraṃ praveśayet || 97 ||
[Analyze grammar]

depasya dakṣiṇe pārśvesthāpayenmantravittamaḥ |
devadevaṃ samānīya maṇḍale sthāpya cātvaraḥ || 98 ||
[Analyze grammar]

kuryāddaśopacārāṃśca samabhyarcyedvidhānataḥ |
śrīye jā'teti mantreṇa dīpānuddīpayedbudhaḥ || 99 ||
[Analyze grammar]

garbhageheca sopāne prāsāde mukhamaṇḍape |
prāsādaśikhare vāpigrīvāyāṃ caraṇe'pi ca || 100 ||
[Analyze grammar]

prākāreṣu ca sarvatra tathaiva snapanālaye |
puṣpasaṃcayadeśe ca dvāre cāsthānamaṇḍape || 101 ||
[Analyze grammar]

anyeṣvapi ca sarvatra dīpānuddīpayetkramāt |
kārpāsatūlaṃ saṃbaddhya śarāveṣughṛtena vai || 102 ||
[Analyze grammar]

pūrvoktenaiva mantreṇa coddīpanamathācaret |
nṛttageyādivādyaiśca ghoṣayitvā prayatnataḥ || 103 ||
[Analyze grammar]

taccharāvasthadīpaṃ ca balipīṭhasya paścime |
adhidevaṃ samārādhya nikṣipeddīpamaṇḍape || 104 ||
[Analyze grammar]

śubhrājyoti'riti procya daṇḍrāgre'nyāṃśca nikṣipet |
nivedya bahūdhā devaṃ pṛthukādīnviśeṣataḥ || 105 ||
[Analyze grammar]

bhakṣyāṇi guḍamiśrāṇiprabhūtaṃ ca mahāhaviḥ |
grāmaṃ pradakṣiṇaṃ kṛtvā sarvālaṅkārasaṃyutam || 106 ||
[Analyze grammar]

punardevaṃ samādāya jīvasthāne niveśayet |
so'pi saṃvatsaraphalaṃ prāpya gacchetparaṃ padam || 107 ||
[Analyze grammar]

grahaṇārādhanam |
athātassaṃpravakṣyāmi sūryasomoparāgayoḥ |
arcanādividhiṃ samyak devadevasya śārṅgiṇaḥ || 108 ||
[Analyze grammar]

sūryagrahe caturyāmaṃ triyāmaṃ tu vidhugrahe |
nāśnanti havyakavyāni devatāḥ pitarastathā || 109 ||
[Analyze grammar]

ālaye tu hareḥ pūjāṃ na tyajanti maharṣayaḥ |
havirnivedanaṃ hitvāpūjāṃ sarvāṃ samācaret || 110 ||
[Analyze grammar]

grahaṇe vartamānetu snāpayetpuruṣottamam |
koṭiyajñaphalaṃ prāpya brahmaloke mahīyate || 111 ||
[Analyze grammar]

grastāstagrahaṇe kuryātsnapanaṃ tu pare'hani |
tathā grastodaye kuryāditi śātātapo'bravīt || 112 ||
[Analyze grammar]

sarvadhā varamāne tu grahaṇesnapanaṃ caret |
grahaṇaṃ saṃkramo hasticchāyā ca viṣuvādikam || 113 ||
[Analyze grammar]

yugādi va mādyāstu puṇyakālāḥ prakīrtitāḥ |
niṣethaḥ kathitaḥ prājñairhavirdāsavadutsave || 114 ||
[Analyze grammar]

nityārcanaṃ cotsavaṃ ca snapanātpūrvamācaret |
snāpayitvā hṛṣīkeśaṃ havirdānaṃ praśasyate || 115 ||
[Analyze grammar]

vāstuśuddhiṃ sadā kuryādgrahaṇe candrasūryayoḥ |
purāṇāni ca bhāṇḍāni tyaktvānyāni samāharet || 116 ||
[Analyze grammar]

kuśāgrāṇāṃ samutkṣepādvāsasāṃ śuddhiriṣyate |
apakvānāṃ ca vastūnāṃ na pakvaṃ parigṛhṇate || 117 ||
[Analyze grammar]

adṛśyamuparāgantu noparāgaṃ pracakṣate |
dīkṣitasya tathānyasya snānaṃ syātsparśamokṣayoḥ || 118 ||
[Analyze grammar]

yāvānādyantakālassyāttāvatākīrtayeddharim |
maunī japādikaṃ kuryādūrdhvapuṇḍradharaśśuciḥ || 119 ||
[Analyze grammar]

saptavātāhataṃ vastramārdraṃ dhṛtvā na doṣabhāk |
grahaṇe bhagavatsevā sarvāśubhavināśinī || 120 ||
[Analyze grammar]

dadyāddhānāni śaktyā vai sakāmo harimandire |
tadanantaṃ bhavetsākṣī yatrānanto harissvayam || 121 ||
[Analyze grammar]

prabhūtaṃ tu nivedyātha bhuñjīyāttadanantaram |
rātrau śrāddhaṃ prakurvīta grahaṇe tannadoṣakṛt || 122 ||
[Analyze grammar]

dūṣite tūktakāle tu tasyāpagama eva ca |
viparīte mahāndoṣa iti śāstravido viduḥ || 123 ||
[Analyze grammar]

na niśīthātparaṃ śrāddhamāpatsvapi vidhīyate |
snānamāśaucināṃ nityaṃ te'pi dānaṃ ca kurva || 124 ||
[Analyze grammar]

na japo na tapasteṣāmaśuddhā mokṣaṇe punaḥ |
yadā rāśyantaraṃ rāśeḥ kāle saṃkramate raviḥ || 125 ||
[Analyze grammar]

tadā tu puṇyakālassyātsnapanādyatra kārayet |
kaṭakeviṃśatiḥ pūrvaṃ makare viṃśatiḥ pare || 126 ||
[Analyze grammar]

puṇyāntu ghaṭikāḥ proktā statra grahaṇavaccaret |
yadāstamayavelāyāṃ saṃdhyāyāṃ saṃkramoraveḥ || 127 ||
[Analyze grammar]

pūrve'hṇi puṇyakālassyādaparāhṇātparassmṛtaḥ |
ardhāstamita āditye tathā cār'dhodite sati || 128 ||
[Analyze grammar]

pāścātyapūrvaghaṭīkāstisrassaṃdhyā prakīrtitāḥ |
uparāge'pi kuryādvai utsave'vabhṛthaṃ hareḥ || 129 ||
[Analyze grammar]

vidhugrahe niśāṃ sarvāmahorātraṃ ravigrahe |
tyajecchubhe tadā kuryānnaiva dīpotsavaṃ hareḥ || 130 ||
[Analyze grammar]

paścānniśīthādgrahaṇe dīpaṃ dāsyanti ke ca na |
aviddheparvaṇi proktaṃ dīpadānaṃ śubhāvaham || 131 ||
[Analyze grammar]

grahaṇe'pi bhaveddīpamaviddhā pūrṇimā na cet |
aparvaṇyarpitaṃ dīpaṃ hanti puṇyaṃ purātanam || 132 ||
[Analyze grammar]

māsarkṣeṣvanyapuṇvarkṣe viṣṇupañcadine tathā |
arcanārthāya devasya kālo madhyāhna ucyate || 133 ||
[Analyze grammar]