Chapter 23

api tu nāsi māṇavā ito anyapurād asi tvaṃ ihāgato |
yo lokahitaṃ prabhaṃkaraṃ dīpavatīṃ prāptaṃ na budhyase || 1 ||
[Analyze grammar]

dīpaṃkara lokanāyako arcimato tanayo mahāyaśo |
buddho nagaraṃ pravekṣyati tasya kṛte nagaraṃ alaṃkṛtaṃ || 2 ||
[Analyze grammar]

yad' icchasi pūjituṃ lokanāyakaṃ jalajehi mālyehi manoramehi |
upādiyāhi mamam adya bhāryāṃ premṇānuraktā satataṃ ti bheṣyaṃ || 3 ||
[Analyze grammar]

udumbarasya yatha puṣpaṃ dullabhaṃ kadācid utpadyati loke māṇava |
em' eva buddhāna mahāyaśāna kadācid utpādaṃ tathagatānāṃ || 4 ||
[Analyze grammar]

pūjehi buddhaṃ naradamyasārathiṃ jalajehi mālyehi manoramehi |
bodhāya te bheṣyati hetubhūtaṃ bhāryā ca te bheṣyi ahaṃ tahiṃ tahiṃ || 5 ||
[Analyze grammar]

upādiyāmi tava adya bhāryāṃ jalajāna arthāya manoramāṇāṃ |
pūjeṣyi buddhaṃ naradamyasārathiṃ bodhāya me bheṣyati hetubhūtaṃ || 6 ||
[Analyze grammar]

sā hṛṣṭā saṃvṛttā adāsi utpalāṃ snehena premṇānugataṃ viditvā |
gacchantam enaṃ anugacchi cārikāṃ śṛṃgāṭake yatra sthito hi māṇavo || 7 ||
[Analyze grammar]

gamanasamaye bhagavato devasahasrāṇi sannipatitāni |
saptaratanāmayāni cchatrasahasrāṇi ādāya || 8 ||
[Analyze grammar]

atha so mahāguṇadharo saṃprasthito agrato gaṇavarasya |
mattagajakhelagāmī marīcijālāvatatakāyo || 9 ||
[Analyze grammar]

verulikasphāṭikamayakāṃcanaghanakanakasukṛtadaṇḍāni |
chatrāṇi devaputrā dhārenti viśuddhadevasya || 10 ||
[Analyze grammar]

devābhinirmitāni nabhe taruṇādityamaṇḍalanibhāni |
tapanīyakiṃkiṇīyārucirā varanandighoṣāṇi || 11 ||
[Analyze grammar]

saptaratanāmayaṃ pi ca divyaṃ divyakusumamaṇḍitacchatraṃ |
chatrādharasya loke dhārayi cchatraṃ tridaśarājā || 12 ||
[Analyze grammar]

trisahasrādhipatiṃ pi ca kāṃcanaghanakanakasukṛtadaṇḍāye |
varacāmarāye virajaṃ vījentiṃ narendraṃ ca anugatāḥ || 13 ||
[Analyze grammar]

atyunnatā ca namati natāpi atyunnatā bhavati bhūmiḥ |
praviśantasya bhagavato samaṃ daśabalānubhāvena || 14 ||
[Analyze grammar]

samanantaraṃ ca bhagavāṃ dakṣiṇam eva caraṇaṃ kanakakamalaṃ |
pariharati indrakīle tatra bhavati adbhuto ghoṣo || 15 ||
[Analyze grammar]

āḍambarā mṛdaṅgā paṭahā asaṃghaṭṭitā pravādyanti |
śaṃkhā paṇavā ca veṇu praviśantasmiṃ naravarasmiṃ || 16 ||
[Analyze grammar]

yāni ratanāni nagare nihitāni peṭakakaraṇḍagatāni |
tāni pi saṃghaṭṭensuḥ ratanavaravidusmiṃ praviśante || 17 ||
[Analyze grammar]

atha mahārahāṇi mṛdūni vastrayugā mārge saṃstarayensu |
bhagavato nānāvidhāni raṃgaraktā kāśikadukūlā || 18 ||
[Analyze grammar]

yāva ca agrodyānaṃ yāva ca antaḥpuraṃ mahipatisya |
śobhati narendramārgo duṣyaśatasahasrasaṃstīrṇo || 19 ||
[Analyze grammar]

atha ca vanakhaṇḍaragatā pramadā adhyokiranti narasiṃhaṃ |
kusumanikarakaṃ grahetva kanakagirinibhaṃ abhikiranti || 20 ||
[Analyze grammar]

yathayatha mahānubhāvo dīpavatīm abhyupeti kāruṇiko |
tathātathā kusumanikaraṃ muṃcanti yaśasvino bhavato || 21 ||
[Analyze grammar]

tāni ca karapramuktā surabhīṇi paṃcavarṇo + + + |
saṃsthihati puṣpakaṃcuko bhagavato lokanāthasya || 22 ||
[Analyze grammar]

gaganapathe nirālambe abhyantarakaṇṭakāni surabhīṇi |
sthātu prādakṣaṇiye abhidakṣiṇaṃ kurvi kusumāni || 23 ||
[Analyze grammar]

gacchati anugacchanti tiṣṭhanti sthāti lokapradyote |
īryāpatham ṛddhimato sarvābhibhuno na vijahante || 24 ||
[Analyze grammar]

saṃvartakā pi vātā yadi vivahensuḥ imāṃ trisāhasrāṃ |
na vikopaye kuto puna vahensu taṃ puṣpakaṃcukakaṃ || 25 ||
[Analyze grammar]

bhagavantaṃ kanakanibhaṃ kanakavaram ucchusamavarṇaṃ dṛṣṭvā |
divi marūṇa gaṇā tada udīrayensuḥ aho dharmaṃ || 26 ||
[Analyze grammar]

pramuktapuṣpāvakīrṇaṃ ca ambaraṃ dharaṇiyaṃ ca kusumoghā |
śobhanti jānumātrā puṣpaṃ ca kañcukam ākāśe || 27 ||
[Analyze grammar]

hikkārā tūryamiśrā samantato vartanti aho dharmaṃ |
onādenti puravaraṃ naravṛṣabhasmiṃ praviśantasmiṃ || 28 ||
[Analyze grammar]

haṃsakaraviṃkavarhiṇaparabhṛtasuravā ca bhṛṃganirghoṣā |
dīpavatīye niśāmyati nidhiratanadhvanitavimiśrā || 29 ||
[Analyze grammar]

cirasya cakṣuṃ udapāsi loke cirasya utpādo tathāgatānāṃ |
cirasya mahyaṃ praṇidhiḥ samṛddhā buddho bhaviṣyāmi na me 'tra saṃśayaḥ || 30 ||
[Analyze grammar]

ajinaṃ prajñapayitvā kamaṇḍaluṃ nikṣipayitva ekānte |
kṣipiyān' utpalahastaṃ nipate kramavarehi cakṣumato || 31 ||
[Analyze grammar]

tāni ca karapramuktā surabhīṇi paṃcavarṇo + + + + + + |
saṃsthihati puṣpakaṃcuko bhagavato lokanāthasya || 32 ||
[Analyze grammar]

gaganapathe nirālambe abhyantarakaṇṭakāni surabhīṇi |
sthātu prādakṣiṇiye abhidakṣiṇaṃ kṛtva kusumāni || 33 ||
[Analyze grammar]

gacchati anugacchanti tiṣṭhanti sthāti lokapradyote |
īryāpatham ṛddhimato sarvābhibhuno na vijahante || 34 ||
[Analyze grammar]

saṃvartakā pi vātā yadi vivahensuḥ imā trisāhasrāṃ |
na vikopaye kṛto puna vahensu taṃ puṣpakaṃcukakaṃ || 35 ||
[Analyze grammar]

bhagavantaṃ kanakanibhaṃ kanakavaram ucchusamavarṇaṃ dṛṣṭvā |
divi marūṇa gaṇā tada udīrayensuḥ aho dharmaṃ || 36 ||
[Analyze grammar]

atha sāgarāmbaramahī saṃkampe ca divi devasaṃgheṣu |
vyākaraṇasmiṃ vyākṛte abhyudgami adbhuto ghoṣo || 37 ||
[Analyze grammar]

eṣo megho bhavatā ekāntasubhāṣitocchritadhvajena |
dīpaṃkareṇa muninā vyākṛto bhaviṣyasi jino tuvaṃ || 38 ||
[Analyze grammar]

taṃ hitasukhāya kāhasi sabrahmasurāsurasya lokasya |
hāyiṣyanti apāyā narakā maru saṃvivardhanti || 39 ||
[Analyze grammar]

dīpaṃ ca lenaṃ ca parāyaṇaṃ ca dīpaṃkaro nāma abhūṣi śāstā |
ito asaṃkhyeyatarasmiṃ kalpe svākhyātadharmmo bhagavāṃ nareśo || 40 ||
[Analyze grammar]

so uttamārthaṃ abhigamya paṇḍito viśāradaṃ vartayi dharmacakraṃ |
satye ca dharme ca smṛto pratiṣṭhito mahadbhayād viṣamād uddhare prajāṃ || 41 ||
[Analyze grammar]

megho 'ddaśā śramaṇagaṇasya nāyakaṃ dīpaṃkaraṃ paramavicitralakṣaṇaṃ |
cittaṃ prasādetva jinaṃ avandi ca so vandamāno praṇidhiṃ akāsi || 42 ||
[Analyze grammar]

evaṃ ahaṃ lokam imaṃ careyaṃ yathā ayaṃ carati asaṃgamānaso |
cakraṃ pravarteyam ananyasādṛśaṃ susaṃskṛtaṃ devamanuṣyapūjitaṃ || 43 ||
[Analyze grammar]

arthaṃ careya loke devamanuṣyā deśeyaṃ dharmaṃ |
evaṃ vineya satvā yathā ayaṃ lokapradyoto || 44 ||
[Analyze grammar]

praṇidhiṃ ca jñātvāna asaṃgasaṃgataṃ sarvehi hetūhi upasthitaṃ jino |
akhaṇḍam acchidram akalmāṣāvraṇaṃ matimāṃ + + + vyākare arthadarśī || 45 ||
[Analyze grammar]

buddho tuvaṃ bheṣyasi megha māṇava anāgate aparimitasmiṃ kalpe |
kapilāhvaye ṛṣibhavanasmiṃ śākiyo tadā tvaṃ pi praṇidhivipākam eṣyasi || 46 ||
[Analyze grammar]

yathā kāṣṭhaṃ vivahyate mahante udakārṇave |
saṃghaṭṭito vinaśyati evaṃ priyasamāgamo || 47 ||
[Analyze grammar]

rakto arthaṃ na jānāti rakto dharmaṃ na paśyati |
andhakāre tadā bhavati yaṃ rāgo sahate naraḥ || 48 ||
[Analyze grammar]

tena samayena sthaviro dharmaruci upāgamesi śāstāraṃ |
pādau jinasya vandati āha pi sucirasya dharmaruci || 49 ||
[Analyze grammar]

sucirasya lokanāyaka dharmaruci pratibhaṇāti śāstāraṃ |
jānantaṃ pṛcchati jino kiṃkāraṇaṃ brusi sucirasya || 50 ||
[Analyze grammar]

so punar āha pure ahaṃ lavaṇajale timitimiṃgilo āsi |
kṣudhādaurbalyaparigato viparimuṣaṃ bhojanārthāye || 51 ||
[Analyze grammar]

tatra bahu prāṇanayutā praviśensus tada śarīradehaṃ me |
vāṇijakaśatāni paṃca praviśensu tathaiva yānena || 52 ||
[Analyze grammar]

pātre ca praviśamāne atrāṇabhayārditā vyasanaprāptā |
sarve ekavācam avaci namo daśabalasya buddhasya || 53 ||
[Analyze grammar]

buddheti śrutva ghoṣaṃ aśrutapūrvam abhūṣim ahaṃ prīto |
hṛṣṭo udagracitto tvaritaṃ saṃmīlayesi mukhaṃ || 54 ||
[Analyze grammar]

sunensu prāṇanayutāni tiryagyonigatā vaṇijaśatāna |
ghoṣeṇa daśabalasya vyutthito tadāham apāyeṣu || 55 ||
[Analyze grammar]

tena kuśalena bhagavaṃ idaṃ me āropitaṃ manuṣyatvaṃ |
sucaritaphalena tena dharmarucīti mama samājñā || 56 ||
[Analyze grammar]

tenaivāhaṃ hetunā pravrajito tava svayaṃbhu prāvacane |
nacirasya pravrajitvā abhūṣi arahāṃ dhutakleśo || 57 ||
[Analyze grammar]

bahukalpakoṭinayutā saṃsāraṃ saṃsaritvāna anantaṃ |
anusmārento sugataṃ bhaṇāmi sucirasya lokahita || 58 ||
[Analyze grammar]

sucirasya dharmacakṣur viśodhitaṃ dharmasaṃśayaṃ chinnaṃ |
mohatimirāvanaddhaṃ uṣito 'smi ciraṃ apāyeṣu || 59 ||
[Analyze grammar]

tena kuśalena timiraṃ prahīnaṃ rāgadveṣā ca ūhatā |
aśeṣā bhavanetrisaritā ucchoṣitā ayam iha jātiḥ || 60 ||
[Analyze grammar]

asya pi timitimiṃgilasya buddhaśravaṇaṃ mahatphalaṃ āsi |
kiṃ puna idāni bhagavaṃ idaṃ śrutaṃ nāvahed amṛtaṃ || 61 ||
[Analyze grammar]

tasmād vivarjayitvā nīvaraṇā paṃca cetasāvaraṇā |
śrotavyaṃ buddhavacanaṃ dullabhasaṃjñām upajanetvā || 62 ||
[Analyze grammar]

kṛcchro manuṣyalābho vivarjanā ca asārarūpavanāt |
buddhāna ca utpādo śraddhā ca bhaveya ca nirvṛtiḥ || 63 ||
[Analyze grammar]