Chapter 11 - bhagavatpratiṣṭhāvidhiḥ

athātassaṃpravakṣyāmi pratiṣṭhāvidhimuttamam |
supraśaste muhūrte vai pratiṣṭhāṃ kārayedbudhaḥ || 1 ||
[Analyze grammar]

ācāryalakṣaṇam |
vaikhānasena sūtreṇa niṣekādikriyānvitān |
viprānvedavidaśśreṣṭhāndhārmikān jñāpatatparān || 2 ||
[Analyze grammar]

saumyān jitendriyān śuddhānviṣṇorārādhane parān |
ūhāpohavidhānena dhvastasaṃśayamānasān || 3 ||
[Analyze grammar]

patnyapatyayutān śāntān snānaśīlān surūpiṇaḥ |
āhūya pūjyatatraikaṃ sarvakāryopadeśakam || 4 ||
[Analyze grammar]

ācāryaṃ varayitvaiva tenoktaṃ sarva mācaret |
bhūmiḥ parīkṣitā yena guruṇā vidhipūrvakam || 5 ||
[Analyze grammar]

karṣaṇādipratiṣṭhāntaṃ karma tenaiva kārayet |
ūrdhvepyācāryakarmāṇi tatra tenaiva kārayet || 6 ||
[Analyze grammar]

tadabhāve tu tatputraṃ pautraṃ naptārameva vā |
tasyaiva bhrātaraṃ śiṣyaṃ praśiṣyaṃ gurumeva vā || 7 ||
[Analyze grammar]

sabrahmacāriṇaṃ vāpi pūrvābhāve tathottaram |
tadanujñāta mitara mācāryatve niyojayet || 8 ||
[Analyze grammar]

anyadhā ce nmahāndoṣo rājā rāṣṭraṃ ca naśyati |
kṣīyante varṇadharmāśca jāyate varṇasaṃkaraḥ || 9 ||
[Analyze grammar]

agnihotrā na sīdanti svādhyāyo na pravartate |
viparītāni cānyāni bhaviṣyantyadharottaram || 10 ||
[Analyze grammar]

tasmācchāstroktavidhinā sarvakarmāṇi kārayet |
śvetagandhānulepaiśca śvetapuṣpāṃgulīyakaiḥ || 11 ||
[Analyze grammar]

ācāryādīn samaphyarcya namaskṛtya svadaivavat |
karmedaṃ me kuru'ṣveti yāce dācārya mādarāt || 12 ||
[Analyze grammar]

śiṣyaḥ samarpayetsarvaṃ bharamācāryapādayoḥ |
ācāryaḥ suprasannātmā śiṣyānugrahatatparaḥ || 13 ||
[Analyze grammar]

tathaiveti susaṃkalpya kuryāccaivāṃkurārpaṇam |
aṅkurārpaṇakādūrdhva māraṃbhadivasādadhaḥ || 14 ||
[Analyze grammar]

kūśmāṇḍahoma mabjāgnaukārayedgururatvaraḥ |
śuddhadantanakhaścaiva śvetavastrottarīyakaḥ || 15 ||
[Analyze grammar]

triṣavaṇasnānanirato haviṣyāśī jitendriyaḥ |
evaṃ krameṇavai vidvānṛtvigbhiḥ sārthamācaret || 16 ||
[Analyze grammar]

araṇīṃ srukcruvaucaiva juhūmupabhṛtaṃ tathā |
maṅgalāni ca darvīṃ ca toraṇāni yathākramam || 17 ||
[Analyze grammar]

nyagrodhaplakṣā paśvadthaṃ pitṛvṛkṣayutaṃ tathā |
toraṇārthaṃ samāhṛtya lakṣaṇena samanvitam || 18 ||
[Analyze grammar]

athāṣṭamaṅgalaṃ vakṣyedvitālāyatameva ca |
prādeśavistṛtaṃ kuryāt ṣaḍaṅgula mathāpi vā || 19 ||
[Analyze grammar]

ghanaṃ syāccaturaṅgulya mata vā dvyaṅgulaṃbhavet |
tasya madhye likhe dvidvāntattadrūpaṃ pṛthakpṛthak || 20 ||
[Analyze grammar]

śrīvatsaṃ pūrṇakuṃbhaṃ ca bherī mādarśanaṃ tathā |
matsyayugmāṅkuśau śaṅkha māvartaṃ cāṣṭamaṅgalam || 21 ||
[Analyze grammar]

āvartalakṣaṇaṃ vakṣye pañcaviṃśatpadaṃ tathā |
īśādinairṛtāntantu padaṃ tristriḥkrameṇa ca || 22 ||
[Analyze grammar]

pūrvamadhyamapāścātyapadānyevatu yojayet |
vāyuvye tvagnikoṇānta mudaṅmadhyamadakṣiṇe || 23 ||
[Analyze grammar]

antarālapadāṃścāṣṭau vinaiva tu vicakṣaṇaḥ |
etaiśca saptadaśabhi rāvarta mabhidhīyate || 24 ||
[Analyze grammar]

śaṅkhacakragadācāpā asiḥ pañcāyudhānyapi |
srucaḥ sruvasya daṇḍaṃ tu prādeśatraya māyatam || 25 ||
[Analyze grammar]

mūlaṃ prādeśamātraṃ syā dagranāhaṃ tadardhakam |
agre bilvaphalākāraṃ prādeśa pratimaṇḍalam || 26 ||
[Analyze grammar]

dvyaṅgulaṃ syāttadāsyantu kartaṃ māṣadvayāvadhi |
sruvamevaṃ prakurvīta dviprādeśa mathāpivā || 27 ||
[Analyze grammar]

juhūdaṇḍasamāyāmaṃ caturviṃśatakāṅgulam |
nāhaṃ tadardha mityuktaṃ padmasya mukulopamam || 28 ||
[Analyze grammar]

ṣaḍaṅgulaṃ tu tasyāgraṃ nāhaṃ tasya vicakṣaṇaḥ |
yugāṅgulāgravistāra maṣṭāṃgula mathāyatam || 29 ||
[Analyze grammar]

śeṣaṃ tu tṣaśra mityuktaṃ vistṛtonnata maṅgulam |
madhyagartānupūrvyeṇa juhvāścaivakramaṃ viduḥ || 30 ||
[Analyze grammar]

paścādupabhṛtaṃ kuryātprādeśatraya māyatam |
prādeśaṃ nāhamityuktaṃ mūlādagraṃ tadardhakam || 31 ||
[Analyze grammar]

ānupūrvyātkṛśaṃ daṇḍaṃ galāntamiti saṃjñitam |
ūrdhve prādeśamāyāmaṃ caturaśraṃ ṣaḍaṅgulam || 32 ||
[Analyze grammar]

tadūrdhver'dhāṅgulāyāmaṃ kaṇṭha mevaṃ pracakṣate |
śeṣaṃ tu tṣaśrakaṃ kuryāttatra tenaiva kārayet || 33 ||
[Analyze grammar]

unnatāsyāṅgulārdhaṃ syādbhittyuccamiti kathyate |
oṣṭha mekāṅgulaṃ jñātvā tanmadhyenimna mācaret || 34 ||
[Analyze grammar]

pūrṇacantrākṛtiṃ kṛtvā prādeśaṃ tasya nāhakam |
nimnaṃ caturyavāgāḍha magrāntastu kramādbudhaḥ || 35 ||
[Analyze grammar]

atha darvyāstathāyāmaṃ caturviṃśatikāṃgulam |
ṣaḍaṅgulaṃ tadagraṃ syātpucchaṃ pañcāṃgulaṃ bhavet || 36 ||
[Analyze grammar]

śeṣaṃ trayodaśāṃgulyādaṇḍa mityucyate kramāt |
mūlasthūlaṃ bhavennārī agrasthūlaṃ napuṃsakam || 37 ||
[Analyze grammar]

mūlādagraṃ kramādvṛttaṃ puṃrūpa mītikathyate |
darbhairmālāṃ ca kṛtvaiva tasyāṃ parvaṇi parvaṇi || 38 ||
[Analyze grammar]

dvaudvaudarbhau vivikṣipya dvitālaṃ laṃbayetkramāt |
dvitālāyāmasaṃyuktaṃ khādiraṃ daṇḍameva ca || 39 ||
[Analyze grammar]

daśāṃgulaparīṇāhaṃ samavṛttaṃ tathaiva hi |
śākhāṃgulasamāyuktaṃ mūlādagraṃ tu bandhayet || 40 ||
[Analyze grammar]

tattāmrāyasapaṭṭairvābandhayitvā vicakṣaṇaḥ |
tanmūle suṣiraṃ kṛtvā golakaṃ tatpramāṇakam || 41 ||
[Analyze grammar]

evantu manthadaṇḍassyātkuryāttacchāstrapāragaḥ |
śamījāta mathāśvadtha maraṇyarthaṃ pragṛhya ca || 42 ||
[Analyze grammar]

ṣaḍaṅgulaṃ tu vistāraṃ golakaṃ tu ghanaṃ bhavet |
dairghyaṃ tasya dvitālaṃ syātphalakāṃ kārayedbudhaḥ || 43 ||
[Analyze grammar]

tathaivopari paṭṭiṃ ca kṛtvā tatra vicakṣaṇaḥ |
maiñjyaiva trivṛtāṃ rajjuṃ manthanārthāya kārayet || 44 ||
[Analyze grammar]

daśāṣṭanavabhirhastairvastra māyata mucyate |
tricatuḥpañcatālaṃ vāvistṛtaṃ vastramucyate || 45 ||
[Analyze grammar]

gavyaṃ ghṛtaṃ cāhareta kāpilaṃ tu gavādiṣu |
ājaṃ ca māhiṣaṃ tyājyaṃ pakṣātītaṃ ca varjayet || 46 ||
[Analyze grammar]

pādauprakṣālyacācamya pūrvodaṅmukha evavā |
brāhmamāsasa māsthāya vaiṣṇavaṃ mantramuccaran || 47 ||
[Analyze grammar]

paristaraṇakūrcādīn samithādīnpragṛhyaca |
kūrcaṃ pradakṣiṇāvartaṃ gṛhṇīyā dvidhivittamaḥ || 48 ||
[Analyze grammar]

pramukhe dakṣiṇe vāpi yāgaśālāṃ prakalpayet |
yāgaśālā |
ṣoḍaśastaṃbhasaṃyuktaṃ maṇḍapaṃ kūṭamevavā || 49 ||
[Analyze grammar]

prapāṃ vā tatra kurvīta madhye kūṭaṃ ca kārayet |
nimnonnataṃ vibhajyaiva jalasthalasamīpakam || 50 ||
[Analyze grammar]

pūrvoktena vidhānena alaṅkṛtya yathākramam |
madhye vediṃ prakalpyaivabiṃbādhyardha pramāṇataḥ || 51 ||
[Analyze grammar]

tadbahiḥpūrvabhāgetu sabhyakuṇḍaṃ prakalpayet |
sabhyasya pūrvabhāgetu kuṇḍa māhavanīyakam || 52 ||
[Analyze grammar]

uttarevāpunaḥ kuryā daupāsanavidhānataḥ |
sabhyasya dakṣiṇe kuṇḍaṃ paiṇḍarīkaṃ prakalpayet || 53 ||
[Analyze grammar]

vedyāstu dakṣiṇekuṇḍamanvāhāryaṃ prakalpayet |
nairṛte devatāsthānaṃ kalpayetta dvicakṣaṇaḥ || 54 ||
[Analyze grammar]

vaidyāntu paścime bhāge gārhapatyaṃ prakalpayet |
vāyavye saṃcayasthānaṃ kalpayettadvidhānataḥ || 55 ||
[Analyze grammar]

vedyāstathottare bhāge tvāvasadhyaṃ prakalpayet |
aiśānye snāpanaśvabhraṃ kalpayettadvidhānataḥ || 56 ||
[Analyze grammar]

sabhyasya paiṇḍarīkasya maikhalātrayamucyate |
anyeṣāṃ caiva kuṇḍānāṃ mekhalādvayameva hi || 57 ||
[Analyze grammar]

ekaikavedyā vistāra munnataṃ caturaṅgulam |
sabhyasya madhyamaṃ pañca padmasyādhaṣṣaḍaṅgulam || 58 ||
[Analyze grammar]

aupāsananorthvavedyāssyā dunnataṃ tu dviyaṅgulam |
dakṣiṇottarayoścaiva saṃsthānaṃ brahmasomayoḥ || 59 ||
[Analyze grammar]

dvādaśāṃgulasaṃyuktaṃ caturaśraṃ suvṛttakam |
śalyaloṣṭatuṣāṃgāratṛṇabhasmādihīnayā || 60 ||
[Analyze grammar]

mṛdā vā vālukaistatra pṛthakkuṇḍaṃ prakalpayet |
yāgasthānasya pūrvetu prapāṃ kṛtvā vicakṣaṇaḥ || 61 ||
[Analyze grammar]

nayanonmīlanār'thāya yāgaśālāṃ prakalpayet |
nayanonmīlanam |
uktakriyāvasāne tu beramādāyacātvaraḥ || 62 ||
[Analyze grammar]

śilpinā śāstramārgeṇa kārayedakṣimocanam |
devasya pramukhe kuryāddhānyarāśiṃ viśeṣataḥ || 63 ||
[Analyze grammar]

hemaśruṅgāṃ raupyakhurāṃ savatsāṃ kāṃsyadohanām |
savatsāṃgāṃ samādāya devasya pramukhe nyaset || 64 ||
[Analyze grammar]

ghṛtaṃ madhudadhikṣīraṃ gṛhītvā kāṃsyabhājane |
rukmantatraiva nikṣipya dīpayuktaṃ tu vinyaset || 65 ||
[Analyze grammar]

hemapātraistu sūcībhyāṃ rajatairvāpi cāharet |
hūlikāṃ tāṭanīñcaiva śīlāṃ lohamayasyavai || 66 ||
[Analyze grammar]

biṃbasya cottare pārśve vāstuhomaṃ yajettataḥ |
paryagni caiva kṛtvātu prokṣayetpañcagavyakaiḥ || 67 ||
[Analyze grammar]

uttarābhimukho dehaghuddhiṃ kṛtvā gurustataḥ |
hūlikāṃ tāṭanīñcaiva gṛhītvā mantrapūrvakam || 68 ||
[Analyze grammar]

viṣṇustvāṃ rakṣa'tvityuktvā viṣṇusūktaṃ ca saṃsmaran |
paṭasya cāntardevasya mūrdhādīn saṃspṛśetkramāt || 69 ||
[Analyze grammar]

viṣṇugāyatrī muccārya tatra karma samācaret |
devībhyāṃ ca krameṇaiva tattanmastraṃ japettadā || 70 ||
[Analyze grammar]

paścāttupātre sūcībhyāṃ kṛhītvā cākṣimocanam |
ṣaṇmaṇḍalāni saṃskuryādadhideva manusmaran || 71 ||
[Analyze grammar]

pakṣmavarma ca raktañca śvetaṃ kṛṣṇaṃ ca taijasam |
etaistu maṇḍalaṃ dhyātvā dṛḍhīkṛtvātvaraḥ kramāt || 72 ||
[Analyze grammar]

hitvār'karāhusaurāṇā mudayantu dvilocane |
nayanonmīlanaṃ kuryātsarvasaṃpatsamṛddhaye || 73 ||
[Analyze grammar]

andhanakṣatrake kuryātsarvanāśaṃ na saṃśayaḥ |
puruṣasūktaṃ japitvaiva dakṣiṇe nayane nyaset || 74 ||
[Analyze grammar]

tadhaiva vāmanetretu vaiṣṇavaṃ mantra muccaran |
tatsūktābhyāṃ viśeṣeṇa śrībhūmyośca samācaret || 75 ||
[Analyze grammar]

devasyāṃgaṃ spṛśan hutvā maulimālādipūrvakam |
tathā devyośca hutvātu dadbhyassyāhādinā pṛthak || 76 ||
[Analyze grammar]

vimānaṃ nūtanaṃ cettu sdhūpyādīnāṃ hutaṃ caret |
parṣadāṃ mūrtimantreṇa kārayenmantravittamaḥ || 77 ||
[Analyze grammar]

vaiṣṇavaṃ viṣṇusūktañca sviṣṭākāraṃ ca hūyatām |
godānasūkta muccārya kavādīnabhimṛśya ca || 78 ||
[Analyze grammar]

paṭaṃ paścā dvisṛjyaiva gavādīn saṃpradarśayet |
gavādidravya mādāya dadyācca gurave tataḥ || 79 ||
[Analyze grammar]

kautukādī nviśeṣeṇa pūrvoktena krameṇavai |
berapīṭhe ca saṃpādya ratnādīni vinikṣipet || 80 ||
[Analyze grammar]

ratnaṃ dhātūṃśca bījāni suvarṇaṃ cā'tra nikṣipet |
evaṃ saṃsthāpya matimān saṃtāpyaiva dṛḍhaṃ yathā || 81 ||
[Analyze grammar]

dhruvaberoktavatkṛtvā nayanonmīlanaṃ caret |
paścājjalādhivāsādīn kuryāttanmantrapāragaḥ || 82 ||
[Analyze grammar]

pañcagavyaṃ pragṛhyaiva prokṣayitvā vicakṣaṇaḥ |
vasoḥpavitramityuktvātatra kāryaṃ samcaret || 83 ||
[Analyze grammar]

paścātkṣīraṃ samādāya prokṣayitvā samāhitaḥ |
śanno devī'ritiprocya tena karma samācaret || 84 ||
[Analyze grammar]

arthadarśī pragṛhyaiva devasyāgre nidhāyaca |
pradīpa marpaye dvadvān jale tatrādhivāsayet || 85 ||
[Analyze grammar]

evañcātrādhivāsyaiva cāsyabereṣuvai punaḥ |
pañcagavyādhivāsaṃ ca tathā kṣīrādhivāsanam || 86 ||
[Analyze grammar]

etaddvayaṃ vinā tatra kuryāttoyādhivāsanam |
grāme sarvatra tadrātrau prabhūtaṃ nikṣipedbalim || 87 ||
[Analyze grammar]