Chapter 10

tataḥ kātyāyanasthaviraḥ kāśyapam idam abravīt |
śruyatāṃ bodhisatvānāṃ sandhicittam anuttamaṃ || 1 ||
[Analyze grammar]

tyāge pravartate cittaṃ bodhisatvānam āvuso |
tṛtīyāṃ saṃkramantānāṃ dvitīyāto jinātmaja || 2 ||
[Analyze grammar]

sukhenti sarvasatvānāṃ saṃsthitāni nareśvarāḥ |
taṃ ca na ātmasukhārthāya na api bodheḥ kathaṃcana || 3 ||
[Analyze grammar]

vanagahanaṃ balagahanaṃ girigahanāni tyāgagrahaṇāni |
viṣamāpratisanniṣaṇṇavanāni tu manuṣyagahanāni || 5 ||
[Analyze grammar]

tṛṇagulmakaṇṭhakalatākulāni vṛkṣagrahaṇā gahanāni |
śaṭhanikṛtipaiśunyāni tu manuṣyagahanāni || 6 ||
[Analyze grammar]

bodhisatvena ekā gāthā subhāṣitā |
bodhisatvena sā krītā paramārthābhikāṃkṣiṇā || 8 ||
[Analyze grammar]

ahituṇḍikāto hastāto yatnāt krītaṃ subhāṣitaṃ |
yāvaj jīvante amuṣyāṃ pelāyāṃ duṣkṛtaṃ kṛtaṃ || 9 ||
[Analyze grammar]

brāhmaṇo abhyupagamya ṛṣidevaṃ nareśvaraṃ |
idam uvāca prītātmā asti eṣā subhāṣitā || 10 ||
[Analyze grammar]

tasya mūlyaṃ tava śīrṣaṃ tyaktvā śīrṣam ity abravīt |
brūhi brāhmaṇa śīghraṃ me gāthām etāṃ subhāṣitāṃ || 11 ||
[Analyze grammar]

yadi api kiñcit aśubhaṃ samudācaranti saṃbodhisatvacaritāny abhikāṃkṣamāṇāḥ |
tailapradīpa iva sūryamarīcicchannaḥ na bhrājate vipulapuṇyabalābhibhūtaṃ || 12 ||
[Analyze grammar]

surūpaṃ nāma bhūmipatiṃ rākṣaso idam abravīt |
asti subhāṣitā gāthā kreyā yadi krīṇāsi tāṃ || 13 ||
[Analyze grammar]

tasyā mūlyaṃ kumāraṃ ca devīṃ tvāṃ caiva bhakṣayet |
gṛhyatāṃ yadi te kṛtyaṃ gāthā hi dharmasaṃhitā || 14 ||
[Analyze grammar]

so 'bravīd rājā surūpo niḥsaṃgo dharmagauravāt |
gṛhyatāṃ dīyatāṃ gāthā yuktaṃ bhavatu mā ciraṃ || 15 ||
[Analyze grammar]

paridevitakaṃpaneṣu aniṣṭasaṃyogapriyahīneṣu |
uṣitaṃ narakeṣu varaṃ na ca kupuruṣasaṃśrayaniketaḥ || 16 ||
[Analyze grammar]

amātyaṃ saṃjayaṃ nāma piśāco idam abravīt |
svakaṃ me hṛdayaṃ dehi śṛṇu gāthāṃ subhāṣitāṃ || 17 ||
[Analyze grammar]

svakan te hṛdayaṃ demi brūhi gāthāṃ subhāṣitāṃ |
piśācam abravīd vīro saṃjayo vigatavyatho || 18 ||
[Analyze grammar]

na jātu tṛṇakāṣṭhehi jvalanaḥ śāmyate jvalan |
na jātu upabhogebhyaḥ tṛṣṇā kāmeṣu śāmyati || 19 ||
[Analyze grammar]

śreṣṭhiṃ vasundharaṃ nāma daridro idam abravīt |
iyaṃ subhāṣitā gāthā sarvasvena tu dīyate || 20 ||
[Analyze grammar]

sarvasvaṃ dadāmi eṣāṃ brūhi gāthāṃ subhaṣitāṃ |
etaṃ santaḥ praśaṃsanti dharmeṣu yat subhāṣitaṃ || 21 ||
[Analyze grammar]

ākīrṇāny api śūnyāni bāliśā yatra jantavaḥ |
śūnyāny ākīrṇā ca santi ekenāpi prajānatā || 22 ||
[Analyze grammar]

surūpaṃ nāma rājānaṃ puruṣo etad abravīt |
jambudvīpena mūlyena śakyaṃ śrotuṃ subhāṣitaṃ || 23 ||
[Analyze grammar]

jambudvīpaṃ ca te demi sarvaṃ yat kiṃci icchasi |
śīghraṃ subhāṣitaṃ brūhi brūhi satyaṃ yad icchasi || 24 ||
[Analyze grammar]

ahaṃkāramamakārā mānā yatra samupasthitā |
mānaṃ yatra nirodhāya utpadyante tathāgatāḥ || 25 ||
[Analyze grammar]

satvaraṃ nāma hariṇaṃ lubdhaka idam abravīt |
iyaṃ subhāṣitā gāthā dehi mānsaṃ śṛṇohi tāṃ || 26 ||
[Analyze grammar]

yadi vināśadharmeṇa mānsenāhaṃ subhāṣitaṃ |
śṛṇomi demi te mānsaṃ kṣipraṃ brūhi subhāṣitaṃ || 27 ||
[Analyze grammar]

satāṃ pādarajaḥ śreyo na suvarṇamayo giriḥ |
so pānsu śokahārāya so giri śokavardhana iti || 28 ||
[Analyze grammar]

rājānaṃ nāgabhujaṃ nāma taddāso idam abravīt |
cāturdvīpena rājyena śakyaṃ prāptuṃ subhāṣitaṃ || 29 ||
[Analyze grammar]

cāturdvīpaṃ ca te rājyaṃ demi kṣipram udīraya |
etāṃ subhāṣitāṃ vācāṃ mā vilamba bravīhi me ti || 30 ||
[Analyze grammar]

lomotpāṭanatulyam āhu viduṣaḥ prājñasya yā vikriyā tasmā jñānabalaṃ sametiya punar doṣāṃ samūlāṃ nayā |
chittvā doṣavivarjitena manasā saṃbhāti saṃghaḥ śuciḥ bhāti lokaguruḥ satām anugato 'nikṣiptabhāro śuciḥ iti || 31 ||
[Analyze grammar]

evaṃ subhāṣitārthāya prapāte patitaḥ punaḥ |
bhūyaḥ subhāṣitārthāya potas tyakto mahārṇave || 32 ||
[Analyze grammar]

bhūyo akṣīṇi tyaktāni śrutvā gāthāṃ subhāṣitāṃ |
agniskandhe punaḥ patitaḥ śrutvā gātḥāṃ subhāṣitāṃ || 33 ||
[Analyze grammar]

bahūni evamādīni duṣkarāṇi jinarṣabhāḥ |
subhāṣitānām arthāya pratipadyante mahāyaśā || 34 ||
[Analyze grammar]

sarvasatva sukhasātasaṃgatā saṃbhavanti yad acintyam adbhutaṃ |
jāyate yada mano maharṣiṇāṃ bodhimārgaparibhāvanātmakaṃ || 35 ||
[Analyze grammar]

saptarātram iti niścayāś ca ye ye pi te nirayadāruṇālayā |
ye ca pretabhavaneṣu prāṇino te bhavanti sukhitāś ca nāma || 36 ||
[Analyze grammar]

saptarātraṃ na cyavanti prāṇino bodhisatvakuśalānukaṃpayā |
kṣubhyate ca vasudhā sasamudrā saprabho bhramati merumastakaḥ || 37 ||
[Analyze grammar]

bhūmi sandhiṣu ayaṃ pravartate niścalā nabhasi naātra saṃśayaḥ |
teṣu sarvaśubhakarmarāśināṃ tejasā bhramati sarvasaṃtataṃ || 38 ||
[Analyze grammar]

yasya rūpaṃ hemābhāsaṃ taruṇaravi-avihatavapuṃ virājitatejasā dvātriṃśadbhiḥ pūrṇaiḥ pūrṇaṃ kuśalacarapuruṣakathitaiḥ sulakṣaṇalakṣaṇaiḥ |
śīlenāgryaṃ saṃpūrṇābhaṃ dharaṇinagagurutarabalaṃ balottamadhāriṇaṃ te vande śāntaṃ te dāntaṃ smṛtivinayakuśalaṃ surāsurasatkṛtaṃ || 39 ||
[Analyze grammar]

dīrghaṃ kālaṃ citrācāro kuśala ativipulaphalado bhavakṣayakāṃkṣayā ślāghyair nānaiḥ maitrīpūrvair bahuvividhajanitakuśalaiḥ śamābhimukho muniḥ |
tyaktvā āvāsaṃ nityaṃ vidvān asurasuramahitaṃ sukhitaṃ satvapratibodhane ikṣvākūnāṃ vaṃśodbhūto dharaṇitalam avatari yaśaḥsthito acalādhṛtiḥ || 40 ||
[Analyze grammar]

māyāyā devyāḥ kukṣismiṃ praviśiṣu sa kumudasadṛśo varo gajarūpavāṃ evaṃ lokālokaḥ tuṣitavarabhavananilayaṃ vihāya ihāgataḥ |
satvāṃ mattāṃ andhāṃ dṛṣṭvā vimatipathaviṣamapatitāṃ samuddharituṃ prajāḥ |
tasmiṃ kāle ratnākīrṇā vividhanidhinicayabharitā cacāla vasundharā taṃ śākyendraṃ cāritrāḍhyaṃ smṛtinibhṛtam adhiguṇacitaṃ avandi mahāmuniṃ || 41 ||
[Analyze grammar]

prāsādāgre devī māyā surapatipravarabhavane vā sukhaiḥ pravicāryate nṛtyair gītair lāsyair vādyaiḥ śravaṇahṛdinayanasubhagaiḥ sureṣv iva devatā |
sā devī rājānaṃ khinnaṃ vadati vanavaraṃ mahipate vrajeyaṃ yad' icchasi lumbodyānaṃ puṣpākīrṇaṃ madhumadhuraparabhṛtarutaṃ manohṛdinandanaṃ || 42 ||
[Analyze grammar]

gatvā tasmiṃ strībhiḥ sārdhaṃ pravicarati muditasukhitā vane vanalolayā sā codyānaṃ paryaṇvantī taruṇalatakiśalayadharāṃ dadarśa 'tha lumbinīṃ |
tasyāḥ śākhāṃ gṛhyāna paramaratisukhamuditā salīla-avasthitā sā tatra śākhāṃ rakṣantī janayi jinam ajitamanasaṃ mahāmunim uttamaṃ || 43 ||
[Analyze grammar]

śītoṣṇe ca dve vāridhāre pravarakusumabharite jinaṃ yatra snapayiṃsu taṃ devā jāyantaṃ jātamātraṃ nṛpatiṃ surabhuvanamahitaṃ trilokamaheśvaraṃ |
sānukrośaṃ lokātītaṃ śaraṇam iha divi ca bhuvi cā jarāmaraṇāntakaṃ aprāptaṃ taṃ bhūmau dhīraṃ kamaladalasadṛśanayanaṃ surāsuranandanaṃ || 44 ||
[Analyze grammar]

hṛṣṭā tuṣṭā devā sarve tridaśaprabhṛtibhavanacyutā pratisthihiṣur vanaṃ ikṣvākūnāṃ vaṃśodbhūto dharaṇitalam avatari yaśasthito acalādhṛti |
vikramāṃś ca sapta pūrṇaṃ mṛgavṛṣarājāmatir iva rasamānīkaṃ jyeṣṭho śreṣṭho lokāgro haṃ na ca mama puna jaramaraṇā hato bhav' upadravaḥ || 45 ||
[Analyze grammar]

chatraṃ daivaṃ ratnākīrṇaṃ sphaṭikarucirakusumacitraṃ sitābhrasitaprabhaṃ hastā muktaṃ sthāye sāmaṃ samabhicchadi nṛpatitanayaṃ vihāyase utthitaṃ |
vālaiś cougraiḥ śaṃkhājābhair mṛdubhir upacitam anupamaṃ divaukasanirmitaṃ uccair daṇḍaṃ muktāśvetaṃ bhramati maṇikanakavikṛtaṃ sucāmaravījanaṃ || 46 ||
[Analyze grammar]

dundubhyo cā meghonnādā pavanakhagagaganaparigā nadanti mahatsvarāḥ puṣpaughāś cā divyā sṛṣṭā marubhi jinabalavaramukhe sacandanacūrṇitāḥ |
saṃtoṣātīśayayuktebhiḥ suramarū jayati sukhakaro rase ravaṇīśataiḥ kṣubdhāsannā nānāratnā udadhibhuvi talasalilayos tathāgatatejasā iti || 47 ||
[Analyze grammar]