Chapter 7 - parivārālayalakṣaṇam

athātaḥ parivārāṇāmālayasya ca lakṣaṇam |
vimānātpādahīnaṃ vā tadardhaṃ vā samācaret || 1 ||
[Analyze grammar]

varṇayuktaṃ tataśśreṣṭhaṃ kaniyovarṇahīnakam |
someśānadvayormadhye viṣvaksenaṃ prakalbayet || 2 ||
[Analyze grammar]

dvārasya dakṣiṇe cendra māgneyyāṃ pacanālayam |
tasya paścimadeśetu pānīyasthānamevaca || 3 ||
[Analyze grammar]

yāmye śayanamuddiṣṭaṃ tatpūrve yāgamaṇḍapam |
aiśānye puṣpadeśantu dakṣiṇe vastrasaṃcayam || 4 ||
[Analyze grammar]

īśānasomayormadhye sthāpanaṃ ... tathā |
indrāgnyormadhyamecaiva dhānyasthānaṃ praśasyate || 5 ||
[Analyze grammar]

sopānamadhye śrībhūtamarcayedbahirānanam |
purastādgaruḍaṃ tasya devābhimukhamarcayet || 6 ||
[Analyze grammar]

vimānapālāndikpālānbhāskareṇa samāyutam |
cakraṃ dhvajaṃ ca śaṅkhaṃ ca bhūtaṃ vai bhūtanāyakam || 7 ||
[Analyze grammar]

prathamāvaraṇe dehustattaddeśe samarcayet |
utsavaṃ balimārabhya anapāyiviśeṣataḥ || 8 ||
[Analyze grammar]

amitasyāpi tantatra pradakṣiṇamathācaret |
devasya kaṇṭhasīmāntaṃ bāhyantaṃ stanasammitam || 9 ||
[Analyze grammar]

nābhyantaṃ vā viśeṣeṇa parivārodayaṃ kramāt |
dhātrādibhūtaparyantaṃ parivārānviśeṣataḥ || 10 ||
[Analyze grammar]

varṇavāhanaketvādyairnāmanakṣatrapūrvakam |
mayākriyādhikāre tu vyaktamuktantulakṣaṇam || 11 ||
[Analyze grammar]

beralakṣaṇaṃ śailādi bhedaḥ |
atha vakṣye viśeṣeṇa beralakṣaṇamuttamam |
śailajaṃ ratnajaṃ caiva dhātujaṃ dāravaṃ tathā || 12 ||
[Analyze grammar]

mṛṇmayaṃ syāttathaiveti pañcadhāberamucyate |
caturvidhaṃ tu śailaṃ syātsaptadhā ratnajaṃ tathā || 13 ||
[Analyze grammar]

aṣṭadhā dhātujaṃ proktaṃ dārujaṃ ṣoḍaśocyate |
mṛṇmayaṃ dvividhaṃ proktaṃ kramāllakṣaṇamucyate || 14 ||
[Analyze grammar]

śailajalakṣaṇam |
śvetaṃ raktaṃ tathā pītaṃ kṛṣṇaṃ caiva catuṣṭayam |
śailajaṃ bhedamākhyātaṃ tasya lakṣaṇamucyate || 15 ||
[Analyze grammar]

gokṣīrasannibhācaiva śaṅkhakundendu sannibhā |
śīlā śvetā samākhyātā sā tu vaśyapradāyikā || 16 ||
[Analyze grammar]

japākusumasaṃkāśā śilā śoṇitasannibhā |
bandhūkapuṣpapratimā jātihiṅgulikopamā || 17 ||
[Analyze grammar]

śilā raktā samākhyātā jayadā lakṣaṇānvitā |
pītā suvarṇasadṛśā rajanīcūrṇasannibhā || 18 ||
[Analyze grammar]

śilā lakṣaṇasaṃyuktā dhanadhānyasukhapradā |
māṣamudgala saṃkāśā tathājaṃbūphalopamā || 19 ||
[Analyze grammar]

bhṛṅga mutpalasaṃkāśā prajāvṛddhikarāsmṛtā |
śilā kṛṣṇā tu sarveṣāṃ sarvasiddhipradāyikā || 20 ||
[Analyze grammar]

viprakṣatriyavaiśyānāṃ śūdrāṇāñca yadhāvidhi |
śvetā raktā tathā pītā kṛṣṇā caiva yathākramam || 21 ||
[Analyze grammar]

dvijānāṃ ca trivarṇānāṃ śilā raktā jayapradā |
śvetā mokṣapradā proktā brāhmaṇānāṃ viśeṣataḥ || 22 ||
[Analyze grammar]

etaintudhruvaberantu kārayedyadibhaktitaḥ |
māṇikyaṃ ca pravālaṃ ca vaidūryaṃ sbhaṭikaṃ tathā || 23 ||
[Analyze grammar]

maratakaṃ puṣyarāgaṃ ca nīlaṃ caiteṣuratnajāḥ |
māṇikyaṃ śrīkaraṃ proktaṃ pravālaṃ vaśyakārakam || 24 ||
[Analyze grammar]

ākarṣaṇaṃ tu vaiḍhūryaṃ sphāṭikaṃ putravṛddhidam |
vidveṣaṇaṃ maratakaṃ staṃbhanaṃ pūṣyarāgakam || 25 ||
[Analyze grammar]

nīlaṃ turamaṇaiḥ kāryaṃ ratnajānāṃ phalaṃ bhavet |
eteṣāṃ kautukaṃ kuryā danyeṣāṃ ca vidhīyate || 26 ||
[Analyze grammar]

haimaṃ raipyaṃ tathātāmraṃ kāṃsyaṃ caivārakūṭakam |
āyasaṃ sīsakaṃ caiva trapukaṃ ceti dhātujam || 27 ||
[Analyze grammar]

haimantu śrīpradaṃ proktaṃ raupyaṃ rājyapradāyakam |
tāmraṃ putrasamaddhyarthaṃ kāṃsyaṃ vidveṣakārakam || 28 ||
[Analyze grammar]

proccāraṇe cārakūṭa māyasaṃ kṣayakāraṇam |
sīsaṃ nīraugakaraṇaṃ trapurāyurvināśanam || 29 ||
[Analyze grammar]

evaṃ tu lohajaṃ proktaṃ tato dārujamucyate |
devadāruśśamīvṛkṣaṃ pippalaṃ nandanaṃ tathā || 30 ||
[Analyze grammar]

asanaṃ khadirañcaiva vakulaṃ śaṅkhi vātanam |
mayūrapadmaḍuṇḍūka karṇikāraṃ tathaiva ca || 31 ||
[Analyze grammar]

nibūkāñjanikācaiva plakṣamauduṃbaraṃ tathā |
etairvarjyāstu catvāro dvijātikramayogataḥ || 32 ||
[Analyze grammar]

mṛṇmayaṃ dvividhaṃ proktaṃ pakvāpakvaṃ tathaiva ca |
pakvaṃ ca nāśakaṃ caivamapakvaṃ sarvasiddhitam || 33 ||
[Analyze grammar]

nimittadarśanaṃ śubhanimittāni |
yasmindeśe śilāstīti gacchenniścitamānasaḥ |
prayāṇakāle śakunā śśubhāśśubha phalapradāḥ || 34 ||
[Analyze grammar]

śubhavākyodakuṃbhāsthi gajarājadvijottamāḥ |
carmamāṃsadadhikṣīra dundabhidhvanayaśśubhāḥ || 35 ||
[Analyze grammar]

aśubhanimittāni |
aśobhanāṃstathāvakṣyeśapamānā yathāyati |
vikīrṇakeśāvipraikyaghṛtatailāktadarśanam || 36 ||
[Analyze grammar]

riktakuṃbhanirodhokti tailabhājanadarśanam |
prayāṇakāle naṣṭāstu viparītaphalapradāḥ || 37 ||
[Analyze grammar]

śubhe prayāṇaṃ kartavyaṃ sthitvā śobhanalakṣaṇam |
śilāṃ prāpya śubhesthāne vāstuhomaṃ samācaret || 38 ||
[Analyze grammar]

vaiṣṇavaṃ pauruṣaṃ sūktaṃ śrībhūsūktaṃ tathaiva ca |
pariṣekaṃ tataḥkṛtvā kalaśānpañca sunyaset || 39 ||
[Analyze grammar]

mṛdgandhākṣatajapyāṃśca sarvauṣadhyudakantathā |
saṃsthāpyābhyarcya pādyādyai ntattaddevāṃ tsamarcayet || 40 ||
[Analyze grammar]

abhiṣiñcecchilāṃ sūtre muhūrtekaraṇānvite |
atodevādimantreṇa śilāṃ chitvāvicakṣaṇaḥ || 41 ||
[Analyze grammar]

adhobhāgaṃ mukhaṃ tatra śira ūrdhva prakalpayet |
pūrvataścottare vātha śirobhāgaṃ prakalpayet || 42 ||
[Analyze grammar]

mukhaṃ pṛṣṭhaṃ tathāpādaṃ pārśvaṃ caiva śirastathā |
lāñchayitvā vidhānena tatastakṣaṇa mācaret || 43 ||
[Analyze grammar]

bālā ca yuvatī vṛddhājñātavyā lakṣaṇānvitā |
snigdhā mṛdvī natā caiva bālā kṣīrasvarātathā || 44 ||
[Analyze grammar]

susvarā kā ntisaṃyuktā yuvatī sā śilā smṛtā |
asitā jhargharā rūkṣā vṛddhā yā nissvarāśilā || 45 ||
[Analyze grammar]

bālā kṣayapradā proktā yuvatī susamṛddhidā |
kāryanāśakarī vṛddhā grāhyā jñātvāśilāstathā || 46 ||
[Analyze grammar]

mūrdhanastakṣaṇaṅkṛtvā śilādoṣāṃntu lakṣayet |
śilāṃ pralipyakṣīreṇa sarpiṣā sīsagairikaiḥ || 47 ||
[Analyze grammar]

ekarātroṣitaśilāṃ saṃprakṣālyāṃbhasātataḥ |
śilādoṣaṃ parīkṣyaiva kartavyaṃ vidhicoditam || 48 ||
[Analyze grammar]

rekhābinduḥ kalaṅkaśca śilādoṣāḥ prakīrtitāḥ |
maṇḍalaṃ tu bhavettatra yatra garbhaṃ vinirdiśet || 49 ||
[Analyze grammar]

site tu maṇḍale sarporaktetu kṛkalāsakam |
pīte tu maṇḍale godhā mañjiṣṭhe darduro bhavet || 50 ||
[Analyze grammar]

kapile mūṣikā proktāsitavarṇe tu vṛścikaḥ |
śvetaraktavimiśretu vṛścikaśśvetaraktake || 51 ||
[Analyze grammar]

raktamiśretu maṇḍūko maṇḍalobhavet |
siṃdūravarṇe khadyotaḥ kapote gṛhagaulikā || 52 ||
[Analyze grammar]

guḍavarṇetu pāṣāṇaṃ nissvaśobhe jalaṃ bhavet |
varjayedgarbha saṃyuktāṃ vimalairañcintāṃ tathā || 53 ||
[Analyze grammar]

vimalaṃ hemakāṃsyākhyaṃ lohākhyaṃ catridā smṛtam |
parīkṣyaivaṃ prakartavyameva meva pramāṇataḥ || 54 ||
[Analyze grammar]

prāsādagarbhamānaṃ vā hastamānamathāpi vā |
pratyekaṃ tritribhedaṃ syāddvāramānaṃ pravakṣyate || 55 ||
[Analyze grammar]

dvārādadhyardhakaṃ caiva dvārātpādādhikaṃ tathā |
madhyamaṃ ca kanīyassyāddvāramevaṃ vidhīyate || 56 ||
[Analyze grammar]

adhamottamayormadhye tvaṣṭadhā kārayedbudhaḥ |
kanīyastrīṇi vijñeyaṃ trīṇi madhyamakaṃ tathā || 57 ||
[Analyze grammar]

trīṇi cottamakaṃ vidyādutsedhaṃ navathā bhavet |
staṃbhādadhyardhakaṃ tuṅgamuttamaṃ tu viśeṣuḥ || 58 ||
[Analyze grammar]

uttamādhamayormadhye dvāramānena yojayet |
garbhagehasamaṃ madhyaṃ tripādaṃ cādhamaṃ bhavet || 59 ||
[Analyze grammar]

pādādhikaṃ tu vijñeyaṃ śreṣṭhamevaṃ vidhīyate |
uttamādhamayormadhye dvāramānena yojayet |
hastamānaṃ tadhāvakṣye navahastaṃ tadhottamam || 60 ||
[Analyze grammar]

ṣaḍaṅgulaissahānyāntu sārdhadvihastakāvadhi |
evamutsedhamānantu sthāvarasya praśasyate || 61 ||
[Analyze grammar]

jaṅgamānāṃ bhavennāma mūlaberavaśāttathā |
biṃbodayaṃ caturviṃśadbhāgānaṣṭāṃśakaṃ tathā || 62 ||
[Analyze grammar]

biṃbodayaṃ caturviṃśadbhāgānaṣṭāṃśakaṃ tathā |
vedāṃśaṃ tu bhaveduccaṃ jaṅgamasya prakīrtitam || 63 ||
[Analyze grammar]

mānāṅgulena saptādi dvidvyaṅgulavidhānataḥ |
pañcāśatsavanāṅgulyā vidhissarvovidhīyate || 64 ||
[Analyze grammar]

mūlaberāṃgulānmānamārabhyaikādaśāṃgulam |
dvidvyaṅgulavivṛddhyātu saṣaṣṭitṣaṅgulaṃ bhavet || 65 ||
[Analyze grammar]

pratyekaṃ tu tribhedaṃ syāduttamādhamamadhyataḥ |
utkṛṣṭaṃ navatuṅgaṃ syānmadhyamaṃ navatuṅgakam || 66 ||
[Analyze grammar]

nikṛṣṭaṃ tu tathā proktaṃ saptaviṃśatituṅgakam |
etairuttamamānaṃ syāsmadhyamaṃ ca tathaiva hi || 67 ||
[Analyze grammar]

karmārcotsavasnānācca yojyaṃ syādanyadhā natu |
adhamaistu bhavedyatra baliberaṃ vidhīyate || 68 ||
[Analyze grammar]

mātrāṃgulena yanmāraṃ gṛhārcāṇāṃ tu nānyathā || 69 ||
[Analyze grammar]