Chapter 33 - arcāvatāramahattvam

atha vakṣye viśeṣeṇa devadevasya śārṅgiṇaḥ |
pañcadhāvasthitaṃ rūpaṃ paravyūhādibhedataḥ || 1 ||
[Analyze grammar]

anugrahāya lokānāṃ bhaktānāmanukaṃpayā |
paravyūhādibhedena devadevaḥ pravartate || 2 ||
[Analyze grammar]

ādyena pararūpeṇa vyūhākhyenetareṇa tu |
tathāvibhavarūpeṇa nānābhāvamupeyuṣā || 3 ||
[Analyze grammar]

antaryāmisvarūpeṇa caturthena tathā punaḥ |
arcāvatārarūpeṇa pañcadhāvasthito hariḥ || 4 ||
[Analyze grammar]

anaupama manirdesyaṃ punassa bhajate param |
viśvāpyāyanakaṃ kāntyā pūrṇendvayutulyayā || 5 ||
[Analyze grammar]

parandhāma parañjyotissarvaśaktimayo'malaḥ |
nirdvandvo nirvikalpo'cchonityo'cintyassanātanaḥ || 6 ||
[Analyze grammar]

aprameyo nirādyanto dṛśyo'dṛśyo hyatīndriyaḥ |
susūkṣmatvādanirdeśyassarvajñassadasadvibhuḥ || 7 ||
[Analyze grammar]

ānādimatparaṃ brahma sarvaheyavivarjitam |
vyāpi yatsarvabhūteṣu sthitaṃ sadasatoḥ param || 8 ||
[Analyze grammar]

śaṅkhacakragadāpadmadivyāyudhapariṣkṛtaḥ |
sahasrādityasaṃkāśe pakame vyomni saṃsthitaḥ || 9 ||
[Analyze grammar]

nityamuktaikasaṃbhāvyaścaturbhujadharohariḥ |
anyūnānatarigtaissvairguṇaiṣṣaḍbhiralaṅkṛtaḥ || 10 ||
[Analyze grammar]

samassamavibhaktāṅgassarvāvayavasundaraḥ |
divyairābharaṇairyuktassudhākallolasaṃkulaiḥ || 11 ||
[Analyze grammar]

śriyā nityānapāyinyā sevyamāno jagatpatiḥ || 12 ||
[Analyze grammar]

pañcadhātu punarvyūhaḥ procyate śrutisammataḥ |
devo viṣṇvādibhedeva pañcadhā vyavatiṣṭhate || 13 ||
[Analyze grammar]

sa vā eṣa puruṣaḥ pañcadhā pañcātmeti ca śrutiḥ |
tathā popūyamānaḥ pañcabhissvaguṇairiti || 14 ||
[Analyze grammar]

ādimūrtistu pañcānāṃ viṣṇurbhedāśca tasyatu |
catasraḥ puruṣādyāssyurmūrtayo bhinnalakṣaṇāḥ || 15 ||
[Analyze grammar]

tadviṣṇośśramāpanudāya caturguṇā'yeti caśrutiḥ |
tasmādbrahma catuṣpādityucyate vedavedibhiḥ || 16 ||
[Analyze grammar]

pādādardhāttripādācca kevalācchaktibhedataḥ |
krameṇa dharmajñānaiśvaryavairāgyākhyairguṇairyutāḥ || 17 ||
[Analyze grammar]

bhavantimūrtayastasmāccatasro viṣayairnijaiḥ |
cāturātmyādādimūrteścatasrastatramūrtayaḥ || 18 ||
[Analyze grammar]

viṣṇuścaiva mahāviṣṇussadāviṣṇuriti kramāt |
vyāpī nārāyaṇa iti tannāmāni tataḥkramāt || 19 ||
[Analyze grammar]

viṣṇoraṃśastu puruṣo mahāviṣṇostu satyakaḥ |
sadāviṣṇoracyutassyādyyāpino'ṃśo'niruddhakaḥ || 20 ||
[Analyze grammar]

dharmādibhirbrahmaguṇaiścaturdhābheda īritaḥ |
tṛtīyaṃ vibhavākhyantaṃ viśvamantaramadhyamam || 21 ||
[Analyze grammar]

nānākārakriyākartṛ rūpaṃ vakṣye mahātmanaḥ |
vibhavā matsyakūrmādyā hayagrīvādayo matāḥ || 22 ||
[Analyze grammar]

antaryāmisvarūpaṃ tu turīyamidamucyate |
nīvāraśūkavattanvī pītābhā syāttanūpamā || 23 ||
[Analyze grammar]

tasyāśśikhāyā madhye paramātmā vyavasthitaḥ |
ityuktaśśrutyabhihito hṛdayāṃbujamadhyame || 24 ||
[Analyze grammar]

jvalanmahāgnau viśvārcirjvālānte viśvato mukhe |
āpādatalacūḍāgraṃ santāpayati santatam || 25 ||
[Analyze grammar]

śikhā tatra ca pītābhā tanvī nīvāraśūkavat |
madhye śikhāyāstasyāśca jyotiḥ prajvalitaṃ mahat || 26 ||
[Analyze grammar]

svasaṃkalpaviśeṣeṇa taptajāṃbūnadaprabhaḥ |
pītāṃbaradharassaumyassuprasannaśśucismitaḥ || 27 ||
[Analyze grammar]

padmākṣo raktanetrāsyapāṇipādaścaturbhujaḥ |
cakraśaṅkhābhayadharaḥ kaṭinyastānyahastakaḥ || 28 ||
[Analyze grammar]

śrīvatsāṃko mahābāhussarvābharaṇabhūṣitaḥ |
hṛdi tiṣṭhati sarvātmā śrībhūmibhyāṃ ca pārṣadaiḥ || 29 ||
[Analyze grammar]

bhrāmayan sarvabhūtāni yantrārūḍhāni māyayā |
antaryāmīti vijñeyassarvakāraṇakāraṇaḥ || 30 ||
[Analyze grammar]

anyadarcāsvarūpaṃ tu sarvottaraphalapradam |
nityamuktopabhogyatvātparavyūhātmanohareḥ || 31 ||
[Analyze grammar]

tatkālasannikṛṣṭaikalakṣyatvādvibhavātmanaḥ |
viśuddhairyogasaṃsiddhaiścintyatvādantarātmanaḥ || 32 ||
[Analyze grammar]

arcātmanyeva sarveṣāmadhikāro niraṅkuśaḥ |
viśeṣabhaktihetutvātpratimārādhanaṃ param || 33 ||
[Analyze grammar]

arcāvatārassarveṣāṃ bāndhavo bhaktavatsalaḥ |
arcāvatāraviṣaye mayāpyuddeśatastathā || 34 ||
[Analyze grammar]

uktā guṇā na śakyante vaktuṃ varṣaśatairapi |
vicitrā dehasaṃpattirīśvarāya niveditum || 35 ||
[Analyze grammar]

kalpitā brahmaṇā pūrvaṃ hastapādādisaṃyutā |
mudhaiva jihvā kṛṣṇeti keśaveti na vakṣyati || 36 ||
[Analyze grammar]

mudhā cittaṃ natadgāmi yadanyatkimito'dhikam |
sā jihvā yā hariṃ stauti taccittaṃ keśavārpitam || 37 ||
[Analyze grammar]

tatkarmacārcanaṃ tasya tadanyattu nirarthakam |
sattāmātraṃ paraṃ brahma viṣṇvākhyamaviśeṣaṇam || 38 ||
[Analyze grammar]

durvicintyaṃ yataḥpūrvaṃ tatprāptyarthamihocyate |
vātormicañcalaṃ cittamanālaṃbanamasthiram || 39 ||
[Analyze grammar]

sūkṣmatvādbrahmaṇo'jasya nigrāhyaṃ grāhmadharmaṇaḥ |
samyagabhyasyato'jasramupabṛṃhitaśaktimat || 40 ||
[Analyze grammar]

janmāntaraśatasyāpi brahmagrāhyeva jāyate |
yadyastarāyadoṣeṇa nāpakarṣo vicintyate || 41 ||
[Analyze grammar]

yogino yogarūḍhasya tālāgrātpatanaṃ yathā |
tadāpnoti paraṃ brahmakleśena mahatāpi ca || 42 ||
[Analyze grammar]

janmāntarābhyāsoddhena vijñānena samādhinā |
viṣṇvākhyaṃ brahmaduṣprāpaṃ viṣayākrāntacetasā || 43 ||
[Analyze grammar]

manuṣyeṇālpasāreṇa tatprāptau sādhanaṃ tvidam |
surūpāṃ pratimāṃ viṣṇoḥ prasannavadanekṣaṇām || 44 ||
[Analyze grammar]

kṛtvātmanaḥ prītikarīṃ suvarṇarajatādibhiḥ |
tāmarcayettāṃ vraṇamettāṃ namettāṃ vicintayet || 45 ||
[Analyze grammar]

viśatyapāstadoṣastu tāmeva brahmarūpiṇīm || 46 ||
[Analyze grammar]