Chapter 19 - bhagavadarcanam

ata ūrdhvaṃ dhruvārcāyāmarcanaṃ saṃpravakṣyate |
mūrdhādi pīṭhātsannyastapuṣpādīnyapi śodhayet || 1 ||
[Analyze grammar]

yogavīrārcanaṃ syāccettrikālaṃ snānamācaret |
prātarmadhyāhnayorvātha yogapīṭhedhruvār'canam || 2 ||
[Analyze grammar]

bhogameva dhruvārcāyāṃ prātarmadhyāhna yorapi |
trikālaṃ vātha saṃsnāpya dhruvārcāyāṃ viśeṣataḥ || 3 ||
[Analyze grammar]

vastrādīnyapi saṃśodhya puṣpanyāsaṃ ca pūrvavat |
śivādīnarcayitvātu pādapīṭhe samantataḥ || 4 ||
[Analyze grammar]

tathāsanādyaissarvaiśca trisaṃdhyaṃ cārcayedbudhaḥ |
ardhayāme tu pūrvāntamarcayitvā ca pūrvavat || 5 ||
[Analyze grammar]

havirni vedayeccaivānuktamasyacca pūrvavat |
āvāhanavisargau tuna kuryāditi śāsanam || 6 ||
[Analyze grammar]

atha vakṣyer'canāntetu vidhānaṃ prati karmaṇām |
sauvarṇamuttamaṃ pātraṃ rājataṃ madhyame bhavet || 7 ||
[Analyze grammar]

adhamaṃ tāmrapātraṃ tu trividhaṃ pātra mucyate |
tritālamuttamaṃ proktaṃ dvitālaṃ madhyamaṃ bhavet || 8 ||
[Analyze grammar]

adhamaṃ tvekatālaṃ syāttrividhaṃ pātravistaram |
vistāreṇa samākhyātaṃ tayormadhyamamadhyamam || 9 ||
[Analyze grammar]

tasya madhye tribhāgaikaṃ karṇikāṃgulamucchrayam |
pareto'ṣṭadalaṃ kuryātkarṇikocchrayamānataḥ || 10 ||
[Analyze grammar]

dvyaṅgulaṃ mūlanāhaṃ syāttadagraṃ tvardhanāhakam |
kiñcitphalāṃbujākāramagraṃ kuryādvicakṣaṇaḥ || 11 ||
[Analyze grammar]

dviprasthataṇḍulaiḥ pakvamannaṃ tatraiva nikṣipet |
abhighārya ghṛtenaiva aṣṭāṃgulasamunnatam || 12 ||
[Analyze grammar]

daśāṅgulaṃ vā utsedhaṃ dvādaśāṃgulamevavā |
tatpātrañca samādāya kautukāgre nidhāya ca || 13 ||
[Analyze grammar]

kautukācchaktimādāya cārcayedaṣṭavigrahaiḥ |
parabrahmāṇa mityuktvā paramātmānamityapi || 14 ||
[Analyze grammar]

bhaktavatsalaṃ yogeśaṃ'caturmūrtibhirarcayet |
prātaḥpuṣpabaliṃ kuryānmadhyāhnennabaliṃ tathā || 15 ||
[Analyze grammar]

sāye tvarghyabaliṃ kuryātpūrvameva pracoditam |
taṇḍulaiḥ kuḍubaiścāpi yathālābhamathāpi vā || 16 ||
[Analyze grammar]

śrutaṃ cārghyabaliṃ kuryātpuṣbaṃ tu caturaṅgulam |
śiṣyamāhūya tatkāle soṣṇīṣaṃ sottarīyakam || 17 ||
[Analyze grammar]

śiṣyaṃ garuḍa vatsmṛtvā pātramuddhṛtyatatra vai |
udutya'miti mantreṇa śiṣyastacchirasi nyaset || 18 ||
[Analyze grammar]

pradakṣiṇaṃ tataḥ kuryātkuryācchabdaravairyutam |
vitānachatrasaṃyuktaṃ piñchacāmarasaṃyutam || 19 ||
[Analyze grammar]

dhūpadīpasamāyuktaṃ śanaiḥkuryātpradakṣiṇam |
pradakṣiṇatrayaṃ kṛtvā praviśedālayaṃ bhudhaḥ || 20 ||
[Analyze grammar]

bhūtapīṭhāntare tiṣṭhedgṛhṇīyāttu tadarcakaḥ |
kautukāgretu sannyasya oṅkāreṇa niveśayet || 21 ||
[Analyze grammar]

balyagraṃ khaṇḍayitvātu seneśāya nivedayet |
taccheṣaṃ sodakaṃ caiva bhūtapīṭhe tu nikṣipet || 22 ||
[Analyze grammar]

utsavaṃ kartukāmaścettrisaṃdhiṣvevamuttamam |
sāyaṃ prātarmadhyamaṃ syātsāyaṃ caivādhamaṃ bhavet || 23 ||
[Analyze grammar]

baliṃ ca baliberaṃ vā kārayediti ke ca na |
balyarthaṃ klaptadevasya cordhvamānamudāhṛtam || 24 ||
[Analyze grammar]

mahāberasya hastena caikaviṃśatikāṃgulam |
saptadaśāṅgulaṃ vidyāddvādaśāṃgulameva vā || 25 ||
[Analyze grammar]

śreṣṭhamadhyakaniṣṭhāni trividhaṃ mānamācaret |
arcāberatribhāgai kamuttamapratimābhavet || 26 ||
[Analyze grammar]

tanmānasya daśāṃśena tvekonaṃ madhyamaṃ bhavet |
madhyamasya daśāṃśena tvekonamadhamaṃ bhavet || 27 ||
[Analyze grammar]

mahato mūlaberasya mukhāyāmaṃ praśasyate |
balyarthaṃ pratimāṃ kuryātsarveṣāṃ sthāpanaṃ bhavet || 28 ||
[Analyze grammar]

sauvarṇaṃ rājataṃ tāmraṃ śreṣṭhamadhyamagauṇataḥ |
ratnajapratimāṃ kuryānmānonmānaṃ na vidyate || 29 ||
[Analyze grammar]

uṣṇīṣaṃ golakaṃ jñeyaṃ śiromānaṃ trimātrakam |
keśāntārcā samaṃ bhāgaṃ saṃgamātpuṭasūtrakam || 30 ||
[Analyze grammar]

puṭasūtrāddhanuparyantamekamekantu bhāgaśaḥ |
galamardhāṅgulaṃ vindyānmātrārdhaṃ grīvamucyate || 31 ||
[Analyze grammar]

hikkāhṛdayaparyantaṃ mukhaṃ mātrādhikaṃ bhavet |
hṛdayaṃ nābhi tathaivoktaṃ tadadhastāttu tatsamam || 32 ||
[Analyze grammar]

ūrū ca dvimukhāyāmaṃ golakotsedhamiṣyate |
caraṇaṃ jānumānaṃ ca kālāyapurato param || 33 ||
[Analyze grammar]

hikkāsūtrādadhastāttu bāhudvimukhanetrakam |
prakoṣṭhaṃ mukhabandhaṃ ca mukhamardhādhikaṃ bhavet || 34 ||
[Analyze grammar]

maṇibandhāṅgulasyāgre mukhayāmaṃ praśasyate |
caturbhujaṃ ca kṛtvā tu mānamevamudāhṛtam || 35 ||
[Analyze grammar]

.........vakuryātpadmākāraṃ tu golakam |
atha vakṣye viśeṣeṇa haviṣpākaṃ vidhānataḥ || 36 ||
[Analyze grammar]

paktvā vittānusāreṇa havīṃṣyapi ca kalpayet |
alpe mahati vā tulyaṃ phalamāḍhyadaridrayoḥ || 37 ||
[Analyze grammar]

nivedayitvā deveśaṃ kalyāṇaṃ kārayedbudhaḥ |
avadatvā ghṛtaṃ yattu kalyāṇamaśubhāyavai || 38 ||
[Analyze grammar]

alābhe caiva sarveṣāṃ vrīhīṇāṃ taṇḍulāṃ ḥstathā |
śatadvayaṃ pañcaviṃśadvrīhibhiḥ pūritaṃ tu yat |
śuktimātramiti khyātaṃ mānaṃ tenaiva kārayet || 40 ||
[Analyze grammar]

taddvayaṃ tilamityuktaṃ prakuñcaṃ syāttiladvayam |
prasṛtistaddvayaṃ proktaṃ kuḍubaṃ prasṛtidvayam || 41 ||
[Analyze grammar]

añjali staddvayaṃ proktaṃ prasthaṃ syādañjalidvayam |
pātraṃ prasthadvayaṃ proktamāḍhakaṃ taddvayaṃ bhavet || 42 ||
[Analyze grammar]

caturāḍhakasaṃyuktaṃ droṇamityabhidhīyate |
droṇadvayaṃ bhavetkhārī bhāraṅkhārīdvayaṃ bhavet || 43 ||
[Analyze grammar]

droṇataṇḍulasaṃyuktamuttamaṃ havirucyate |
tadardhaṃ madhyamaṃ proktantadardhamadhamaṃ bhavet || 44 ||
[Analyze grammar]

uttamottamamityuktamaṣṭadroṇaintu taṇḍulaiḥ |
adhikaṃ yadbhavettasmātproktaṃ sarvaṃ mahāhaviḥ || 45 ||
[Analyze grammar]

tadardhaistaṇḍulaiḥ siddhaṃ madhyamaṃ havirucyate |
ṣaḍdroṇaistaṇḍulaiḥ siddhaṃ haviruttamamadhyamam || 46 ||
[Analyze grammar]

droṇahīnaṃ bhavettasmāduttamādhamamucyate |
madhyamottamamityuktaṃ caturdreṇaistu taṇḍulaiḥ || 47 ||
[Analyze grammar]

droṇatrayaṃ bhavedyatra kṛtaṃ madhyamamadhyamam |
madhyamādhamamityuktaṃ droṇadvayakṛtaṃ haviḥ || 48 ||
[Analyze grammar]

droṇena taṇḍulenaiva nivedya'madhamottamam |
tasya madhyamamityuktamāḍhakadvaya sammitam || 49 ||
[Analyze grammar]

āḍhakena tu saṃyukta madhasūdhamamucyate |
taṇḍulānāḍhakārdhaṃ tu devīnāṃ tu prakalpayet || 50 ||
[Analyze grammar]

caruprasthadvayaṃ proktaṃ havirāḍhakamucyate |
prasthaṃ kuḍubasaṃyuktaṃ piśācānāṃ balirbhavet || 51 ||
[Analyze grammar]

gandhavarṇarasairjuṣṭāḥ pragrāhyāstaṇḍulāstathā |
prakṣālya taṇḍulān samyak niṣbīḍya ca punaḥpunaḥ || 52 ||
[Analyze grammar]

catuḥ prakṣālanaṃ kṛtvā prajāsthā'līti mantrataḥ |
ūrjasva'tīti mantreṇa pātre prakṣipya taṇḍulān || 53 ||
[Analyze grammar]

chullyāmāropayetpaścā dviṣṇave juṣṭa'mityapi |
vācaspa'tīti mantreṇa havissvinnantu pācayet || 54 ||
[Analyze grammar]

dhūmagandharasaṃ svinnamatipakvaṃ ca śītalam |
keśakīṭāpaviddhantu tyajetparyuṣitaṃ tathā || 55 ||
[Analyze grammar]

mudgaṃ caiva mahāmudgaṃ kūṭasthaṃ rājamāṣakam |
kadalī panasaṃ caiva kūśmāṇḍaṃ bṛhatī tathā || 56 ||
[Analyze grammar]

kandamūlaphalānyanye sārāḍhyā upadaṃśakāḥ |
guḍaṃ dadhi samāyuktamājyayuktaṃ......... || 57 ||
[Analyze grammar]

haviḥkṛtvā caturbhāgamūrdhvabhāge nivedayet |
adhastādekabhāgena homārthaṃ balaye tathā || 58 ||
[Analyze grammar]

yadaṃśaṃ pātrasaṃśiṣṭaṃ pūjāyaiva ca nirmitam |
sauvarṇe rājate pātre kāñcye tāmre nivedayet || 59 ||
[Analyze grammar]

agni kāryāvaśiṣṭaṃ ca baliśiṣṭaṃ ca yaddhaviḥ |
tatsarvaṃ pūjakāyaiva proktamevaṃ manīṣibhiḥ || 60 ||
[Analyze grammar]

dvitīyāvaraṇe proktamāgneyyāṃ pacanālayam |
arcakasya gṛhe vāpi pācayitvā nivedayet || 61 ||
[Analyze grammar]

praṇidhiṃ cājyasthālīṃ ca prokṣaṇīpātrameva ca |
arghyapradānapātraṃ ca kuḍubena prapūritam || 62 ||
[Analyze grammar]

haviḥpātrapramāṇantaṃ balipātrapramāṇataḥ |
pānīyadānapātraṃ ca kāṃsyaṃ śuktijameva vā || 63 ||
[Analyze grammar]

hiraṇmayaṃ vā raupyaṃ vā yadhāśobhamalaṅkṛtam |
tāṃbūladāne pyevaṃ syātsauvarṇaṃ kāṃsyameva hi || 64 ||
[Analyze grammar]

dapanṇaṃ ca pradātavyaṃ dhruvānasasamaṃ bhavet |
āvāhanārthapraṇithiṃ prasthamātra prapūritam || 65 ||
[Analyze grammar]

kaluṣaṃ kṛmiśaivālayuktaṃ sūtravivarjitam |
gandhavarṇarasairjuṣṭamaśucisthānamāśritam || 66 ||
[Analyze grammar]

paṅkāśmadūṣitaṃ caiva sāmudraṃ palvalodakam |
agrāhyamudakaṃ grāhyamebhirdeṣairvivarjitam || 67 ||
[Analyze grammar]

uttamaṃ triguṇairadbhissānaṃ cāthamamucyate |
abhiṣeko nadībhnantu madhyame madhyamaṃ bavet || 68 ||
[Analyze grammar]

uśīracandanopetaṃ yajjalaṃ pādyamucyate |
elālavaṅgatakkolajātīphalasamanvitam || 69 ||
[Analyze grammar]

āpa ācamanīyārthamuśīrāmayacandanaiḥ |
āpaḥkṣīrakuśāgrādi yavasiddhārthataṇḍulaiḥ || 70 ||
[Analyze grammar]

tilavrīhi samāyuktairarghya maṣṭāṅga mucyate |
candanaṃ cāguruścaiva kuṅkumaṃ gandha ucyate, || 71 ||
[Analyze grammar]

ekaṃ dvayaṃ trayaṃ vāpi karbūreṇa catuṣṭayam |
uśīracanṭanopetaṃ ghṛtayuktaṃ ghṛtāplutam || 72 ||
[Analyze grammar]

kiñcitkarbūrasaṃyuktaṃ dhūpamityucyate budhaiḥ |
goghṛtena kṛtaṃ yattu dīpamuttamamucyate || 73 ||
[Analyze grammar]

caturaṅgulamāyāmaṃ rājasaṃ dīpameva hi |
dīpaṃ tattṣaṅgulāyāmaṃ madhyamaṃ dīpamucyate || 74 ||
[Analyze grammar]

adhamaṃ tu bhaveddīpamaṅguladvayasammitam |
kāpilena gṛtenāpi kṛtaṃ karbūravartikam || 75 ||
[Analyze grammar]

dīpaṃ viṣṇupriyaṃ proktaṃ sarvasiddhipradāyakam |
tāmasaṃ tu bhaveddīpaṃ māhiṣeṇa tu sarpiṣā || 76 ||
[Analyze grammar]

vṛkṣabījodbhavasnehadīpaṃ paiśācamucyate |
tāmasaṃ vāpi paiśācamayogyaṃ dīpamucyate || 77 ||
[Analyze grammar]

kṣaumaṃ kārpāsajaṃ vastraṃ vakṣabhedāṅgasaṃbhavam |
daśahastāyataṃ caiva vistāraṃ tu dvihastakam || 78 ||
[Analyze grammar]

manoharaṃ tu suślakṣṇaṃ viśeṣaṃ vastramucyate |
berāyāmārdhamānena vastravistāra mucyate || 79 ||
[Analyze grammar]

vistārāṣṭaguṇāyāmaṃ sadaśaṃ tu salakṣaṇam |
mayūrapiñchaiḥkuryāttu catustālaṃ tu vistṛtam || 80 ||
[Analyze grammar]

adhomukhaṃ tu kartavyamata ūrdhvamukhaṃ tathā |
pañcāratnipramāṇeva daṇḍassyādadhamaṃ tathā || 81 ||
[Analyze grammar]

adhikaṃ dvādaśāṅgulyaṃ madhyamecottamepi vā |
evaṃ piñchaṃ samākhyātaṃ chatralakṣaṇamucyate || 82 ||
[Analyze grammar]

ṣaṭtānaṃ chatravistāramuttamaṃ samudāhṛtam |
madhyamaṃ pañcatālaṃsyācca tustālamathādhamam || 83 ||
[Analyze grammar]

mauktikaṃ tu bhavecchatraṃ vastreśāpi hitaṃ tathā |
vastreṇa vā tathā kuryāttālapatramathāpi vā || 84 ||
[Analyze grammar]

chatraṃ tvadhomukhaṃ proktaṃ daṇḍaṃ piñchasya daṇḍavat |
suvarṇaratnasaṃyuktaṃ kuryādābharaṇādikam || 85 ||
[Analyze grammar]

mukuṭaṃ kuṇḍalaṃ caiva hāraṃ kaiyūrakaṃ tathā |
kaṭakaṃ kaṭisūtraṃ ca puṣpaṃ vai hāranūpure || 86 ||
[Analyze grammar]

kuryādudarabandhaṃ ca ratnahāraṃ ca mekhalām |
hāraṃ ca karṇapuṣpaṃ ca pratimāyā yathārhakam || 87 ||
[Analyze grammar]

cāmarai ścāmaraṃ kuryātpiñchairvāpi mayūrajaiḥ |
daṇḍaṃ haktapramāṇaṃ syādbāladaṇḍapramāṇakam || 88 ||
[Analyze grammar]

hemaratnamayaṃ daṇḍaṃ tāratāmramayaṃ tathā |
atha vā dārudaṇḍaṃ syānmayūrapiñchaṃ ca yojayet || 89 ||
[Analyze grammar]

evaṃ tu cāmaraṃ proktaṃ pracchannapaṭamucyate |
kṣaumakārpāsasaṃyuktaṃ dvāramānantu kārayet || 90 ||
[Analyze grammar]

atha vakṣye viśeṣeṇa sahasradhārāvidhikramam |
sauvarṇaṃ rājataṃ vāpi tāmraṃ vāpi svaśaktitaḥ || 91 ||
[Analyze grammar]

uttamaṃ ṣoḍaśāṅgulyaṃ madhyamaṃ dvādaśāṃgulam |
aṣṭāṃgulaṃ tadadhamaṃ yathāśakti ca kārayet || 92 ||
[Analyze grammar]

etairaṅgulibhissamyak bhramīkṛtya ca candravat |
bhāgaṃ bhittyunnataṃ proktaṃ golakaṃ vā viśeṣataḥ || 93 ||
[Analyze grammar]

sīmāvṛttaṃ tu vistāramaṣṭāṅgulamiti smṛtam |
karṇi kāyāmavistāraṃ golakaṃ tu yavonnatam || 94 ||
[Analyze grammar]

madhye ratnaṃ suvarṇaṃ vā yathā śakti samarpayet |
karṇikāmabhitaḥ kuryāddalānyaṣṭa susaṃgatam || 95 ||
[Analyze grammar]

paritaṣṣoḍaśadalaṃ dvātriṃśatkarṇikaṃ bahiḥ |
catuṣṣaṣṭisamāyuktaṃ dalaṃ bāhye prakalpayet || 96 ||
[Analyze grammar]

dale yavadvayaghanaṃ rekhāmapi ca kārayet |
sahasrasuṣirairyuktaṃ samānoktaṃ ca kārayet || 97 ||
[Analyze grammar]

ṣoḍaśadvādaśāṣṭābhiraṅgulyāyāmavistṛtam |
mālaṃ taddhastavistāraṃ śaṅkhāntarasamīkṛtam || 98 ||
[Analyze grammar]

padmākṛtiṃ ca kṛtvā tu tau ca nālasamāyutau |
śeṣaṃ yuktyā prakurvīta jalanirgamanaṃ budhaḥ,, || 99 ||
[Analyze grammar]

sarvasaindaryasaṃyuktaṃ tathākāraṃ ca kārayet |
prakṣālya pañcagavyena śodhanīyena śodhayet || 100 ||
[Analyze grammar]

devālayasya purito gomayenopalipya ca |
thānyarāśiṃ samāstīrya vastraṃ copari vinyaset || 101 ||
[Analyze grammar]

uttare vāstuhomaṃ ca paryakniṃ caiva pūrvavat |
ācāryaṃ pūjayettatra navavastrāṅgulīyakāḥ, || 102 ||
[Analyze grammar]

tantrendumaṇḍalaṃ dhyātvā padme padmanidhiṃ tathā |
śaṅkhe śaṅkhanidhiṃ tadvadāvāhyaiva samarcayet || 103 ||
[Analyze grammar]

puṇyāhaṃ vācayitvā tu dakṣiṇāṃ ca dadetpunaḥ |
biṃbaśuddhiṃ ca kṛtvātu mantreṇaivābhiṣicya ca || 104 ||
[Analyze grammar]

devadevaṃ samabhyarcya havistatra nivedayet |
evaṃ vai kṛtapātrāṇi devārthaṃ ca pradāpayet || 105 ||
[Analyze grammar]

tasya kāyakṛtaṃ pāpaṃ tatkṣaṇādeva naśyati |
sarvadoṣopaśamanaṃ viṣṇubhaktivivardhanam || 106 ||
[Analyze grammar]