Chapter 17 - ādimūrtikalpaḥ

atha vakṣye viśeṣeṇa keśavādivinirṇayam |
keśavaṃ tu prakurvīta saumyarūpaṃ caturbhujam || 1 ||
[Analyze grammar]

śaṅkhacakragadāpadmadharaṃ svarṇābhave va ca |
sarvālaṅkārasaṃyuktaṃ muktāhāravibhūṣitam || 2 ||
[Analyze grammar]

sthitamevaṃ prakurvīta devībhyāṃ sahitaṃ prabhum |
nārāyaṇaṃ prakurvīta ghanaśyāmaṃ caturbhujam || 3 ||
[Analyze grammar]

śaṅkhapadmadhakaṃ devaṃ bibhrantaṃ ca gadāmasim |
bhūṣitaṃ maṇibhūṣābhiḥ vītavāsasamacyutam || 4 ||
[Analyze grammar]

prakuryācca viśeṣeṇa lakṣmīnārāyaṇaṃ śubham |
uttamaṃ daśatālena mānonmānapramāṇataḥ || 5 ||
[Analyze grammar]

siṃhāsane samāsīnaṃ dakṣiṇāṃghriṃ prasārya ca |
āsane nihitaṃ vāmaṃ lakṣaṇaṃ pūrvavattathā || 6 ||
[Analyze grammar]

lakṣmīṃ sannyasya vāmorau mukhe harṣasamanvitām |
prasāritakarāṃ devīṃ pañcatālapramāṇataḥ || 7 ||
[Analyze grammar]

prāñjalīkṛtahastāṃ tāṃ sarvābharaṇabhūṣitām |
vāmena tāṃ pariṣvajya dakṣiṇenābhayapradam || 8 ||
[Analyze grammar]

anyābhyāṃ ca karābhyāṃ ca śaṅkhacakradharaṃ param |
tārkṣyaṃskandhāsanasthaṃ vā anyatsarvaṃ ca pūrvavat || 9 ||
[Analyze grammar]

tārkṣyaṃ navārdhatālena ardheṣadbhṛkuṭiṃ mukham |
dakṣiṇorau sthitāṃ lakṣmīṃ kecidicchantisūrayaḥ || 10 ||
[Analyze grammar]

nāgabhoge samāsīnamevaṃ kuryāttu vā harim |
saptabhiḥ pañcabhirvāpi phaṇairvistāritairyutam || 11 ||
[Analyze grammar]

śeṣaṃ samyakprakurvīta samuttuṅgaśarīriṇam |
mādhavaṃ cotpalanibhaṃ cakracāvagadāsibhiḥ || 12 ||
[Analyze grammar]

caturbhujadharaṃ kuryāccitramālyāṃbaraṃ harim |
govindaṃ pāṇḍurābhaṃ ca caturbhujadharaṃ harim || 13 ||
[Analyze grammar]

gadāśaṅkhāripadmāni bibhrantaṃ kārayedbudhaḥ |
viṣṇuṃ nīlotpalābhantu śaṅkhāryabjagadābhṛtam || 14 ||
[Analyze grammar]

sarvābharaṇa saṃyuktaṃ pītavāsasamacyutam |
raktotpalābhaṃ kurvīta devaṃ tu madhusūdanam || 15 ||
[Analyze grammar]

śaṅkhāryabjagadāpāṇiṃ caturbhujamanāmayam |
trivikramaṃ nīlavarṇaṃ śaṅkhāryabjagadābhṛtam || 16 ||
[Analyze grammar]

caturbhujadharaṃ devaṃ sarvābharaṇabhūṣitam |
vāmanaṃ meghavarṇaṃ tu caturbāhuṃ mahābalam || 17 ||
[Analyze grammar]

gadāśaṅkhāripadmāni bibhrantaṃ chalarūpiṇam |
atha vā kārayetkuṃbhaṃ dadhyannaṃ ca karadvaye || 18 ||
[Analyze grammar]

dadhivāmanamāhustaṃ śvetābhaṃ dvibhujaṃ harim |
atha vā vaṭurūpaṃ tu dhṛtvā daṇḍakamaṇḍalū || 19 ||
[Analyze grammar]

svarṇacchami bālarūpaṃ dvibhujaṃ kārayeddharim |
sitāsitābhaṃ kurvīta śrīdharaṃ tu caturbhujam || 20 ||
[Analyze grammar]

kaumodakīśaṅkhacakrapadmadhāriṇamīśvaram |
hṛṣīkeśaṃ prakurvīta śyāmābhaṃ ca caturbhujam || 21 ||
[Analyze grammar]

gadāśaṅkhāripadmāni bibhrantaṃ harimavyayam |
sitamecakavarṇantu padmanābhaṃ prakalpayet || 22 ||
[Analyze grammar]

kaumodakīcakrapadmaśaṅkhapāṇiṃ ramādhavam |
dāmodaraṃ prakurvīta sitagaurābhamīśvaram || 23 ||
[Analyze grammar]

padmaśaṅkhagadācakradharaṃ devaṃ caturbhujam |
saṃkarṣaṇaṃ tu kurvīta śvetavarṇaṃ caturbhujam || 24 ||
[Analyze grammar]

śaṅkhāryabjagadāpāṇiṃ sarvādhāraṃ sanātanam |
vāsudevaṃ prakurvīta taruṇādityasannibham || 25 ||
[Analyze grammar]

śaṅkhacakragadāpadmadharaṃ sarvadharaṃ vibhum |
candrābhaṃ navakundābhamatha vā kālayeddharim || 26 ||
[Analyze grammar]

pradyumnaṃ tu suvarṇābhaṃ kuryāddevaṃ caturbhujam |
cakraśaṅkhagadāpadmadharaṃ devaṃ mahābalam || 27 ||
[Analyze grammar]

aniruddhaṃ hiraṇyābhaṃ sarvālaṅkārasaṃyutam |
śaṅkhacakradhanuḥkhaḍgadharaṃ deveśvareśvaram || 28 ||
[Analyze grammar]

sitāsitābhaṃ kurvīta deveśaṃ puruṣottamam |
śaṅkhacakragadāpadmadharaṃ devaṃ caturbhujam || 29 ||
[Analyze grammar]

athokṣajaṃ prakurvīta śaṅkhābhaṃ ca caturbhujam |
cakraśaṅkhagadāpadmadharaṃ bhūṣaṇabhūṣitam || 30 ||
[Analyze grammar]

nārasiṃhaṃ tu meghābhaṃ sarvālaṅkārasaṃyutam |
śaṅkhapadmagadācakradharaṃ bhaktābhayapradam || 31 ||
[Analyze grammar]

sitamecakavarṇaṃ tu kurvīta vibhumacyutam |
gadābjacakraśaṅkhāṅkaṃ caturbhujavirājitam || 32 ||
[Analyze grammar]

janārdanamudārāṅgaṃ nīlavarṇaṃ samācaret |
cakraśaṅkhagadāpadmadharaṃ devaṃ sanātanam || 33 ||
[Analyze grammar]

atha vā kaṭivinyastavāmahastaṃ prakalpayet |
upendraṃ ghanakṛṣṇābhaṃ sarvābharaṇabhūṣitam || 34 ||
[Analyze grammar]

śaṅkhacakragadāpadmadharaṃ devaṃ jagatprabhum |
hariṃ pāṇḍurakṛṣṇābhaṃ sarvālaṅkāraśobhitam || 35 ||
[Analyze grammar]

śaṅkhapadmagadācakradharaṃ kuryānmanoharam |
kṛṣṇaṃ tu nīradaśyāmaṃ puṇḍarīkanibhekṣaṇam || 36 ||
[Analyze grammar]

śaṅkhacakragadāpadmadharaṃ kuryādvicakṣaṇaḥ |
sarveṣāṃ tu vimānāni viṣṇoruktavadācaret || 37 ||
[Analyze grammar]

sabhyakuṇḍe pradhānāgnau hautraṃ tatra praśaṃsya ca |
keśavaṃ kleśasaṃhāraṃ viṣṇuṃ caiva parātparam' || 38 ||
[Analyze grammar]

nārāyaṇaṃ naraṃ viṣṇuṃ narakāntaka'mityapi |
mādhavaṃ puṇḍarīkākṣaṃ viṣṇuṃ sarvātmakaṃ'tviti, || 39 ||
[Analyze grammar]

govindaṃ paramānandaṃ viṣṇuṃ caiva sanātanam'|
.viṣṇuṃ vyāpinamīśānaṃ sarvalokādhipaṃ tathā || 40 ||
[Analyze grammar]

madhusūdanamudyogaṃ mahāntaṃ viṣṇu'mityapi |
trivikramaṃ trilokeśaṃ lokādhāraṃ sanātanam' || 41 ||
[Analyze grammar]

vāmanaṃ varadaṃ caiva kāśyapiṃ cāditipriyam'|
śrīdharaṃ puruṣaṃ ceti viṣṇuṃ śrīvatsavakṣasam' || 42 ||
[Analyze grammar]

hṛṣīkeśaṃ jagannāthaṃ viṣṇuṃ viśvamayaṃ'tathā |
padmanābhaṃ sureśaṃ ca viṣṇuṃ caiva jagatpatim.' || 43 ||
[Analyze grammar]

dāmodaraṃ sadādhāraṃ viṣṇuṃ praṇavarūpiṇam'|
saṃkarṣaṇaṃ yaduvaraṃ viṣṇuṃ haladhara'ntathā || 44 ||
[Analyze grammar]

vāsudevaṃ puṇyamūrtiṃ bhadreśaṃ puṇyarūpiṇam'|
pradyumnaṃ jagadīśānaṃ viṣṇu puṇyātmakaṃ'tathā || 45 ||
[Analyze grammar]

aniruddhaṃ mahāntaṃ ca vairāgyaṃ sarvatejasam'|
puruṣottamamānandaṃ viṣṇuṃ pañcātmakaṃ'tathā || 46 ||
[Analyze grammar]

adhokṣajamanādiṃ ca viṣṇuṃ vyāpaka'mityapi |
nārasiṃhaṃ taponāthaṃ mahāviṣṇuṃ mahābalam' || 47 ||
[Analyze grammar]

acyutaṃ cāparimitamaiśvaryaṃ śrīpatiṃ'tathā |
.janārdanamanādyantaṃ viṣṇuṃ tejomayaṃ'tathā || 48 ||
[Analyze grammar]

upendramindrāvarajaṃ viṣṇuṃ vaikuṇṭha'mityapi |
hariṃ pāpaharaṃ ceti viṣṇuṃ maṅgalavigraham || 49 ||
[Analyze grammar]

kṛṣṇaṃ nārāyaṇaṃ puṇyaṃ tridaśādhipa'mityapi |
āvāhya tu krameṇaiva nirupyājyāhutīryajet || 50 ||
[Analyze grammar]

viṣṇornukā'dabhiṣṣaḍbhiratodevā'dabhistathā |
keśavādidvādaśānāṃ mantrairdvādaśabhirhunet || 51 ||
[Analyze grammar]

nārasiṃhasya kṛṣṇasya mantraḥ pūrvamudīritaḥ |
itareṣāṃ daśānāṃ tu daśamantrāḥ prakīrtitāḥ || 52 ||
[Analyze grammar]

viṣṇussarveṣā'mityādi yaṃ yajñai'rantamīritāḥ |
taṃ taṃ devaṃ samuddiśya tattanmantreṇa cātvaraḥ || 53 ||
[Analyze grammar]

śatamaṣṭādhikaṃ hutvā śeṣaṃ pūrvavadācaret |
evaṃ sarvatra kurvīta devībhyāṃ sahitaṃ vibhum || 54 ||
[Analyze grammar]

tadrūpaṃ kautukaṃ kuryātsarvalakṣaṇalakṣitam |
karṣaṇādikriyāssarvā viṣṇorina samācaret || 55 ||
[Analyze grammar]

lakṣmīkalpaḥ |
atha vakṣye viśeṣeṇa lakṣmīsthāpanamuttamam |
aṣṭadhā procyate lakṣmīḥ prathamā tvanapāyinī || 56 ||
[Analyze grammar]

viṣṇorvakṣasthsalekāryā sarvālaṅkārasaṃyutā |
dakṣastanasyordhvabhāge vahnyaśredivyamaṇḍale || 57 ||
[Analyze grammar]

padmamadhye samāsīnāṃ padmadvayakarāñcitām |
varadābhayahastāṃ ca mandasmita mukhāṃbujām || 58 ||
[Analyze grammar]

evaṃ rūpāṃ prakurvīta yogalakṣmīstusā matā |
yogalakṣmīṃ pratiṣṭhāpya śrīkāmassamyagarcayet || 59 ||
[Analyze grammar]

deveśena samaṃ kuryādasyāsthcāpanamuttamam |
kālāntare prakuryāccheddhemarūpyādinā punaḥ || 60 ||
[Analyze grammar]

kṛtvā śrīvatsarūpaṃ tu dhārayedviṣṇumavyayam |
tattadbiṃbānurūpaṃ ca kuryācchrīvatsalakṣaṇam || 61 ||
[Analyze grammar]

bhogalakṣmyassamākhyātā śśrībhūnīlāḥ kramādimāḥ |
dhruvādiṣu tu bereṣu śrībhūmyau devapāśanvge || 62 ||
[Analyze grammar]

vaikuṇṭhamārgasaṃcārā nīlā nityasamāśritā |
śrībhūmyosthsāpanaṃ pūrvaṃ deveśena sahoditam || 63 ||
[Analyze grammar]

devībhyāṃ rahite deve kuryātkālāntare punaḥ |
pṛdhakpratiṣṭhāṃ śrībhūmyoḥ kuryādāṅgirasoktivat || 64 ||
[Analyze grammar]

vīralakṣmīriti proktā pṛthagālayasaṃgatā |
alayāddakṣiṇe pārśvekuryāttu pṛthagālayam || 65 ||
[Analyze grammar]

daśatālena mānena kuryāddevīna salakṣaṇām |
padmadvayakarāṃ caiva vandā bhayadhāriṇīm || 66 ||
[Analyze grammar]

kirīṭamukucopetāṃ sarvālaṅkāraśobhitam |
padmāsane samāsīnāṃ hemābhāṃ sarvamaṅgalām || 67 ||
[Analyze grammar]

godāmanyāṃ prakurvīta lakṣmīṃ tu vijayābhidhām |
navatāleṃ mānena kuryādanyālayāśritām || 68 ||
[Analyze grammar]

dakṣiṇena tu hastena kalhāraṃ dadhatīṃ tathā |
prasāritetarakarāṃ baddhadhammillaśobhinīm || 69 ||
[Analyze grammar]

sarvālaṅkārasaṃyuktāṃ tiṣṭhantīmeva kārayet |
godā bhūmyaṃśajā proktā tanmantreṇācaretkriyāḥ || 70 ||
[Analyze grammar]

pākalakṣmīssamākhyātā pacanālayasaṃgatā |
aṣṭatālena mānena kuryāttāṃ pacanālaye || 71 ||
[Analyze grammar]

padmadvayāñcitakarāṃ varadābhayadhāriṇīm |
āsīnāṃ vātha tiṣṭhantīṃ kuryādbhūṣaṇabhūṣitām || 72 ||
[Analyze grammar]

dvitīya maṇḍapadvāre dvāralakṣmīṃ samācaret |
pataṅgapaṭṭikāmadhye sarvālaṅkāraśobhitām || 73 ||
[Analyze grammar]

padmadvayāñcitakarāṃ varadābhayadhāriṇīm |
padmāsane samāsīnāṃ kirīṭādivibhūṣitām || 74 ||
[Analyze grammar]

gajai tu pāśanvyoḥkuryāddhemakuṃbhakarau punaḥ |
siṃcantau tau mahālakṣmīṃ kuryātkuṃbhajalaistathā || 75 ||
[Analyze grammar]

śrībhūmyorvīravijayalakṣmyoreva vidhīyate |
dhravaberānurūpeṇa berāntarasamarcanam || 76 ||
[Analyze grammar]

tadrūpaṃ kautukaṃ kuryādutsavādi yathecchayā |
anyāsāṃnaiva kurvīta dhruvārcāmeva kārayet || 77 ||
[Analyze grammar]

paiṇḍarīke pradhānāgnau hautraṃ tatra praśaṃsya ca |
śrībhūmyormūrtimantraiśca krameṇāvāhanādikam || 78 ||
[Analyze grammar]

godāṃ kṛṣṇapriyāṃ lakṣmīṃ rukmiṇī'miti cāhvayet |
āvāhanakrameṇaiva tanmantrairjuhuyātkrarūt || 79 ||
[Analyze grammar]

pratiṣṭhoktakrameṇaiva sarvaṃ pūrvavadācaret |
navaṣaṭpañcamūrtīnāṃ vimānasyālayasya ca || 80 ||
[Analyze grammar]

dvimūrtisthāpanaṃ tadvatrimūrtasthāpanaṃ tathā |
anyeṣāṃ parivārāṇāṃ sthāpanaṃ vidhivaccaret || 81 ||
[Analyze grammar]

yadyatsamarpyate vastu deveśasya tu mandire |
tattatsarvaṃ vidhānena pratiṣṭhāpya samarpayet || 82 ||
[Analyze grammar]

asaṃskṛtaṃ tu na grāhyaṃ na taddevapriyaṃ bhavet |
bhūṣaṇāni ca vā sāṃsi pātrāṇyanyatparicchadam || 83 ||
[Analyze grammar]

berālaṅkārayogyāni dhāmālaṅkaraṇāni ca |
yathāhaṃn saṃskṛtānyeva gṛhṇīyātsaphalaṃ bhavet || 84 ||
[Analyze grammar]

tattaddravyādhidaivatyaṃ devatāmūrtimantrakam |
juhuyātsarvamanyacca pratiṣṭhoktavadācaret || 85 ||
[Analyze grammar]

dravyādhidevatākalbassamyagukto mayākhile || 86 ||
[Analyze grammar]