Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.40
na tadasti pṛthivyāṃ vā divi deveṣu vā punaḥ |
sattvaṃ prakṛtijairmuktaṃ yadebhiḥ syāttribhirguṇaiḥ ||40||
The Subodhinī commentary by Śrīdhara
anuktamapi saṅgṛhṇan prakaraṇārthamupasaṃharati na taditi | ebhiḥ prakṛtisambhavaiḥ sattvādibhistribhirguṇairmuktaṃ prāṇijātam | anyadvā yatsyāttat | pṛthivyāṃ manuṣyalokādiṣudivi deveṣu ca kvāpi nāstītyarthaḥ ||40||
The Sārārthavarṣiṇī commentary by Viśvanātha
anuktamapi saṅgṛhṇan prakaraṇārthamupasaṃharati neti tatsattvaṃ prāṇijātamanyacca vastumātraṃ kvāpi nāsti yadebhiḥ prakṛtijaistribhirguṇairmuktaṃ rahitaṃ syādataḥ sarvameva vastujātaṃ triguṇātmakam | tatra sāttvikamevopādeyaṃ rājasatāmase tu nopādeya iti prakaraṇatātparyam ||40||
The Gītābhūṣaṇa commentary by Baladeva
prakaraṇārthamupasaṃhannanuktamapi saṅgṛhṇāti na taditi | pṛthivyāṃ manuṣyādiṣu divi svargādau deveṣu ca prakṛtiṃ saṃsṛṣṭeṣu brahmādistambānteṣvityarthaḥ | tatsattvaṃ prāṇijātamanyacca vastu nāsti | yadebhiḥ prakṛtijaistribhirguṇairmuktaṃ virahitaṃ syāt | tathā ca triguṇātmakeṣu vastuṣu sāttvikasyaivopayogitvāttadeva grāhyamanyattu tyājyamiti prakaraṇārthaḥ ||40||
__________________________________________________________