Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 16.16
anekacittavibhrāntā mohajālasamāvṛtāḥ |
prasaktāḥ kāmabhogeṣu patanti narake'śucau ||16||
The Subodhinī commentary by Śrīdhara
evambhūtā yatprāpnuvanti tacchṛṇu aneketi | anekeṣu manoratheṣu pravṛttaṃ cittamankecittam | tena vibhrāntā vikṣiptāḥ | tenaiva mohamayena jālena samāvṛtāḥ | matsyā iva sūtramayena jālena yantritāḥ | evaṃ kāmabhogeṣu prasaktā abhiniviṣṭā santo'śucau kalmaṣe narake patanti ||16||
The Gūḍhārthadīpikā commentary by Madhusūdana
uktaprakārairanekaiścittaistattadduṣṭasaṅkalpairvividhaṃ bhrāntāḥ, yato mohajālasamāvṛtāḥ moho hitāhitavastuvivekāsāmarthyaṃ tadeva jālamivāvaraṇātmakatvena bandhahetutvāt | tena samyagāvṛtāḥ sarvato veṣṭitā matsyā iva sūtramayena jālena paravaśīkṛtā ityarthaḥ | ata eva svāniṣṭasādhanesvapi kāmabhogeṣu prasaktāḥ sarvathā tadekaparāḥ pratikṣaṇamupacīyamānakalmaṣāḥ patanti narake vaitaraṇyādāvaśucau viṇmūtraśleṣmādipūrṇe ||16||
The Sārārthavarṣiṇī commentary by Viśvanātha
aśucau narake vaitarṇyādau ||16||
__________________________________________________________