Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.46
kirīṭinaṃ gadinaṃ cakrahastam
icchāmi tvāṃ draṣṭumahaṃ tathaiva |
tenaiva rūpeṇa caturbhujena
sahasrabāho bhava viśvamūrte ||46||
The Subodhinī commentary by Śrīdhara
tadeva rūpaṃ viśeṣayannāha kirīṭinamiti | kirīṭavantaṃ gadāvantaṃ cakrahastaṃ ca tvāṃ draṣṭumicchāmi | pūrvaṃ yathā dṛṣṭo'si tathaiva | ataeva he sahasrabāho | he viśvamūrte ! idaṃ viśvarūpamupasaṃhṛtya tenaiva kirīṭādiyuktena caturbhujena bhavāvirbhava | tadanena śrīkṛṣṇamarjunaḥ pūrvamapi kirīṭādiyuktameva paśyatīti gamyate | yattu pūrvamuktaṃ viśvarūpadarśane kirīṭinaṃ gadinaṃ cakriṇaṃ ca paśyāmīti | tadbahukirīṭādyabhiprāyeṇa | yadvā etāvantaṃ kālaṃ yaṃ tvāṃ kirīṭinaṃ gadinaṃ cakriṇaṃ ca suprasannamapaśyaṃ
tamevedānīṃ tejorāśiṃ durnirīkṣyaṃ paśyāmībhyevamatra vacanasya vyaktirityavirodhaḥ ||46||
The Gūḍhārthadīpikā commentary by Madhusūdana
tadeva rūpaṃ vivṛṇoti kirīṭinamiti | kirīṭavantaṃ gadāvantaṃ cakrahastaṃ ca tvāṃ draṣṭumicchāmyahaṃ tathaiva pūrvavadeva | atastenaiva rūpeṇa caturbhujena vasudevātmajatvena bhava he idānīṃ sahasrabāho he viśvamūrte | upasaṃhṛtya viśvarūpaṃ pūrvarūpeṇaiva prakaṭo bhavetyarthaḥ | etena sarvadā caturbhujādirūpamarjunena bhagavato dṛśyata ityuktam ||46||
The Sārārthavarṣiṇī commentary by Viśvanātha
viśeṣayannāha kirīṭinamiti | kirīṭavantaṃ gadāvantaṃ cakrahastaṃ ca tvāṃ draṣṭumicchāmi | pūrvaṃ yathā dṛṣṭo'si tathaiva | ataeva he sahasrabāho | he viśvamūrte ! idaṃ viśvarūpamupasaṃhṛtya tenaiva kirīṭādiyuktena caturbhujena bhavāvirbhava | tadanena śrīkṛṣṇamarjunaḥ pūrvamapi kirīṭādiyuktameva paśyatīti gamyate | yattu pūrvamuktaṃ viśvarūpadarśane kirīṭinaṃ gadinaṃ cakriṇaṃ ca paśyāmīti | tadbahukirīṭādyabhiprāyeṇa | yadvā etāvantaṃ kālaṃ yaṃ tvāṃ kirīṭinaṃ gadinaṃ cakriṇaṃ ca suprasannamapaśyaṃ tamevedānīṃ
tejorāśiṃ durnirīkṣyaṃ paśyāmībhyevamatra vacanasya vyaktirityavirodhaḥ ||46||
The Gītābhūṣaṇa commentary by Baladeva
tatkīdṛgityāha kirīṭinamiti | he samprati sahasrabāho ! he viśvamūrte ! idaṃ rūpamantarbhāvya divyābhinetṛnaṭavattenaiva caturbhujena rūpeṇa viśiṣṭaḥ san prādurbhava ||46||
__________________________________________________________