Chapter 26 - Nirvāṇavarga

kūrmo yathāṅgāni svake kapāle samādadhītātmavitarkitāni |
anihśrito hy anyam aheṭhayānaḥ parinirvṛto nāpavadeta kaṃcit || 1 ||
[Analyze grammar]

kṣāntiḥ paramaṃ tapas titīkṣā nirvāṇaṃ paramaṃ vadanti buddhāḥ |
na hi pravrajitaḥ paropatāpī śramaṇo bhavati paraṃ viheṭhayan vai || 2 ||
[Analyze grammar]

mā kaṃcit paruṣaṃ brūthaḥ proktāḥ prativadanti tam |
duhkhā hi saṃrambhakathāḥ pratidaṇḍaṃ spṛśanti hi || 3 ||
[Analyze grammar]

yad īrayasi hātmānaṃ kaṃsī ivopahatā sadā |
jāti maraṇasaṃsāraṃ ciraṃ hy anubhaviṣyasi || 4 ||
[Analyze grammar]

na tv īrayasi hātmānaṃ kaṃsir nopahatā yathā |
eṣa prāpto'si nirvāṇaṃ saṃrambhas te na vidyate || 5 ||
[Analyze grammar]

ārogyaparamā lābhā saṃtuṣṭi paramaṃ dhanam |
viśvāsaparamaṃ mitraṃ nirvāṇaparamaṃ sukham || 6 ||
[Analyze grammar]

kṣudhā paramarogāṇāṃ saṃskārā duhkham eva tu |
etaj jñātvā yathā bhūtaṃ nirvāṇa paramo bhavet || 7 ||
[Analyze grammar]

alpakāḥ sugatiṃ yānti bahavo yānti durgatim |
etaj jñātvā yathā bhūtaṃ nirvāṇa paramo bhavet || 8 ||
[Analyze grammar]

sahetuṃ sugatiṃ yānti sahetuṃ yānti durgatim |
sahetuṃ parinirvānti hy evam etat sahetukam || 9 ||
[Analyze grammar]

gatir mṛgāṇāṃ pravaṇaṃ ākāśaṃ pakṣiṇāṃ gatiḥ |
dharmo gatir vibhāgīnāṃ nirvāṇaṃ tv arhatāṃ gatiḥ || 10 ||
[Analyze grammar]

na hīdaṃ hīnavīryeṇa mandenāpy avijānatā |
nirvāṇaṃ śakyam adhigantuṃ sarvagranthapradālanam || 11 ||
[Analyze grammar]

siñca bhikṣor imāṃ nāvaṃ siktā laghvī bhaviṣyati |
hitvā rāgaṃ ca doṣaṃ ca tato nirvāṇam eṣyasi || 12 ||
[Analyze grammar]

abhūt pūrve tato nābhūn nābhūt pūrve tato hy abhūt |
na cābhūn na bhaviṣyati na vāpy etarhi vidyate || 13 ||
[Analyze grammar]

durdṛśaṃ satyam acalaṃ sudṛśaṃ pratividhyataḥ |
tṛṣṇā kṣayaṃ paśyato hi duhkhasyānto nirucyate || 14 ||
[Analyze grammar]

chittvā tṛṣṇāṃ praśāmyeha rajaḥ sarvaṃ samāhitaḥ |
viśoṣayitvā saritāṃ duhkhasyānto nirucyate || 15 ||
[Analyze grammar]

bhittvā kāyaṃ ca saṃjñāṃ ca vedanāṃ vyupaśāmya ca |
vijñānāstagamaṃ labdhvā duhkhasyānto nirucyate || 16 ||
[Analyze grammar]

dṛṣṭe tu dṛṣṭamātreṇa śrute ca śrutamātratā |
mate tathaiva vijñāte duhkhasyānto nirucyate || 17 ||
[Analyze grammar]

ene meme tathā dapphe daḍapphe ceti budhyataḥ |
sarvasmād viratiḥ pāpād duhkhasyānto nirucyate || 18 ||
[Analyze grammar]

māśātuṣāsaṃśamā ca sarvatra viraḍī tathā |
sarvasmād viratiḥ pāpād duhkhasyānto nirucyate || 19 ||
[Analyze grammar]

anihśritasyācalitaṃ prasrabdhiś ceha vidyate |
na gatir na cyutiś caiva duhkhasyānto nirucyate || 20 ||
[Analyze grammar]

ajāte sati jātasya vaden nihsaraṇaṃ sadā |
asaṃskṛtaṃ ca sampaśyan saṃskṛtāt parimucyate || 21 ||
[Analyze grammar]

jarā maraṇa saṃghātaṃ moṣadharmapralopanam |
āhāranetrī prabhavaṃ nālaṃ tad abhinanditum || 22 ||
[Analyze grammar]

tasya nihhsaraṇaṃ śāntam atarkāvacaraṃ padam |
nirodho duhkhadharmāṇāṃ saṃskāropaśamaṃ sukham || 23 ||
[Analyze grammar]

abhijānāmy ahaṃ sthānaṃ yatra bhūtaṃ na vidyate |
nākāśaṃ na ca vijñānaṃ na sūryaś candramā na ca || 24 ||
[Analyze grammar]

naivāgatir na ca gatir nopapattiś cyutir na ca |
apratiṣṭham anālambaṃ duhkhāntaḥ sa nirucyate || 25 ||
[Analyze grammar]

yatra nāpo na pṛthivī tejo vāyur na gāhate |
na tatra śuklā dyotanti tamas tatra na vidyate || 26 ||
[Analyze grammar]

yathā tv ihātmanā vetti munir mauneyaṃ ātmanaḥ |
atha rūpād arūpāc ca sarva duhkhāt pramucyate || 27 ||
[Analyze grammar]

niṣṭhā gato hy asaṃtrāsī na vikanthī na kaukṛtiḥ |
acchettā bhava śalyānām antimo'sya samucchrayaḥ || 28 ||
[Analyze grammar]

eṣā hi paramā niṣṭhā śāntaṃ padam anuttaram |
kṣayaḥ sarvanimittānāṃ pradānapadam acyutam || 29 ||
[Analyze grammar]

tulyam atulyaṃ ca sambhavaṃ bhavasaṃskāram avāsṛjan muniḥ |
ādhyātmarataḥ samāhito hy abhinat kośam ivāṇḍasambhavam || 30 ||
[Analyze grammar]

sarvaṃ dānaṃ dharmadānaṃ jināti sarvāṃ ratiṃ dharmaratiṃ jināti |
sarvaṃ balaṃ kṣānti balaṃ jināti tṛṣṇā kṣayaḥ sarvasukhaṃ jināti || 31 ||
[Analyze grammar]