Chapter 8

tyāgena tyāgasampannā bodhisatvā mahāyaśāḥ |
lokāṃ ca abhirocante candrabhānur iva aṃśumāṃ || 1 ||
[Analyze grammar]

te saṃvibhāgarucayaḥ karuṇāyamānā duḥkhasaṃhatī bhagavatāṃ madhurasvarāṇāṃ |
vacanaiḥ guṇaiś ca paritoṣam upenti dhīrāḥ evaṃ caranti dharaṇī prathamāye satvā || 2 ||
[Analyze grammar]

śāstrāṇi yāni prasaranti asārakāni etā vicārya janatā anurāgabuddhī |
niṣkramya taṃ tṛṇasamaṃ ca vicārya lokaṃ tīvrāṃ vedenti vedanā kuśalaṃ cinonti || 3 ||
[Analyze grammar]

kiṃ kāraṇaṃ na hy ete prākṛtapuruṣāṇāṃ bhavanti saṃkalpāḥ |
bahujanahitāya yatra te janayanti manorathāṃ vīrāḥ || 4 ||
[Analyze grammar]

pūjayanti prathamaṃ tathāgatāṃ gauraveṇa mahatā mahāyaśā |
naiva tāva janayanti mānasaṃ agrapudgalagataṃ narottamā || 5 ||
[Analyze grammar]

te ca pratyekabuddhakoṭiyo pūjayanti paramārthapudgalāṃ |
naiva tāva janayanti mānasaṃ sarvadharmavidutāya paṇḍitāḥ || 6 ||
[Analyze grammar]

pūjayanti vaśibhūtakoṭiyo pūrvam eva vaśipāramiṃ gatā |
naiva tāva janayanti mānasaṃ jñānasāgaratarāya nāyakāḥ || 7 ||
[Analyze grammar]

te yadā vipulapuṇyasaṃcayā bhonti bhāvitaśarīramānasāḥ |
te sametya vararūpadhāriṇāṃ bodhaye upajanenti mānasaṃ || 8 ||
[Analyze grammar]

yaṃ mayā kuśalamūlam arjitaṃ tena me bhavatu sarvadarśitā |
mā ca me praṇidhi tac ciraṃtaro evam eṣa praṇidhiḥ pravartatu || 9 ||
[Analyze grammar]

yaś ca me kuśalamūlasaṃcayo so mahā bhavatu sarvaprāṇibhiḥ |
yac ca karma aśubhaṃ kṛtaṃ mayā tat phalaṃ kaṭukaṃ nistarāmy aham iti || 10 ||
[Analyze grammar]

yenāntareṇa paramārthavidur bhavāmi taṃ antaraṃ yadi avīcigato vasāmi |
taṃ abhyupemi na ca taṃ pratisaṃharāmi sarvajñatāye praṇidhiṃ iti niścayo me || 11 ||
[Analyze grammar]

jātījarāmaraṇaśokaupadravāṃś ca tyaktuṃ prabhuḥ na hi vivartayi mānasāni |
duḥkhasaṃhati jagato arthakaro prajānām ity etaṃ vikramabalaṃ puruṣarṣabhānām iti || 12 ||
[Analyze grammar]

sanagaranigamasaritā raṇati vasumatī prabhūtaratnavatī |
prabhavati yadā prathamato praṇidhānaṃ jagatpradhānānāṃ || 13 ||
[Analyze grammar]

divasakarasadṛśatejaś cābhāso vikasate diśaḥ sarvāḥ |
yadā puruṣasiṃhatāye ādyapraṇidhiḥ samudbhavati || 14 ||
[Analyze grammar]

suravaragaṇāś ca udagrāḥ paraṃparān abhigirām udīrenti |
eṣa narasiṃhatāye praṇidheti anantavūdagro || 15 ||
[Analyze grammar]

asmābhiḥ rakṣitavya eṣa hi jagato 'rthaṃ atitejasvī |
cinoti śubhaṃ śubhakaro idam āścaryaṃ tadā bhavati || 16 ||
[Analyze grammar]

bhāryāṃ priyāṃ hṛdisukhāṃś ca sutāṃ śirāṃsi netrāṇi cābharaṇavāhanavistarāṃś ca |
dattvā na viśramam upenty atha dainyatāṃ vā sarvajñatām abhimukhāḥ puruṣarṣabhās te || 17 ||
[Analyze grammar]

ādharṣitā ca vadhabandhanatāḍanebhyo raudrair narair aśubhakarmam atipravaṇaiḥ |
tān eva dṛṣṭva paramārdavamaitracittā ślakṣṇābhi vāgbhir anaghāḥ samudācaranti || 18 ||
[Analyze grammar]

dṛṣṭvā ca yācanaka mānapramādupetaṃ harṣaṃ paraṃ pratilabhanti mahāmanuṣyāḥ |
dattvā ca vardhitaguṇāttamanā bhavanti paścāttapo na tu tapanti taponirāśā iti || 19 ||
[Analyze grammar]