Chapter 1

śrīḥ
lakṣmītantram

prathamo'dhyāyaḥ - 1
namo nityānavadyāya jagataḥ sarvahetave|
jñānāya nistaraṅgāya lakṣmīnārāyaṇātmane[1] || 1 ||
1. nama iti viśiṣṭopāyasya, lakṣmīnārāyaṇātmana iti viśiṣṭopeyasya ca nirdeśaḥ| nityānavadyāyeti nārāyaṇasya jagadupādānatvaśaṅkitasavikāratvanirāsaḥ baddhamuktajīvavailakṣaṇyaṃ coktam| jagataḥ sarvahetave ityaupaniṣadamabhinnanimittopādānatvaṃ nityajīvavailakṣaṇyaṃ coktam| jñānāyeti jagatkāraṇatvaupayikaguṇagaṇapūrtiḥ svarūpanirūpakadharmaścoktaḥ| nistaraṅgāyeti ṣaḍūrmirāhityaṃ satatapariṇāmyacidvailakṣaṇyaṃ coktam|
[1. B and C add the following verses in the beginning:]
{tuṣārādrisamacchāyaṃ tulasīdāmabhūṣaṇam|
turaṃgamamukhaṃ vande tuṅgasārasvatapradam||
jñānānandamayaṃ devaṃ nirmalasphaṭikākṛtim|
ādhāraṃ sarvavidyānāṃ hayagrīvamupāsmahe||}
khagāsanaṃ [2]ghṛṇādhāramīdṛśaṃ somabhūṣitam|
akalaṅkendusūryāgniṃ lakṣmīrūpamupāsmahe || 2 ||
2. īdṛśamityādi| īkārarūpamityarthaḥ| akalaṅketyādi| svarasparśavyāpakākṣararūpamiti devyā vāksvarūpatvamuktaṃ bhavati| yathoktaṃ prapañcasāre-- "svarākhyāḥ ṣoḍaśa proktāḥ sparśākhyāḥ pañcaviṃśatiḥ| vyāpakāśca daśaite syuḥ somenāgnyātmakāḥ kramāt||" iti|
[2. All Mss. read wrongly ṛṇādhāraṃ.]
vedavedānta[3]tattvajñaṃ sarvaśāsraviśāradam|
sarvasiddhāntatattvajñaṃ dharmāṇāmāgatāgamam || 3 ||
3. - - - - - - - - - - - -
[3. vedāṅga D. E. I. ]
jitendriyaṃ jitādhāraṃ rāgadveṣāvaśīkṛtam|
caturdaśāṅgayogasthaṃ prasaṃkhyānaparāyaṇam || 4 ||
4. caturdaśeti| bhaktinyāsayogetyarthaḥ|
ṭippaṇī
namasyāmaḥ śriyaṃ devīṃ devo dīvyati yatsakhaḥ|
traiguṇyaphalake citre kṣiptairbrahmādipāśakaiḥ||
lakṣmītantramahāmbhodhau tattvaratnāni cinvatām|
tattvaprakāśanī ṭīkā sāhāyyaṃ kartumīhate||
viddhe svarbhānunā bhānau purā tapanatāṃ gatam|
nidānaṃ tapasāmādyaṃ tejorāśimanāmayam || 5 ||
5. viddha iti| atra mahābhāratānuśāsanike 260 adhyāyoktamanusaṃdheyam|
atrimatriguṇopetamatrivargasthamavyayam|
prātaḥ saṃdhyāmupāsīnamṛṣiṃ hutahutāśanam || 6 ||
6. atriguṇetyādinā maharṣeratrināmno'nvarthatvaṃ vyajyate|
pativratānāṃ paramā dharmapatnī yaśasvinī|
brahmaviṣṇumaheśānāṃ jananī kāraṇāntare || 7 ||
7. brahmetyādi| purā trimūrtayo'nasūyāyāḥ pātivratyaṃ parīkṣitumayatanta| tena kruddhayā tayā te dvihāyanāḥ śiśavo'kriyanta| tatastanmahiṣībhiḥ prasāditā sā tān yathāpuramakaroditi paurāṇikī kathātrānusaṃdheyā|
devairabhiṣṭutā śaśvacchāntinityā tapasvinī|
viduṣī sarvadharmajñā nityaṃ patimanuvratā || 8 ||
8. - - - - - - - - - - -
patyuḥ śrutavatī tāstā vividhā dharmasaṃhitāḥ|
praṇipātapuraskāramanasūyā vaco'bravīt || 9 ||
9. - - - - - - - - - - - -
anasūyā---
bhagavan sarvadharmajña mama nātha jagatpate|
tvatta eva śrutā dharmāste te bahuvidhātmakāḥ || 10 ||
10. - - - - - - - - - - - - -
jñānāni ca vicitrāṇi phalarūpādibhedataḥ|
etebhyo bhagavaddharmo viśiṣṭo vidhṛto mayā || 11 ||
11. bhagavaddharmaḥ| bhagavatprāptiphalo nivṛttidharmaḥ|
tvayā kathayatā tāstā [4]bhagavaddharmasaṃhitāḥ|
sūcitaṃ tatra tatraiva lakṣmīmāhātmyamuttamam || 12 ||
12. - - - - - - - - - - - - -
[4. bhagavan B. C. ]
rahasyatvādapṛṣṭatvānna tvayā prakaṭīkṛtam|
tadahaṃ śrotumicchāmi lakṣmīmāhātmyamuttamam || 13 ||
13. apṭaṣṭatvāditi| "nāpṭaṣṭaḥ kasyacid brūyāt" iti vidhiratrābhipretaḥ|
yatsvabhāvā hi sā devī yatsvarūpā yadudbhavā|
yatpramāṇā yadādhārā yadupāyātha[5] yatphalā || 14 ||
14. - - - - - - - - - - - - -
[5. ca C. E. ]
tadahaṃ śrotumicchāmi tvatto brahmavidāṃ vara|
bhaveyaṃ kṛtakṛtyāhaṃ yasya vijñānayogataḥ || 15 ||
15. - - - - - - - - - - - -
[6]taṃ me darśaya panthānamupasannāsmyadhīhi[7] bho|
[8]iti tasyā vacaḥ śrutvā bhagavānatrirabravīt || 16 ||
16. upasanneti| "tasmai sa vidvānupasannāya samyak provāca tāṃ tattvato brahmavidyām" iti śrutyartho'bhipretaḥ| panthānamiti| sadupāyamityarthaḥ| "mahājano yena gataḥ sa panthāḥ" itivat|
[6. tanme B. G. ]
[7. smyahaṃ vibho C. E. ]
[8. B. C. E. omit this line. ]
atriḥ---
[9]sādhu saṃbodhito'smyadya dharmajñe dharmacāriṇi|
mayā pṭaṣṭena vaktavyamiti noddhāṭitaṃ purā || 17 ||
17. - - - - - - - - - - - - -
[9.samyak C. D. E. G. ]
arhā tvamasi kalyāṇi lakṣmīmāhātmyamuttamam|
śrotuṃ śrutiśiraḥśreṇihṛdayasthaṃ sanātanam || 18 ||
18. - - - - - - - - - - -
purā malayaśailasthā munayo dharmatatparāḥ|
śrutasāttvatavijñānā nāradāddevadarśanāt || 19 ||
19. - - - - - - - - - - -
apṭacchannetamevārthaṃ bhagavantaṃ sanātanam|
nāradaṃ brahmasaṃkāśaṃ bhagavaddharmavedinam || 20 ||
20. - - - - - - - - - - -
ṛṣayaḥ---
[10]bhagavaṃstvacchruto'smābhiḥ sāttvataḥ sattvasaṃśrayaḥ|
śuddho [11]bhāgavato dharmo mokṣaikaphalalakṣaṇaḥ || 21 ||
21. sāttvataḥ sattvasaṃśrayaḥ| sattvaguṇaikapradhāno dharma ityarthaḥ| anena sāttvataśabdanirvacanamapi sūcitam| yathā--sattvaṃ sattvaguṇaḥ asyāstīti sattvataḥ| parvatādivat matvarthe tap‌pratyayaḥ| sattvata eva sāttvata iti| tasyaiva vivaraṇaṃ śuddho bhāgavato dharma iti|
[10. bhagavattaḥ A. B. C. ]
[11. bhagavato A. B. C. G. ]
tatra tattvārthakathane lakṣmīmāhātmyamuttamam|
sūcitaṃ tatra tatraiva nāpṭaṣṭatvātprakāśitam || 22 ||
22. - - - - - - - - - - - - -
icchāmastadidaṃ śrotuṃ bhavasāgaratārakam|
padminīvaibhavaṃ sarvaṃ prajñāpayuta no bhavān || 23 ||
23. - - - - - - - - - - - -
natāḥ sma śirasā pādau tava saṃsāratārakau|
adhīhi bho mune divyaṃ prapannāstvāṃ ciraṃ vayam || 24 ||
24. ciramiti| "nāsaṃvatsaravāsine brūyāt" iti vidhirabhipretaḥ|
nāradaḥ---
sādhu saṃbodhito'smyadya munayaḥ saṃśitavratāḥ|
prasannaḥ kathayāmyadya lakṣmītantraṃ sanātanam || 25 ||
25. lakṣmītantramiti granthanāma| idaṃ ca tantraṃ śatakoṭigranthaparimitāt mūlabhūtalakṣmītantrāt sāramuddhṛtya kathitamiti vakṣyate'traiva (44-52)|
yatra sā dṛśyate devī svarūpaguṇavaibhavaiḥ|
padminī padmanābhasya mahiṣī padmasaṃbhavā || 26 ||
26. - - - - - - - - - - - - -
purā durvāsasaḥ śāpādabhibhūte puraṃdare|
niḥsvādhyāyavaṣaṭ‌kāre bhraṣṭaśrīke jagattraye || 27 ||
27. puretyādi| iyamākhyāyikā viṣṇupurāṇe prathamāṃśe draṣṭavyā| niḥsvādhyāyavaṣaṭ‌kāratva bhraṣṭaśrīkatve hetuḥ|
daridre devavarge ca kṛśe dharme nisaṃtate|
pitāmahe suraiḥ sārdhaṃ kṣīrodārṇavameyuṣi[12] || 28 ||
28. nisaṃtate| vicchinna ityarthaḥ|
[12. mīyuṣi G; kṣīrārṇavamupeyuṣi I. ]
[13]bahūna varṣagaṇān divyāṃstaptvā tīvraṃ mahattapaḥ|
saṃbodhite jagannāthe devadeve janārdhane || 29 ||
29. - - - - - - - - - - -
[13. bahuvarṣa E. I. ]
pitāmahena devāya kārye ca vinivedite|
kṣīrode mathite devaistadādiṣṭena vartmanā || 30 ||
30. - - - - - - - - - - - -
pārijāte hayaśreṣṭhe gajendre'psarasāṃ gaṇe|
kālakūṭe samud‌bhūte vāruṇyāmamṛte tathā || 31 ||
31. - - - - - - - - - - - -
saha candramasā devyāmutthitāyāṃ [14]mahārṇavāt|
padminyāṃ padmanābhasya vakṣaḥsthāyāmanantaram || 32 ||
32. - - - - - - - - - - - - -
[14. sudhā D. E. F. I. ]
tayāvalokite devavarge śriyamupeyuṣi|
tayānavekṣite daityavarge caiva [15]parājite || 33 ||
33. anenānvayavyatirekābhyāṃ lakṣmīkaṭākṣapātasya sarvasaṃpannidānatvaṃ nirūpyate| yatsattve yatsattvamityanvaye yathā deveṣu iti dṛṣṭāntaḥ| yadabhāve yadabhāva iti vyatireke yathā daityeṣu iti dṛṣṭāntaḥ| imameva viṣayamanantarameva 35 tamaśloke vakṣyati|
[15.purā G. ]
svārājyamakhilaṃ prāpya modamāne puraṃdare|
bṛhaspatirupāgamya rahasīdaṃ vaco'bravīt || 34 ||
34. - - - - - - - - - - - -
bṛhaspatiḥ---
kāle saṃbodhayāmyetacchṛṇu vākyaṃ puraṃdara|
anvayavyatirekābhyāṃ lakṣmyāste [16]kathitā purā || 35 ||
35. - - - - - - - - - - - - - - - -
mahattā mahatāṃ nātha tasyāmāyatate[17] sthitiḥ|
[18]na bhraśyeta yathaivaiṣā tava rājyasthiteḥ parā || 36 ||
36. - - - - - - - - - - - - - - -
[17. māyāti te A. B. C. ]
[18. A. B. C. G. omit this line. ]
[19]tathā yatasva deveśa śaraṇaṃ gaccha padminīm|
eṣā hi śreyaso mūlameṣā hi paramā gatiḥ || 37 ||
37. - - - - - - - - - - - - -
[19. parāṃ yajasva A. B. C. G. ]
śrutīnāmabhisaṃdhiśca saiva devī sanātanī|
eṣaiva jagatāṃ prāṇā eṣaiva jagatāṃ kriyā[20] || 38 ||
38. śrutīnāmiti| "vedaiśca sarvairahameva vedyaḥ" ityuktarītyā sarvavedatātparyaparyavasānabhūmirityarthaḥ| ubhayorapṛthagbhāvānna vacanavirodhaḥ|
[20. priyā C. ]
[21]eṣaiva jagatāmicchā jñānameṣā parāvarā|
eṣaiva sṛjate kāle saiṣā pāti jagattrayam || 39 ||
39. jagatkāraṇatvasya brahmāsādhāraṇatvasiddhānte'pi tacchaktirūpatvena tadapṛthaksiddhatvāt śaktikṛtasyāpi śaktimatkṛtatvavyapadeśo yujyata eva| vakṣyate caitat suspaṣṭaṃ devyaiva (11-6, 7).
[21. eṣā hi A. B. C. G. ]
jagatsaṃharate cānte tattatkāraṇasaṃsthitā|
mātaraṃ jagatāmenāmanārādhya mahat kutaḥ || 40 ||
40. - - - - - - - - - - - -
[22]etattu vaiṣṇavaṃ dhāma yate nāvartate yatiḥ[23]|
eṣā sā paramā niṣṭhā sāṃkhyānāṃ viditātmanām || 41 ||
41. - - - - - - - - - - - - - - -
[22. etattadvai E. I. ]
[23. punaḥ E. ]
eṣā sā yogināṃ niṣṭhā yatra gatvā na śocati|
eṣā pāśupatī niṣṭhā saiṣā vedavidāṃ gatiḥ || 42 ||
42. - - - - - - - - - - - -
[24]pañcarātrasya kṛtsnasya saiṣā niṣṭhā sanātanī|
saiṣā nārāyaṇī devī sthitā nārāyaṇātmanā || 43 ||
43. - - - - - - - - - - - - -
[24. pāñca E. G. ]
pṛthagbhūtāpṛthagbhūtā jyotsneva himadīdhiteḥ|
taistairjñānaiḥ pṛthagbhūtairāgamaiśca pṛthagvidhaiḥ || 44 ||
44. nārāyaṇyā nārāyaṇātmanāvasthānaṃ pūrvaślokoktamevopapādayati---pṛthagbhūteti apṛthagbhūteti ca| dharmadharmiṇorapṛthak‌siddhayoḥ niṣkarṣavivakṣāyāṃ dharmasya pṛthagvyapadeśaḥ| aniṣkarṣe tu dharmitayā| yathā `śuklaṃ rūpam, śuklaḥ paṭaḥ' iti|
ekaivaiṣā parā devī bahudhā [25]samupāsyate|
tāmupehi mahābhāgāṃ śaraṇaṃ padmasaṃbhavām || 45 ||
45. - - - - - - - - - - - -
[25. tadu D. F. ]
tapoviśeṣai[26] rvividhaistaistaiśca niyamaiḥ śubhaiḥ|
ārādhya mahiṣīṃ viṣṇoḥ sthirīkuru nijaśriyam || 46 ||
46. - - - - - - - - - - - - - - -
[26. niyamaistaistaiśca vividhaiḥ E. F. I. ]
eṣā prasādasumukhī svaṃ padaṃ prāpayiṣyati|
abhīpsitārthadā devī kāmināmapi kāmadā || 47 ||
47. devīprasāde paramapadarūpamokṣaprāptiḥ, ānuṣaṅgikatrivargaphalaprāptiścānenocyate|
nāradaḥ---
iti saṃbodhitaḥ śakro guruṇā guruṇā svayam|
ārādhayitukāmastāṃ kṣīrodasyottaraṃ yayau || 48 ||
48. - - - - - - - - - - - -
tatra divyaṃ tapastepe bilvamūlaniketanaḥ|
[27]ekapādasthito [28]maunī kāṣṭhabhūto'nilāśanaḥ || 49 ||
49. - - - - - - - - - - - - - - - - -
[27. E. omits 8 lines from here. ]
[28. bhūmau F. ]
ūrdhvadṛgbāhuvaktraśca niyato niyatātmavān|
divyaṃ varṣasahasraṃ vai tapastepe suduścaram || 50 ||
50. - - - - - - - - - - - -
tapaso'vabhṛthe tasya sā devī padmasaṃbhavā|
prasannavadanā viṣṇormahiṣī darśanaṃ yayau || 51 ||
51. - - - - - - - - - - - -
agrataḥ saṃsthitāṃ devīṃ jagatāṃ mātaraṃ parām|
tāṃ śakraścakṣuṣā vīkṣya vismayaṃ paramaṃ yayau || 52 ||
52. - - - - - - - - - - - - -
vihvalaḥ praṇipatyātha pāñjalirbalasūdanaḥ|
[29]śriyaṃ sūktena tuṣṭāva padminīṃ pākaśāsanaḥ || 53 ||
53. - - - - - - - - - - - - - - -
[29. śriyaḥ I. ]
ekāntabhāvamāpannamavyājāṃ bhaktimāsthitam|
taṃ vīkṣya jagatāṃ mātā vākyametaduvāca ha || 54 ||
54. - - - - - - - - - - - - -
śrīḥ---
vatsa śakra parasannāsmi tapasā tava suvrata|
varaṃ vṛṇu mahābhāga kimiṣṭaṃ karavāṇite || 55 ||
55. - - - - - - - - - - - -
śakraḥ---
adya me tapaso devi yamasya niyamasya ca|
sadyaḥ phalamavāptaṃ yad dṛṣṭā bhagavatī mayā || 56 ||
56. - - - - - - - - - - - - -
yadi vāpi varo deyastvayā me parameśvari|
tattvaṃ kathaya deveśi[30] yāsi tvaṃ yatprakārikā || 57 ||
57. - - - - - - - - - - - - - - - -
[30. me devi E. I. ]
yatpramāṇā yadādhārā yadupāyā sanātanī|
yasya tvaṃ tena[31] vā devi saṃbandhastava yadvidhaḥ || 58 ||
58. - - - - - - - - - - - - - - - -
[31. kena E. I. ]
yaccānyadveditavyaṃ te nānāśāsropabṛṃhitam|
kathayeśvari tatsarvamupasanno'smyadhīhi bho || 59 ||
59. - - - - - - - - - - - - -
iti [32]prasāditā tena vatseneva payasvinī|
snihyatā manasā padmā pākaśāsanamabravīt || 60 ||
60. - - - - - - - - - - - - -
[32. saṃbodhitā E. ]
śrīḥ---
śṛṇu śakra mahābhāga yā [33]hyahaṃ yatprakārikā|
yasyāhaṃ tena vā yādṛk saṃbandho mama vṛtrahan || 61 ||
61. - - - - - - - - - - - - - - -
[33. smyahaṃ D. F. G. I. ]
iti [34]śrīpāñcarātrasāre lakṣmītantre [35]śāsrāvatāro nāma prathamo'dhyāyaḥ
[34. śrīpañcarātre tantre E. śrīpañcarātrasāre B. śrīpāñcarātre F. ]
[35. A. B. C. D. F. read sarvādhiṣṭhānaprakāśo; A. I. omit the title. ]
********iti prathamo'dhyāyaḥ********