Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.60
svabhāvajena kaunteya nibaddhaḥ svena karmaṇā |
kartuṃ necchasi yanmohātkariṣyasyavaśopi tat ||60||
The Subodhinī commentary by Śrīdhara
kiṃ ca svabhāvajeneti | svabhāvaḥ kṣatriyatvahetuḥ pūrvajanmasaṃskārastasmājjātena svīyena karmaṇā śauryādinā pūrvoktena nibaddhaḥ yantritastvaṃ mohātyatkarma yuddhalakṣaṇaṃ kartuṃ necchasi avaśaḥ san tatkarma kariṣyasyeva ||60||
The Sārārthavarṣiṇī commentary by Viśvanātha
uktamevārthaṃ vivṛṇoti svabhāvaḥ kṣatriyatve hetuḥ pūrvasaṃskārastasmājjātena svīyena karmaṇā nibaddho yantritaḥ ||60||
The Gītābhūṣaṇa commentary by Baladeva
uktamupapādayati svabhāveti | yadi tvaṃ mohādajñānānmaduktamapi yuddhaṃ kartuṃ necchasi, tadā svabhāvajena svena karmaṇā śauryeṇa manmāyodbhāsitena nibaddho'vaśastatkariṣyasi ||60||
__________________________________________________________