Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.35
eṣāmabhyāsavaśāt prakarṣamāgacchatāmanuniṣpādinyaḥ siddhayo yathā bhavanti tathā krameṇa pratipādayitumāha —
ahiṃsāpratiṣṭhāyāṃ tatsannidhau vairatyāgaḥ || sādhana 35 ||
vṛttiḥ — tasyā'hiṃsāṃ bhāvayataḥ sannidhau sahajavirodhināmapyahinakulādīnāṃ vairatyāgo nirmatsaratayā'vasthānaṃ bhavati | hiṃsrasvabhāvā api hiṃsāṃ tyajantītyarthaḥ [pā0 hiṃsrā api hiṃsratvaṃ parityajantītyarthaḥ] || 35 ||