Chapter 39

[English text for this chapter is available]

īśvara uvāca |
atha saṃpūjya vidhinā devadevaṃ kaparddinam |
tato gacchenmahādevi ligaṃ kedārasaṃsthitam || 1 ||
[Analyze grammar]

tasyaivāgneyabhāgasthaṃ bhīmeśvarasamīpagam |
svayaṃbhūtaṃ mahādevi kalpaliṃgaṃ mama priyam || 2 ||
[Analyze grammar]

mayā saṃpūjitaṃ devi vṛddhiliṃga mahāprabham |
nirāhārastu yastatra karotyekaṃ prajāgaram || 3 ||
[Analyze grammar]

caturdaśyāṃ viśeṣeṇa tasya lokāḥ sanātanāḥ |
rudreśvareti devasya tvāsīnnāma purā yuge || 4 ||
[Analyze grammar]

tiṣyesmiṃstu punaḥ prāpte mlecchasparśabhayāturaḥ |
asmiṃlliṃge layaṃ yātaḥ kedāraścābdhisaṃnidhau || 5 ||
[Analyze grammar]

tena kedāranāmeti tasya khyātaṃ dharātale |
māghe māsi yatāhāraḥ snātvā tu lavaṇodadhau || 6 ||
[Analyze grammar]

padmake tu mahākuṃḍe madhyesya lavaṇāṃbhasaḥ |
rudreśāddakṣiṇe bhāge dhanuṣāṃ daśake sthite || 7 ||
[Analyze grammar]

snātvā vidhānato devi rudreśaṃ cārcayiṣyati |
samyakkedārayā trāyāḥ phalaṃ tasya bhaviṣyati || 8 ||
[Analyze grammar]

brahmahatyādipāpānāṃ pūjanānnāśanaṃ mahat |
atha tasyaiva devasya itihāsaṃ purātanam || 9 ||
[Analyze grammar]

sarvakāmapradaṃ nṛṇāṃ kathyate te surapriye |
āsīdrājā purā devi śaśabiṃduriti śrutaḥ || 10 ||
[Analyze grammar]

sārvabhaumo mahīpālo vipakṣagaṇasūdanaḥ |
kalidvāparayoḥ saṃdhau sabhūtaḥ pṛthivīpatiḥ || 11 ||
[Analyze grammar]

tasya bhāryā'bhavatsādhvī prāṇebhyo'pi garīyasī |
na devī na ca gandharvī nāsurī na ca pannagī || 12 ||
[Analyze grammar]

tādṛgrūpā varārohe yathā'sya śubhalocanā |
tasya hemamayaṃ padmaṃ śatapatraṃ manoramam || 13 ||
[Analyze grammar]

khecaraṃ vegi nityaṃ ca tasya rājño mahātmanaḥ |
sa tena paryaṭaṃllokānsarvāndevi svakāmataḥ || 14 ||
[Analyze grammar]

ekadā phālgune māsi śuklapakṣe varānane |
caturddaśyāṃ tu saṃprāptaḥ prabhāsakṣetramuttamam || 15 ||
[Analyze grammar]

athāpaśyadṛṣīnsarvāñchrīsomeśapuraḥsthitān |
rātrau jāgaraṇārthāya japahomaparāyaṇān || 16 ||
[Analyze grammar]

sa dṛṣṭvā somanāthaṃ tu praṇipatya vidhānataḥ |
pūjayāmāsa sarvāṃ stānyathārhaṃ bhaktisaṃyutaḥ || 17 ||
[Analyze grammar]

tataḥ kedāramāsādya saṃsnāpya vidhivatpriye |
pūjayitvā vicitrābhiḥ puṣpamālābhirīśvaram || 18 ||
[Analyze grammar]

naivedyairvividhairvastrairbhūṣaṇaiśca manoharaiḥ |
tato'tra kārayāmāsa jāgaraṃ susamāhitaḥ || 19 ||
[Analyze grammar]

tataste munayaḥ sarve kutūhalasamanvitāḥ |
cyavano yājñavalkyaśca śāṃḍilyaḥ śākaṭāyanaḥ || 20 ||
[Analyze grammar]

raibhyo'tha jaiminiḥ krauṃco nāradaḥ parvataḥ śilaḥ |
mārkaṃḍaṃ purataḥ kṛtvā jagmustasya samīpataḥ || 21 ||
[Analyze grammar]

cakruḥ kathāḥ suvicitrā itihāsāni bhūriśaḥ |
 kīrttayaṃtaḥ sthitāstatra papracchū rājasattamam || 22 ||
[Analyze grammar]

ṛṣaya ūcuḥ |
kasmātsomeśvaraṃ devaṃ parityajya narādhipa |
kedārasya puro'kārṣīrjāgaraṃ tadbravīhi naḥ |
nūnaṃ vetsi phalaṃ cāsya liṃgasya tvaṃ mahodayam || 23 ||
[Analyze grammar]

rājovāca |
śṛṇvaṃtu brāhmaṇāḥ sarve anyadehodbhavaṃ mama |
purā'haṃ śūdrajātīya āsaṃ brāhmaṇapūjakaḥ || 24 ||
[Analyze grammar]

saurāṣṭraviṣaye śubhre dhanadhānyasamākule |
atha kālāṃtare tatra anāvṛṣṭirabhūddvijāḥ || 25 ||
[Analyze grammar]

tato'haṃ kṣudhayāviṣṭaḥ prabhāsaṃ kṣetramāsthitaḥ |
athāpaśyaṃ saraḥ śubhraṃ hariṇīmūlasaṃsthitam || 26 ||
[Analyze grammar]

tacca rāmasaronāma padminīṣaṇḍamaṃḍitam |
kṣīrodāṃbudhisaṃkāśaṃ dṛṣṭvā snātaḥ klamānvitaḥ || 27 ||
[Analyze grammar]

saṃtarpya ca pitṝndevānpītvā svacchamathodakam |
tato'haṃ bhāryayā prokto gṛhāṇemānsaroruhān || 28 ||
[Analyze grammar]

etatsamīpato ramyaṃ dṛśyate sthānamuttamam |
vikrīṇīmo'tra gatvā tu yena syādbhojanaṃ vibho || 29 ||
[Analyze grammar]

athāvatīrya salilaṃ gṛhītāni mayā dvijāḥ |
kamalāni subhū rīṇi prasthitaśca puraṃ prati || 30 ||
[Analyze grammar]

tatra gatvā ca rathyāsu catvareṣu trikeṣu ca |
praphullakamalānyeva kretuṃ vai munisattamāḥ || 31 ||
[Analyze grammar]

na kaścitprati gṛhṇāti astaṃ prāpto divākaraḥ |
prāsādaṃ kaṃcidāsādya suptohaṃ saha bhāryayā || 32 ||
[Analyze grammar]

tatra suptasya me buddhiḥ śrutvā gītadhvaniṃ tadā |
samutpannā sabhā ryasya kṣudhārtasya viśeṣataḥ |
nūnaṃ jāgaraṇaṃ hyetatkasmiṃścidvibudhālaye || 33 ||
[Analyze grammar]

saroruhāṇi cādāya vrajāmyatra surālaye |
yadi kaścitpragṛhṇāti prāṇayātrā tato bhavet || 34 ||
[Analyze grammar]

athotthāya samāyāto hyatrāhaṃ munipuṃgavāḥ |
apaśyaṃ liṃgametattu pūjitaṃ kusumaiḥ śubhaiḥ || 35 ||
[Analyze grammar]

rudreśvarābhidhamidaṃ vṛddhaliṃgaṃ svayaṃbhuvam |
veśyānaṃgavatīnāmnī śivarātriparāyaṇā || 36 ||
[Analyze grammar]

jāgartti puratastasya gītanṛtyotsavādinā |
tataḥ kaścinmayā dṛṣṭaḥ kimetadrātrijāgaram || 37 ||
[Analyze grammar]

keyaṃ strī dṛśyate'tyarthaṃ gītanṛtyotsave ratā |
so'bravīcchivadharmoktā śivarātriḥ sudharmadā || 38 ||
[Analyze grammar]

tāṃ cānaṃgavatīnāmnī veśyeyaṃ dharmasaṃyutā |
jāgartti paramaṃ śreyaḥ śivarātrivrataṃ śubham || 39 ||
[Analyze grammar]

śivarātrivrataṃ hyetadyaḥ samyakkurute naraḥ |
na sa duḥkhamavāpnoti na dāri dryaṃ na baṃdhanam || 40 ||
[Analyze grammar]

duṣṭaṃ cāriṣṭayogaṃ vā na rogaṃ na bhayaṃ kvacit |
sukhasaubhāgyasaṃpanno jāyate satkule naraḥ || 41 ||
[Analyze grammar]

tejasvī ca yaśasvī ca sarvakalyāṇabhājanam |
bhavedasya prasādena evamāhurmanīṣiṇaḥ || 42 ||
[Analyze grammar]

rājovāca |
atha me buddhirutpannā tadvrataṃ prati niścalā |
ciṃtitaṃ manasā hyetanmayābrāhmaṇasattamāḥ || 43 ||
[Analyze grammar]

annābhāvānmamotpanna upavāso balādyataḥ |
tadahaṃ padmake tīrthesnātvā ca lavaṇāṃbhasi || 44 ||
[Analyze grammar]

etaiḥ saroruhairdevaṃ pūjayāmi maheśvaram |
tato mayā sabhāryeṇa rudreśaḥ saṃprapūjitaḥ || 45 ||
[Analyze grammar]

padmaiśca bhaktiyuktena sabhāryeṇa viśeṣataḥ |
jāgratsthitastu devāgre tāṃ rātriṃ saha bhāryayā || 46 ||
[Analyze grammar]

tataḥ prabhātasamaya udite sūryamaṇḍale |
sā veśyā māmuvācedaṃ kaladhautapalatrayam || 47 ||
[Analyze grammar]

gṛhāṇamūlyaṃ padmānāṃ na gṛhītaṃ mayā hi tat |
sāttvikaṃ bhāvamāsthāya sabhāryeṇa dvijottamāḥ || 48 ||
[Analyze grammar]

tato bhikṣāṃ samāhṛtya prāṇayātrā mayā kṛtā |
kālena mahatā prāptaḥ kāladharmaṃ munīśvarāḥ || 49 ||
[Analyze grammar]

iyaṃ me dayitā sādhvī prāṇebhyo'pi garīyasī |
mama dehaṃ samādāya praviṣṭā havyavāhanam || 50 ||
[Analyze grammar]

tatprabhāvādahaṃ jātaḥ sarvabhaumo mahīpatiḥ |
jātismaraḥ sabhāryastu satyametaddvijottamāḥ || 51 ||
[Analyze grammar]

etasmātkāraṇādasya bhaktirliṃgasya copari |
mama nityaṃ sabhāryasya satyametadbravīmi vaḥ || 52 ||
[Analyze grammar]

mayā kriyāvihīnena bhaktibāhyena sattamāḥ |
vratametatsamācīrṇaṃ tasyedaṃ sumahatpha lam || 53 ||
[Analyze grammar]

adhunā bhaktiyuktasya yathopakaraṇānmama |
bhaviṣye yatphalaṃ kiṃcinno vedmi ca munīśvarāḥ |
yena someśamutsṛjya atrāhaṃ bhakti tatparaḥ || 54 ||
[Analyze grammar]

īśvara uvāca |
evaṃ śrutvā tu te viprā vismayotphullalocanāḥ |
sādhusādhviti jalpaṃto rājānaṃ saṃpraśaṃsire || 55 ||
[Analyze grammar]

pūjayāmāsuraniśaṃ liṃgaṃ tatra svayaṃbhuvam |
tato'sau pārthivaśreṣṭho liṃgasyāsyaprasādataḥ |
saṃsiddhiṃ paramāṃ prāpto durllabhāṃ tridaśairapi || 56 ||
[Analyze grammar]

sā ca veśyā bhagavatī śivarātriprabhāvataḥ |
tasya liṃgasya māhātmyādraṃbhānāmāpsarā'bhavat || 57 ||
[Analyze grammar]

tasmātsarvaprayatnena talliṃgaṃ pūjayedbudhaḥ |
dharmakāmārthamokṣaṃ ca yo vāṃchatyakhilapradam || 58 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ saptame prabhāsakhaṇḍe prathame prabhāsa kṣetramāhātmye kedāreśvara liṅgamāhātmyavarṇanaṃ nāmaikonacatvāriṃśo'dhyāyaḥ || 39 ||
[Analyze grammar]