Chapter 1

[English text for this chapter is available]

śaunaka uvāca |
sūtasūta mahābhāga sarvadharmavidāṃ vara |
sarvaśāstrārthatattvajña purāṇe pariniṣṭhita || 1 ||
[Analyze grammar]

vyāsaḥ satyavatīputro bhagavānviṣṇuravyayaḥ |
tasya yatpriyaśiṣyastvaṃ tvatto vettā na kaścana || 2 ||
[Analyze grammar]

prāpte kaliyuge ghore sarvadharmabahiṣkṛte |
janā vai duṣṭakarmāṇaḥ sarvadharmavivarjitāḥ || 3 ||
[Analyze grammar]

kṣudrāyuṣaḥ kṣudraprāṇabalavīryatapaḥkriyāḥ |
adharmaniratāḥ sarve vedaśāstravivarjitāḥ || 4 ||
[Analyze grammar]

tīrthāṭanatapodānaharibhaktivivarjitāḥ |
kathameṣāmalpakānāmuddhāro'lpaprayatnataḥ || 5 ||
[Analyze grammar]

tīrthānāmuttamaṃ tīrthaṃ kṣetrāṇāmuttamaṃ tathā |
mumukṣūṇāṃ kutaḥ siddhiḥ kutra vā ṛṣisaṃcayaḥ || 6 ||
[Analyze grammar]

kutra vālpaprayatnena tapo mantrāśca siddhidāḥ |
kutra vā vasati śrīmāñjagatāmīśvareśvaraḥ |
bhaktānāmanuraktānāmanugrahakṛpālayaḥ || 7 ||
[Analyze grammar]

etadanyacca sarvaṃ me parārthaikaprayojanam |
brūhi bhadrāya lokānāmanugrahavicakṣaṇa || 8 ||
[Analyze grammar]

sūta uvāca |
sādhu sādhu mahābhāga bhavānparahite rataḥ |
haribhaktikṛtāsaktiprakṣālitamanomalaḥ || 9 ||
[Analyze grammar]

atha me devakīputro hṛtpadmamadhirohati |
prasaṃgāttava viprarṣe durllabhaḥ sādhusaṃgamaḥ || 10 ||
[Analyze grammar]

harati duṣkṛtasaṃcayamuttamāṃ gatimalaṃ tanute tanumāninām |
adhikapuṇyavaśādavaśātmanāṃ jagati durlabhaḥ sādhusamāgamaḥ || 11 ||
[Analyze grammar]

harati hṛdayabandhaṃ karmapāśārditānāṃ vitarati padamuccairalpajalpaikabhājāma |
jananamaraṇakarmaśrāṃtaviśrāṃtihetustrijagati manujānāṃ durllabhaḥ satprasaṃgaḥ || 12 ||
[Analyze grammar]

sūta uvāca |
ayaṃ praśnaḥ purā sādho skandenākāri sarvataḥ |
kailāsaśikhare ramya ṛṣīṇāṃ pariśṛṇvatām |
purato girijābhartuḥ kartuṃ niḥśreyasaṃ satām || 13 ||
[Analyze grammar]

skaṃda uvāca |
bhagavansarvalokānāṃ karttā harttā pitā guruḥ |
kṣemāya sarvajaṃtūnāṃ tapase kṛtaniścayaḥ || 14 ||
[Analyze grammar]

kalikāle hyanuprāpte vedaśāstravivarjite |
kutra vā vasati śrīmānbhagavānsātvatāṃ patiḥ || 15 ||
[Analyze grammar]

kṣetrāṇi kāni puṇyāni tīrthāni saritastathā |
kena vā prāpyate sākṣādbhagavānmadhusūdanaḥ |
śraddadhānāya bhagavankṛpayā vada me pitaḥ || 16 ||
[Analyze grammar]

śrīmahādeva uvāca |
bahūni saṃti tīrthāni kṣetrāṇi ca ṣaḍānana |
harivāsanivāsaikaparāṇi paramārthinām || 17 ||
[Analyze grammar]

kāmyāni kānicitsaṃti kānicinmuktidānyapi |
ihāmutrārthadānyeva bahupuṇyapradāni vai || 16 ||
[Analyze grammar]

gaṃgā godāvarī revā tapatī yamunā sarit |
kṣiprā sarasvatī puṇyā gautamī kauśikī tathā || 19 ||
[Analyze grammar]

kāverī tāmraparṇī ca caṃdrabhāgā maheṃdrajā |
citrotpalā vetravatī sarayūḥ puṇyavāhinī || 20 ||
[Analyze grammar]

carmaṇvatī śatadrūśca payasvinyatrisaṃbhavā |
gaṃḍikā bāhudā sarvāḥ puṇyāḥ siṃdhuḥ sarasvatī || 21 ||
[Analyze grammar]

bhuktimuktipradāścaitāḥ sevyamānā muhurmuhuḥ |
ayodhyā dvārakā kāśī madhurāvaṃtikā tathā || 22 ||
[Analyze grammar]

kurukṣetraṃ rāmatīrthaṃ kāṃcī ca puruṣottamam |
puṣkaraṃ darduraṃ kṣetraṃ vārāhaṃ vidhinirmitam |
badaryyākhyaṃ mahāpuṇyaṃ kṣetraṃ sarvārthasādhanam || 23 ||
[Analyze grammar]

ayodhyāṃ vidhivaddṛṣṭvā purīṃ muktyekasādhanīm |
sarvapāpavinirmuktāḥ prayāṃti harimaṃdiram || 24 ||
[Analyze grammar]

vividhaviṣṇuniṣevaṇapūrvakācaritapūjananartanakīrtanāḥ |
gṛhamapāsya hareranuciṃtanājjitagṛhārjitamṛtyuparākramāḥ || 25 ||
[Analyze grammar]

svargadvāre naraḥ snātvā dṛṣṭvā rāmālayaṃ śuciḥ |
na tasya kṛtyaṃ paśyāmi kṛtakṛtyo bhavedyataḥ || 26 ||
[Analyze grammar]

dvārikāyāṃ hariḥ sākṣātsvālayaṃ naiva muṃcati |
adyāpi bhavanaṃ kaiścitpuṇyavadbhiḥ pradṛśyate || 27 ||
[Analyze grammar]

gomatyāṃ tu naraḥ snātvā dṛṣṭvā kṛṣṇamukhāṃbujam |
muktiḥ prajāyate śeṣo vinā sāṃkhyaṃ ṣaḍānana || 28 ||
[Analyze grammar]

asīvaruṇayormadhye paṃcakrośyāṃ mahāphalam |
amarā mṛtyumicchaṃti kā kathā itare janāḥ || 29 ||
[Analyze grammar]

maṇikarṇyāṃ jñānavāpyāṃ viṣṇupādodake tathā |
hrade paṃcanade snātvā na mātuḥ stanapo bhavet || 30 ||
[Analyze grammar]

prasaṃgenāpi viśveśaṃ dṛṣṭvā kāśyāṃ ṣaḍānana |
muktiḥ prajāyate puṃsāṃ janmamṛtyuvivarjitā || 31 ||
[Analyze grammar]

bahunā kimihoktena naitatkṣetrasamaṃ kvacit |
tapopavāsanirato mathurāyāṃ ṣaḍānana |
janmasthānaṃ samāsādya sarvapāpaiḥ pramucyate || 32 ||
[Analyze grammar]

viśrāṃtitīrthe vidhivatsnātvā kṛtvā tilodakam |
pitṝnuddhṛtya narakādviṣṇulokaṃ pragacchati || 33 ||
[Analyze grammar]

yadi kuryātpramādena pātakaṃ tatra mānavaḥ |
viśrāṃte snānamāsādya bhasmībhavati tatkṣaṇāt || 34 ||
[Analyze grammar]

avaṃtyāṃ vidhivatsnātvā śiprāyāṃ mādhave narāḥ |
piśācatvaṃ na paśyaṃti janmāṃtaraśatairapi || 35 ||
[Analyze grammar]

koṭitīrthe naraḥ snātvā bhojayitvā dvijottamān |
mahākālaṃ haraṃ dṛṣṭvā sarvapāpaiḥ pramucyate || 36 ||
[Analyze grammar]

muktikṣetramidaṃ sākṣānmama lokaikasādhanam |
dānāddaridratāhāniriha loke paratra ca || 37 ||
[Analyze grammar]

kurukṣetre rāmatīrthe svarṇaṃ dattvā svaśaktitaḥ |
sūryoparāge vidhivatsa naro muktibhāgbhavet || 38 ||
[Analyze grammar]

ye tatra pratigṛhṇaṃti narā lobhavaśaṃgatāḥ |
puruṣatvaṃ na teṣāṃ vai kalpakoṭiśatairapi || 39 ||
[Analyze grammar]

harikṣetre hariṃ dṛṣṭvā snātvā pādodake janaḥ |
sarvapāpavinirmukto hariṇā saha modate || 40 ||
[Analyze grammar]

khagagaṇā vividhā nivasaṃtyaho ṛṣigaṇāḥ phalamūladalāśanāḥ |
pavanasaṃyamanakramanirjiteṃdriyaparākramaṇā munayastviha || 41 ||
[Analyze grammar]

viṣṇukāṃcyāṃ hariḥ sākṣācchivakāṃcyāṃ śivaḥ svayam |
abhedādubhayorbhaktyā muktiḥ karatale sthitā |
vibhedajananātpuṃsāṃ jāyate kutsitā gatiḥ || 42 ||
[Analyze grammar]

sakṛddṛṣṭvā jagannāthaṃ mārkaṃḍeyahrade plutaḥ |
vinā jñānena yogena na mātuḥ stanapo bhavet || 43 ||
[Analyze grammar]

rohiṇyāmudadhau snātvā iṃdradyumnahrade tathā |
bhuktvā niेveditaṃ viṣṇorvaikuṃṭhe vasatiṃ labhet || 44 ||
[Analyze grammar]

daśayojanavistīrṇaṃ kṣetraṃ śaṃkhopari sthitam |
catu्rbhujatvamāyāṃti kīṭā api na saṃśayaḥ || 45 ||
[Analyze grammar]

kārttikyāṃ puṣkare snātvā śrāddhaṃ kṛtvā sadakṣiṇam |
bhojayitvā dvijānbhaktyā brahmaloke mahīyate || 46 ||
[Analyze grammar]

sakṛtsnātvā hrade tasminyūpaṃ dṛṣṭvā samāhitaḥ |
sarvapāpavinirmukto jāyate dvijasattamaḥ || 47 ||
[Analyze grammar]

ṣaṣṭivarṣasahasrāṇi yogābhyāsena yatphalam |
saukare vidhivatsnātvā pūjayitvā hariṃ śuciḥ || 48 ||
[Analyze grammar]

saptajanmakṛtaṃ pāpaṃ tatkṣaṇādeva naśyati |
tīrtharājaṃ mahāpuṇyaṃ sarvatīrthaniṣevitam || 49 ||
[Analyze grammar]

kāmināṃ sarvajaṃtūnāmīpsitaṃ karmabhirbhavet |
veṇyāṃ snātvā śucirbhūtvā kṛtvā mādhavadarśanam |
bhuktvā puṇyavatāṃ bhogānante mādhavatāṃ vrajet || 50 ||
[Analyze grammar]

māghe māsi naraḥ snātvā triveṇyāṃ bhaktibhāvitaḥ |
badarīkīrtanātpuṇyaṃ tatsamāpnoti mānavaḥ || 51 ||
[Analyze grammar]

daśāśvamedhikaṃ tīrthaṃ daśayajñaphalapradam |
saṃkṣepātkathitaṃ putra kiṃ bhūyaḥ śrotumicchasi || 52 ||
[Analyze grammar]

skaṃda uvāca |
badaryyākhyaṃ hareḥ kṣetraṃ triṣu lokeṣu durlabham |
kṣetrasya smaraṇādeva mahāpātakino narāḥ |
vimuktakilviṣāḥ sadyo maraṇānmuktibhāginaḥ || 53 ||
[Analyze grammar]

anyatīrthe kṛtaṃ yena tapaḥ paramadāruṇam |
tatsamā badarīyātrā manasāpi prajāyate || 54 ||
[Analyze grammar]

bahūni saṃti tīrthāni divi bhūmau rasātale |
badarīsadṛśaṃ tīrthaṃ na bhūtaṃ na bhaviṣyati || 55 ||
[Analyze grammar]

aśvamedha sahasrāṇi vāyubhojye ca yatphalam |
kṣetrāṃtare viśālāyāṃ tatphalaṃ kṣaṇamātrataḥ || 56 ||
[Analyze grammar]

kṛte muktipradā proktā tretāyāṃ yogasiddhidā |
viśālā dvāpare proktā kalau badarikāśramaḥ || 57 ||
[Analyze grammar]

sthūlasūkṣmaśarīraṃ tu jīvasya vasatisthalam |
tadvināśayati jñānādviśālā tena kathyate || 58 ||
[Analyze grammar]

amṛtaṃ sravate yā hi badarītaruyogataḥ |
badarī kathyate prājñairṛṣīṇāṃ yatra saṃcayaḥ || 59 ||
[Analyze grammar]

tyajetsarvāṇi tīrthāni kālekāle yugeyuge |
badarīṃ bhagavānviṣṇurna muñcati kadācana || 60 ||
[Analyze grammar]

sarvatīrthāvagāhena tapoyogasamādhitaḥ |
tatphalaṃ prāpyate samyagbadarīdarśanādguha || 61 ||
[Analyze grammar]

ṣaṣṭivarṣasahasrāṇi yogābhyāsena yatphalam |
vārāṇasyāṃ dinaikena tatphalaṃ badarīṃ gatau || 62 ||
[Analyze grammar]

tīrthānāṃ vasatiryatra devānāṃ vasatistathā |
ṛṣīṇāṃ vasatiryatra viśālā tenakathyate || 63 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe badarikāśramamāhātmye śivakārttikeyasaṃvāde badarikāśramasya sarvatīrthādhikatvavarṇanaṃnāma prathamo'dhyāyaḥ || 1 ||
[Analyze grammar]