Chapter 1

[English text for this chapter is available]

ādyantamaṃgalamajātasamānabhāvamāryaṃ tamīśamajarāmaramātmadevam |
paṃcānanaṃ prabalapaṃcavinodaśīlaṃ saṃbhāvaye manasiśaṃkaramambikeśam |
vyāsa uvāca |
dharmakṣetre mahākṣetre gaṃgākālindisaṃgame |
prayāge parame puṇye brahmalokasya vartmani || 1 ||
[Analyze grammar]

munayaḥ śaṃsitātmānassatyavrataparāyaṇāḥ |
mahaujaso mahābhāgā mahāsatraṃ vitenire || 2 ||
[Analyze grammar]

tatra satraṃ samākarṇya vyāsaśiṣyo mahāmuniḥ |
ājagāma munīndra ṣṭuṃ sūtaḥ paurāṇikottamaḥ || 3 ||
[Analyze grammar]

taṃ dṛṣṭvā sūtamāyāṃtaṃ harṣitā munayastadā |
cetasā suprasannena pūjāṃ cakruryathāvidhi || 4 ||
[Analyze grammar]

tato vinayasaṃyuktā procuḥ sāṃjalayaśca te |
suprasannā mahātmānaḥ stutiṃ kṛtvāyathāvidhi || 5 ||
[Analyze grammar]

romaharṣaṇa sarvajña bhavānvai bhāgyagauravāt |
purāṇavidyāmakhilāṃ vyāsātpratyarthamīyivān || 6 ||
[Analyze grammar]

tasmādāścaryyabhūtānāṃ kathānāṃ tvaṃ hi bhājanam |
ratnānāmurusārāṇāṃ ratnākara ivārṇavaḥ || 7 ||
[Analyze grammar]

yacca bhūtaṃ ca bhavyaṃ ca yaccānyadvastu vartate |
na tvayā'viditaṃ kiṃcittriṣu lokeṣu vidyate || 8 ||
[Analyze grammar]

tvaṃ maddiṣṭavaśādasya darśanārthamihāgataḥ |
kurvankimapi naḥ śreyo na vṛthā gaṃtumarhasi || 9 ||
[Analyze grammar]

tattvaṃ śrutaṃ sma naḥ sarvaṃ pūrvameva śubhāśubham |
na tṛptimadhigacchāmaḥ śravaṇecchā muhurmuhuḥ || 10 ||
[Analyze grammar]

idānīmekamevāsti śrotavyaṃ sūta sanmate |
tadra hasyamapi brūhi yadi te'nugraho bhavet || 11 ||
[Analyze grammar]

prāpte kaliyuge ghore narāḥ puṇyavivarjitāḥ |
durācāraratāḥ sarve satyavārtāparāṅmukhāḥ || 12 ||
[Analyze grammar]

parāpavādaniratāḥ paradra vyābhilāṣiṇaḥ |
parastrīsaktamanasaḥ parahiṃsāparāyaṇāḥ || 13 ||
[Analyze grammar]

dehātmadṛṣṭayā mūḍhā nāstikāḥ paśubuddhayaḥ |
mātṛpitṛkṛtadveṣāḥ strīdevāḥ kāmakiṃkarāḥ || 14 ||
[Analyze grammar]

viprā lobhagrahagrastā vedavikrayajīvinaḥ |
dhanārjanārthamabhyastavidyā madavimohitāḥ || 15 ||
[Analyze grammar]

tyaktasvajātikarmāṇaḥ prāyaśaḥparavaṃcakāḥ |
trikālasaṃdhyayā hīnā brahmabodhavivarjitāḥ || 16 ||
[Analyze grammar]

adayāḥ paṃḍitaṃ manyāssvācāravratalopakāḥ |
kṛṣyudyamaratāḥ krūrasvabhāvā malināśayāḥ || 17 ||
[Analyze grammar]

kṣatriyāśca tathā sarve svadharmatyāgaśīlinaḥ |
asatsaṃgāḥ pāparatā vyabhicāraparāyaṇāḥ || 18 ||
[Analyze grammar]

aśūrā araṇaprītāḥ palāyanaparāyaṇāḥ |
kucauravṛttayaḥ śūdrā ḥ kāmakiṃkaracetasaḥ || 19 ||
[Analyze grammar]

śastrāstravidyayā hīnā dhenuviprāvanojjhitāḥ |
śaraṇyāvanahīnāśca kāminyūtimṛgāssadā || 20 ||
[Analyze grammar]

prajāpālanasaddharmavihīnā bhogatatparāḥ |
prajāsaṃhārakā duṣṭā jīvahiṃsākarā mudā || 21 ||
[Analyze grammar]

vaiśyāḥ saṃskārahīnāste svadharmatyāgaśīlinaḥ |
kupathāḥ svārjanaratāstulākarmakuvṛttayaḥ || 22 ||
[Analyze grammar]

gurudevadvijātīnāṃ bhaktihīnāḥ kubuddhayaḥ |
abhojitadvijāḥ prāyaḥ kṛpaṇā baddhamuṣṭayaḥ || 23 ||
[Analyze grammar]

kāminījārabhāveṣu suratā malināśayāḥ |
lobhamohavicetaskāḥ pūrtādisuvṛṣojjhitāḥ || 24 ||
[Analyze grammar]

tadvacchūdrā śca ye kecidbrāhmaṇācāratatparāḥ |
ujjvalākṛtayo mūḍhāḥ svadharmatyāgaśīlinaḥ || 25 ||
[Analyze grammar]

kartārastapasāṃ bhūyo dvijatejopahārakāḥ |
śiśvalpamṛtyukārāśca maṃtroccāraparāyaṇāḥ || 26 ||
[Analyze grammar]

śāligrāmaśilādīnāṃ pūjakāhomatatparāḥ |
pratikūlavicārāśca kuṭilā dvijadūṣakāḥ || 27 ||
[Analyze grammar]

dhanavaṃtaḥ kukarmmāṇo vidyāvanto vivādinaḥ |
ākhyāyopāsanā dharmavaktāro dharmalopakāḥ || 28 ||
[Analyze grammar]

subhūpākṛtayo daṃbhāḥ sudātāro mahāmadāḥ |
viprādīnsevakānmatvā manyamānā nijaṃ prabhum || 29 ||
[Analyze grammar]

svadharmarahitā mūḍhāḥ saṃkarāḥ krūrabuddhayaḥ |
mahābhimānino nityaṃ caturvarṇavilopakāḥ || 30 ||
[Analyze grammar]

sukulīnānnijānmatvā caturvarṇairvivartanāḥ |
sarvavarṇabhraṣṭakarā mūḍhāssatkarmakāriṇaḥ || 31 ||
[Analyze grammar]

striyaśca prāyaśo bhraṣṭā bhartravajñānakārikāḥ |
śvaśuradro hakāriṇyo nirbhayā malināśanāḥ || 32 ||
[Analyze grammar]

kuhāvabhāvaniratāḥ kuśīlāssmaravihvalāḥ |
jārasaṃgaratā nityaṃ svasvāmivimukhāstathā || 33 ||
[Analyze grammar]

tanayā mātṛpitrośca bhaktihīnā durāśayāḥ |
avidyāpāṭhakā nityaṃ rogagrasitadehakāḥ || 34 ||
[Analyze grammar]

eteṣāṃ naṣṭabuddhīnāṃ svadharmatyāgaśīlinām |
paralokepīha loke kathaṃ sūta gatirbhavet || 35 ||
[Analyze grammar]

iti ciṃtākulaṃ cittaṃ jāyate satataṃ hi naḥ |
paropakārasadṛśo nāsti dharmo paraḥ khalu || 36 ||
[Analyze grammar]

laghūpāyena yenaiṣāṃ bhavetsadyoghanāśanam |
sarvvasiddhāntavittvaṃ hi kṛpayā tadvadādhunā || 37 ||
[Analyze grammar]

vyāsa uvāca |
ityākarṇya vacasteṣāṃ munīnāṃ bhāvitātmanām |
manasā śaṃkaraṃ smṛtvā sūtaḥ provāca tānmunīn || 38 ||
[Analyze grammar]

iti śrīśaivemahāpurāṇe vidyeśvarasaṃhitāyāṃ munipraśnavarṇano nāma prathamo'dhyāyaḥ || 1 ||
[Analyze grammar]