Chapter 14

|| caturdaśo'dhyāyaḥ ||

bhagavān-
karmārcādiviśeṣāṇāṃ saṃjñābhedaṃ ca lakṣaṇam|
upayogastathaiteṣāṃ kathyate (1)kamalodbhave|| 14.1 ||
(1.gra. kamalekṣaṇe|)
karmārcā cotsavārcā ca balyarcā ca (2)tathāpare|
(3)(4)snānatīrthobhaye syātāmaparā śayanārthikā|| 14.2 ||
(2.pā. tathaiva ca|)
(3.gra. tīrthasnāno)
(4.pā. snānatīrthobhayārcā ca svāpotthānārcayā saha|)
(5)pūjyante yatra ṣaḍ‌beraṃ tāṃ pūjāmuttamaṃ viduḥ|
(6)madhyamaṃ trīṇi bimbāni caramaṃ tvekapūjanam|| 14.3 ||
(5.pā. pratimāḥ ṣaḍ vidhātavyāḥ pūjāyāmuttamaṃ bhavet|)
(6.pā. tisṛbhirmadhyamā jñeyā ādyā yā caramā bhavet|)
bahubere vidhirayame(7) kabere tu(8) kathyate|
mūlārcāyāṃ pūjanaṃ ca snapanaṃ ca bhavet sadā|| 14.4 ||
(7.pā. kathitaḥ kamalāsana|)
(8.gra. berasya vai rame|)
tasmāt snapanapūjārthaṃ neṣyate kautukadvayam|
dhruvaberasamucchrāye vibhakte daśadhā rame|| 14.5 ||
bhāgadvayena karmārcāmautsavaṃ tu varānane|
bimbamekādaśāṃśena daśāṃśaiḥ śayanaṃ bhavet|| 14.6 ||
balibimbaṃ navāṃśe(na) tairthabimbamathāṣṭakam(9)|
ṣaḍaṃśaiḥ snapanaṃ beramitthamucchrāyakalpanam|| 14.7 ||
(9.kaḥ)
mūlaberāṅgulaṃ yadvā gṛhītvā prathamaṃ rame|
karmabero(10)cchrayaṃ bhadre ṣaḍviṃśāṅgulibhirbhavet|| 14.8 ||
(10.gra. yathocchrāyaṃ)
caturviṃśāṅgulaṃ (11) yadvā (12)kuryādaṣṭādaśāṅgulam|
ṣoḍaśāṅgulamānaṃ vā (13)dvādaśāṣṭāṅgulaṃ tu vā|| 14.9 ||
(11.pā. aṅgulā)
(12.gra. bhave-)
(13.pā. yadvā syād dvādaśāṅgulā|)
ṣaḍaṅgulaṃ vā kalyāṇi caturaṅgulameva vā|
pūrvoktāṅgulaṃ(14) māneṣu kartavyaṃ bimbamuttamam|| 14.10 ||
(14.pā. mānāni kartavyāni yathāruci|)
bahubere vidhirayaṃ kathitaḥ kamalāsane|
ekabere'pyeṣa eva vidhiḥ kalpyo manīṣibhiḥ|| 14.11 ||
āsīnaṃ vā śayānaṃ vā yānagaṃ mūlakautukam|
teṣāṃ samaṃ vā kurvīta tiṣṭheyurvā yathāruci|| 14.12 ||
nityotsavārtha(15) bimbasya sarvatraiva sthitirbhavet|
arcāyāmaṃ tridhā kṛtvā padmamekena kalpayet|| 14.13 ||
(15.pā. pratikṛtiḥ sarvatraiva sthitā bhavet|)
upānahādipañcāṅgayuktaṃ vṛttaṃ (16)manoharam|
(17)athavā caturaśraṃ syād(18) vistāraṃ tulitāyati|| 14.14 ||
(16.pā. sukhāvaham|)
(17.pā. caturaśraṃ manohārī)
(18.gra. vistāratulitā.)
(19)tṛtīyamānatulitaprabhā śaṅkudvayānvitā|
pīṭhotsedhaṃ tridhā kṛtvā padmamekena kalpayet|| 14.15 ||
(19.pā. tṛtīyabhāgavihita)
dalairdvādaśabhiryuktamaṣṭābhirvā (20)bhavedrame|
tāvadūrdhvadalopetaṃ madhye vipulakarṇikam|| 14.16 ||
(20.pā. yathāruci|)
upacchadasamāyuktamīṣatphullāmbujākṛti|
pādamānaṃ dalāyāmaṃ kevalaṃ vā saroruham|| 14.17 ||
(21)pīṭhaṃ vāpi yathākāmaṃ suṣiraṃ naiva kārayet|
sthitasya kautukasyedaṃ pīṭhanirmāṇamīritam|| 14.18 ||
(21.pā. pīṭhaṃ vā kevalaṃ vāpi suṣiraṃ naiva kārayet|)
āsīnasyāyataṃ vṛttaṃ (22)caturaśrāyataṃ tu vā|
pratimārdhasamutsedhaṃ padmavat parikalpayet|| 14.19 ||
(22.pā. caturaśraṃ yadāyatam|)
tasya devasya savyāṅghrimākuñcanamathetaram|
padmopari sthitaṃ kalpyaṃ lambamānaṃ padaṃ hareḥ|| 14.20 ||
śrīrdakṣiṇe dharā vāme (23)devasya parikalpayet|
karmārcā tu sadā tābhyāṃ pārśvayoravinā bhavet|| 14.21 ||
(23.devyau devasya kalpayet|)
itareṣāṃ tu bimbānāṃ sahitā rahitā tu vā|
patnyau prabhā vāpyekasmin viṣṭare pṛthageva vā|| 14.22 ||
deve sthite tathā devyāvāsīnasyāpi te tathā|
bimbe yānādhirūḍhe tu kartavyā toraṇaprabhā|| 14.23 ||
drāvayitvā madhūcchiṣṭaṃ pratimāṃ tena kalpayet|
(24)dhānyādipīṭhaṃ saṃkalpya cakrābjaṃ ca tatopari|| 14.24 ||
(24.pā. dhānyarāśiṃ vinikṣipya tadūrdhve tilataṇḍulam|)
vilikhya darbhaśayanaṃ prāgagraṃ parikalpayet|
vastraṃ ca nūtanaṃ tasmin (25)pratimāṃ śāyayed guruḥ|| 14.25 ||
(25.pā. vistīrya pratimāṃ kṣipet|)
prācīnaśirasaṃ paścāt juhuyā(26)jjvalite'nale|
puṣpaiḥ samidbhirlājaiśca sarpiṣāṣṭottaraṃ śatam|| 14.26 ||
(26.pā.danale guruḥ|)
mūlamantreṇa sūktaiśca caruṇā ca tataḥ punaḥ|
saṃpātājyena saṃsicyet pratimāṃ tattvapaddhatim|| 14.27 ||
dhyāyet tatra śubhe lagne pūjayenmūlavidyayā|
yajamānastato vittairgaubhirdhānyairgurūttamam|| 14.28 ||
itarān brāhmaṇaśreṣṭhāñchilpinaścāpi toṣayet|
sthapatiḥ pratimāṃ kuryāt rathakārābhyanujñayā|| 14.29 ||
mānonmānapramāṇaistāṃ pratimāṃ (27)kalpayecchubhām|
mṛdālepaṃ tataḥ kuryācchilpaśāstrānusārataḥ|| 14.30 ||
(27.pā. kārayet|)
suvarṇaṃ rajataṃ tāmraṃ viśuddhaṃ lohamuttamam|
ādāya dhānyapīṭhe tu pūrvavannyāsakalpanam|| 14.31 ||
juhuyātpūrvavaccaiva śāstradṛṣṭena vartmanā|
drāvayitvā tataḥ śuddhaṃ lohaṃ nyāyasamārjitam|| 14.32 ||
(28)pratimāṃ tena kurvīta sthapatiḥ śilpaśāstravit|
mūlādipratimā itthaṃ śilpaśāstroktavartmanā|| 14.33 ||
(28.pa. sthapatiḥ pratimāṃ tena kuryāt śāstroktavartmanā|)
kārayitvā śilpivargairgarbhagehādikāḥ kramāt|
parivā(rā)n(29)kārayitvā tattatsthāneṣu sthāpayet|| 14.34 ||
(29.gra. tataḥ kuryāt deśikaḥ śāstravittamaḥ|)

|| iti śrīśrīpraśnasaṃhitāyāṃ caturdaśo'dhyāyaḥ(30) ||
(30.mātṛkāyāṃ, `trayodaśo'dhyāyaḥ' iti dṛśyate|)