Chapter 15

śrīnārāyaṇa uvāca |
lakṣmī prajānāṃ sukhadā sṛṣṭiḥ kāryā mayā punaḥ |
padmajena vicāryetthaṃ dharmaḥ svahṛdayātkṛtaḥ || 1 ||
[Analyze grammar]

śubhravarṇaḥ suprakāśo vidyāśaktisamanvitaḥ |
sukhasvargapramokṣādiphaladaḥ sāttvikapriyaḥ || 2 ||
[Analyze grammar]

dharmasyāpi tathā patnyaḥ śraddhā śāntirdayā gatiḥ |
medhā tuṣṭistathā puṣṭirmaitrī lajjā kriyonnatiḥ || 3 ||
[Analyze grammar]

mūrtirbuddhistitikṣā ca bhaktirārādhanādikāḥ |
dharmeṇa saha sañjātā hṛdayādvedhasastu tāḥ || 4 ||
[Analyze grammar]

tāsāṃ prajāstu saumyā''syāḥ saumyarūpāḥ sukhapradāḥ |
aiśvaryaṃ cā''rjavaṃ jñānaṃ vairāgyamabhayaṃ tapaḥ || 55 ||
[Analyze grammar]

sthairyaṃ dhairyaṃ sukhaṃ kṣemaḥ satyaṃ śaucaṃ ca mārdavam |
tyāgo yogo damo yajñaḥ santoṣo nigrahaḥ śamaḥ || 6 ||
[Analyze grammar]

āstikyaṃ ca prasādaśca tejaḥ svādhyāya udyamaḥ |
praśrayodhyānamarthaśca sāmyaṃ lābhaśca vedanam || 7 ||
[Analyze grammar]

alobho'matsaro'daṃbho'kāmo'krodho'rasastathā |
amoho nirmado'darpo'sneho'māno'kaliḥ ṛtam || 8 ||
[Analyze grammar]

apāruṣyamaśaucaṃ ca viśvāso'cauryameva ca |
agarvo'dyutamabhayamadveṣo'rāgameva ca || 9 ||
[Analyze grammar]

apaiśunyamapāpaṃ ca puṇyaṃ satkarma ityapi |
ṛjutvaṃ cā'śaṭhatvaṃ cā'vyasanaṃ dānamityapi || 10 ||
[Analyze grammar]

ityete dharmaputrā vai jajñire'tha kumārikāḥ |
dayā sūktirahiṃsā ca kṛtiḥ smṛtiśca dakṣatā || 11 ||
[Analyze grammar]

kṣamā coparatirvidyā ratiḥ smṛtiśca sāmyatā |
kāntiḥ komalatā cā'tha dakṣatā ca svatantratā || 12 ||
[Analyze grammar]

gaṃbhīratā'tha sthiratā nirbhayatā pragalbhatā |
agarvatā'pyahiṃsā ca nirmānitā'pyadaṃbhatā || 13 ||
[Analyze grammar]

asteyatā tathā sevā śuśrūṣā ca śaraṇyatā |
brahmaṇyatā rakṣatā ca niṣparigrahatā tathā || 14 ||
[Analyze grammar]

rūpatā mitratā tṛptiḥ pavitratā prasannatā |
śuddhatā svacchatā caiva nirmalatā prakāśitā || 18 ||
[Analyze grammar]

divyatā ceśatā cā'tha sevyatā sānukūlatā |
smṛddhirdhavalatā sampat sukhatā mohatā tathā || 16 ||
[Analyze grammar]

līlā pramodatā cā'pyujjvalatā rasatā tathā |
viṣayārthā dhanavatī ratnavatī vibhūṣikā || 17 ||
[Analyze grammar]

śaradvatī sasyavatī dhānyavatī pragāyanā |
rāgiṇī miṣṭatā cāpi lāvaṇyatā madhuratā || 18 ||
[Analyze grammar]

mādhavī ramaṇā''rāmā ramaṇī ramaṇīyatā |
sundaratā camatkārā sāmarthyā phalatā tathā || 19 ||
[Analyze grammar]

poṣikā śaktidā cāpi vilāsā pravilāsikā |
īśvariṇyaśca divyāśca mūrtāścā'mūrtikāstathā || 20 ||
[Analyze grammar]

sahasraśo dharmaputryaḥ samutpannāḥ kumārikāḥ |
tābhistaiśca svayaṃ vedhāḥ santuṣṭaḥ svas mānase || 21 ||
[Analyze grammar]

dharmasargamimaṃ dṛṣṭvā''tmānaṃ siddhamamanyata |
paraṃ pariśramo jātastenā'jo vikalo'bhavat || 22 ||
[Analyze grammar]

tāvattasya lalāṭādvai svedabinduḥ papāta ha |
bindustu patito yāvat tatra rudro babhūva ha || 23 ||
[Analyze grammar]

śvetarūpaḥ sukumāro bālo'pyadbhūtadarśanaḥ |
pañcaśirāstrinetraśca daśahastastamoguṇaḥ || 24 ||
[Analyze grammar]

śarīravyāptaromā ca vikarālo digambaraḥ |
raktanetro jaṭādhārī tīkṣṇadaṃṣṭraḥ kapardavān || 25 ||
[Analyze grammar]

ḍhakkātriśūlarudrākṣapinākadaṇḍapāśadhṛk |
lalāṭaśaśisallekho netraprāntāruṇaprabhaḥ || 26 ||
[Analyze grammar]

utpannaḥ san rurodā'yaṃ mā rodīrabravīdajaḥ |
tasmād rudra iti proktastaṃ brahmā''ha prajāḥ sṛja || 27 ||
[Analyze grammar]

rudraḥ piturnideśaṃ svīkṛtyā'sṛjadatha prajāḥ |
tāmasīḥ svasamānāśca hyupadravakarī bhṛśam || 28 ||
[Analyze grammar]

ulbaṇā vyagracittāśca kṣudhāroṣasamanvitāḥ |
bahurūpā virūpāśca kṛṣṇā lauhitikāstathā || 29 ||
[Analyze grammar]

caturdaśeṣu lokeṣu vyāptā rudrasya tāḥ prajāḥ |
sarvāstā rudrajātīyā abhavan sarvatodiśi || 30 ||
[Analyze grammar]

kecanā''san kṛśadehāḥ sthūlakaṃdharanāsikāḥ |
āsaṃśca kecana dīrghaghoṇāḥ pīvaraśroṇayaḥ || 31 ||
[Analyze grammar]

pīnāśca vāmanā eke kharvārdhā lambanordhvakāḥ |
hrasvottamā lambapādā mañjuṣākārapṛṣṭhakāḥ || 32 ||
[Analyze grammar]

anye ṛkṣā mahodarāsstambhahastā guhānanāḥ |
kṛṣṇādrisadṛśāścānye mahākālasamāḥ pare || 33 ||
[Analyze grammar]

yatra tatrā'bhavan rudrāḥ koṭirarbudameva ca |
caturdaśasu lokeṣu rudrā rudrā na cetare || 34 ||
[Analyze grammar]

krūrāḥ kruddhā yuyudhānā bhoktuṃ brahmāṇamāyayuḥ |
rudraṃ sveṣāṃ prasraṣṭāraṃ cāpi jagdhuṃ pradudruvuḥ || 35 ||
[Analyze grammar]

tadā brahmā svaputraṃ taṃ prāhemān drāk prasaṃhara |
nedṛśī tu prajā kvāpi lokaśāntikarī bhavet || 36 ||
[Analyze grammar]

rūpeṇā'pyapratimā ca guṇena kṣayakāriṇī |
rudrān bhayaṃkaraṃ karma kurvāṇān bhakṣakānimān || 37 ||
[Analyze grammar]

śīghraṃ nāśaya putra tvaṃ nedṛśī sṛṣṭiriṣyate |
rudreṇa pitṛvākyaṃ tatsamāgṛhya kṣaṇāntare || 38 ||
[Analyze grammar]

svāṭṭahāsād bibhatso nā kṛtāntākhyo mahābalaḥ |
pāśakhaḍgakaro daṃṣṭrācūrṇitā'ṇḍa ivā'dvayaḥ || 39 ||
[Analyze grammar]

samutpādita evā'yaṃ dhṛtahastāṃjalirmuhuḥ |
kasmādutpāditaścāhaṃ kiṃ kāryaṃ me'nuśādhi mām || 40 ||
[Analyze grammar]

rudraḥ prāha tvimāṃ sṛṣṭiṃ kāpathamanugāminīm |
raudrāṃ bhayaṃkarīṃ sarvalokasaṃsthāsu saṃsthitām || 41 ||
[Analyze grammar]

śīghraṃ nāśaya bhadraṃ te mama prītyā bhaviṣyati |
kṛtāntastāṃ janakājñāṃ samādāya pracakrame || 42 ||
[Analyze grammar]

kṣayaṃ kartuṃ hi rudrāṇāmagnimutpādya vaktrataḥ |
netrebhyaśca tathā jvālānalamutpādya sarvaśaḥ || 43 ||
[Analyze grammar]

caturdaśasu lokeṣu yatra yatrā'bhavan prajāḥ |
raudryastatra hi sarvatra vināśaṃ kṛtavān param || 44 ||
[Analyze grammar]

netravaktraśarīrebhyo jvālākarṣaṇavidyutaḥ |
utpannā dīrghapravahā brahmāṇḍe ca sthale sthale || 45 ||
[Analyze grammar]

gatvā gatvā ca rudrāṃstānanviṣyā'viṣya kṛtsnaśaḥ |
prasaṃjahruraśeṣāṃstān hāhākāro mahānabhūt || 46 ||
[Analyze grammar]

vidravanti pradravanti cotpatanti tatastataḥ |
prakrośanti sakaruṇaṃ trāyasveti vadanti ca || 47 ||
[Analyze grammar]

tathāpi yatra gacchanti tatra jvālāstadagragāḥ |
vināśārthamathā''yānti nāsti trāṇasthalaṃ manāk || 48 ||
[Analyze grammar]

kutrā'pyalabdhatrāṇāste parāvṛtya patanti vai |
jvālānale mahākāye kṣayaṃ rudrāḥ prapedire || 49 ||
[Analyze grammar]

yadā catudarśabileṣveko'pi nahi śeṣitaḥ |
tadā kṛtānto virataḥ śāntaścājo'bhavattadā || 50 ||
[Analyze grammar]

rudraścātha svaputreṇa kṛtāntena samaṃ sadā |
nivāsārthaṃ svakaṃ sthānaṃ yayāce svasya pitṛtaḥ || 51 ||
[Analyze grammar]

dattaṃ ca brahmaṇā tasmai dhāma satyasthamaiśvaram |
nāmnā raudraṃ tu divyaṃ tatkhyātaṃ lokaṃ tu vai mahaḥ || 52 ||
[Analyze grammar]

yatra brāhmāstu saṃkalpāḥ satyā bhavanti sarvadā |
yadicchanti satyasthāste phalanti ca tattathā || 53 ||
[Analyze grammar]

satyalokasya māhātmyaṃ satyameva bhavatyapi |
satyetibrahmaṇaḥ śabdaḥ sattāmātrastu sammataḥ || 54 ||
[Analyze grammar]

brahmalokastataḥ satyo brahmaṇaiva prabhāsvaraḥ |
brahmaṇaḥ sa tu sāmarthyādapratīghātalakṣaṇaḥ || 55 ||
[Analyze grammar]

tasmādayaṃ satyaloko hyapunarbhavagāmiṇām |
tatrāpi nyāyahīnānāṃ kṛtānto daṇḍadaḥ smṛtaḥ || 56 ||
[Analyze grammar]

nāmnā kṛtapuraṃ ceti tasya nyāyālayaḥ smṛtaḥ |
brahmaṇo'pi sudharmākhyā sabhā lokottarā matā || 57 ||
[Analyze grammar]

iti śrīlakṣmīnārāyaṇīyasaṃhitāyāṃ prathame kṛtayugasantāne dharmarudrayoḥ sṛṣṭyādinirūpaṇanāmā pañcadaśo'dhyāyaḥ || 15 ||
[Analyze grammar]