Kautilya Arthashastra [sanskrit]

37,100 words | ISBN-13: 9788171106417

The Sanskrit edition of Kautilya’s Arthashastra, an ancient encyclopedic treatise dealing with the ssience of politics, economics and warfare. Other topics include internal and foreign affairs, civil, military, commercial, fiscal, judicial, tables of weights, measures of length and divisions of time. Kautilya is also named Vishnugupta and Chanakya and his Artha-shastra can be dated to 321-296 B.C. Original title: Kauṭilya-Arthaśāstra (कौटिल्य-अर्थशास्त्र).

Chapter 1.12

< Previous

Next >

[English text for this chapter is available]

ye cāpyasmabandhino avaśyabhartavyāste lakṣaṇamaṅgavidyāṃ jambhakavidyāṃ māyāgatamāśramadharmaṃ nimittamantaracakramityadhīyānāḥ sattriṇaḥ

saṃsargavidyāṃ ca || KAZ_01.12.01 ||

ye janapade śūrāstyaktātmāno hastinaṃ vyālaṃ vā dravyahetoḥ pratiyodhayeyuste tīkṣṇāḥ || KAZ_01.12.02 ||

ye bandhuṣu nihsnehāḥ krūrā alasāśca te rasadāḥ || KAZ_01.12.03 ||

parivrājikā vṛttikāmā daridrā vidhavā pragalbhā brāhmaṇyantaḥpure kṛtasatkārā mahāmātrakulānyabhigacchet || KAZ_01.12.04 ||

etayā muṇḍā vṛṣalyo vyākhyātāḥ | iti saṃcārāḥ || KAZ_01.12.05 ||

tān rājā svaviṣaye mantripurohitasenāpatiyuvarājadauvārikāntarvaṃśikapraśāstṛsamāhartṛsamnidhātṛpradeṣṭṛnāyakapauravyāvahārikakārmāntikamantripariṣadadhyakṣadaṇḍadurgāntapālāṭavikeṣu śraddheyadeśaveṣaśilpabhāṣābhijanāpadeśānbhaktitaḥ sāmarthyayogāccāpasarpayet || KAZ_01.12.06 ||

teṣāṃ bāhyaṃ cāraṃ chatrabhṛṅgāravyajanapādukāsanayānavāhanopagrāhiṇastīkṣṇā vidyuḥ || KAZ_01.12.07 ||

taṃ sattriṇaḥ saṃsthāsvarpayeyuḥ || KAZ_01.12.08 ||

sūdārālikasnāpakasaṃvāhakāstarakakalpakaprasādhakodakaparicārakā rasadāḥ kubjavāmanakirātamūkabadhirajaḍāndhacchadmāno naṭanartakagāyanavādakavāgjīvanakuśīlavāḥ striyaścābhyantaraṃ cāraṃ vidyuḥ || KAZ_01.12.09 ||

taṃ bhikṣkyaḥ saṃsthāsvaprayeyuḥ || KAZ_01.12.10 ||

saṃsthānāmantevāsinaḥ saṃjñālipibhiścārasaṃcāraṃ kuryuḥ || KAZ_01.12.11 ||

na cānyonyaṃ saṃsthāste vā vidyuḥ || KAZ_01.12.12 ||

bhikṣukīpratiṣedhe dvāhsthaparamparā mātāpitṛvyañjanāḥ śilpakārikāḥ kuśīlavā dāsyo vā gītapāṭhyavādyabhāṇḍagūḍhalekhyasaṃjñābhirvā cāraṃ nirhareyuḥ || KAZ_01.12.13 ||

dīrgharogonmādāgnirasavisargeṇa vā gūḍhanirgamanam || KAZ_01.12.14 ||

trayāṇāmekavākye sampratyayaḥ || KAZ_01.12.15 ||

teṣāmabhīkṣṇavinipāte tūṣṇīṃ daṇḍaḥ pratiṣedhaḥ || KAZ_01.12.16 ||

kaṇṭakaśodhanoktāścāpasarpāḥ pareṣu kṛtavetanā vaseyurasampātinaścārārtham || KAZ_01.12.17 ||

ta ubhayavetanāḥ || KAZ_01.12.18 ||

gṛhītaputradārāṃśca kuryādubhayavetanān || KAZ_01.12.19ab ||

tāṃścāriprahitānvidyātteṣāṃ śaucaṃ ca tadvidhaiḥ || KAZ_01.12.19cd ||

evaṃ śatrau ca mitre ca madhyame cāvapeccarān || KAZ_01.12.20ab ||

udāsīne ca teṣāṃ ca tīrtheṣvaṣṭādaśasvapi || KAZ_01.12.20cd ||

antargṛhacarāsteṣāṃ kubjavāmanapaṇḍakāḥ || KAZ_01.12.21ab ||

śilpavatyaḥ striyo mūkāścitrāśca mlecchajātayaḥ || KAZ_01.12.21cd ||

durgeṣu vaṇijaḥ saṃsthā durgānte siddhatāpasāḥ || KAZ_01.12.22ab ||

karṣakodāsthitā rāṣṭre rāṣṭrānte vrajavāsinaḥ || KAZ_01.12.22cd ||

vane vanacarāḥ kāryāḥ śramaṇāṭavikādayaḥ || KAZ_01.12.23ab ||

parapravṛttijñānārthāḥ śīghrāścāraparamparāḥ || KAZ_01.12.23cd ||

parasya caite boddhavyāstādṛśaireva tādṛśāḥ || KAZ_01.12.24ab ||

cārasaṃcāriṇaḥ saṃsthā gūḍhāścāgūḍhasaṃjñitāḥ || KAZ_01.12.24cd ||

akṛtyān kṛtyapakṣīyairdarśitān kāryahetubhiḥ || KAZ_01.12.25ab ||

parāpasarpajñānārthaṃ mukhyānanteṣu vāsayet || KAZ_01.12.25cd ||

Other editions:

Also see the following editions of the Sanskrit text or (alternative) English translations of the Arthashastra Chapter 1.12

The Kautiliya Arthasastra: 3 Volumes
by R.P. Kangle (2019)

[Publisher: Motilal Banarsidass Publishers Pvt. Ltd.]

Buy now!

A Dictionary of Technical Terms in Kautilya's Arthasastra
by Bijoya Goswami Dev And Debarchana Sarkar Dev (2005)

DSA (Sanskrit), Jadavpur University Series; [Publisher: Sanskrit Pustak Bhandar]

Buy now!

Kautilya's Arthasastra with Five Commentaris
by Acharya Vishnu Gupta (आचार्य विष्णु गुप्त) (1991)

1947 pages; Set of 4 Volumes; [Sampurnanand Sanskrit University]

Buy now!

The Arthasastra of Kautilya (Bengali Translation)
by Radhagovinda Basak (2015)

971 pages; Set of 2 Volumes; [Sanskrit Book Depot]

Buy now!

Arthasastra of Kautilya (Hindi Translation)
by Vachaspati Gairola (वाचस्पति गैरोला) (2017)

910 pages; कौटिलीय अर्थशास्त्रम् (संस्कृत एवम् हिन्दी अनुवाद); [Publisher: Chaukhambha Vidya Bhawan]

Buy now!

Kautiliya Arthasastra (Gujarati translation)
by Niteen R. Desai (નીતીન ર દેસાઈ) (2010)

359 pages; [Philosophical-Cultural Test] કૌટિલીય અર્થશાસ્ત્ર (દાર્શનિક -સાંસ્કૃતિક પરીક્ષણ); [Publisher: Lalbhai Dalpatbhai Bharatiya Sanskriti Vidyamandir, Ahemdabad]

Buy now!