Chapter 32 - bhūkampalakṣaṇādhyāyaḥ [bhūkampalakṣaṇa-adhyāya]

[English text for this chapter is available]

kṣitikampamāhureke bṛhadantarjalanivāsisattvakṛtam |
bhūbhārakhinnadiggajaviśrāmasamudbhavaṃ cānye || 1 ||
[Analyze grammar]

anilo'nilena nihataḥ kṣitau patan sasvanaṃ karotyanye |
ke cittvadṛṣṭakāritamidamanye prāhurācāryāḥ || 2 ||
[eke]
[Analyze grammar]

giribhiḥ purā sapakṣairvasudhā prapatadbhirutpadbhiśca |
ākampitā pitāmahamāhāmarasadasi savrīḍam || 3 ||
[Analyze grammar]

bhagavannāma mamaitattvayā kṛtaṃ yadacaleti tanna tathā |
kriyate'calaiścaladbhiḥ śaktāhaṃ nāsya khedasya || 4 ||
[Analyze grammar]

tasyāḥ sagadgadagiraṃ kiṃ citsphuritādharaṃ vinatamīṣat |
sāśruvilocanamānanamālokya pitāmahaḥ prāha || 5 ||
[sagaḍgadagiraṃ]
[Analyze grammar]

manyuṃ harendra dhātryāḥ kṣipa kuliśaṃ śailapakṣabhaṅgāya |
śakraḥ kṛtamityuktvā mā bhairiti vasumatīmāha || 6 ||
[Analyze grammar]

kintvaniladahanasurapativaruṇāḥ sadasatphalāvabodhārtham |
prāgdvitricaturbhāgeṣu dinaniśoḥ kampayiṣyanti || 7 ||
[Analyze grammar]

catvāryāryamṇādyānyādityaṃ mṛgaśiro'śvayukceti |
maṇḍalametadvāyavyamasya rūpāṇi saptāhāt || 8 ||
[Analyze grammar]

dhūmākulīkṛtāśe nabhasi nabhasvān rajaḥ kṣipanbhaumam |
virujandrumāṃśca vicarati ravirapaṭukarāvabhāsī ca || 9 ||
[Analyze grammar]

vāyavye bhūkampe sasyāmbuvanauṣadhīkṣayo'bhihitaḥ |
śvayathuśvāsonmādajvarakāsabhavo vaṇikpīḍā || 10 ||
[bhavā]
[Analyze grammar]

rūpāyudhabhṛdvaidyāstrīkavigāndharvapaṇyaśilpijanāḥ |
pīḍyante saurāṣṭrakakurumaghadhadaśārṇamatsyāśca || 11 ||
[Analyze grammar]

puṣyāgneyaviśākhābharaṇīpitryājabhāgyasaṃjñāni |
vargo hautabhujo'yaṃ karoti rūpāṇyathaitāni || 12 ||
[Analyze grammar]

tārolkāpātāvṛtamādīptamivāmbaraṃ sadigdāham |
vicarati marutsahāyaḥ saptārciḥ saptadivasāntaḥ || 13 ||
[Analyze grammar]

āgneye'mbudanāśaḥ salilāśayasaṃkṣayo nṛpativairam |
dadrūvicarcikājvaravisarpikāḥ pāṇḍurogaśca || 14 ||
[Analyze grammar]

dīptaujasaḥ pracaṇḍāḥ pīḍyante cāśmakāṅgabāhlīkāḥ |
taṅgaṇakaliṅgavaṅgadraviḍāḥ śabarā anekavidhāḥ || 15 ||
[draviṇāḥ | śabarāśca naikavidhāḥ]
[Analyze grammar]

abhijicchravaṇadhaniṣṭhāprājāpatyaindravaiśvamaitrāṇi |
surapatimaṇḍalametadbhavanti cāpyasya rūpāṇi || 16 ||
[ca asya svarūpāṇi]
[Analyze grammar]

calitācalavarṣmāṇo gambhīravirāviṇastaḍidvantaḥ |
gavalālikulāhinibhā visṛjanti payaḥ payovāhāḥ || 17 ||
[taḍitvantaḥ]
[Analyze grammar]

aindraṃ stutakulajātikhyātāvanipālagaṇapavidhvaṃsi |
atisāragalagrahavadanarogakṛcchardikopāya || 18 ||
[śruti]
[Analyze grammar]

kāśiyugandharapauravakirātakīrābhisārahalamadrāḥ |
arbudasurāṣṭramālavapīḍākaramiṣṭavṛṣṭikaram || 19 ||
[suvāstu]
[Analyze grammar]

pauṣṇāpyārdrāśleṣāmūlāhirbudhnyavaruṇadevāni |
maṇḍalametadvāruṇamasyāpi bhavanti rūpāṇi || 20 ||
[Analyze grammar]

nīlotpalālibhinnāñjanatviṣo madhurarāviṇo bahulāḥ |
taḍidudbhāsitadehā dhārāṅkura varṣiṇo jaladāḥ || 21 ||
[dhārāṅkuśa]
[Analyze grammar]

vāruṇamarṇavasaridāśritaghnamativṛṣṭidaṃ vigatavairam |
gonardacedikukurān kirātavaidehakān hanti || 22 ||
[Analyze grammar]

ṣaḍbhirmāsaiḥ kampo dvābhyāṃ pākaṃ ca yāti nirghātaḥ |
anyānapyutpātān jaguranye maṇḍalairetaiḥ || 23 ||
[Analyze grammar]

ulkā hariścandrapuraṃ rajaśca nirghātabhūkampakakuppradāhāḥ |
vāto'ticaṇḍo grahaṇaṃ ravīndvornakṣatratārāgaṇavaikṛtāni || K(24) ||
[Analyze grammar]

vyabhre vṛṣṭirvaikṛtaṃ vātavṛṣṭirdhūmo'nagnervisphuliṅgārciṣo vā |
vanyaṃ sattvaṃ grāmamadhye viśedvā rātrāvaindraṃ kārmukaṃ dṛśyate vā || K(25) ||
[Analyze grammar]

sandhyāvikārāḥ pariveṣakhaṇḍā nadyaḥ pratīpā divi tūryanādāḥ |
anyacca yatsyātprakṛteḥ pratīpaṃ tanmaṇḍalaireva phalaṃ nigādyam || K(26) ||
[Analyze grammar]

hantyaindro vāyavyaṃ vāyuścāpyaindramevamanyonyam |
vāruṇahautabhujāvapi velānakṣatrajāḥ kampāḥ || 24 ||
[Analyze grammar]

prathitanareśvaramaraṇavyasanānyāgneyavāyumaṇḍalayoḥ |
kṣudbhayamarakāvṛṣṭibhirupatāpyante janāśca api || 25 ||
[Analyze grammar]

vāruṇapaurandarayoḥ subhikṣaśivavṛṣṭihārdayo loke |
gāvo'tibhūripayaso nivṛttavairāśca bhūpālāḥ || 26 ||
[Analyze grammar]

pakṣaiścaturbhiranilastribhiragnirdevarāṭ ca saptāhāt |
sadyaḥ phalati ca varuṇo yeṣu na kālo'dbhuteṣūktaḥ || 27 ||
[Analyze grammar]

calayati pavanaḥ śatadvayaṃ śatamanalo daśayojanānvitam |
salilapatiraśītisaṃyutaṃ kuliśadharo'bhyadhikaṃ ca ṣaṣṭitaḥ || 28 ||
[ṣaṣṭikam]
[Analyze grammar]

tricatruthasaptamadine māse pakṣe tathā tripakṣe ce |
yadi bhavati bhūmikampaḥ pradhānanṛpanāśano bhavati || 29 ||
[Analyze grammar]