Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.6
etānyapi tu karmāṇi saṅgaṃ tyaktvā phalāni ca |
kartavyānīti me pārtha niścitaṃ matamuttamam ||6||
The Subodhinī commentary by Śrīdhara
yena prakāreṇa kṛtānyetāni pāvanāni bhavanti taṃ prakāraṃ darśayannāha etānīti | yāni yajñādīni karmāṇi mayā pāvanānītyuktametānyapyeva kartavyāni | katham? saṅgaṃ kartṛtvābhiniveśaṃ tyaktvā kevalamīśvarārādhantayā kartavyānīti | phalāni ca tyaktvā kartavyāni iti ca me mataṃ niścitam | ata evottamam ||6||
The Sārārthavarṣiṇī commentary by Viśvanātha
yena prakāreṇa kṛtānyetāni pāvanāni bhavanti taṃ prakāraṃ darśayati etānyapīti | saṅgaṃ kartṛtvābhiniveśaṃ phalābhisandhiṃ ca | phalābhisandhikartṛtvābhiniveśayostyāga eva tyāgaḥ sannyāsaścocyata itybhāvaḥ ||6||
The Gītābhūṣaṇa commentary by Baladeva
yajñādīnāṃ pāvanatāprakāramāha etānyapīti | saṅgaṃ kartṛtvābhiniveśaṃ phalāni ca pratipaoktāni pitṛlokādīni ca sarvāṇi tyaktvā kevalamīśvarārcanadhiyā kartavyānīti me mayā niścitamata uttamamidaṃ matam | kartṛtvābhiniveśatyāgasyāpi praveśātpārthasārathermataṃ varīyaḥ ||6||
__________________________________________________________