Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 17.21
yattu pratyupakārārthaṃ phalamuddiśya vā punaḥ |
dīyate ca parikliṣṭaṃ taddānaṃ rājasaṃ smṛtam ||21||
The Subodhinī commentary by Śrīdhara
rājasaṃ dānamāha yaditi | kālāntare'yaṃ māṃ pratyupakariṣyatītyevamarthaṃ phalaṃ vā svargādikamuddiśya yatpunardānaṃ dīyate parikliṣṭaṃ cittakleśayuktaṃ yathā bhavati evambhūtaṃ taddānaṃ rājasamudāhṛtam ||21||
The Gūḍhārthadīpikā commentary by Madhusūdana
pratyupakārārthaṃ kālāntare māmayaṃ upakariṣyatītyevaṃ dṛṣṭārthaṃ phalaṃ vā svargādikamuddiśya yatpunardānaṃ sāttvikavilakṣaṇaṃ dīyate parikliṣṭaṃ ca kathametāvadvyayitamiti paścāttāpayuktaṃ yathā bhavatyevaṃ ca yaddīyate taddānaṃ rājasamudāhṛtam ||21||
The Sārārthavarṣiṇī commentary by Viśvanātha
parakliṣṭaṃ kathametāvadvyayitamiti paścāttāpayuktam | yadvā ditsāyāṃ abhāve'pi gurvādyājñānrodhavaśādeva dattam | parikliṣṭamakalyāṇadravyakarmakam ||21||
The Gītābhūṣaṇa commentary by Baladeva
yattu pratupakārārthaṃ dṛṣṭaphalārthaṃ phalaṃ vā svargādikamadṛṣṭamuddiśyānusandhāya dīyate taddānaṃ rājasam | parikliṣṭaṃ kathametāvadvyayitavyamiti paścāttāpayuktaṃ yathā syāttathā guruvākyānurodhādvā yaddīyate tadrājasam ||21||
__________________________________________________________