Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 16.22
etairvimuktaḥ kaunteya tamodvāraistribhirnaraḥ |
ācaratyātmanaḥ śreyastato yāti parāṃ gatim ||22||
The Subodhinī commentary by Śrīdhara
tyāge ca viśiṣṭaṃ phalamāha etairiti | tamaso narakasya dvārabhūtairetaistribhiḥ kāmādibhirvimukto nara ātmanaḥ śreyaḥ sādhanaṃ tapoyogādikamācarati | tataśca mokṣaṃ prāpnoti ||22||
The Gūḍhārthadīpikā commentary by Madhusūdana
etattrayaṃ tyajataḥ kiṃ syāditi tatrāha etairiti | etaiḥ kāmakrodhalobhaistribhirtamodvārairnarakasādhanairvimukto virahitaḥ puruṣa ācaratyātmanaḥ śreyo yaddhitaṃ vedabodhitaṃ he kaunteya pūrvaṃ hi kāmādipratibaddhaḥ śreyo nācarati yena puruṣārthaḥ sidhyet | aśreyaścācarati yena nirapayātaḥ syāt | adhunā tatpratibandharahitaḥ sannaśreyo nācarati śreyaścācarati tata aihikaṃ sukhamanubhūya samyagdhīdvārā yāti parāṃ gatiṃ mokṣam ||16.22||
The Gītābhūṣaṇa commentary by Baladeva
tattyāge phalamāha etairiti | śreyaḥ svāśramakarmādiśreyaḥsādhanam | parāṃ gatiṃ muktim ||22||
__________________________________________________________