Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 12.17
yo na hṛṣyati na dveṣṭi na śocati na kāṅkṣati |
śubhāśubhaparityāgī bhaktimān yaḥ sa me priyaḥ ||17||
The Subodhinī commentary by Śrīdhara
kiṃ ca ya iti | priyaṃ prāpya yo na hṛṣyati | apriyaṃ prāpya yo na dveṣṭi | iṣṭārthanāśe sati yo na śocati | aprāptamarthaṃ yo na kāṅkṣati | śubhāśubhe puṇyapāpe parityaktuṃ śīlaṃ yasya saḥ | evaṃbhūto bhūtvā yo madbhaktimān sa me priyaḥ ||17||
The Gūḍhārthadīpikā commentary by Madhusūdana
kiṃ ca ya iti | samaduḥkhasukha ityetadvivṛṇoti | yo na hṛṣyatīṣṭaprāptau, na dveṣṭi aniṣṭaprāptau na śocati prāpteṣṭaviyoge | na kāṅkṣati aprāpteṣṭayoge | sarvārambhaparityāgītyetadvivṛṇoti śubhāśubhe sukhasādhanaduḥkhasādhane karmaṇī parityaktuṃ śīlamasyeti śubhāśubhaparityāgī bhaktimān yaḥ sa me priyaḥ ||17||
The Gītābhūṣaṇa commentary by Baladeva
yaḥ priyaṃ putraśiṣyādi prāpya na hṛṣyati | apriyaṃ tatprāpya tatra na dveṣṭi | priye tasmin vinaṣṭe na śocati | aprāptaṃ tannākāṅkṣati | śubhaṃ puṇyamaśubhaṃ pāpaṃ tadubhayaṃ pratibandhakatvasāmyātparityaktuṃ śīlaṃ yasya saḥ ||17||
__________________________________________________________