![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 4.26
śrotrādīnīndriyāṇyanye saṃyamāgniṣu juhvati |
śabdādīn viṣayānanya indriyāgniṣu juhvati ||26||
The Subodhinī commentary by Śrīdhara
śrotrādīnīti | anye naiṣṭhikī brahmacāriṇastattadindriyasaṃyamarūpeṣvagniṣu śrotrādīni juhvati pravilāpayanti | indriyāṇi nirudhya saṃyamapradhānāstiṣṭhantītyarthaḥ | indriyāṇyevāgnayaḥ | teṣu śabdādīnanye gṛhasthā juhvati | viṣayabhogasamaye'pyanāsaktāḥ santo'gnitvena bhāviteṣvindriyeṣu haviṣṭvena bhāvitān śabdādīn prakṣipantītyarthaḥ ||26||
The Gūḍhārthadīpikā commentary by Madhusūdana
śrotrādīnīndriyāṇyanye saṃyamāgniṣu juhvati śabdādīn viṣayānanya indriyāgniṣu juhvati ||26||
The Sārārthavarṣiṇī commentary by Viśvanātha
anye naiṣṭhikāḥ śrotrādīnīndriyāṇi | saṃyamaḥ saṃyataṃ mana evāgnayasteṣu juhvati | śuddhe manasīndriyāṇi pravlāpayantītyarthaḥ | anye tato nyūnā brahmacāriṇaḥ śabdādīn viṣayāni indriyāgniṣvindriyāṇyevāgnayasteṣu juhvati śabdādīnīndriyeṣu pravilāpayantītyarthaḥ ||26||
The Gītābhūṣaṇa commentary by Baladeva
śrotrādīnītyanye naiṣṭhikabrahmacāriṇaḥ saṃyamāgniṣu tattadndriyasaṃyamarūpeṣvagniṣu śrotrādīni juhvati tāni nirudhya saṃyamapradhānāstiṣṭhanti | anye gṛhiṇa indriyāgniṣvagnitvena bhāviteṣu śrotrādiṣu śabdādīnupajuhvati anāsaktyā tān bhuñjānāstāni tatpravaṇāni kurvanti ||26||
__________________________________________________________