Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 1.13
tataḥ śaṅkhāśca bheryaśca paṇavānakagomukhāḥ |
sahasaivābhyahanyanta sa śabdastumulo'bhavat ||13||
The Subodhinī commentary by Śrīdhara
tadevaṃ senāpateḥ bhīṣmasya yuddhotsavamālokya sarvato yuddhotsavaḥ pravṛtta iyāha tata ityādinā | paṇavā mārdalāḥ | ānakāḥ gomukhāśca vādyaviśeṣāḥ | sahasā tatkṣaṇamevābhyahanyanta vāditāḥ | sa ca śaṅkhādiśabdastumulo mahānabhūt ||13||
The Sārārthavarṣiṇī commentary by Viśvanātha
tataścobhayatraiva yuddhotsāhaḥ pravṛtta ityāha tata iti | paṇavā mārdalāḥ | ānakāḥ paṭahāḥ | gomukhā vādyaviśeṣāḥ ||13||
The Gītābhūṣaṇa commentary by Baladeva
tata iti | senāpatau bhīṣme pravṛtte tatsainye sahasā tatkṣaṇameva śaṅkhādayo'bhyahanyanta vāditāḥ | karmakartari prayogaḥ | paṇavādayastrayo vāditrabhedāḥ | sa śabdastumula ekākāratayā mahānāsīt ||13||
__________________________________________________________