Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 1.12
tasya saṃjanayan harṣaṃ kuruvṛddhaḥ pitāmahaḥ |
siṃhanādaṃ vinadyoccaiḥ śaṅkhaṃ dadhmau pratāpavān ||12||
The Subodhinī commentary by Śrīdhara
tadevaṃ bahumānayuktaṃ rājavākyaṃ śrutvā bhīṣmaḥ kiṃ kṛtavān | tadāha tasyetyādi | tasya rājño harṣaṃ kurvan pitāmaho bhīṣma uccairmahāntaṃ siṃhanādaṃ vinadya kṛtvā śaṅkhaṃ dadhmau vāditavān ||12||
The Sārārthavarṣiṇī commentary by Viśvanātha
tataśca svasaṃmānaśravaṇajanitaharṣastasya duryodhanasya bhavavidhvaṃsanena harṣaṃ sañanayituṃ kuruvṛddho bhīṣmaḥ siṃhanādamiti upamāne karmaṇi ceti ṇamulsiṃha iva vinadyetyarthaḥ ||12||
The Gītābhūṣaṇa commentary by Baladeva
evaṃ duryodhanakṛtāṃ svastutimavadhārya saharṣo bhīṣmastadantarjātāṃ bhītimutsādayituṃ śaṅkhaṃ dadhmāvityāha | siṃhanādamityupamāne karmaṇi ceti pāṇinisūtrātṇamul | cātkartaryupamāne ityarthaḥ | siṃha iva vinadyetyarthaḥ | mukhataḥ kiñcidanuktvā śaṅkhanādamātrakaraṇena jayaparājayau khalvīśvarādhīnau tvadarthe kṣatradharmeṇa dehaṃ tyakṣyāmīti vyajyate ||12||
__________________________________________________________