Chapter 6 - Announcement of Future Destiny

paśyāmyahaṃ bhikṣava buddhacakṣuṣā sthaviro hyayaṃ kāśyapa buddha bheṣyati |
anāgate 'dhvāni asaṃkhyakalpe kṛtvāna pūjāṃ dvipadottamānām || 1 ||
[Analyze grammar]

triṃśatsahasrāḥ paripūrṇakoṭyo jinānayaṃ drakṣyati kāśyapo hyayam |
cariṣyatī tatra ca brahmacaryaṃ bauddhasya jñānasya kṛtena bhikṣavaḥ || 2 ||
[Analyze grammar]

kṛtvāna pūjāṃ dvipadottamānāṃ samudāniya jñānamidaṃ anuttaram |
sa paścime cocchrayi lokanātho bhaviṣyate apratimo maharṣiḥ || 3 ||
[Analyze grammar]

kṣetraṃ ca tasya pravaraṃ bhaviṣyati vicitra śuddhaṃ śubha darśanīyam |
manojñarūpaṃ sada premaṇīyaṃ suvarṇasūtraiḥ samalaṃkṛtaṃ ca || 4 ||
[Analyze grammar]

ratnāmayā vṛkṣa tahiṃ vicitrā aṣṭāpadasmiṃ tahi ekameke |
manojñagandhaṃ ca vimuñcamānā bheṣyanti kṣetrasmi imasmi bhikṣo || 5 ||
[Analyze grammar]

puṣpaprakāraiḥ samalaṃkṛtaṃ ca vicitrapuṣpairupaśobhitaṃ ca |
śvabhraprapātā na ca tatra santi samaṃ śivaṃ bheṣyati darśanīyam || 6 ||
[Analyze grammar]

tahi bodhisattvāna sahasrakoṭyaḥ sudāntacittāna maharddhikānām |
vaipulyasūtrāntadharāṇa tāyināṃ bahū bhaviṣyanti sahasra neke || 7 ||
[Analyze grammar]

anāsravā antimadehadhāriṇo bheṣyanti ye śrāvaka dharmarājñaḥ |
pramāṇu teṣāṃ na kadāci vidyate divyena jñānena gaṇitva kalpān || 8 ||
[Analyze grammar]

so dvādaśa antarakalpa sthāsyati saddharma viṃśāntarakalpa sthāsyati |
pratirūpakaścāntarakalpa viṃśatiṃ raśmiprabhāsasya viyūha bheṣyati || 9 ||
[Analyze grammar]

arhanta he mahāvīra śākyasiṃha narottama |
asmākamanukampāya buddhaśabdamudīraya || 10 ||
[Analyze grammar]

avaśyamavasaraṃ jñātvā asmākaṃ pi narottama |
amṛteneva siñcitvā vyākuruṣva vibhojana || 11 ||
[Analyze grammar]

durbhikṣādāgataḥ kaścinnaro labdhvā subhojanam |
pratīkṣa bhūya ucyeta hastaprāptasmi bhojane || 12 ||
[Analyze grammar]

evamevotsukā asmo hīnayānaṃ vicintaya |
duṣkālabhuktasattvā vā buddhajñānaṃ labhāmahe || 13 ||
[Analyze grammar]

na tāvadasmān saṃbuddho vyākaroti mahāmuniḥ |
yathā hastasmi prakṣiptaṃ na tadbhuñjīta bhojanam || 14 ||
[Analyze grammar]

evaṃ ca utsukā vīra śrutvā ghoṣamanuttaram |
vyākṛtā yada bheṣyāmastadā bheṣyāma nirvṛtāḥ || 15 ||
[Analyze grammar]

vyākarohi mahāvīra hitaiṣī anukampakaḥ |
api dāridryacittānāṃ bhavedanto mahāmune || 16 ||
[Analyze grammar]

ārocayāmi ahamadya bhikṣavaḥ prativedayāmyadya mamā śṛṇotha |
sthaviraḥ subhūtirmama śrāvako 'yaṃ bhaviṣyate buddha anāgate 'dhvani || 17 ||
[Analyze grammar]

buddhāṃśca paśyitva mahānubhāvān triṃśacca pūrṇānayutāna koṭīḥ |
cariṣyate carya tadānulomikīmimasya jñānasya kṛtena caiṣaḥ || 18 ||
[Analyze grammar]

sa paścime vīra samucchrayasmin dvātriṃśatīlakṣaṇarūpadhārī |
suvarṇayūpapratimo maharṣirbhaviṣyate lokahitānukampī || 19 ||
[Analyze grammar]

sudarśanīyaṃ ca sukṣetra bheṣyati iṣṭaṃ manojñaṃ ca mahājanasya |
vihariṣyate yatra sa lokabandhustāritva prāṇīnayutāna koṭīḥ || 20 ||
[Analyze grammar]

bahubodhisattvātra mahānubhāvā avivartyacakrasya pravartitāraḥ |
tīkṣṇendriyāstasya jinasya śāsane ye śobhayiṣyanti ta buddhakṣetram || 21 ||
[Analyze grammar]

bahuśrāvakāstasya na saṃkhya teṣāṃ pramāṇu naivāsti kadāci teṣām |
ṣaḍabhijña traividya maharddhikāśca aṣṭāvimokṣeṣu pratiṣṭhitāśca || 22 ||
[Analyze grammar]

acintiyaṃ ṛddhibalaṃ ca bheṣyati prakāśayantasyimamagrabodhim |
devā manuṣyā yatha gaṅgavālikā bheṣyanti tasyo satataṃ kṛtāñjalī || 23 ||
[Analyze grammar]

so dvādaśo antarakalpa sthāsyapi saddharmu viṃśāntarakalpa sthāsyati |
pratirūpako viṃśatimeva sthāsyati kalpāntarāṇi dvipadottamasya || 24 ||
[Analyze grammar]

śṛṇotha me bhikṣava adya sarve udāharantasya girāmananyathām |
kātyāyanaḥ sthaviru ayaṃ mi śrāvakaḥ kariṣyate pūja vināyakānām || 25 ||
[Analyze grammar]

satkāru teṣāṃ ca bahuprakāraṃ bahūvidhaṃ lokavināyakānām |
stūpāṃśca kārāpayi nirvṛtānāṃ puṣpehi gandhehi ca pūjayiṣyati || 26 ||
[Analyze grammar]

labhitva so paścimakaṃ samucchrayaṃ pariśuddhakṣetrasmi jino bhaviṣyati |
paripūrayitvā imameva jñānaṃ deśeṣyate prāṇisahasrakoṭinām || 27 ||
[Analyze grammar]

sa satkṛto loki sadevakasmin prabhākaro buddha vibhurbhaviṣyati |
jāmbūnadābhāsu sa cāpi nāmnā saṃtārako devamanuṣyakoṭinām || 28 ||
[Analyze grammar]

bahubodhisattvāstatha śrāvakāśca amitā asaṃkhyā pi ca tatra kṣetre |
upaśobhayiṣyanti ti buddhaśāsanaṃ bhavaprahīṇā vibhavāśca sarve || 29 ||
[Analyze grammar]

maudgalyagotro mama śrāvako 'yaṃ jahitva mānuṣyakamātmabhāvam |
viṃśatsahasrāṇi jināna tāyināmanyāṃśca aṣṭau virajāna drakṣyati || 30 ||
[Analyze grammar]

cariṣyate tatra ca brahmacaryaṃ bauddhaṃ imaṃ jñāna gaveṣamāṇaḥ |
satkāru teṣāṃ dvipadottamānāṃ vividhaṃ tadā kāhi vināyakānām || 31 ||
[Analyze grammar]

saddharmu teṣāṃ vipulaṃ praṇītaṃ dhāretva kalpāna sahasrakoṭyaḥ |
pūjāṃ ca stūpeṣu kariṣyate tadā parinirvṛtānāṃ sugatāna teṣām || 32 ||
[Analyze grammar]

ratnāmayān stūpa savaijayantān kariṣyate teṣa jinottamānām |
puṣpehi gandhehi ca pūjayanto vādyehi vā lokahitānukampinām || 33 ||
[Analyze grammar]

tatpaścime caiva samucchrayasmin priyadarśane tatra manojñakṣetre |
bhaviṣyate lokahitānukampī tamālapatracandanagandha nāmnā || 34 ||
[Analyze grammar]

caturviśapūrṇāntarakalpa tasya āyuṣpramāṇaṃ sugatasya bheṣyati |
prakāśayantasyima buddhanetrīṃ manujeṣu deveṣu ca nityakālam || 35 ||
[Analyze grammar]

bahuśrāvakātasya jinasya tatra koṭī sahasrā yatha gaṅgavālikāḥ |
ṣaḍabhijña traividya maharddhikāśca abhijñaprāptāḥ sugatasya śāsane || 36 ||
[Analyze grammar]

avaivartikāśco bahubodhisattvā ārabdhavīryāḥ sada saṃprajānāḥ |
abhiyuktarūpāḥ sugatasya śāsane teṣāṃ sahasrāṇi bahūni tatra || 37 ||
[Analyze grammar]

parinirvṛtasyāpi jinasya tasya saddharmu saṃsthāsyati tasmi kāle |
viṃśacca viṃśāntarakalpa pūrṇā etatpramāṇaṃ pratirūpakasya || 38 ||
[Analyze grammar]

maharddhikāḥ pañca mi śrāvakā ye nirdiṣṭa ye te maya agrabodhaye |
anāgate 'dhvāni jināḥ svayaṃbhuvasteṣāṃ ca caryāṃ śṛṇuthā mamāntikāt || 39 ||
[Analyze grammar]