Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 4.18
nanu cittameva yadi sattvotkarṣāt prakāśakam tadā svaparaprakāśarūpatvādātmānamarthaṃ ca prakāśayatīti tāvataiva vyavahārasamāptiḥ | kiṃ grahītrantareṇetyāśaṅkāmapanetumāha —
na tatsvābhāsaṃ dṛśyatvāt || kaivalya 18 ||
vṛttiḥ — taccittaṃ svābhāsaṃ svaprakāśakaṃ na bhavati puruṣavedyaṃ bhavatīti yāvat | kutaḥ | dṛśyatvāt | yat kila dṛśyaṃ tat draṣṭṛvedyaṃ dṛṣṭaṃ yathā ghaṭādi | dṛśyaṃ ca cittaṃ tasmānna svābhāsam || 18 ||