Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 3.54
sūkṣmāṇāṃ tattvānāmuktasya vivekajanyajñānasya saṃjñāviṣayasvābhāvyaṃ vyākhyātumāha —
tārakaṃ sarvaviṣayaṃ sarvathāviṣayamakramaṃ ceti vivekajaṃ jñānam || vibhūti 54 ||
vṛttiḥ — uktasaṃyamabalādevā'ntyāyāṃ bhūmikāyāmutpannaṃ jñānaṃ tārakamiti tārayatyagādhāt saṃsārasāgarādyoginamityānvarthikyā saṃjñayā tārakamityucyate | asya viṣayamāha — sarvaviṣayamiti | sarvāṇi tattvāni mahadādīni viṣayo'syeti sarvaviṣayam | svabhāvaścāsya sarvathāviṣayatvam | sarvābhiravasthābhiḥ sthūlasūkṣmādibhedena taistaiḥ pariṇāmaiḥ sarveṇa prakāreṇā'vasthitāni tattvāni viṣayo'syeti sarvathāviṣayam | svabhāvāntaramāha — akramaṃ ceti | niḥśeṣanānāvasthāpariṇatasyātmakabhāvagrahaṇenāsya [pā0 niḥśeṣanānā'vasthāpariṇatadvitryātmakabhāvagrahaṇe nā'sya] kramo vidyata ityakramam | sarvaṃ karatalāmalakavadyugapat paśyatītyarthaḥ || 54 ||