Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 3.47
evaṃ bhūtajayamabhidhāya prāptabhūmikāviśeṣasyendriyajayamāha —
grahaṇasvarūpāsmitānvayārthavattvasaṃyamādindriyajayaḥ || vibhūti 47 ||
vṛttiḥ — grahaṇamindriyāṇāṃ viṣayābhimukhī vṛttiḥ | svarūpaṃ sāmānyena prakāśakatvam | asmitā ahaṃkārānugamaḥ | anvayārthavattve pūrvavat (3|44)| eteṣāṃ indriyāṇāmavasthāpañcake pūrvavat saṃyamaṃ kṛtvendriyajayī bhavati || 47 ||