Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 3.26
etatsamānavṛttāntasiddhyantaramāha —
bhuvanajñānaṃ sūrye saṃyamāt || vibhūti 26 ||
vṛttiḥ — sūrye prakāśamaye yaḥ saṃyamaḥ karoti tasya saptasu bhūrbhuvaḥsvaḥprabhṛtiṣu lokeṣu yāni bhuvanāni tattatsanniveśabhāñji purāṇi [pā0 sthānāni] teṣu yathāvadasya jñānamutpadyate | pūrvasmin sūtre sāttvikaprakāśa ālambanatayoktaḥ | iha tu bhautika iti viśeṣaḥ || 26 ||