Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 3.13
cittapariṇāmoktaṃ rūpamanyatrāpyatidiśannāha —
etena bhūtendriyeṣu dharmalakṣaṇāvasthāpariṇāmā vyākhyātāḥ || vibhūti 13 ||
vṛttiḥ — etena trividhenoktena cittapariṇāmena bhūteṣu sthūlasūkṣmeṣvindriyeṣu buddhikarmāntaḥkaraṇabhedenāvasthiteṣu dharmalakṣaṇāvasthābhedena trividhaḥ pariṇāmo vyākhyāto'vagantavyaḥ | avasthitasya dharmiṇaḥ pūrvadharmanivṛttau dharmāntarāpattirdharmapariṇāmaḥ | yathā — mṛllakṣaṇasya dharmiṇaḥ piṇḍarūpadharmaparityāgena ghaṭarūpadharmāntarasvīkāro dharmapariṇāma ityucyate | lakṣṇapariṇāmo yathā — tasyaiva ghaṭasyānāgatādhvaparityāgena vartamānādhvasvīkāraḥ | tatparityāgenātītādhvaparigrahaḥ | avasthāpariṇāmo yathā — tasyaiva ghaṭasya prathamadvitīyayoḥ sadṛśayoḥ kālalakṣaṇayoranvayitvena | yataśca guṇavṛttirnā'pariṇamyamānā kṣaṇamapyasti || 13 ||