Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.51
trīn prāṇāyāmānabhidhāya caturthamabhidhātumāha —
bāhyābhyantaraviṣayākṣepī caturthaḥ || sādhana 51 ||
vṛttiḥ — prāṇasya bāhyo viṣayo nāsāddvādaśāntādiḥ | ābhyantaro viṣayo hṛdayanābhicakrādiḥ | tau dvau viṣayāvākṣipya paryālocya yaḥ stambharūpī gativicchedaḥ sa caturthaḥ prāṇāyāmaḥ | tṛtīyasmāt kumbhakākhyādayamasya viśeṣaḥ — sa bāhyābhyantaraviṣayāvaparyālocyaiva sahasā taptopalanipatitajalanyāyena yugapat stambhavṛttyā niṣpādyate [pā0 niṣpadyate]| asya tu viṣayadvayākṣepako nirodhaḥ | ayamapi pūrvavaddeśakālasaṃkhyābhirupalakṣito draṣṭavyaḥ || 51 ||