Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.49
āsanajayādanantaraṃ prāṇāyāmamāha —
tasminsati śvāsapraśvāsayorgativicchedaḥ prāṇāyāmaḥ || sādhana 49 ||
vṛttiḥ — āsanasthairye sati tannimittakaprāṇāyāmalakṣaṇo yogāṅgaviśeṣo'nuṣṭheyo bhavati | kīdṛśaḥ | svāsapraśvāsayorgativicchedalakṣaṇaḥ | śvāsapraśvāsau niruktau (1|31) tayostridhā recanastambhanapūraṇadvāreṇa bāhyābhyantareṣu sthāneṣu gateḥ pravāhasya vicchedo dhāraṇaṃ prāṇāyāma ucyate || 49 ||