Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.29
yogāṅgānāmanuṣṭhānādaśuddhikṣaya ityuktam | kāni punastāni yogāṅgānīti teṣāmuddeśamāha —
yamaniyamāsanaprāṇāyāmapratyāhāradhāraṇādhyānasamādhayo'ṣṭāvaṅgāni || sādhana 29 ||
vṛttiḥ — iha kānicit samādheḥ sākṣādupakārakāṇi yathā dhāraṇādīni kānicit pratipakṣabhūtahiṃsādivitarkonmūlanadvāreṇa samādhimupakurvanti yathā yamādayaḥ | tatrāsanādīnāmuttarotaramupakārakatvam | tadyathā — satyāsanajaye prāṇāyāmasthairyam | evamuttaratrāpi yojyam || 29 ||