Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 2.13
idānīṃ karmāśayasya svabhedabhinnaṃ phalamāha —
sati mūle tadvipāko jātyāyurbhogāḥ || sādhana 13 ||
vṛttiḥ — mūlamuktalakṣaṇāḥ kleśāḥ | teṣvanabhibhūteṣu satsu karmaṇāṃ kuśalākuśalarūupāṇāṃ vipākaḥ phalaṃ jātyāyurbhogā bhavanti | jātirmanuṣyādiḥ | āyuścirakālamekaśarīrasambandhaḥ | bhogā viṣayā indriyāṇi sukhasaṃvidduḥkhasaṃvicca sukhaduḥkhādīni karmakaraṇabhāvabodhanavyutpatyā bhogaśabdasya | idamatra tātparyam — cittabhūmāvanādikālasañcitāḥ karmavāsanā yathā yathā pākamupayānti tathā tathā guṇapradhānabhāvena sthitā jātyāyurbhogalakṣaṇaṃ svakāryamārabhante || 13 ||