Yoga-sutra with Bhoja Vritti [sanskrit]
9,596 words
The Sanskrit edition of the Rājamārtaṇḍa or Bhojavṛtti by Bhojarāja.—This represents the commentary on the yoga aphorisms of Patañjali by King Bhoja who ruled in the 11th century. The material was typed by Suryansu Ray from a traditional old manuscript belonging to the family Guru.
Sūtra 1.49
asyāḥ prajñāntarādvailakṣaṇyamāha —
śrutānumānaprajñābhyāmanyaviṣayā viśeṣārthatvāt || samādhi 49 ||
[ prajñābhyāṃ sāmānyaviṣayā iti pāṭho'pi dṛśyate | ]vṛttiḥ — śrutamāgamajñānam | anumānamuktalakṣaṇam (1|7)| tābhyāṃ yā jāyate prajñā sā sāmānyaviṣayā | na hi śabdaliṅgayorindriyavadviśeṣapratipattau sāmarthyam | iyaṃ punaḥ nirvicāravaiśāradyasamudbhavā prajñā tābhyāṃ vilakṣaṇā viśeṣaviṣayatvāt | asyāṃ hi prajñāyāṃ sūkṣmavyavahitaviprakṛṣṭānāmapi viśeṣaḥ sphuṭenaiva rūpeṇa bhāsate | atastasyāmeva yoginā paraḥ prayatnaḥ kartavya ityupadiṣṭaṃ bhavati || 49 ||