Chapter 44

viśvāmitravacaḥ śrutvā rāghavaḥ sahalakṣmaṇaḥ |
vismayaṃ paramaṃ gatvā viśvāmitramathābravīt || 1 ||
[Analyze grammar]

atyadbhutamidaṃ brahman kathitaṃ paramaṃ tvayā |
gaṅgāvataraṇaṃ puṇyaṃ sāgarasya ca pūraṇam || 2 ||
[Analyze grammar]

tasya sā śarvarī sarvā saha saumitriṇā tadā |
jagāma cintayānasya viśvāmitrakathāṃ śubhām || 3 ||
[Analyze grammar]

tataḥ prabhāte vimale viśvāmitraṃ mahāmunim |
uvāca rāghavo vākyaṃ kṛtāhnikamariṃdamaḥ || 4 ||
[Analyze grammar]

gatā bhagavatī rātriḥ śrotavyaṃ paramaṃ śrutam |
kṣaṇabhūteva sā rātriḥ saṃvṛtteyaṃ mahātapaḥ |
imāṃ cintayataḥ sarvāṃ nikhilena kathāṃ tava || 5 ||
[Analyze grammar]

tarāma saritāṃ śreṣṭhāṃ puṇyāṃ tripathagāṃ nadīm |
naureṣā hi sukhāstīrṇā ṛṣīṇāṃ puṇyakarmaṇām |
bhagavantamiha prāptaṃ jñātvā tvaritamāgatā || 6 ||
[Analyze grammar]

tasya tadvacanaṃ śrutvā rāghavasya mahātmanaḥ |
saṃtāraṃ kārayāmāsa sarṣisaṃghaḥ sarāghavaḥ || 7 ||
[Analyze grammar]

uttaraṃ tīramāsādya saṃpūjyarṣigaṇaṃ tatha |
gaṅgākūle niviṣṭāste viśālāṃ dadṛśuḥ purīm || 8 ||
[Analyze grammar]

tato munivarastūrṇaṃ jagāma saharāghavaḥ |
viśālāṃ nagarīṃ ramyāṃ divyāṃ svargopamāṃ tadā || 9 ||
[Analyze grammar]

atha rāmo mahāprājño viśvāmitraṃ mahāmunim |
papraccha prāñjalirbhūtvā viśālāmuttamāṃ purīm || 10 ||
[Analyze grammar]

kataro rājavaṃśo'yaṃ viśālāyāṃ mahāmune |
śrotumicchāmi bhadraṃ te paraṃ kautūhalaṃ hi me || 11 ||
[Analyze grammar]

tasya tadvacanaṃ śrutvā rāmasya munipuṃgavaḥ |
ākhyātuṃ tat samārebhe viśālasya purātanam || 12 ||
[Analyze grammar]

śrūyatāṃ rāma śakrasya kathāṃ kathayataḥ śubhām |
asmindeśe hi yadvṛttaṃ śṛṇu tattvena rāghava || 13 ||
[Analyze grammar]

pūrvaṃ kṛtayuge rāma diteḥ putrā mahābalāḥ |
aditeśca mahābhāgā vīryavantaḥ sudhārmikāḥ || 14 ||
[Analyze grammar]

tatasteṣāṃ naraśreṣṭha buddhirāsīnmahātmanām |
amarā nirjarāścaiva kathaṃ syāma nirāmayāḥ || 15 ||
[Analyze grammar]

teṣāṃ cintayatāṃ rāma buddhirāsīdvipaścitām |
kṣīrodamathanaṃ kṛtvā rasaṃ prāpsyāma tatra vai || 16 ||
[Analyze grammar]

tato niścitya mathanaṃ yoktraṃ kṛtvā ca vāsukim |
manthānaṃ mandaraṃ kṛtvā mamanthuramitaujasaḥ || 17 ||
[Analyze grammar]

atha dhanvantarirnāma apsarāśca suvarcasaḥ |
apsu nirmathanādeva rasāttasmādvarastriyaḥ |
utpeturmanujaśreṣṭha tasmādapsaraso'bhavan || 18 ||
[Analyze grammar]

ṣaṣṭiḥ koṭyo'bhavaṃstāsāmapsarāṇāṃ suvarcasām |
asaṃkhyeyāstu kākutstha yāstāsāṃ paricārikāḥ || 19 ||
[Analyze grammar]

na tāḥ sma pratigṛhṇanti sarve te devadānavāḥ |
apratigrahaṇāccaiva tena sādhāraṇāḥ smṛtāḥ || 20 ||
[Analyze grammar]

varuṇasya tataḥ kanyā vāruṇī raghunandana |
utpapāta mahābhāgā mārgamāṇā parigraham || 21 ||
[Analyze grammar]

diteḥ putrā na tāṃ rāma jagṛhurvaruṇātmajām |
aditestu sutā vīra jagṛhustāmaninditām || 22 ||
[Analyze grammar]

asurāstena daiteyāḥ surāstenāditeḥ sutāḥ |
hṛṣṭāḥ pramuditāścāsan vāruṇī grahaṇāt surāḥ || 23 ||
[Analyze grammar]

uccaiḥśravā hayaśreṣṭho maṇiratnaṃ ca kaustubham |
udatiṣṭhannaraśreṣṭha tathaivāmṛtamuttamam || 24 ||
[Analyze grammar]

atha tasya kṛte rāma mahānāsīt kulakṣayaḥ |
aditestu tataḥ putrā diteḥ putrāṇa sūdayan || 25 ||
[Analyze grammar]

aditerātmajā vīrā diteḥ putrānnijaghnire |
tasmin ghore mahāyuddhe daiteyādityayorbhṛśam || 26 ||
[Analyze grammar]

nihatya ditiputrāṃstu rājyaṃ prāpya puraṃdaraḥ |
śaśāsa mudito lokān sarṣisaṃghān sacāraṇān || 27 ||
[Analyze grammar]