Chapter 28

[English text for this chapter is available]

mārkaṇḍeya uvāca |
kṛtvā jāgaraṇaṃ viṣṇoryathānyāyaṃ nareśvara |
pitṝnyacchati puṇyaṃ ca tataḥ kiṃ kurute yamaḥ || 1 ||
[Analyze grammar]

bhukto vā yadi vā'bhuktaḥ svaccho vā'svaccha eva vā |
vimuktiḥ kathitā tatra harijāgaraṇānnṛṇām || 2 ||
[Analyze grammar]

asnāto vā naraḥ snāto jāgare samupasthite |
sarvatīrthāpluto jñeyastaṃ dṛṣṭvā divamāvrajet || 3 ||
[Analyze grammar]

śvapacā jāgaraṃ kṛtvā padaṃ nirvāṇamāgatāḥ |
kiṃ punarvarṇasaṃbhūtāḥ sadācāraparāstathā || 4 ||
[Analyze grammar]

yuvatīnādamākarṇya yathā nidrā na jāyate |
jāgare caivameva syāttatkathānāṃ ca kīrtane || 5 ||
[Analyze grammar]

brahmahatyā surāpānaṃ steyaṃ gurvaṃganāgamaḥ |
utkallanaṃ manaḥpāpaṃ śodhayedviṣṇu jāgaraḥ || 6 ||
[Analyze grammar]

vimuktiḥ kāmukasyoktā kiṃ punarvīkṣatāṃ harim || 7 ||
[Analyze grammar]

vācikaṃ mānasaṃ pāpaṃ karaṇairyadupārjitam |
anyairnimiṣamātreṇa vyapohati na saṃśayaḥ || 8 ||
[Analyze grammar]

goṣṭhyāṃ samāgatā ye tu teṣāṃ pāpaṃ kutaḥ smṛtam |
mātṛpūjā gayāśrāddhaṃ sutīrthagamanaṃ tathā |
jāgarasya nṛṇāṃ rājansamāni kavayo viduḥ || 9 ||
[Analyze grammar]

jananīpūjanaṃ bhūpa hyaśvamedhāyutaiḥ samam |
pūrṇaṃ varṣaśataṃ bhūpa kuśāgreṇoddhṛtaṃ jalam || 10 ||
[Analyze grammar]

pibanpātre dvijaḥ samyaktīrthe puṣkarasaṃjñite |
jāgarasyaiva caitāni kalāṃ nārhaṃti ṣoḍaśīm || 11 ||
[Analyze grammar]

kṛtvā kāṃcanasaṃpūrṇāṃ vasudhāṃ vasudhādhipa |
dattvā yatphalamāpnoti tatphalaṃ harijāgare || 12 ||
[Analyze grammar]

nikṛṃtanaṃ karmaṇaśca hyātmanā duṣkṛtaṃ kṛtam |
vyapohati na saṃdeho yena jāgaraṇaṃ kṛtam |
saṃkṣepataḥ pravakṣyāmi punareva mahīpate |
jāgare padmanābhasya yatphalaṃ kavayo viduḥ || 14 ||
[Analyze grammar]

raverbiṃbamidaṃ bhittvā sa yogī harijāgare |
prayāti paramaṃ sthānaṃ yogigamyaṃ niraṃjanam |
sāṃkhyayogaiḥ suduḥkhena prāpyate yatpadaṃ hareḥ || 15 ||
[Analyze grammar]

nadyo nadā yathā yāṃti sāgare saṃsthitiṃ kramāt |
evaṃ jāgaraṇātsarve tatpade yāṃti saṃsthitim || 16 ||
[Analyze grammar]

merumaṃdaramānāni kṛtvā pāpāni vā naraḥ |
harijāgaraṇe tāni vyapohati na saṃśayaḥ || 17 ||
[Analyze grammar]

rājyaṃ svargaṃ tathā mokṣaṃ yaccānyadīpsitaṃ nṛṇām |
dadāti bhagavānkṛṣṇaḥ svagītairjāgare sthitaḥ || 18 ||
[Analyze grammar]

jāgareṇaiva pāpānāṃ śvapacānāṃ mahīpate |
tatpadaṃ kavibhiḥ proktaṃ kiṃ punastu dvijanmanām || 19 ||
[Analyze grammar]

japadhyānavihīnasya gāyakasyāpi bhūpate |
karmabhraṣṭasya ca prokto mokṣastu harijāgare || 20 ||
[Analyze grammar]

tannāsti triṣu lokeṣu puṇyaṃ puṇyavatāṃ nṛṇām |
yattu sādhayate bhūpa jāgare saṃvyavasthitaḥ || 21 ||
[Analyze grammar]

tvayā punaridaṃ kāryyaṃ smarttavyo garuḍadhvajaḥ |
ekādaśyāṃ na bhoktavyaṃ kartavyaṃ jāgaraṃ sadā || 22 ||
[Analyze grammar]

jāgare varttamānasya śvapacasya gatirbhavet |
kiṃpunarvarṇajātīnāṃ vaiṣṇavānāṃ mahīpate || 23 ||
[Analyze grammar]

ye tu jāgaraṇe nidrāṃ na yāṃti nṛpapuṃgava |
na teṣāṃ jananī yāti khedaṃ garbhāvadhāraṇāt || 24 ||
[Analyze grammar]

tasmājjāgaraṇaṃ kāryyaṃ māturjaṭharavarjibhiḥ |
bhītermokṣaparairmartyaiḥ sukhaceṣṭābahiṣkṛtaiḥ || 25 ||
[Analyze grammar]

yastu jāgaraṇaṃ rātrau kuryādbhaktisamanvitaḥ |
nimiṣenimiṣe rājannaśvamedhaphalaṃ labhet || 26 ||
[Analyze grammar]

śayano tthāpanābhyāṃ ca samaṃ puṇyamudāhṛtam |
viśeṣo nāsti bhūpāla viṣṇunā kathitaṃ purā || 27 ||
[Analyze grammar]

brāhmaṇāḥ kṣatriyā vaiśyāḥ sthitāḥ śūdrāśca jāgare |
pakṣiṇaḥ kṛmikīṭāśca hyaneke caiva jaṃtavaḥ |
te gatāḥ paramaṃ sthānaṃ yogigamyaṃ niraṃjanam || 28 ||
[Analyze grammar]

yāni kāni ca pāpāni brahmahatyāsamāni ca |
kṛṣṇajāgaraṇe tāni kṣayaṃ yāṃti na saṃśayaḥ || 29 ||
[Analyze grammar]

ekataḥ kratavaḥ sarve sarvatīrthasamanvitāḥ |
ekato devadevasya jāgaraḥ kṛṣṇavallabhaḥ |
na samaṃ hyadhikaḥ proktaḥ kavibhiḥ kṛṣṇajāgaraḥ || 30 ||
[Analyze grammar]

sūryaśakrādayo devā brahmarudrādayo gaṇāḥ |
nityameva samāyāṃti jāgare kṛṣṇavallabhe || 31 ||
[Analyze grammar]

gaṃgā sarasvatī revā yamunā ca śatahradā |
caṃdrabhāgā vitastā ca nadyaḥ sarvāśca tatra vai || 32 ||
[Analyze grammar]

sarāṃsi ca hradāścaiva samudrāḥ kṛtsnaśo nṛpa |
ekādaśyāṃ nṛpaśreṣṭha gacchaṃti harijāgare || 33 ||
[Analyze grammar]

spṛhaṇīyāstu devebhyo ye narāḥ kṛṣṇajāgare |
nṛtyaṃ gītaṃ prakurvaṃti vīṇāvādyaṃ tathaiva ca || 34 ||
[Analyze grammar]

bhaktyā vā'pyathavā'bhaktyā śucirvāpyathavā'śuciḥ |
kṛtvā jāgaraṇaṃ viṣṇormucyate pāpakoṭibhiḥ || 35 ||
[Analyze grammar]

pādayoḥ pāṃsukaṇikā yāvattiṣṭhaṃti bhūtale |
tāvadvarṣasahasrāṇi jāgarī vasate divi || 36 ||
[Analyze grammar]

tasmādgṛhaṃ pragantavyaṃ jāgare mādhavasya ca |
kalau malavināśāya dvādaśadvādaśīṣu ca || 37 ||
[Analyze grammar]

subahūnyapi pāpāni kṛtvā jāgaraṇaṃ hareḥ |
nirddahenmerutulyāni yugakoṭiśatānyapi || 38 ||
[Analyze grammar]

unmīlinī mahīpāla yaiḥ kṛtā prītisaṃyutaiḥ |
kalau jāgaraṇopetā phalaṃ vakṣyāmi tacchṛṇu || 39 ||
[Analyze grammar]

sthitau yugasahasraṃ tu pādenaikena bhūtale |
kāśyāṃ ca jāhnavītīre tatphalaṃ labhate naraḥ || 40 ||
[Analyze grammar]

bhavedyugasahasraṃ ca vinā'hāreṇa yatphalam |
unmīlinīṃ samāsādya phalaṃ jāgaraṇe hareḥ || 41 ||
[Analyze grammar]

duṣprāpyaṃ vaiṣṇavaṃ sthānaṃ makhakoṭiśataiḥ kṛtaiḥ |
helayā prāpyate nūnaṃ dvādaśyāṃ jāgare kṛte || 42 ||
[Analyze grammar]

na kurvaṃti vrataṃ viṣṇorjāgareṇa samanvitam |
parasvaṃ pāradāryaṃ ca pāpaṃ tānprati gacchati || 43 ||
[Analyze grammar]

ekenaivopavāsena bhāvahīnāstu mānavāḥ |
nirddagdhā'khilapāpāste prayāṃti svargakānanam || 44 ||
[Analyze grammar]

yatra bhāgavataṃ śāstraṃ yatra jāgaraṇaṃ hareḥ |
śāligrāmaśilā yatra tatra gaccheddhariḥ svayam || 45 ||
[Analyze grammar]

na puryyaḥ pāvanāḥ sapta kalau vedavaco nahi |
yādṛśaṃ vāsaraṃ viṣṇoḥ pāvanaṃ jāgarānvitam || 46 ||
[Analyze grammar]

saṃprāpte vāsare viṣṇorye na kurvaṃti jāgaram |
majjaṃti narake ghore narānāryyo na saṃśayaḥ || 47 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ saptame prabhāsakhaṇḍe caturthe dvārakāmāhātmye dvādaśījāgaṇaraṇamāhātmyavarṇanaṃnāmāṣṭāviṃśatitamo'dhyāyaḥ || 28 ||
[Analyze grammar]