Chapter 97

[English text for this chapter is available]

| adhyāya || 97 ||
[Analyze grammar]

śrīmārkaṇḍeya uvāca |
tato gacchenmahīpāla vyāsatīrthamanuttamam |
durlabhaṃ manujaiḥ puṇyamantarikṣe vyavasthitam || 1 ||
[Analyze grammar]

yudhiṣṭhira uvāca |
kasmādvai vyāsatīrthaṃ tadantarikṣe vyavasthitam |
etadākhyāhi saṃkṣepāttyaja granthasya vistaram || 2 ||
[Analyze grammar]

śrīmārkaṇḍeya uvāca |
sādhu sādhu mahābāho dharmavānsādhuvatsala |
svakarmanirataḥ pārtha tīrthayātrākṛtādaraḥ || 3 ||
[Analyze grammar]

durlabhaṃ sarvajantūnāṃ vyāsatīrthaṃ nareśvara |
pīḍito vṛddhabhāvena akalpo'haṃ nṛpātmaja || 4 ||
[Analyze grammar]

visaṃjño gatavittastu saṃjātaḥ smṛtivarjitaḥ |
guhyādguhyataraṃ tīrthaṃ nākhyātaṃ kasyacinmayā || 5 ||
[Analyze grammar]

kalistatraiva rājendra na viśedvyāsasaṃśrayāt |
antarikṣe tu saṃjātaṃ revāyāśceṣṭitena tu || 6 ||
[Analyze grammar]

viriñcirnaiva śaknoti revāyā guṇakīrtanam |
kathaṃ jñāsyāmyahaṃ tāta revāmāhātmyamuttamam || 7 ||
[Analyze grammar]

vyāsatīrthaṃ viśeṣeṇa lavamātraṃ bravīmyataḥ |
pratyakṣaḥ pratyayo yatra dṛśyate'dya kalau yuge || 8 ||
[Analyze grammar]

vihaṅgo gacchate naiva bhittvā śūlaṃ sudāruṇam |
tasyotpattiṃ samāsena kathayāmi nṛpātmaja || 9 ||
[Analyze grammar]

āsītpūrvaṃ mahīpāla munirmānyaḥ parāśaraḥ |
tenātyugraṃ tapaścīrṇaṃ gaṅgāmbhasi mahāphalam || 10 ||
[Analyze grammar]

prāṇāyāmena saṃtasthau praviṣṭo jāhnavījale |
pūrṇe dvādaśame varṣe niṣkrānto jalamadhyataḥ || 11 ||
[Analyze grammar]

bhikṣārthī saṃcaredgrāmaṃ nāvā yatraiva tiṣṭhati |
tatra tena parā dṛṣṭā bālā caiva manoharā || 12 ||
[Analyze grammar]

tāṃ dṛṣṭvā sa ca kāmārta uvāca madhuraṃ tadā |
māṃ nayasva paraṃ pāraṃ kāsi tvaṃ mṛgalocane || 13 ||
[Analyze grammar]

nāvārūḍhe nadītīre mama cittapramāthini |
evamuktā tu sā tena praṇamya ṛṣipuṃgavam || 14 ||
[Analyze grammar]

kathayāmāsa cātmānaṃ dṛṣṭvā taṃ kāmamohitam |
kaivartānāṃ gṛhe dāsī kanyāhaṃ dvijasattama || 15 ||
[Analyze grammar]

nāvāsaṃrakṣaṇārthāya ādiṣṭā svāminā vibho |
mayā vijñāpitaṃ vṛttamaśeṣaṃ jñātumarhasi || 16 ||
[Analyze grammar]

evamuktastayā so'tha kṣaṇaṃ dhyātvābravīdidam || 17 ||
[Analyze grammar]

parāśara uvāca |
ahaṃ jñānabalādbhadre tava jānāmi sambhavam |
kaivartaputrikā na tvaṃ rājakanyāsi sundari || 18 ||
[Analyze grammar]

kanyovāca |
kaḥ pitā kathyatāṃ brahmankasyā vā hyudarodbhavā |
kasminvaṃśe prasūtāhaṃ kaivartatanayā katham || 19 ||
[Analyze grammar]

parāśara uvāca |
kathayāmi samastaṃ yattvayā pṛṣṭamaśeṣataḥ |
vasurnāmeti bhūpālaḥ somavaṃśavibhūṣaṇaḥ || 20 ||
[Analyze grammar]

jambūdvīpādhipo bhadre śatrūṇāṃ bhayavardhanaḥ |
śatāni sapta bhāryāṇāṃ putrāṇāṃ ca daśaiva tu || 21 ||
[Analyze grammar]

dharmeṇa pālayellokānīśavatpūjyate sadā |
mlecchāstasyāvidheyāśca kṣīradvīpanivāsinaḥ || 22 ||
[Analyze grammar]

teṣāmutsādanārthāya yayāvullaṅghya sāgaram |
saṃyuktaḥ putrabhṛtyaiśca pauruṣe mahati sthitaiḥ || 23 ||
[Analyze grammar]

samaraṃ taiḥ samārabdhaṃ mlecchaiśca vasunā saha |
jitā mlecchāḥ samastāste vasunā mṛgalocane || 24 ||
[Analyze grammar]

karadāste kṛtāstena saputrabalavāhanāḥ |
pradhānā tasya sā rājñī tava mātā mṛgekṣaṇe || 25 ||
[Analyze grammar]

pravāsasthe mahīpāle saṃjātā sā rajasvalā |
nārīṇāṃ tu sadākālaṃ manmatho hyadhiko bhavet || 26 ||
[Analyze grammar]

viśeṣeṇa ṛtoḥ kāle bhidyante kāmasāyakaiḥ |
manmathena tu saṃtaptācintayatsā śubhekṣaṇā || 27 ||
[Analyze grammar]

dūtaṃ vai preṣayāmyadya vasurājñaḥ samīpataḥ |
āhūtaḥ satvaraṃ dūta gaccha tvaṃ nṛpasannidhau || 28 ||
[Analyze grammar]

dūta uvāca |
paratīraṃ gato devi vasurājāriśāsanaḥ |
tatra gantumaśakyeta jalayānairvinā śubhe || 29 ||
[Analyze grammar]

tāni yānāni sarvāṇi gṛhītāni pare taṭe |
dūtavākyena sā rājñī viṣaṇṇā kāmapīḍitā || 30 ||
[Analyze grammar]

tatsakhī tāmuvācātha kasmāttvaṃ paritapyase |
svalekhaḥ preṣyatāṃ devi śukahaste yathārthataḥ || 31 ||
[Analyze grammar]

samudraṃ laṅghayitvā tu śakuntā yānti sundari |
sakhivākyena sā rājñī svasthā jātā narādhipa || 32 ||
[Analyze grammar]

vyāhṛto lekhakastatra likha lekhaṃ mamājñayā |
tvaddhīnā satyabhāmādya vaso rājanna jīvati || 33 ||
[Analyze grammar]

ṛtukālo'dya saṃjāto likha lekhaṃ tu lekhakaṃ |
likhite bhūrjapatre tu lekhe vai lekhakena tu || 34 ||
[Analyze grammar]

śukaḥ pañjaramadhyastha ānītoddhaiva sannidhau || 35 ||
[Analyze grammar]

satyabhāmovāca |
nītvā lekhaṃ gaccha śīghraṃ vasurājñaḥ samīpataḥ |
śakuniḥ praṇato bhūtvā gṛhītvā lekhamuttamam || 36 ||
[Analyze grammar]

utpatya sahasā rājañjagāmākāśamaṇḍalam |
tataḥ pakṣī gataḥ śīghraṃ vasurājasamīpataḥ || 37 ||
[Analyze grammar]

kṣipte lekhe śukenaiva satyabhāmāvisarjite |
vasurājñā tato lekho gṛhya haste'vadhāritaḥ || 38 ||
[Analyze grammar]

lekhārthaṃ cintayitvā tu gṛhya vīryaṃ nareśvaraḥ |
amoghaṃ puṭikāṃ kṛtvā pratilekhena miśritam || 39 ||
[Analyze grammar]

śukasya so'payāmāsa gaccha rājñīsamīpataḥ |
praṇamya vasurājānaṃ bījaṃ gṛhyotpapāta ha || 40 ||
[Analyze grammar]

samudropari samprāptaḥ śukaḥ śyenena vīkṣitaḥ |
sāmiṣaṃ taṃ śukaṃ jñātvā śyenastamabhyadhāvata || 41 ||
[Analyze grammar]

hataścañcuprahāreṇa śukaḥ śyenena bhārata |
mūrcchayā tasya tadbījaṃ patitaṃ sāgarāmbhasi || 42 ||
[Analyze grammar]

matsyena gilitaṃ tacca bījaṃ vasumahīpateḥ |
kanyā matsyodare jātā tena bījena sundari || 43 ||
[Analyze grammar]

prāpto'sau lubdhakairmatsya ānītaḥ svagṛhaṃ tataḥ |
yāvadvidārito matsyastāvaddṛṣṭā tvamuttame || 44 ||
[Analyze grammar]

śaśimaṇḍalasaṅkāśā sūryatejaḥsamaprabhā |
dṛṣṭvā tvāṃ harṣitāḥ sarve kaivartā jāhnavītaṭe || 45 ||
[Analyze grammar]

harṣitāste gatāḥ sarve pradhānasya ca mandiram |
strīratnaṃ kathayāmāsurgṛhāṇa tvaṃ mahāprabham || 46 ||
[Analyze grammar]

gṛhītā tena tanvaṅgī hyaputreṇa mṛgekṣaṇā |
bhāryāṃ svāmāha tanvaṅgi pālayasva mṛgekṣaṇe || 47 ||
[Analyze grammar]

tataḥ sā cintayāmāsa parāśaravacastadā |
evamuktvā tu sā tena dattātmānaṃ nareśvara || 48 ||
[Analyze grammar]

uvāca sādhu me brahmanmatsyagandho'nu vartate |
tatastena tu sā bālā divyagandhādhivāsitā || 49 ||
[Analyze grammar]

kṛtā yogabalenaiva jvālayitvā vibhāvasum |
kṛtvā pradakṣiṇaṃ vahnimūḍhā tena rasāttadā || 50 ||
[Analyze grammar]

jalayānasya madhye tu kāmasthānānyasaṃspṛśat |
jñātvā kāmotsukaṃ vipraṃ bhītā sā dharmanandana || 51 ||
[Analyze grammar]

hasantī tamuvācātha deva tvaṃ lokasannidhau |
na lajjase kathaṃ dhīmankurvāṇaḥ pāmarocitam || 52 ||
[Analyze grammar]

tatastena kṣaṇaṃ dhyātvā saṃsmṛtā hṛdi tāmasī |
āgatā tāmasī māyā yayā vyāptaṃ carācaram || 53 ||
[Analyze grammar]

tataḥ sā vismitā tena karmaṇaiva tu rañjitā |
brahmacaryābhitaptena strīsaukhyaṃ krīḍitaṃ tadā || 54 ||
[Analyze grammar]

tataḥ sā tatkṣaṇādeva garbhabhāreṇa pīḍitā |
prasūtā bālakaṃ tatra jaṭilaṃ daṇḍadhāriṇam || 55 ||
[Analyze grammar]

kamaṇḍaludharaṃ śāntaṃ mekhalākaṭibhūṣitam |
uttarīyakṛtaskandhaṃ viṣṇumāyāvivarjitam || 56 ||
[Analyze grammar]

tato'pi śaṅkitā pārtha dṛṣṭvā taṃ kalabālakam |
vepamānā tato bālā jagāma śaraṇaṃ muneḥ || 57 ||
[Analyze grammar]

rakṣa rakṣa muniśreṣṭha parāśara mahāmate |
jātaṃ me'tyadbhutaṃ putraṃ kaupīnavaramekhalam |
daṇḍahastaṃ jaṭāyuktamuttarīyavibhūṣitam || 58 ||
[Analyze grammar]

parāśara uvāca |
mā bhaiṣīḥ svasute jāte kumārī tvaṃ bhaviṣyasi |
nāmnā yojanagandheti dvitīyaṃ satyavatyapi || 59 ||
[Analyze grammar]

śaṃtanurnāma rājā yaḥ sa te bhartā bhaviṣyati |
prathamā mahiṣī tasya somavaṃśavibhūṣaṇā || 60 ||
[Analyze grammar]

gaccha tvaṃ svāśrayaṃ śubhre pūrvarūpeṇa saṃsthitā |
mā viṣādaṃ kuruṣvātra dṛṣṭaṃ jñānasya me balam || 61 ||
[Analyze grammar]

ityuktvā prayayau vipraḥ sā bālā putramāśritā |
natvoce mātaraṃ bhaktyā sāṣṭāṅgaṃ vinayānataḥ || 62 ||
[Analyze grammar]

kṣamyatāṃ mātaruktaṃ me prasādaḥ kriyatāmapi |
īśvarārādhane yatnaṃ kariṣyāmyahamambike || 63 ||
[Analyze grammar]

tataḥ sā putravākyena viṣaṇṇā vākyamabravīt || 64 ||
[Analyze grammar]

yojanagandhovāca |
mā tyaktvā gaccha vatsādya mātaraṃ māmanāgasam |
tvadviyogena me putra pañcatvaṃ bhāvyasaṃśayam || 65 ||
[Analyze grammar]

nāsti putrasamaḥ sneho nāsti bhrātṛsamaṃ kulam |
nāsti satyaparo dharmo nānṛtātpātakaṃ param || 66 ||
[Analyze grammar]

bālabhāve mayā jāta ādhāraḥ kila jāyase |
na me bhartā na me putraḥ paśya karmaviḍambanam || 67 ||
[Analyze grammar]

vyāsa uvāca |
mā viṣādaṃ kuruṣvāntaḥ satyametanmayoritam |
āpatkāle'smi te devi smartavyaḥ kāryasiddhaye || 68 ||
[Analyze grammar]

āpadastārayiṣyāmi kṣamyatāṃ me duruttaram |
ityuktvā prayayau vyāsaḥ kanyā sāpi gatā gṛham || 69 ||
[Analyze grammar]

parāśarasutastatra viṣaṣṇo vanamadhyataḥ |
tretāyugāvasāne tu dvāparādau nareśvara || 70 ||
[Analyze grammar]

vyāsārthaṃ cintayāmāsurdevāḥ śakrapurogamāḥ |
ākhyāto nāradenaiva putraḥ parāśarasya saḥ || 71 ||
[Analyze grammar]

kaivartaputrikājāto jñānī jahnusutātaṭe |
tato nāradavākyena āgatāḥ surasattamāḥ || 72 ||
[Analyze grammar]

rāmaḥ pitāmahaḥ śakro munisaṅghaiḥ samāvṛtāḥ |
āsyādikaṃ pṛthagdattvā sādhu sādhvityudīrayan || 73 ||
[Analyze grammar]

pitāmahena vai bālo garbhādhānādisaṃskṛtaḥ |
dvīpāyano dvīpajanmā pārāśaryaḥ parāśarāt || 74 ||
[Analyze grammar]

kṛṣṇāṃśātkṛṣṇanāmāyaṃ vyāso vedānvyasiṣyati |
virañcinābhiṣikto'sau munisaṅghaiḥ punaḥpunaḥ || 75 ||
[Analyze grammar]

vyāsastvaṃ sarvalokeṣu ityuktvā prayayuḥ surāḥ |
tīrthayātrā samārabdhā kṛṣṇadvaipāyanena tu || 76 ||
[Analyze grammar]

gaṅgāvagāhitā tena kedāraśca sapuṣkaraḥ |
gayā ca naimiṣaṃ tīrthaṃ kurukṣetraṃ sarasvatī || 77 ||
[Analyze grammar]

ujjayinyāṃ mahākālaṃ somanāthaṃ prabhāsake |
pṛthivyāṃ sāgarāntāyāṃ snātvā yāto mahāmuniḥ || 78 ||
[Analyze grammar]

amṛtāṃ narmadāṃ prāpto rudradehodbhavāṃ śubhām |
sāhlādo narmadāṃ dṛṣṭvā cittaviśrāntimāpa ca || 79 ||
[Analyze grammar]

tapaścacāra vipulaṃ narmadātaṭamāśritaḥ |
grīṣme pañcāgnimadhyastho varṣāsu sthaṇḍileśayaḥ || 80 ||
[Analyze grammar]

sārdravāsāśca hemante tiṣṭhandadhyau maheśvaram |
svāntarhṛtkamale sthāpya dhyāyate parameśvaram || 81 ||
[Analyze grammar]

sṛṣṭisaṃhārakartāramachedyaṃ varadaṃ śubham |
nityaṃ siddheśvaraṃ liṅgaṃ pūjayeddhyānatatparaḥ || 82 ||
[Analyze grammar]

arcanātsiddhaliṅgasya dhyānayogaprabhāvataḥ |
pratyakṣaḥ śaṅkaro jātaḥ kṛṣṇadvaipāyanasya saḥ || 83 ||
[Analyze grammar]

īśvara uvāca |
toṣito'haṃ tvayā vatsa varaṃ varaya śobhanam || 84 ||
[Analyze grammar]

vyāsa uvāca |
yadi tuṣṭo'si me deva yadi deyo varo mama |
pratyakṣo narmadātīre svayameva bhaviṣyasi |
atītānāgatajño'haṃ tvatprasādādumāpate || 85 ||
[Analyze grammar]

īśvara uvāca |
evaṃ bhavatu te putra matprasādādasaṃśayam |
tvayi bhaktigṛhīto'haṃ pratyakṣo narmadātaṭe || 86 ||
[Analyze grammar]

sahasrāṃśārdhabhāvena pratyakṣo'haṃ tvadāśrame |
ityuktvā prayayau devaḥ kailāsaṃ nagamuttamam || 87 ||
[Analyze grammar]

patnīsaṃgrahaṇaṃ jātaṃ kṛṣṇadvaipāyanasya tu |
śāstroktena vidhānena patnī pālayatastathā || 88 ||
[Analyze grammar]

putro jāto hyaputrasya parāśarasutasya ca |
devairvardhāpitaḥ sarvairiñcendrapurogamaiḥ || 89 ||
[Analyze grammar]

putrajanmanyathājagmurvaśiṣṭhādyā munīśvarāḥ |
tīrthayātrāprasaṅgena parāśarapurogamāḥ || 90 ||
[Analyze grammar]

manvatriviṣṇuhārītayājñavalkyośano'ṅgirāḥ |
yamāpastambasaṃvartāḥ kātyāyanabṛhaspatī || 91 ||
[Analyze grammar]

evamādisahasrāṇi lakṣakoṭiśatāni ca |
saśiṣyāśca mahābhāgā narmadātaṭamāśritāḥ || 92 ||
[Analyze grammar]

vyāsāśrame śubhe ramye saṃtuṣṭā āyayurnṛpa |
dṛṣṭvā tānso'pi viprendrānabhyutthānakṛtodyamaḥ || 93 ||
[Analyze grammar]

pituḥ pūrvaṃ praṇamyādau sarveṣāṃ ca yathāvidhi |
āsanāni dadau bhaktyā pādyamarghaṃ nyavedayat || 94 ||
[Analyze grammar]

kṛtāñjalipuṭo bhūtvā vākyametaduvāca ha |
uddhṛto'haṃ na sandeho yuṣmatsambhāṣaṇārcanāt || 95 ||
[Analyze grammar]

āraṇyāni ca śākāni phalānyāraṇyajāni ca |
tāni dāsyāmi yuṣmākaṃ sarveṣāṃ prītipūrvakam || 96 ||
[Analyze grammar]

nyamantrayata tānsarvānpratyekaṃ praṇipatya ca |
tataste praṇataṃ dṛṣṭvā kṛṣṇadvaipāyanaṃ munim || 97 ||
[Analyze grammar]

vardhayitvā jayāśīrbhiravalokya parasparam |
parāśaraḥ samastaiśca vīkṣito munipuṃgavaiḥ || 98 ||
[Analyze grammar]

uttaraṃ dīyatāṃ tāta kṛṣṇadvaipāyanasya ca |
evamuktastu taiḥ sarvairbhagavānsa parāśaraḥ |
provāca svātmajaṃ vyāsamṛṣīṇāṃ yaccikīrṣitam || 99 ||
[Analyze grammar]

śrīparāśara uvāca |
necchanti dakṣiṇe kūle vratabhaṅgabhayādatha |
bhojanaṃ bhoktukāmāste śrāddhe caiva viśeṣataḥ || 100 ||
[Analyze grammar]

vyāsa uvāca |
karomi bhavatāmuktamatraiva sthīyatāṃ kṣaṇam |
yāvatprasādya saritaṃ karomi vidhimuttamam || 101 ||
[Analyze grammar]

evamuktvā śucirbhūtvā narmadātaṭamāsthitaḥ |
stotraṃ jagāda sahasā tannibodha nareśvara || 102 ||
[Analyze grammar]

jaya bhagavati devi namo varade jaya pāpavināśinī bahuphalade |
jaya śumbhaniśumbhakapāladhare praṇamāmi tu devanarārtihare || 103 ||
[Analyze grammar]

jaya candradivākaranetradhare jaya pāvakabhūṣitavaktravare |
jaya bhairavadehanilīnapare jaya andhakaraktaviśoṣakare || 104 ||
[Analyze grammar]

jaya mahiṣavimardini śūlakare jaya lokasamastakapāpahare |
jaya devi pitāmaharāmanate jaya bhāskaraśakraśiro'vanate || 105 ||
[Analyze grammar]

jaya ṣaṇmukhasāyudha īśanute jaya sāgaragāmini śambhunute |
jaya duḥkhadaridravināśakare jaya putrakalatravivṛddhikare || 106 ||
[Analyze grammar]

jaya devi samastaśarīradhare jaya nākavidarśini duḥkhahare |
jaya vyādhivināśini mokṣakare jaya vāñchitadāyini siddhavare || 107 ||
[Analyze grammar]

etadvyāsakṛtaṃ stotraṃ yaḥ paṭhecchivasannidhau |
gṛhe vā śuddhabhāvena kāmakrodhavivarjitaḥ || 108 ||
[Analyze grammar]

tasya vyāso bhavetprītaḥ prītaśca vṛṣavāhanaḥ |
prītā syānnarmadā devī sarvapāpakṣayaṃkarī || 109 ||
[Analyze grammar]

na te yānti yamālokaṃ yaiḥ stutā bhuvi narmadā |
pitāmaho'pi muhyeta devi tvadguṇakīrtanāt || 110 ||
[Analyze grammar]

vākpatirnaiva te vaktuṃ svarūpaṃ veda narmade |
kathaṃ guṇānahaṃ devi tvadīyāñjñātumutsahe || 111 ||
[Analyze grammar]

iti jñātvā śuciṃ bhāvaṃ vāṅmanaḥkāyakarmabhiḥ |
prasannā narmadādevī tato vacanamabravīt || 112 ||
[Analyze grammar]

satyavādena tuṣṭāhaṃ bhobho vyāsa mahāmune |
yadīcchasi varaṃ kiṃcittaṃ te sarvaṃ dadāmyaham || 113 ||
[Analyze grammar]

vyāsa uvāca |
yadi tuṣṭāsi me devi yadi deyo varo mama |
ātithyamuttare kūle ṛṣīṇāṃ dātumarhasi || 114 ||
[Analyze grammar]

narmadovāca |
ayuktaṃ yācitaṃ vyāsa vimārge yatpravartanam |
indracandrayamaiḥ śakyamunmārge na pravartitum || 115 ||
[Analyze grammar]

yācasvānyaṃ varaṃ putra yatkiṃcidbhuvi durlabham |
etacchrutvā vaco devyā vyāso mūrcchāṃ yatastadā || 116 ||
[Analyze grammar]

vṛthā kleśo'dya me jāta iti matvā papāta ha |
dharaṇī calitā sarvā saśailavanakānanā || 117 ||
[Analyze grammar]

mūrcchāpannaṃ tato vyāsaṃ dṛṣṭvā devāḥ savāsavāḥ |
hāhākāramukhāḥ sarve tatrājagmuḥ sahasraśaḥ || 118 ||
[Analyze grammar]

vyāsamutthāpayāmāsurvedavyasanatatparam |
brāhmaṇārthe ca saṃkliṣṭo nātmahetoḥ saridvare || 119 ||
[Analyze grammar]

gavārthe brāhmaṇārthe ca sadyaḥ prāṇānparityajet |
evaṃ sā narmadā proktā brahmādyaiḥ surasattamaiḥ || 120 ||
[Analyze grammar]

suśītalaistaṃ bahubhiśca vātairrevābhyaṣiñcatsvajalena bhītā |
sacetanaḥ satyavatīsuto'pi praṇamya devānsaritaṃ jagāda || 121 ||
[Analyze grammar]

vyāsa uvāca |
tīrthaiḥ samastaiḥ kila sevanāya phalaṃ pradiṣṭaṃ mama mandabhāgyāt |
yaddevi puṇyā viphalā mamāśā āraṇyapuṣpāṇi yathā janānām || 122 ||
[Analyze grammar]

narmadovāca |
yato yato māṃ hi mahānubhāva ninīṣate cittamilātale'tra |
vindhyena sārddhaṃ tava mārgamadya yāsyāmyahaṃ daṇḍadharasya pṛṣṭhe || 123 ||
[Analyze grammar]

evamukto mahātejā vyāsaḥ satyavatīsutaḥ |
dakṣiṇe cālayāmāsa svāśramasya saridvarām || 124 ||
[Analyze grammar]

daṇḍahasto mahātejā huṅkāramakaronmuniḥ |
vyāsahuṅkārabhītā sā calitā rudranandinī || 125 ||
[Analyze grammar]

daṇḍena darśayanmārgaṃ devī tatra pravartitā |
vyāsamārgaṃ gatā devī dṛṣṭā śakrapurogamaiḥ || 126 ||
[Analyze grammar]

puṣpavṛṣṭiṃ tato devā vyamuñcan saha kiṃkaraiḥ |
kiṃ kurmo brūhi me putra karmaṇā te sma rañjitāḥ || 127 ||
[Analyze grammar]

vyāsa uvāca |
tapaśca vipulaṃ kṛtvā dānaṃ dattvā mahāphalam |
etadeva naraiḥ kāryaṃ sādhūnāṃ yatsukhāvaham || 128 ||
[Analyze grammar]

yadi tuṣṭā mahābhāgā anugrāhyo hyahaṃ yadi |
tasmānmamāśrame sarvaiḥ sthīyatāṃ nātra saṃśayaḥ || 129 ||
[Analyze grammar]

ātithyaṃ śākaparṇena revāmṛtavimiśritam |
pratipannaṃ samastairvaḥ parāśaramukhairmama |
sthātavyaṃ svāśrame sarvairrevāyā uttare taṭe || 130 ||
[Analyze grammar]

mārkaṇḍeya uvāca |
snānatarpaṇanityāni kṛtāni dvijasattamaiḥ |
vyāsakuṇḍe tato gatvā homaḥ sarvaiḥ prakalpitaḥ || 131 ||
[Analyze grammar]

śrīphalairbilvapatraiśca juhuvurjātavedasam |
gautamo bhṛgurmāṇḍavyo nārado lomaśastathā || 132 ||
[Analyze grammar]

parāśarastathā śaṅkhaḥ kauśikaścyavano muniḥ |
pippalādo vasiṣṭhaśca nāciketo mahātapāḥ || 133 ||
[Analyze grammar]

viśvāmitro'pyagastyaśca uddālakayamau tathā |
śāṇḍilyo jaiminiḥ kaṇvo yājñavalkyośano'ṅgirāḥ || 134 ||
[Analyze grammar]

śātātapo dadhīciśca kapilo gālavastathā |
jaigīṣavyastathā dakṣo bharato mudgalastathā || 135 ||
[Analyze grammar]

vātsyāyano mahātejāḥ saṃvartaḥ śaktireva ca |
jātūkarṇyo bharadvājo vālakhilyāruṇistathā || 136 ||
[Analyze grammar]

evamādisahasrāṇi juhvate jātavedasam |
akṣamālākarotkīrṇā dhyānayogaparāyaṇāḥ || 137 ||
[Analyze grammar]

ekacittā dvijāḥ sarve cakrurhomakriyāṃ tadā |
tataḥ samutthitaṃ liṅgaṃ mokṣadaṃ vyādhināśanam || 138 ||
[Analyze grammar]

acchedyaṃ paramaṃ devaṃ dṛṣṭvā vyāsastutoṣa ca |
puṣpavṛṣṭiṃ dadurdevā āśīrvādāndvijottamāḥ || 139 ||
[Analyze grammar]

sāṣṭāṅgaṃ praṇato vyāso devaṃ dṛṣṭvā trilocanam |
brāhmaṇānpūjayāmāsa śākamūlaphalena ca || 140 ||
[Analyze grammar]

pitṛpūrvaṃ dvijāḥ sarve bhojitāḥ pāṇḍunandana |
āśīrvādāṃstataḥ puṇyān dattvā viprā yayuḥ punaḥ || 141 ||
[Analyze grammar]

tadā prabhṛti tattīrthaṃ vyāsākhyaṃ procyate budhaiḥ || 142 ||
[Analyze grammar]

yudhiṣṭhira uvāca |
vyāsatīrthasya yatpuṇyaṃ tatsarvaṃ kathayasva me |
snānadānavidhānaṃ ca yasminkāle mahāphalam || 143 ||
[Analyze grammar]

śrīmārkaṇḍeya uvāca |
kathayāmi samastaṃ te bhrātṛbhiḥ saha pāṇḍava |
kārttikasya site pakṣe caturdaśyāṃ jitendriyaḥ || 144 ||
[Analyze grammar]

upoṣya yo naro bhaktyā rātrau kurvīta jāgaram |
snāpayedīśvaraṃ bhaktyā kṣaudrakṣīreṇa sarpiṣā || 145 ||
[Analyze grammar]

dadhnā ca khaṇḍayuktena kuśatoyena vai punaḥ |
śrīkhaṇḍena sugandhena guṇṭhayetparameśvaram || 146 ||
[Analyze grammar]

tataḥ sugandhakusumairbilvapatraiśca pūjayet |
mucukundena kundena kuśajātīprasūnakaiḥ || 147 ||
[Analyze grammar]

unmattamunipuṣpaiśca tathānyaiḥ kālasambhavaiḥ |
arcayetparayā bhaktyā dvīpeśvaramanuttamam || 148 ||
[Analyze grammar]

ikṣugaḍukadānena tuṣyate parameśvaraḥ |
gaḍukāṣṭakadānena pātakaṃ yātyahorjitam || 149 ||
[Analyze grammar]

māsarjitaṃ ca naśyeta gaḍukāṣṭaśatena ca |
ṣāṇmāsikaṃ sahasreṇa dviguṇairabdikaṃ tathā || 150 ||
[Analyze grammar]

ājanmajanitaṃ pāpamayutena praṇaśyati |
dviguṇairnaśyate vyādhistriguṇaiḥ syāddhanāgamaḥ || 151 ||
[Analyze grammar]

ṣaḍguṇairjāyate vāgmī siddhastaddviguṇaistathā |
rudratvaṃ daśalakṣaiśca jāyate nātra saṃśayaḥ || 152 ||
[Analyze grammar]

paurṇamāsyāṃ nṛpaśreṣṭha snānaṃ kurvīta bhaktitaḥ |
mantroktena vidhānena sarvapāpakṣayaṃkaram || 153 ||
[Analyze grammar]

vāruṇaṃ ca tathāgneyaṃ brāhmayaṃ caivākṣayaṃkaram |
devānpitḥnmanuṣyāṃśca vidhivattarpayedbudhaḥ || 154 ||
[Analyze grammar]

ṛcā ṛgvedajaṃ puṇyaṃ sāmnā sāmaphalaṃ labhet |
yajurvedasya yajuṣā gāyatryā sarvamāpnuyāt || 155 ||
[Analyze grammar]

akṣaraṃ ca japenmantraṃ sauraṃ vā śivadaivatam |
athavā vaiṣṇavaṃ mantraṃ dvādaśākṣarasaṃjñitam || 156 ||
[Analyze grammar]

pūjayedbrāhmaṇānbhaktyā sarvalakṣaṇalakṣitān |
svadāraniratānviprāndambhalobhavivarjitān || 157 ||
[Analyze grammar]

bhinnavṛttikarān pāpān patitāñchūdrasevanān |
śūdrīgrahaṇasaṃyuktānvṛṣalī yasya mandire || 158 ||
[Analyze grammar]

parokṣavādino duṣṭāngurunindāparāyaṇān |
vedadveṣaṇaśīlāṃśca haitukān bakavṛttikān || 159 ||
[Analyze grammar]

īdṛśānvarjayecchrāddhe dāne sarvavrateṣu ca |
gāyatrīsāramātro'pi varaṃ vipraḥ suyantritaḥ || 160 ||
[Analyze grammar]

nāyantritaścaturvedī sarvāśī sarvavikrayī |
īdṛśānpūjayedviprānannadānahiraṇyataḥ || 161 ||
[Analyze grammar]

upānahau ca vastrāṇi śayyāṃ chatramathāsanam |
yo dadyādbrāhmaṇe bhaktyā so'pi svarge mahīyate || 162 ||
[Analyze grammar]

pratyakṣā surabhī tatra jaladhenustathāghṛtā |
tiladhenuḥ pradātavyā mahiṣyaśca tathaiva ca || 163 ||
[Analyze grammar]

kṛṣṇājinapradātā yo dātā yastilasarpiṣoḥ |
kanyāpustakayordātā so'kṣayaṃ lokamāpnuyāt || 164 ||
[Analyze grammar]

dhūrvāhau khurasaṃyuktau dhānyopaskarasaṃyutau |
dāpayetsvargakāmastu iti me satyabhāṣitam || 165 ||
[Analyze grammar]

sūtreṇa veṣṭayeddvīpamathavā jagatīṃ śubham |
mandiraṃ parayā bhaktyā parameśamathāpi vā || 166 ||
[Analyze grammar]

pradakṣiṇāṃ vidhānena yaḥ karotyatra mānavaḥ |
jambūplākṣāhvayau dvīpau śālmaliścāparo nṛpa || 167 ||
[Analyze grammar]

kuśaḥ krauñcastathā kāśaḥ puṣkaraścaiva saptamaḥ |
saptasāgaraparyantā veṣṭitā tena bhārata || 168 ||
[Analyze grammar]

dvīpeśvare mahārāja vṛṣotsargaṃ ca kārayet |
vṛṣeṇāruṇavarṇena māheśaṃ lokamāpnuyāt || 169 ||
[Analyze grammar]

yastu vai pāṇḍuro vaktre lalāṭe pādayostathā |
lāṅgūle yastu vai śubhraḥ sa vai nākasya darśakaḥ || 170 ||
[Analyze grammar]

nīlo'yamīdṛśaḥ prokto yastu dvīpeśvare tyajet |
sa samāḥ romasaṃkhyātā nāke vasati bhārata || 171 ||
[Analyze grammar]

sauraṃ ca śāṃkaraṃ lokaṃ vairañcaṃ vaiṣṇavaṃ kramāt |
bhunakti svecchayā rājanvyāsatīrthaprabhāvataḥ || 172 ||
[Analyze grammar]

sapatnīkaṃ tato vipraṃ pūjayettatra bhaktitaḥ |
sitaraktāni vastrāṇi yo dadyādagrajanmane || 173 ||
[Analyze grammar]

kṛtvā pradakṣiṇaṃ yugmaṃ prīyatāṃ me jagadguruḥ |
nāsti viprasamo bandhuriha loke paratra ca || 174 ||
[Analyze grammar]

yamaloke mahāghore patantaṃ yo'bhirakṣati |
itihāsapurāṇajñaṃ viṣṇubhaktaṃ jitendriyam || 175 ||
[Analyze grammar]

pūjayetparayā bhaktyā sāmagaṃ vā viśeṣataḥ |
dvīpeśvaraṃ ca ye bhaktyā saṃsmaranti gṛhe sthitāḥ || 176 ||
[Analyze grammar]

na teṣāṃ jāyate śoko na hānirna ca duṣkṛtam |
prathamaṃ pūjayettatra liṅgaṃ siddheśvaraṃ tataḥ || 177 ||
[Analyze grammar]

yatra siddho mahābhāgo vyāsaḥ satyavatīsutaḥ |
asyaiva pūjanātsiddho dhārāsarpo mahāmatiḥ || 178 ||
[Analyze grammar]

tatra tīrthe tu yo rājanprāṇatyāgaṃ karoti ca |
sūryalokamasau bhittvā prayāti śivasannidhau || 179 ||
[Analyze grammar]

samāḥ sahasrāṇi ca sapta vai jale daśaikamagnau patane ca ṣoḍaśa |
mahāhave ṣaṣṭiraśīti gograhe hyanāśake bhārata cākṣayā gatiḥ || 180 ||
[Analyze grammar]

pitā pitāmahaścaiva tathaiva prapitāmahaḥ |
vāyubhūtaṃ nirīkṣante hyāgacchantaṃ svagotrajam || 181 ||
[Analyze grammar]

asmadgotre'sti kaḥ putro yo no dadyāttilodakam |
kārttikyāṃ ca viśeṣeṇa veśākhyāṃ vā tathaiva ca || 182 ||
[Analyze grammar]

svargatiṃ ca prayāsyāmastatra tīrthopasevanāt |
etatte kathitaṃ sarvaṃ dvīpeśvaramanuttamam || 183 ||
[Analyze grammar]

yaḥ paṭhetparayā bhaktyā śṛṇuyāttadgato nṛpa |
so'pi pāpavinirmukto modate śivamandire || 184 ||
[Analyze grammar]

ūṣaraṃ sarvatīrthānāṃ nirmitaṃ munipuṃgavaiḥ |
kāmapradaṃ nṛpaśreṣṭha vyāsatīrthaṃ na saṃśayaḥ || 185 ||
[Analyze grammar]