Chapter 4

[English text for this chapter is available]

śrīmahādeva uvāca |
khyāto'vaṃtyāṃ caturtho'sau devo ḍamarukeśvaraḥ |
dṛṣṭe yasmiñjagannāthe yāti pāpaṃ ca saṃkṣayam || 1 ||
[Analyze grammar]

purā vaivasvate kalpe rururnāma mahāsuraḥ |
tasya putro mahābāhurvajronāma mahābalaḥ |
babhūva sumahākāyastīkṣṇadaṃṣṭro bhayaṃkaraḥ || 2 ||
[Analyze grammar]

tena devāḥ svādhikārāccālitāstridaśāla yāt || 3 ||
[Analyze grammar]

tato nītaṃ dhanaṃ teṣāṃ brahmāṇaṃ te tato yayuḥ |
brahmāpi bhayasaṃvigno babhūvākuliteṃdriyaḥ || 4 ||
[Analyze grammar]

jñātvāvadhyaṃ suraiḥ sārdhaṃ sarvaiḥ so'thamahā balaḥ |
teṣu naṣṭeṣu ye viprā yajvāno'tha tapasvinaḥ |
tāñjaghāna sa duṣṭātmā ye cānye dharmacāriṇaḥ || 5 ||
[Analyze grammar]

niḥsvādhyāyavaṣaṭkāraṃ tadāsīddharaṇīta talam |
naṣṭayajñotsavaṃ devi hāhābhūtamacetanam || 6 ||
[Analyze grammar]

tataḥ pravyathitā devāstathā sarve maharṣayaḥ |
sametyāmaṃtrayanmaṃtraṃ vadhārthaṃ tasya durmateḥ || 7 ||
[Analyze grammar]

tataḥ kāyo'bhavatsadyaḥ sarveṣāṃ puratastadā |
teṣāṃ ciṃtayatāṃ devi tejaḥpuṃjena cāvṛtaḥ || 8 ||
[Analyze grammar]

tasmātkṛtyā samutpannā divyā kamalalocanā |
dyotayaṃtī diśaḥ sarvāḥ svatejobhiḥ samaṃtataḥ || 9 ||
[Analyze grammar]

sābravīttridaśānsarvānkasmātsṛṣṭā hyahaṃ surāḥ |
yatkartavyaṃ mayā karma tacchīghraṃ saṃnivedyatām || 10 ||
[Analyze grammar]

tatastu tridaśāḥ sarve śrutvā tasyāḥ śubhā giraḥ |
ācakhyuḥ sakalaṃ tasyai tadā vajrasya ceṣṭitam || 11 ||
[Analyze grammar]

śrutvā jahāsa sā devī sāṭṭahāsaṃ muhur muhuḥ |
tasyā hasaṃtyā niḥsasruḥ kanyāḥ kamalalocanāḥ || 12 ||
[Analyze grammar]

pāśāṃkuśadharā raudrā jvālāmālāvṛtānanāḥ |
phetkāreṇa ca saṃnādaiścālayaṃtyaścarācaram || 13 ||
[Analyze grammar]

gatāḥ sarvā mahādevi yatra vajro mahāsuraḥ |
yuddhaṃ tu tumulaṃ jātaṃ tābhistasya bhayāvaham || 14 ||
[Analyze grammar]

śastrāstrairbahudhā muktairvyāptaṃ caiva digaṃtaram |
saṃnaddhākhilasainyāste yuyudhuḥ samare bhṛśam || 15 ||
[Analyze grammar]

tataḥ pravavṛte yuddhaṃ tayā devyā suradviṣām |
tato mātṛgaṇaṃ kruddhaṃ marddayantaṃ mahāsu rān |
parāṅmukhaṃ balaṃ dṛṣṭvā vajro māyāmathāsṛjat || 16 ||
[Analyze grammar]

tāmasīṃnāma duḥsādhyāṃ yayā muhyati kanyakāḥ || 17 ||
[Analyze grammar]

tamobhūte tatastasminsā devī bhayavihvalā |
tābhiḥ sārddhaṃ samāyātā mahākālavanottamam || 18 ||
[Analyze grammar]

kapālavānharo yatra liṃgākāreṇa saṃsthitaḥ |
jñātvā mātṛgaṇaṃ naṣṭaṃ tato māyāprabhāvataḥ || 19 ||
[Analyze grammar]

vajro'pi tridaśāñjñātvā devyā sārddhamathopi tān |
ājagāma tamuddeśaṃ svasainyaparivāritaḥ || 20 ||
[Analyze grammar]

mahākālavane divye rathakoṭiśatairvṛtaḥ |
samaṃtācca vanaṃ devi tatkruddho vākyamabravīt || 21 ||
[Analyze grammar]

adya devānhaniṣyāmi tayā sākaṃ suduṣṭayā |
kanyābhiḥ saha yā naṣṭā tamomāyābalena tu || 22 ||
[Analyze grammar]

etasminnaṃtare kāle nārado munisattamaḥ |
sotsukastu samāyāto maṃdare cārukaṃdare || 23 ||
[Analyze grammar]

kathayāmāsa devanāṃ vajrāddevaparābhavam || 24 ||
[Analyze grammar]

mahākālavane deva tāḍitāsttridaśāḥ prabho |
vajreṇa ruruputreṇa tasmādyāhi maheśvara || 25 ||
[Analyze grammar]

nāradasya vacaḥ śrutvā tato'haṃ parameśvari |
maṃdarādāgatastūrṇaṃ kṛtvā rūpaṃ subhairavam || 26 ||
[Analyze grammar]

sarpairlasadbhiratyugrairbhīṣaṇairgaṇasaṃvṛtaḥ |
agre dṛṣṭaṃ mahatsainyaṃ dānavānāṃ bhayāvaham || 27 ||
[Analyze grammar]

mahākālavanaṃ ruddhaṃ samaṃtādasureṇa tu |
vajreṇa ruruputreṇa duḥsahena yaśasvini || 28 ||
[Analyze grammar]

tadāgatya mayā tāḍya raudraṃ ḍamarukaṃ tathā |
mohitaṃ sahasā sainyaṃ vajrasyaiva durātmanaḥ || 29 ||
[Analyze grammar]

ḍamarukasya nādena hyutthitaṃ liṃgamuttamam |
vidārya vasudhāṃ devi jvālāmālākulaṃ tadā || 30 ||
[Analyze grammar]

tasya liṃgasya ca tadā mahājvālā vinirgatā |
ekadeśādvarārohe brahmāṃḍavyāpinī tathā || 31 ||
[Analyze grammar]

liṃgasyānyapradeśāttu vāyuḥ samabhavanmahān || 32 ||
[Analyze grammar]

tejojvālāsamūhena vātena preritena ca |
saha cakreṇa tatsainyaṃ dagdhaṃ bhasmatvamāgatam || 33 ||
[Analyze grammar]

tato devagaṇāḥ sarve harṣanirbharamānasāḥ |
namaścakrurha te tasminruruputre mahābale || 34 ||
[Analyze grammar]

asya devasya māhātmyāddagdho vajro mahābalaḥ |
sasainyobhūttatastasmādeṣa ḍamarukeśvaraḥ |
khyātiṃ yāsyati lokesminsarvakāmaphalapradaḥ || 35 ||
[Analyze grammar]

ḍamarukasya tu nādena jāto yasmānmahītale |
ataḥ pūjyavaro devo bhaviṣyati na saṃśayaḥ || 36 ||
[Analyze grammar]

dṛṣṭvā ye pūjayiṣyaṃti devaṃ ḍamarukeśvaram |
te sarve duḥkhanirmuktā bhaviṣyaṃti gatajvarāḥ || 37 ||
[Analyze grammar]

cāṃdrāyaṇānāṃ vidhivacchatānāmatha yatphalam |
tatphalaṃ samavāpnoti ḍamarukeśvarapūjanāt || 38 ||
[Analyze grammar]

asminsthāne sthitaṃ liṃgaṃ bhaktyā ḍamarukeśvaram |
prasaṃgādapi paśyaṃti hyapi pāpaparā narāḥ || 39 ||
[Analyze grammar]

te'pyavaśyaṃ tu yāsyaṃti rudralokaṃ sanātanam |
bhaktāḥ stoṣyaṃti ye liṃgaṃ khyātaṃ ḍamarukeśvaram || 40 ||
[Analyze grammar]

mānasaiḥ pātakairmuktā yāsyaṃti paramaṃ padam |
aśvamedhasahasraṃ tu vājapeyaśataṃ bhavet |
gosahasraphalaṃ cātra dṛṣṭvā prāpsyaṃti mānavāḥ || 41 ||
[Analyze grammar]

yo yāti saṃgare dhīro dṛṣṭvā ḍamarukeśvaram |
jayedripūnathāṃte sa rudraloke mahīyate || 42 ||
[Analyze grammar]

eṣa te kathito devi prabhāvaḥ pāpanāśanaḥ |
stutastu kīrtitaścaiva sarvābhīṣṭaphalaprada || 43 ||
[Analyze grammar]