Chapter 38

[English text for this chapter is available]

ṛṣaya ūcuḥ |
sūta kadruḥ kathaṃ muktā kṣīrakuṃḍanimajjanāt |
chalaṃ kathaṃ kṛtavatī sapatnyāṃ pāpaniścayā || 1 ||
[Analyze grammar]

kasya putrī ca sā kadrūḥ sapatnīsā ca kasya vai |
kimarthamajayatkadrūḥ svasapatnīṃ chalena tu |
etannaḥ śraddadhānānāṃ brūhi sūta kṛpānidhe || 2 ||
[Analyze grammar]

śrīsūta uvāca |
śṛṇudhvaṃ munayaḥ sarve itihāsaṃ mahāphalam |
purā kṛtayuge viprāḥ prajāpatisute ubhe || 3 ||
[Analyze grammar]

kadrūśca vinatā ceti bhaginyau saṃbabhūvatuḥ |
bhārye te kaśyapasyāstāṃ kadrūśca vinatā tathā || 4 ||
[Analyze grammar]

vinatā suṣuve putrāvaruṇaṃ garuḍaṃ tathā |
bharttuḥ sakāśātkadrūśca lebhe sarpānbahūnsutān || 5 ||
[Analyze grammar]

anaṃtavāsukimukhānviṣadarpasamanvitān |
ekadā tu bhaginyau te kadrūśca vinatā tathā || 6 ||
[Analyze grammar]

apaśyatāṃ samāyāṃtamuccaiḥśravasamaṃ tikāt |
vilokya kadrūsturagaṃ vinatāmidamabravīt || 7 ||
[Analyze grammar]

śveto'śvavālo nīlo vā vinate brūhi tattvataḥ |
ityuktvā vinatā viprāḥ kadrūṃ tāmidamabra vīt |
turaṃgaḥ śvetavālo me pratibhāti sumadhyame |
kiṃ vā tvaṃ manyase kadrūriti tāṃ vinatā'bravīt || 9 ||
[Analyze grammar]

pṛṣṭvaivaṃ vinatāṃ kadrūrbabhāṣe svamataṃ ca sā |
kṛṣṇavālamahaṃ manye hayamenamaniṃdite || 10 ||
[Analyze grammar]

tataḥ parājaye kṛtvā dāsībhāvaṃ paṇaṃ mithaḥ |
vyatiṣṭhetāṃ mahābhāge sapatnyau te dvijottamāḥ || 11 ||
[Analyze grammar]

tataḥ kadrūrnijasutānvāsukipramukhānahīn |
tasyā nāhaṃ yathā dāsī tathā kuruta putrakāḥ || 12 ||
[Analyze grammar]

tasyābhīpsitasiddhyarthamityavocadbhṛśā turā |
yuṣmābhiruccaiḥśravaso bālaḥ pracchādyatāmiti || 13 ||
[Analyze grammar]

nāṃgīcakrurmataṃ tasyā nāgāḥ kadrū ruṣā tadā |
aśapatkupitā putrāñjvalaṃtī roṣamūrcchi tā || 14 ||
[Analyze grammar]

pārīkṣitasya sarve'ddhā yūyaṃ satre mariṣyatha |
iti śāpe kṛte mātrā trastaḥ karkoṭakastadā || 15 ||
[Analyze grammar]

praṇamya pādayoḥ kadrūṃ dīno vacanama bravīt |
ahamuccaiḥśravovālaṃ vidhāsyāmyaṃjanaprabham || 16 ||
[Analyze grammar]

mā bhīraṃba tvayā kāryetyavādīcchāpaviklavaḥ |
śvetamuccaiḥśravovālaṃ tataḥ karkoṭako ragaḥ || 17 ||
[Analyze grammar]

chādayitvā svabhogena vyatanodaṃjanadyutim |
atha te vinatākadrvau dāsye kṛtapaṇe ubhe || 18 ||
[Analyze grammar]

devarājahayaṃ draṣṭuṃ saṃraṃbhādabhyagaccha tām |
śaśāṃkaśaṃkhamāṇikyamuktairāvatakāraṇam || 19 ||
[Analyze grammar]

yugāṃtakālaśayanaṃ yoganidrākṛto hareḥ |
atītya kadrūvinate samudraṃ saritāṃ patim || 20 ||
[Analyze grammar]

dadṛśaturhayaṃ gatvā devarājasya vāhanam |
kṛṣṇavālaṃ hayaṃ dṛṣṭvā vinatā duḥkhitā'bhavat || 21 ||
[Analyze grammar]

duḥkhitāṃ vinatāṃ kadrūrdāsīkṛtye nyayuṃkta sā |
etasminnaṃtare tārkṣyo'pyaṃḍamudbhidya vahnivat || 22 ||
[Analyze grammar]

prādurbabhūva vipreṃdrā girimātraśarīravān |
dṛṣṭvā taddehamāhātmyamabhūttrastaṃ jagattrayam || 23 ||
[Analyze grammar]

tatastaṃ tuṣṭuvurdevā garuḍaṃ pakṣiṇāṃ varam |
dṛṣṭvā taddehamāhātmyaṃ trastaṃ syādbhuvanatrayam || 24 ||
[Analyze grammar]

ityālocyopasaṃhṛtya dehamatyaṃtabhīṣaṇam |
aruṇaṃ pṛṣṭhamāropya māturaṃtikamabhyagāt || 25 ||
[Analyze grammar]

athāha vinatāṃ kadrūḥ praṇatāmativihvalām |
ceṭi nāgālayaṃ gaṃtumudyogo mama vartate || 26 ||
[Analyze grammar]

tvatputro garuḍoto māṃ matputrāṃśca vahatviti |
tataśca vinatā putraṃ garuḍaṃ pratyabhāṣata || 27 ||
[Analyze grammar]

ahaṃ kadrūmimāṃ vakṣye tvaṃ sarpānvaha tatsutān |
tatheti garuḍo mātuḥ pratyagṛhṇadvaco dvijāḥ || 28 ||
[Analyze grammar]

avahadvinatā kadrūṃ sarvāṃstāngaruḍo'vahat |
ravisāmīpyagāḥ sarpāstatkarairāhatāstadā || 29 ||
[Analyze grammar]

astauṣīdvajriṇaṃ kadrūḥ sutānāṃ tāpaśāṃtaye |
sarvatāpaṃ jalāsārairdevarājo'pyaśāmayata || 30 ||
[Analyze grammar]

nīyamānāstadā sarpā garuḍena balīyasā |
gatvā taṃ deśamacirādavadanvinatāsutam || 31 ||
[Analyze grammar]

vayaṃ dvīpāṃtaraṃ gaṃtuṃ sarve draṣṭuṃ kṛtatvarāḥ |
vaha tvamasmāngaruḍa ceṭīsuta tataḥ kṣaṇāt || 32 ||
[Analyze grammar]

tato mātara maprākṣīdvinatāṃ garuḍo dvijāḥ |
ahaṃ kasmādvahāmīmāṃstvaṃ cemāṃ vahase sadā || 33 ||
[Analyze grammar]

ceṭīputreti māmete ki bhaṇaṃti sarīsṛpāḥ |
sarvametadvada tvaṃ me mātastattvena pṛcchataḥ || 34 ||
[Analyze grammar]

pṛṣṭaivaṃ jananī tena garuḍaṃ prābravītsutam |
bhaginyā krūrayā putra cchalenāhaṃ parājitā || 35 ||
[Analyze grammar]

tasyā dāsī bhavāmyadya ceṭīputrastato bhavān |
atastvaṃ vahase sarpānvahāmyenāmahaṃ sadā || 36 ||
[Analyze grammar]

ityādi sarvavṛttāṃtamādito'smai nyavedayat |
atha tāṃ garuḍo'vā dīnmātaraṃ vinatāsutaḥ || 37 ||
[Analyze grammar]

asmāddāsyādvimokṣārthaṃ kiṃ kāryaṃ te mayādhunā |
iti pṛṣṭā sutenātha vinatā tamabhāṣata || 38 ||
[Analyze grammar]

sarpānpṛcchasva garuḍa mama mātṛvimokṣaṇe |
yuṣmākaṃ mātuḥ kiṃ kāryaṃ mayeti vadatādhunā || 39 ||
[Analyze grammar]

iti mātrā samudito garuḍaḥ pannagānprati |
gatvā'pṛcchadvija śreṣṭhāste'pyenamavadaṃstadā || 40 ||
[Analyze grammar]

yadā hariṣyase śīghraṃ sudhāṃ tvamamarālayāt |
dāsyānmuktā bhavenmātā vainateya tavādya hi || 41 ||
[Analyze grammar]

tato mātaramāgamya garuḍaḥ praṇato'bravīt |
sudhāmaṃba mamānetuṃ gacchato bhakṣyamarpaya || 42 ||
[Analyze grammar]

itīritā sutaṃ prāha mātā taṃ vinatā sutam |
samudramadhye vartaṃte śabarāḥ katicitsuta || 43 ||
[Analyze grammar]

tānbhakṣayitvā śabarānamṛtaṃ tvamihānaya |
tatra kaściddvijaḥ kāmī śavarīsaṃgakautukī || 44 ||
[Analyze grammar]

tyaja taṃ brāhmaṇaṃ kaṃṭhaṃ dahaṃtaṃ brahmatejasā |
pakṣādīni tavāṃgāni pāṃtu devā marunmukhāḥ || 45 ||
[Analyze grammar]

iti svamāturāśīrbhirgaruḍo vardhito yayau |
śabarālayamabhyetya tasya bhakṣaya to mukham || 46 ||
[Analyze grammar]

āvṛtaṃ prāviśanvyādhā vayāṃsīva darīṃ gireḥ |
atha sa brāhmaṇo'pyāgāttatkaṃṭhaṃ munipuṃgavāḥ || 47 ||
[Analyze grammar]

kaṇṭhaṃ dahantaṃ vipraṃ tamuvāca vinatāsutaḥ |
vipra pāpo'pyavadhyo hi niryāhi tvamato bahiḥ || 48 ||
[Analyze grammar]

evamuktastadā vipro garuḍaṃ pratyabhāṣata |
kirātī mama bhāryāpi nirgaṃtavyā mayā saha || 49 ||
[Analyze grammar]

evamastviti taṃ vipramuvāca patageśvaraḥ |
tataḥ sa garuḍo vipramujjagāra sabhāryakam || 50 ||
[Analyze grammar]

vipro'pyabhīpsitāndeśānniṣādyā saha niryayau |
śabarānbhakṣayitvā'tha garuḍaḥ pakṣiṇāṃ varaḥ || 51 ||
[Analyze grammar]

ātmanaḥ pitaraṃ vegātkaśyapaṃ samupeyivān |
kutra yāsīti tatpṛṣṭo garuḍastama bhāṣata || 52 ||
[Analyze grammar]

māturdāsyavimokṣāya sudhāmāhartumāgamam |
bahūnkirātāñjagdhvāpi tṛptirmama na jāyate || 53 ||
[Analyze grammar]

aparyaṃtakṣudhā brahmanbādhate māmaha rniśam |
tannivṛttipradaṃ bhakṣyaṃ mamārpaya tapodhana || 54 ||
[Analyze grammar]

yenāhaṃ śaknuyāṃ tāta sudhāmāhartumojasā |
itīritaḥ sutaṃ prāha kaśyapo vinatodbhavam || 55 ||
[Analyze grammar]

kaśyapa uvāca |
munirvibhāvasurnāmnā purāsīttasya sānujaḥ |
supratīka iti bhrātā tāvubhau vaṃśavairiṇau || 56 ||
[Analyze grammar]

anyonyaṃ śepaturviprā mahākrodhasamākulau |
gajo'bhavatsupratīkaḥ kūrmo'bhūcca vibhāvasuḥ || 57 ||
[Analyze grammar]

evaṃ vittavivādāttau śepaturbhrātarau mithaḥ |
gajaḥ ṣaḍyo janocchrāyo dviguṇāyāmasaṃyutaḥ || 58 ||
[Analyze grammar]

kūrmastriyojanocchrayo daśayojanavistṛtaḥ |
baddhavairāvubhāvetau sarasyasminvihaṃgama || 59 ||
[Analyze grammar]

pūrvavairamanusmṛtya yudhyete jetumicchayā |
ubhau tau bhakṣayitvā tvaṃ sudhāmāhara tṛptimān || 60 ||
[Analyze grammar]

evaṃ pitreritaḥ pakṣī gatvā tadgajakacchapau |
samuddhatya mahākāyau mahābalaparākramau || 61 ||
[Analyze grammar]

vahannakhābhyāṃ saṃtīrthaṃ viḷaṃbābhidhamabhyagāt |
tatrāgataṃ samālokya pakṣirājaṃ dvijosamāḥ || 62 ||
[Analyze grammar]

tattīrajo mahāvṛkṣo rohiṇākhyo mahocchrayaḥ |
vainateyamidaṃ prāha mahābalaparākramam || 63 ||
[Analyze grammar]

enāmāruha macchākhāṃ śatayojanamāyatām |
sthitvātra gajakūrmau tvaṃ bhakṣayasva khagottama || 64 ||
[Analyze grammar]

ityuktastaruṇā pakṣī sa tatrāste manojavaḥ |
tadbhārātsā taroḥ śākhā bhagnā'bhūddvijasattamāḥ || 65 ||
[Analyze grammar]

vālakhilyamunīṃstasmillaṃbamānānadhomukhān |
dṛṣṭvā tatpātaśaṃkāvāṃstāṃ śākhāṃ garuḍo'grahīt || 66 ||
[Analyze grammar]

gajakūrmo ca tāṃ śākhāṃ gṛhītvā yāṃtamaṃ bare |
pitā tasyābravīttatra garuḍaṃ vinatāsutam || 67 ||
[Analyze grammar]

tyajemāṃ nirjane śaile śākhāṃ taṃ vinatodbhava |
ityuktaḥ sa tathā gatvā śākhāṃ niṣpuruṣe nage || 68 ||
[Analyze grammar]

vinyasyābhakṣayatpakṣī tau tadā gajakacchapau |
athotpātaḥ samabhavattasminnavasare divi || 69 ||
[Analyze grammar]

dṛṣṭvotpātaṃ balārātiḥ papraccha svapurohitam |
utpātakāraṇaṃ jīva kimatreti punaḥpunaḥ |
bṛhaspatistadā śakraṃ provāca dvijasattamāḥ || 70 ||
[Analyze grammar]

bṛhaspatiruvāca |
kāśyapo hi muniḥ pūrvamayajatkratunā hare || 71 ||
[Analyze grammar]

sarvānnṛṣīnsurānsiddhānyakṣāngaṃdharvakinnarān |
yajñasaṃbhārasiddhyarthaṃ preṣayāmāsa sa dvijāḥ || 72 ||
[Analyze grammar]

vālakhilyānsasaṃbhārānhrasvānaṃguṣṭhamātrakān |
majjato goṣpadajale dṛṣṭvā hasitavānbhavān || 73 ||
[Analyze grammar]

bhavatāvamatāḥ kruddhā vālakhilyāstadā hare |
juhuvuryajñavahnau te krodhena jvalitānanāḥ || 74 ||
[Analyze grammar]

deveṃdrabhayadaḥ śatruḥ kaśyapasya suto'stviti |
tasya putro'dya garuḍaḥ sudhāharaṇakautukī || 75 ||
[Analyze grammar]

samāgacchati taddheturayamutpāta āgataḥ |
ityuktaḥ so'bravīdiṃdro devānagnipurogamān || 76 ||
[Analyze grammar]

sudhāmāhartumāyāti pakṣī sā rakṣyatāmiti |
itīṃdrapreritā devā rarakṣuḥ sāyudhāḥ sudhām || 77 ||
[Analyze grammar]

pakṣirājastadābhyāgāddevānāyudhadhāriṇaḥ |
mahābalaṃ te garuḍaṃ dṛṣṭvā'kampaṃta vai surāḥ || 78 ||
[Analyze grammar]

garuḍasya surāṇāṃ ca tato yuddhamabhūnmahat |
akhaṃḍi pakṣituṇḍena bhauvano'mṛtapālakaḥ || 79 ||
[Analyze grammar]

tadā nijaghnugarruḍaṃ devāḥ śastrairanekaśaḥ |
atīva garuḍo devairbādhitaḥ śastrapāṇibhiḥ || 80 ||
[Analyze grammar]

pakṣābhyāmākṣipaddūre devānagnipurogamān |
tatpakṣavikṣitā devāstadā paramakopanāḥ || 81 ||
[Analyze grammar]

nārācānbhiṃdi pālāṃśca nānāśastrāṇi cākṣipan |
tatastu garuḍo vegāddevadṛṣṭivilopinīm || 82 ||
[Analyze grammar]

dhūlimutthāpayāmāsa pakṣābhyāṃ vinatāsutaḥ || vāyunā |
śamayāmāsustānpāṃsūṃstridaśottamāḥ || 83 ||
[Analyze grammar]

rudrānvasūṃstathādityānmaruto'nyānsurāṃstathā |
garuḍaḥ pakṣatuṃḍābhyāṃ vyathitānakaroddvijāḥ || 84 ||
[Analyze grammar]

palāyiteṣu deveṣu so'drākṣījjvalanaṃ puraḥ |
jvalaṃtaṃ paritastvagniṃ śamāpayitumudyayau || 85 ||
[Analyze grammar]

sa sahasramukho bhūtvā taiḥ pibañchataśo nadīḥ |
tamagniṃ nāśayāmāsa taiḥ payobhistvarānvitaḥ || 86 ||
[Analyze grammar]

sitadhāraṃ bhramaccakraṃ sudhārakṣakamaṃtike |
dṛṣṭvā tadariraṃdhreṇa saṃkṣiptāṃgotarāviśat || 87 ||
[Analyze grammar]

tato dadarśa dvau sarpo vyaktāsyau bhīṣaṇākṛtī |
yābhyāṃ dṛṣṭopi bhasma syāttau sarpau garuḍastadā || 88 ||
[Analyze grammar]

ācchidya pakṣatuṃḍābhyāṃ gṛhītvā'mṛtamudyayau |
yaṃtramutpāṭya codyaṃtaṃ garuḍaṃ prāha mādhavaḥ || 89 ||
[Analyze grammar]

tava tuṣṭo'smi pakṣīśa varaṃ varaya suvrata |
atha pakṣī tamāha sma kamalānāyakaṃ harim || 90 ||
[Analyze grammar]

tavopari sthitirme syānmā bhūtāṃ ca jarāmṛtī |
tathāstviti hariḥ prāha varaṃ madvriyatāmiti || 91 ||
[Analyze grammar]

ityuktastaṃ hariḥ prāha mama tvaṃ vāhanaṃ bhava |
syaṃdanopari ketuśca mama tvaṃ vinatāsuta || 92 ||
[Analyze grammar]

tathāstviti khagopyāha kamalāpatimacyutam |
hṛtāmṛtaṃ khagaṃ śrutvā tata ākhaṃḍalo javāt || 93 ||
[Analyze grammar]

abhidrutyāśu kuliśaṃ pakṣe cikṣepa pakṣiṇaḥ |
tato vihasya garuḍaḥ pākaśāsanamabravīt || 94 ||
[Analyze grammar]

kuliśasya nipātānme na hare kāpi vedanā |
saphalo vajrapātaste bhūyācca suranāyaka || 95 ||
[Analyze grammar]

itīrayanpatramekaṃ vyasṛjatpakṣatastadā |
śobhanaṃ parṇamasyeti suparṇa iti sobha vat || 96 ||
[Analyze grammar]

tasminsuparṇe hemābhe sarve vismayamāyayuḥ |
tatastu garuḍaḥ śakramabravīddvijapuṃgavāḥ || 97 ||
[Analyze grammar]

bhavatā sākamakhilaṃ jagadetaccarācaram |
deveṃdra satataṃ voḍhumamoghā śaktirasti me || 98 ||
[Analyze grammar]

nākhaṇḍalasahasraṃ me raṇe labhyaṃ hare bhavet |
iti bruvāṇaṃ garuḍamabravītpākaśāsanaḥ || 99 ||
[Analyze grammar]

kiṃ te'mṛtena kāryaṃ syāddīyatāmamṛtaṃ mama |
imāṃ sudhāṃ bhavāndadyādyebhyo hi vinatodbhava || 100 ||
[Analyze grammar]

te'dhunā'mṛtapānena jarāmaraṇavarjitāḥ |
asmadbhyo'dhikavīryāḥ syurbādheraṃstridaśāṃstathā || 1 ||
[Analyze grammar]

iti bruvaṃtaṃ devendraṃ garuḍo'pyabravīddvijāḥ |
yatraitatsthāpayiṣyāmi tatrāgatya bhavānidam || 2 ||
[Analyze grammar]

gṛhṇātu jhaṭitītyukto garuḍaṃ prāha vṛtrahā |
prīto'haṃ tava dāsyāmi varaṃ vṛṇu mahāmate || 3 ||
[Analyze grammar]

ityuktavantaṃ garuḍaḥ pākaśāsanamabravīt |
dāsye chalaprayoktāro mama mātuḥ sarīsṛpāḥ || 4 ||
[Analyze grammar]

bhakṣyā bhavaṃtu nityaṃ me pākaśāsana vṛtrahan |
iti teneritaḥ śakastathāstvityavadacca tam || 5 ||
[Analyze grammar]

athāyaṃ garuḍo viprā dhārayannamṛtaṃ yayau |
yāṃtaṃ tamanuyāti sma garuḍaṃ pākaśāsanaḥ || 6 ||
[Analyze grammar]

vegena sa dvijaśreṣṭhāḥ sudhāharaṇakautukī |
māturabhyāśamāgatya sarpānprāha sa pakṣirāṭ || 7 ||
[Analyze grammar]

kuśeṣu nyasyate sarpāssudhaivamadhunā mayā |
snātvā tadbhuṅdhvamamṛtaṃ śucayaḥ susamāhitāḥ || 8 ||
[Analyze grammar]

mokṣo'pi mama mātuḥ syāddāsībhāvāddhi pannagāḥ |
tathāstvityavadansarpā garuḍaṃ vinatāsutam || 9 ||
[Analyze grammar]

muktā tadaiva vinatā dāsībhāvāddvijottamāḥ |
sarpāste'mṛtabhakṣārthaṃ snātuṃ sarve yayustadā || 110 ||
[Analyze grammar]

tasminnavasare śakrastāmādāya sudhāṃ yayau |
snātvāgatya bhujaṃgāste tatrādṛṣṭvā tadā sudhām || 11 ||
[Analyze grammar]

jihvābhirlilihurda rbhāneṣu nyastā sudheti hi |
tadāprabhṛti sarpāṇāṃ jihvā darbhāgrapāṭitāḥ || 12 ||
[Analyze grammar]

dvidhābhavanmuniśreṣṭhā dvijihvāstena te smṛtāḥ |
sudhāsaṃyogato darbhāḥ praya yuśca pavitratām || 13 ||
[Analyze grammar]

mocayitvā ca garuḍo dāsībhāvātsvamātaram |
śaśāpakupitaḥ kadrūṃ chadmanā jitamātaram || 14 ||
[Analyze grammar]

kadrūstvaṃ jananīṃ yanme chalena jitavatyasi |
bhartustvaṃ paricaryāyāmato nārhā bhaviṣyasi || 15 ||
[Analyze grammar]

śaptvaivaṃ garuḍaḥ kadrūṃ prayayau sa yathecchayā |
kadrūśca vinatā cobhe yayaturbharturaṃtikam || 16 ||
[Analyze grammar]

kaśyapo vimukhastatra kadrūṃ kopādathābravīt |
yasmācchalena vinatāṃ kadrūrnirjitavatyasi || 17 ||
[Analyze grammar]

ato matparicaryāyāṃ na yogyāsi durātmike |
striyaṃ vā puruṣaṃ vāpi nārī vā puruṣo'pi vā || 18 ||
[Analyze grammar]

chalādvijayate yo'sau sa mahāpātakī bhavet |
chalādvijayinā sārdhaṃ saṃbhāṣya brahmahā bhavet || 19 ||
[Analyze grammar]

steyī surāpī vijñeyo gurudārarataśca saḥ |
saṃsargadoṣaduṣṭaśca munibhiḥ parikīrtyate || 120 ||
[Analyze grammar]

tvayā saṃbhāṣaṇāddoṣo mama syānnarakapradaḥ |
tasmātprayāhi kadrūstvaṃ matsamīpāddhi dāruṇe || 21 ||
[Analyze grammar]

chalajetrā sapaṃktau yo bhuṃjīta manujo bhuvi |
tena saṃbhāṣaṇātsadyaḥ pateddhi narakārṇave || 22 ||
[Analyze grammar]

vilokya cchalajetāraṃ tasya pāpasya śāṃtaye |
ādityaṃ vā jalaṃ vāpi pāvakaṃ vā vilokayet || 23 ||
[Analyze grammar]

chalajetā yatra tiṣṭhedāśrame'pi gṛhe'pivā |
vastavyaṃ na hi tatrānyairvasannarakamaśnute || 24 ||
[Analyze grammar]

ato niryāhi niryāhi mama tvaṃ dṛṣṭimārgataḥ |
svāśramātsaralāmenāṃ vinatāṃ jitavatyasi || 25 ||
[Analyze grammar]

iti dhikkṛtya sahasā kadrūṃ tāṃ kaśyapastadā |
vinatāṃ svacchaśīlāṃ tāṃ svīcakāra mahāmatiḥ || 26 ||
[Analyze grammar]

kadrūritthaṃ saparuṣaṃ kathitā kaśyapena sā |
rudaṃtī bhṛśaduḥkhārtā pādayostasya cāpatat || 27 ||
[Analyze grammar]

patitāṃ pādayordṛṣṭvā kaśyapo munipuṃgavaḥ |
na jagrāhaiva kadrūṃ tāṃ smaranpāpaṃ tayā kṛtam || 28 ||
[Analyze grammar]

tataḥ praṇamya vinatā kaśyapaṃ vākyamabravīt |
bhagavanbhaginīmenāṃ svīkuruṣva kṛpānidhe || 29 ||
[Analyze grammar]

ajñānānmugdhayā pāpaṃ kadrvā yadadhunā kṛtam |
kṣaṃtumarhasi tatsarvaṃ dayāśīlā hi sādhavaḥ || 130 ||
[Analyze grammar]

jananyā garuḍasyaiva kathitaḥ kaśyapo muniḥ |
uvāca vinate naināṃ vinā pāpasya niṣkṛtim || 31 ||
[Analyze grammar]

grahīṣyāmi durācārāṃ tristvāṃ śapathayāmyaham |
kaśyapasya vacaḥ śrutvā vinatā punarabravīt || 32 ||
[Analyze grammar]

bhaginyā mama pāpasya brahmaṃstvaṃ brūhi niṣkṛtim |
yeneyaṃ paricaryāyāṃ tava yogyā bhaviṣyati || 33 ||
[Analyze grammar]

tayaivamudito viprā mārīcaḥ kaśyapastadā |
dhyātvā muhūrtaṃ manasā paścādidamabhāṣata || 34 ||
[Analyze grammar]

dakṣiṇāṃbunidhestīre phullagrāme vimuktide |
asti kṣīrasaronāma tīrthaṃ pāpavināśanam || 65 ||
[Analyze grammar]

tattīrthasnānamātreṇa doṣaścāsyā vinaśyati |
prāyaścittāyutenāpi tattīrthe majjanaṃ vinā || 36 ||
[Analyze grammar]

na naśyatyeṣa doṣo 'syāstadeṣā yātu tatsaraḥ |
bhartraivamudite kadrūstaṃ praṇamya dvijottamam || 37 ||
[Analyze grammar]

tatkṣaṇātprayayau kṣīraṃ saraḥ putrasahāyinī |
sā kadrūḥ putra sahitā gatvā katipayairdinaiḥ || 38 ||
[Analyze grammar]

prāpya kṣīrasaraḥ puṇyaṃ prayatā vijiteṃdriyā |
sasnau niyamapūrvaṃ ca saṃkalpya kṣīrakuṃḍake || 39 ||
[Analyze grammar]

upoṣya tridinaṃ sasnau tasminkṣīrasarojale |
caturthe divase tasyāṃ kurvatyāṃ snānamādarāt |
adehā vyomagāvāṇī samuttasthau dvijottamāḥ || 140 ||
[Analyze grammar]

aśarīriṇyuvāca |
kadrūstvaṃ majjanādatra cchalajetṛtvadoṣataḥ || 41 ||
[Analyze grammar]

vimuktā bhartṛśuśrūṣāyogyā cāsi na saṃśayaḥ |
śāpopi garuḍoktaste layaṃ yāto'tra majjanāt || 42 ||
[Analyze grammar]

gaccha bhartṛsakāśaṃ tvaṃ so'pi tvāṃ svīkariṣyati |
ityuktvā virarāmātha vyomavāgaśarīriṇī || 43 ||
[Analyze grammar]

tasyai vāce namaskṛtya kadrūḥ sā prītamānasā |
tīrthaṃ pradakṣiṇīkṛtya natvā putrasamanvitā || 44 ||
[Analyze grammar]

prayayau bharturabhyāśaṃ tacchuśrūṣaṇakautukāt |
āgatātāṃ samālokya snātāṃ kṣīrasarojale || 45 ||
[Analyze grammar]

jñātvā vidhūtapāpāṃ ca kaśyapaḥ sa samādhinā |
aṃgīcakāra patnīṃ tāmātmaśuśrūṣaṇoci tām || 46 ||
[Analyze grammar]

evaṃ vaḥ kathitaṃ viprāḥ kadrūpāpavimokṣaṇam |
majjanānmuktidaṃ puṃsāṃ puṇye kṣīrasarojale || 47 ||
[Analyze grammar]

yaḥ śṛṇotīmamadhyāyaṃ paṭhate vāpi mānavaḥ |
sa kṣīrakuṃḍasnānasya labhate phalamuttamam || 48 ||
[Analyze grammar]

aśvamedhādiyajñānāṃ samagraṃ phalamaśnute |
gaṃgādisarvatīrtheṣu sa snāto bhavati dhruvam || 49 ||
[Analyze grammar]

yaḥ paṭhedimamadhyāyaṃ kṣīrakuṃḍapraśaṃsanam |
gosahasrapradātṝṇāṃ prāpnotyavikalaṃ phalam || 150 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe setumāhātmye kṣīrakuṃḍapraśasāyāṃ kadrūkṛtacchaladoṣaśāṃtikathāvarṇanaṃnāmāṣṭatriṃśo'dhyāyaḥ || 38 ||
[Analyze grammar]