Chapter 3

[English text for this chapter is available]

nārada uvāca |
yo martyo dvijavaryāya paryaṃkaṃ tu dadāti hi |
yatra svasthaḥ sukhaṃ śete śītānilaniṣevitaḥ || 1 ||
[Analyze grammar]

dharmasādhanabhūte hi dehe nairujyamāpnute |
taṃ dattvā sakalaṃ tāpaṃ nirasya gatakalmaṣaḥ || 2 ||
[Analyze grammar]

akhaṇḍapadavīṃ yāti yogināmapi durlabhām |
vaiśākhe gharmataptānāṃ śrāntānāṃ tu dvijanmanām || 3 ||
[Analyze grammar]

dattvā śramāpahaṃ divyaṃ paryaṃkaṃ manujeśvara |
na jātu sīdate loke janmamṛtyujarādibhiḥ || 4 ||
[Analyze grammar]

gṛhītvā brāhmaṇo yatra śete cājīvamāsthitaḥ |
āsīne sakalaṃ pāpaṃ jñānato'jñānataḥ kṛtam || 5 ||
[Analyze grammar]

vilayaṃ yāti rājeṃdra karpūra iva cāgninā |
śayane brahmanirvāṇaṃ sa naro yāti niścitam || 6 ||
[Analyze grammar]

yo dadyātkaśipuṃ māse vaiśākhe snānavallabhe |
sarvabhogasamāyuktastasminneva hi janmani || 7 ||
[Analyze grammar]

sānvayo vartate nūnaṃ rogādibhiranāhataḥ |
āyuṣyaṃ paramārogyaṃ yaśo dhairyaṃ ca viṃdati || 8 ||
[Analyze grammar]

nādhārmikaḥ kule tasya jāyate śatapauruṣam |
bhuktvā tu sakalānbhogāṃstataḥ pañcatvameṣyati || 9 ||
[Analyze grammar]

nirdhūtākhilapāpastu brahmanirvāṇamṛcchati || śro |
triyāya dvijeṃdrāya yo dadyādupabarhaṇam || 10 ||
[Analyze grammar]

sukhaṃ nidrā vinā yena na nṛṇāṃ jāyate kvacit |
sarveṣāmāśrayo bhūtvā bhuvi sāmrājyamaśnute || 11 ||
[Analyze grammar]

punaḥ sukhī punarbhogī punardharmaparāyaṇaḥ |
āsaptajanma rājeṃdra jāyate sarvato jayī || 12 ||
[Analyze grammar]

paścātsaptakulairyukto brahmabhūyāya kalpate |
tārṇaṃ kaṭaṃ tu yo dadyātkaṭamanyadathāpi vā || 13 ||
[Analyze grammar]

tatra śete svayaṃ viṣṇuryatrasthaḥ parameśvaraḥ |
yathā jalagatā corṇā na jalairbhidyate kvacit || 14 ||
[Analyze grammar]

tathā saṃsārago jantuḥ saṃsāre na ca badhyate |
āsane śayane saktaḥ kaṭadaḥ sarvataḥ sukhī || 15 ||
[Analyze grammar]

praśraye śayanārthāya yo dadyātkaṭakaṃbalam |
tāvanmātreṇa muktaḥ syānnātra kāryā vicāraṇā || 16 ||
[Analyze grammar]

nidrayā hīyate duḥkhaṃ nidrayā hīyate śramaḥ |
sā nidrā kaṭasaṃsthasya sukhaṃ saṃjāyate dhuvam || 17 ||
[Analyze grammar]

yo dayātkaṃbalaṃ rājanvaiśākhe mādhavā'game |
apamṛtyoḥ kālamṛtyormukto jīvati vai śatam || 18 ||
[Analyze grammar]

dadyādvastraṃ sūkṣmataraṃ dvijeṃdre gharmakarśite |
pūrṇamāyuḥ samāpnoti paratra ca parāṃ gatim || 19 ||
[Analyze grammar]

atastāpaharaṃ divyaṃ karpūraṃ tu dvijātaye |
dattvā mokṣamavāpnoti duḥkhaśāṃtiṃ ca viṃdati || 20 ||
[Analyze grammar]

kusumāni ca yo dadyātkukumaṃ ca dvijātaye |
sārvabhaumo bhavedrājā sarvalokavaśaṃkaraḥ || 21 ||
[Analyze grammar]

putrapautrādibhogāṃśca bhuktvā mokṣamavāpnuyāt |
tvagasthigatasaṃtāpaṃ sadyo harati candanam || 22 ||
[Analyze grammar]

tāpatrayavinirmuktastaddattvā mokṣamāpnuyāt |
auśīraṃ cāṣakaṃ kauśaṃ yo dadyājjalavāsitam || 23 ||
[Analyze grammar]

sarvabhogeṣu rājeṃdra sa tu devasahāyavān |
pāpahāniṃ duḥkhahāniṃ prāpya nirvṛtimāpnuyāt || 24 ||
[Analyze grammar]

gorocaṃ mṛganābhiṃ ca dadyādvaiśākhadharmavit |
tāpatrayavinirmuktaḥ paraṃ nirvāṇamṛcchati || 25 ||
[Analyze grammar]

tāṃbūlaṃ ca sakarpūraṃ yo dadyānmeṣage ravau |
sārvabhaumasukhaṃ bhuktvā paraṃ nirvāṇamṛcchati || 26 ||
[Analyze grammar]

śatapatrīṃ ca yūthīṃ ca meṣamāse dadannaraḥ |
sa sārvabhaumo bhavati paścānmokṣaṃ ca viṃdati || 27 ||
[Analyze grammar]

ketakīṃ mallikāṃ vā'pi yo dadyānmādhavā'game |
sa tu mokṣamavāpnoti madhuśāsanaśāsanāt || 28 ||
[Analyze grammar]

pūgīphalaṃ tu yo dadyātsugandhaṃ tu dvijātaye |
nārikelaphalaṃ rājaṃstasya puṇyaphalaṃ śṛṇu || 29 ||
[Analyze grammar]

sapta janma bhavedvipro dhanāḍhyo vedapāragaḥ |
paścātsaptakulairyukto viṣṇulokaṃ sa gacchati || 30 ||
[Analyze grammar]

viśrāmamaṇḍapaṃ yastu kṛtvā dadyāddvijanmane |
tasya puṇyaphalaṃ vaktuṃ nāhaṃ śaknomi bhūpate || 31 ||
[Analyze grammar]

succhāyāmaṇḍapaṃ yastu sikatā'kīrṇamañjasā |
saprapaṃ kārayedyastu sa tu lokādhipo bhavet || 32 ||
[Analyze grammar]

mārgodyānaṃ taḍāgaṃ vā kūpaṃ maṇḍapameva ca |
yaḥ karoti sa dharmātmā tasya putraistu kiṃ phalam || 33 ||
[Analyze grammar]

kūpastaḍāgamudyānaṃ maṇḍapaṃ ca prapā tathā |
saddharmakaraṇaṃ putraḥ saṃtānaṃ saptadhocyate || 34 ||
[Analyze grammar]

eteṣvanyatamābhāve nordhvaṃ gacchaṃti mānavāḥ |
sacchāstra śravaṇaṃ tīrthayātrā sajanasaṃgatiḥ || 35 ||
[Analyze grammar]

jaladānaṃ cānnadānamaśvatthāropaṇaṃ tathā |
putraśceti ca saṃtānaṃ sapteme'tivido viduḥ || 36 ||
[Analyze grammar]

nāsaṃtatirlabhellokānkṛtvā dharmaśatānyapi |
tasmātsaṃtānamanvicchetsaṃtāneṣvekato vrajet || 37 ||
[Analyze grammar]

paśūnāṃ pakṣiṇāṃ caiva mṛgāṇāṃ caiva bhūruhām |
nordhvalokaṃ sukhaṃ yāti manuṣyāṇāṃ tu kā kathā || 38 ||
[Analyze grammar]

pūgīphalasamāyuktaṃ nāgavallīdalairyutam |
kapūrāgurusaṃyuktaṃ dadattāṃbūlamuttamam || 39 ||
[Analyze grammar]

śārīraiḥ sakalaiḥ pāpairmucyate nātra saṃśayaḥ |
tāṃbūlado yaśo dhairyaṃ śriyamāpnoti niścitam || 40 ||
[Analyze grammar]

rogī dattvā virogaḥ syādarogī mokṣamāpnuyāt |
vaiśākhe māsi yo dadyāttakraṃ tāpavināśanam || 41 ||
[Analyze grammar]

vidyāvāndhanavānbhūmau jāyate nātra saṃśayaḥ |
na takrasadṛśaṃ dānaṃ gharmakāleṣu vidyate || 42 ||
[Analyze grammar]

tasmāttakraṃ pradātavyamadhvaśrāṃtadvijātaye |
jaṃbīrasurasopetaṃ lasallavaṇamiśritam || 43 ||
[Analyze grammar]

yastakramarucighnaṃ tu dattvā mokṣamavāpnuyāt |
yo dadyāddadhikhaṃḍaṃ tu vaiśākhe gharmaśāṃtaye || 44 ||
[Analyze grammar]

tasya puṇyaphalaṃ vaktuṃ nāhaṃ śaknomi bhūmipa |
yo dadyāttaṃḍulāndivyānmadhusūdanavallabhe || 45 ||
[Analyze grammar]

sa labhetpūrṇamāyuṣyaṃ sarvayajñaphalaṃ labhet |
yo ghṛtaṃ tejaso rūpaṃ gavyaṃ dadyāddvijātaye |
so'śvamedhaphalaṃ prāpya modate viṣṇumaṃdire || 46 ||
[Analyze grammar]

urvāruguḍasaṃmiśraṃ vaiśākhe meṣage ravau |
sarvapāpavinirmuktaḥ śvetadvīpe vaseddhruvam || 47 ||
[Analyze grammar]

yaścekṣudaṃḍaṃ sāyāhne divā tāpopaśāntaye |
brāhmaṇāya ca yo dadyāttasya puṇyamanaṃtakam || 48 ||
[Analyze grammar]

vaiśākhe pānakaṃ dattvā sāyāhne śramaśāntaye |
sarvapāpavinirmukto viṣṇoḥ sāyujyamāpnuyāt || 49 ||
[Analyze grammar]

saphalaṃ pānakaṃ meṣamāse sāyaṃ dvijātaye |
dadyāttena pitṝṇāṃ tu sudhāpānaṃ na saṃśayaḥ || 50 ||
[Analyze grammar]

vaiśākhe pānakaṃ cūtasupakvaphalasaṃyutam |
tasya sarvāṇi pāpāni vināśaṃ yāṃti niścitam || 51 ||
[Analyze grammar]

yo dadyāccaitradarśe tu kumbhaṃ pūrṇaṃ tu pānakaiḥ |
gayāśrāddhaśataṃ tena kṛtameva na saṃśayaḥ || 52 ||
[Analyze grammar]

kastūrī karpuropetaṃ mallikośīrasaṃyutam |
kalaśaṃ pānakaiḥ pūrṇaṃ caitradarśe tu mānavaḥ |
dadyātpitṝnsamuddiśya sa ṣaṇṇavatido bhavet || 53 ||
[Analyze grammar]